Connect with us

تازه خبرونه

ولسمشر د برښننایيِ تذکرو د وېش بهیر پیل کړ؛ خو اجرائیه رییس یې پرېکړه نامشروع وګڼله

Ariana News

خپور شوی

 په

(Last Updated On: May 3, 2018)

ولسمشر محمد اشرف غني د پنجشنبې پر ورځ د(غویی ۱۳) په کابل کې د لومړنۍ برښنايي پېژندپاڼې په ترلاسه کولو د دغو تذکرو د وېش لړۍ په رسمي بڼه پیل کړه؛ خو د حکومت اجرائیه رییس عبدالله عبدالله یې پرېکړه نامشروع وګڼله.

د کورنیو چارو وزارت اړوند د تذکرو د وېش په یوه مرکز کې له ولسمشر سره د لومړۍ میرمنې په ګډون ګڼو لوړپوړیو دولتي چارواکو نن خپلې برښنايي پېژندپاڼې ترلاسه کړې.

ولسمشر غني د برښنايي پېژندپاڼې اخیستو پر مهال وویل،‌ په یوویشتمه پېړۍ کې حکومتولي، اقتصادي وده او خدمتونه وړاندې کول له معلوماتو پرته نه ترسره کېږي. په الکترونیکي تذکرو دغو آسانتیاوو ته رسیدای شو.

 هغه په بشپړ ډاډ څرګنده کړې: ډېر امکان شته، چې ځانمرګي بریدګر جعلي تذکره ولري. زما لپاره تر ټولو مهمه پرېکړه د وګړیو د امنیت خوندیتوب دی. باید پوه شو، چې څوک افغان دی.

ښاغلي غني دا هم وویل، د دې تذکرو پر مټ به افغانان د نړۍ له معیارونو سره خوا پخوا روان شي، دا به د جعلي تذکرو د ترلاسه کولو او په ډېرو مواردو کې د ناامنۍ مخه ونیسي.

ولسمشر غني په خپل فیسبوک کې په ډاګه کړې، چې: زه نن په ډېر ویاړ او په څو مهمو دلیلونو د افغان تابعیت تذکره اخلم:

 زه تذکره؛ ځکه اخلم، چې زه امنیت غواړم. په ګاونډ کې د خپل او پردي معلومول زمونږ د فرهنګ د شفافیت برخه ده. مهاجرت، د نفوسو زیاتوالي او جنګي ډلو دا شفافیت متضرر کړی. اوس بې مسوولیته وګړي په آسانه زمونږ او تاسې ټولنې ته نفوذ کوي او په مونږ کې ځان پټوي. تذکره به د معصومو افغانانو په منځ کې د مجرمانو د پټیدلو مخه ونیسي.

 زه تذکره؛ ځکه اخلم، چې زه اقتصادي رفاه غواړم. په اقتصاد کې پلانجوړونه د معلوماتو پر اساس کېږي، په یوه ملي ټولنه کې باید د هر وګړي عمر، جنسیت او موقعیت معلوم وي، چې هر وګړي ته د هغه د غوښتنو او ضرورتونو پر اساس، د هغه تر درشله پورې اقتصادي خدمات ورسېږي.

 زه تذکره؛ ځکه اخلم، چې زه عدالت او ټولنیز حقونه غواړم. زه به عدالت او ټولنیز حقوق هغه وخت ترلاسه کړای شم، چې په ټولنه کې زما شتون، هویت او موقعیت تشخیص وي او زه او ټولنه مې د هغو پر اساس د یوه او بل حقونه او وجایب وپېژنو.

زه د خپلې تذکرې په اخیستلو، د هېواد د ښې راتلونکي لپاره، دا لوی ملي پروګرام پیلوم او د افغانستان په ګوټ ګوټ کې له هر افغان وګړي غوښتنه کوم، چې تذکره واخلي او د دې مهمې ملي پروسې ملاتړ وکړي.

نوموړي د برښنايي تذکرې اخیستو پرمهال وویل، پخوانۍ کاغذي تذکرې به هم تر هغو د باور وړ او وېشل به یې روان وي، چې د الکترونیکي تذکرو لړۍ ټول هېواد ته غزول شوې نه وي.

ولسمشر غني لومړنی افغان شو، چې برښنايي پېژندپاڼه یې ترلاسه کړه.

نننیو مراسمو ته، چې عبدالله عبدالله نه و ورغلی، د ولسمشر دوه یم مرستیال سرور دانش، د ولسي جرګې مشر عبدالرؤف ابراهیمي، د مشرانو جرګې مشر فضل هادي مسلمیار او د پارلمان ګڼ نور غړي او چارواکي ورغلي وه او الکترونیکي تذکرې یې ترلاسه کړې.

درې میاشتې وړاندې کله، چې د پېژندپاڼو د اخیستو لپاره نوم لیکنې کیدې اجرائیه مشرداکتر عبدالله عبدالله له دې بهیر سره مخالفت ښودلی و او د پېژندپانو د وېش د بهیر د ځندیدو غوښتنه یې کړې وه. نوموړي ویلي وه، چې د پېژندپانو په وېش کې ملی اجماع ته اړتیا ده، چې ټول باید ورسره موافق او یوه خوله وي.

ښاغلي عبدالله عبدالله د ولسمشر د برښنایي تذکرو د اخیستو سره همهاله یوې خبري ناستې ته څرګند شو او د ولسمشر غني پرېکړه یې نامشروع وګڼله.

ښاغلي عبدالله یو ځل بیا ټینګار وکړ، چې په دې پرېکړه کې ملي ګټو ته درناوی نه دی شوی او د حکومت په کچه په دې اړه هم هوکړه نه ده رامنځته شوې؛ خو ، ځکه دا بې بنسټه پرېکړه یو( بحران ته بلنه) ده.

نوموړي دا هم زیاته کړې؛ هره پرېکړه، چې له حکومت سره پرې خبرې نه وي شوي مشروعیت نلري.

د حکومت د اجرائیه رییس په وینا؛ ولسمشر غني د ورځني سیاست یا کوم بل دلیل تر اغېز لاندې راغلی او دا پرېکړه یې د افغانستان له امنیت سره مرسته نشي کولی.

د افغانستان د وګړیو د احوال ثبتولو قانون په ۲۰۱۴ کال کې د ولسمشر محمد اشرف غني لخوا توشيح شو؛ خو دا، چې د دې قانون له مخې په پېژندپاڼه کې د ملت او قوم نومونه نه لیکل کیدل ځینې اعتراضونه یې راوپارول، نو د حکومت لخوا وروسته سترې محکمې ته د تفسیر لپاره وړاندې شو.

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading

تازه خبرونه

ناتو تر ۲۰۲۴ کال پورې له افغان ځواکونو د مالي ملاتړ ډاډ بیا تکرار کړ

Ariana News

خپور شوی

په

توسط

(Last Updated On: October 19, 2020)

د دوشنبې پر ورځ په یوه خپره شوې اعلامیه کې ناتو څرګنده کړې، چې د افغانستان د ملي اردو د وجهي صندوق بورد په خپله عمومي غونډه کې له افغان امنیتي ځواکونو څخه د مالي ملاتړ پر پلي کولو بیاکتنه کړې ده.

د دوی د څرګندونو له مخې؛ د دې سازمان غړیو د ۲۰۲۱ کال لپاره له افغان ځواکونو سره پخپلې مالي مرستې بحث او خبرې وکړې او د ۲۰۲۴ کال پورې به له افغان امنیتي ځواکونو سره د مالي مرستې چمتو کولو په اړه خپلې ژمنې تکرار کړي.

د ناتو عمومي منشي ینس ستولتنبرګ په دې ناسته کې ویلي؛ د نن ورځې ژمنې هغه ډاډ پیاوړی کړو، چې  له ۲۰۲۰ کال وروسته به له افغان امنیتي ځواکونو سره زموږ مالي ملاتړ هم روان وساتل شي.

نوموړي زیاته کړې؛ له افغان ځواکونو سره د نړیوالې مرستې د وجهي صندوق د جوړیدو له ورځې د ۲۰۲۰ کال تر اکتوبر تر ۵ ټوله مرسته ۳.۲ میلیارد ډالرو ته رسيږي.

د ناتو تر مشرۍ لاندې د افغانستان د ملي اردو وجهي صندوق په ۲۰۰۷ کال کې جوړ شوی دی. دې مرستو د تمویل، تجهیز او وړتیاوو د رامنځته کولو په ګډون د افغان ځواکونو په مسلکي روزنې، سواد او پوځي زدکړو او اړوند نورو هڅو د تمویلولو او د افغان امنیتي ځواکونو په اغیزمنتوب، ودې او پایښت کې بنسټیز رول لوبولی دی.

دغه  وجهي صندوق د نړیوالې ټولنې لخوا د مرستې لپاره خلاص شوی دی.

دا د هغو درې تمویل کوونکیو څخه یو دی، چې د نړیوالې ټولنې لخوا د افغانستان امنیتي ځواکونو او بنسټونو ته د مالي مرستې ورکولو لپاره کارول کیږي.

نور دوه بنسټونه د افغانستان لپاره د قانون او نظم وجهي صندوق (ال او تی اف ای) د ملګرو ملتونو پراختیايي پروګرام او بل د افغانستان لپاره د امریکا د امنیتي ځواکونو وجهي صندوق ( ای اس اف اف) دی.

Continue Reading

تازه خبرونه

په نړۍ کې پر کرونا د اخته کسانو شمېر له ۴۰ میلیون پورته شو

Ariana News

خپور شوی

په

توسط

(Last Updated On: October 19, 2020)

رویترز څرګنده کړې؛ داسې ښکاري، چې د ژمي له راتلو سره په شمالي نیمه کره کې د کورونا ویروس یو ځل په چټکۍ مخ پر خپریدو شوی دی.

کارپوهان پدې باور دي، چې په ځینو هېوادونو کې که څه هم د مړینې او ناروغیو د پوره آزموینې او بشپړ راپور  ناشونی دیګ خو بیاهم یې شمېر خورا ډېر دی.

د رویترز موندنې ښیي، چې دغه ناروغي چټکه خپریږي؛ ځکه، چې په ۳۲ ورځو کې پر دې ویروس د اخته کسانو شمېر له ۳۰ میلیون څخه ۴۰ میلیون ورسیده. په داسې حال کې، چې په ۳۸ ورځو کې له ۲۰ میلیون څخه ۳۰ میلیون ته، له ۱۰ میلیون څخه تر ۲۰ میلیونو پورې په ۴۴ ورځو کې او د چین په اوهان ښار کې د دفه ویروس له رامنځته کیدو درې میاشتې وروسته پر دغه ویروس د اخته کسانو شمېر ۱۰ میلایون ته رسیدلی دی.

امریکا، هندوستان او برازیل اوس هم په نړۍ کې ترټولو اغېزمن شوي هېوادونه دي.

Continue Reading
Advertisement

Trending