Connect with us

تازه خبرونه

ولسمشر غني وسلوال طالبان ټاکنو او مناظرې ته راوبلل

Avatar

خپور شوی

 په

(Last Updated On: غبرګولى ۷, ۱۳۹۷)

افغان ولسمشر اشرف غني، چې نن خوست ته تللی و، سلګونه کسانو ته یې په وینا کې وسلوال طالبان سولې ته راوبلل او دغه راز یې بلنه ورکړه، چې په ټاکنو کې دې برخه واخلي او مناظرې ته هم ورسره چمتو دی.

افغان ولسمشر د دو شنبې پر ورځ( د وري ۲۰) خوست ته د سفر پرمهال د یو شمېر مهمو پروژو د پرانستې ترڅنګ نن مازدیګر د سلګونه خوستیانو یوې غونډې ته وینا وکړه.

ولسمشر غني یو ځل بیا ټینګار وکړ، چې د ولسي جرګې، ولسوالیو شورګانو او بل کال ته د ولسمشرۍ ټاکنې به پخپل وخت او رڼې ترسره شي.

ولسمشر غني دغه راز په ډاګه کړې، چې: د سولې په اړه یې د نړۍ په کچه بي ساری وړاندیز کړی؛ طالبان دې په ټاکنو کې برخه واخلي او قدرت دې ترلاسه کړي.

هغه دغه راز طالبانو ته بلنه ورکړه، چې مناظرې ته دې ورسره حاضر شي.

افغان ولسمشر غني، چې په وینا یې د سولې په اړه  رښتیني اراده لري؛ وایي: د دښمن بریدونه به مې له دې لارې را ونګرځوي. ان که سر مې هم په کې ولاړ شي.

افغان ولسمشر دغه راز خوستیان له دې کبله وستایل، چې تل یې په ملي پروګرامونو کې برخه اخیستې ده.

ښاغلي غني وویل، له خوست قرضداره دی او د واکمنۍ پر وروستي کال به ټولې غوښتنې عملي کوي.

افغان ولسمشر د دغه ولایت د ځغاستلیکې د پرانستې تر څنګ نورې رغنیزې پروژې هم اعلان کړې او وایي، چې د خوست او پکتیا ولایتونو ترمنځ د دوه یم سړک بودجه هم ځانګړې شوې او ژر به یې کار پیل شي.

دا په داسې حال کې ده، چې د خوست یو شمېر اوسیدونکیو، عالمانو او مشرانو د ولسمشر سفر نمایشي بللی.

دوی وايي،  ولسمشر له دوی سره د خپلو ژمنو په عملي کولو کې پاتې راغلی او د ولسمشرۍ په تېرو  ټاکنو کې ورسره شوې ژمنې یی عملي نه شوې نه دي.

خبریال: فریدالله ظاهر

تازه خبرونه

سټیفانو پونټیکورو په افغانستان کې د ناټو د ملکي استازي په توګه وټاکل شو

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

ناتو په ډاګه کړې، چې ایټالیاوي سټیفانو پونټیکورو په افغانستان کې نن د جون پر لومړۍ نېټه په رسمي بڼه د ناټو د ملکي چارو د نوي سفیر په توګه دنده پیل کړه.

د ناټو عمومي منشي ینس سټولټنبرګ څرګنده کړې، چې زه د افغانستان د راتلونکي لپاره په دې حساس وخت کې له هغه سره کار کولو ته د زړه له کومي چمتو یم.

د دغه بنسټ د څرګندونو له مخې؛ ښاغلی پونټیکورو به د ناټو په مشرۍ له غوڅ ملاتړ ماموریت سره د افغان ملي ځواکونو د روزنې او مشورې په اړه کار او مرسته کوي.

 

دغه راز هغه به په افغانستان کې د ناټو له عمومي منشي او شمالي اتلانتیک شورا سره  د خپلو متحدینو د هڅو او افغان ملګرو د اړیکو په اړه هم کار کوي.

په خبرپاڼه کې راغلي: هغه به د افغان حکومت له لوړ پوړیو غړیو، افغان چارواکو او نورو نامتو ملي او سیمه ییزو مشرانو سره په اړیکه کې هم وي. هغه به له نړیوالې ټولنې، د افغانستان مدني ټولنې او نادولتي بنسټونو او سازمانونو له استازیو سره هم اړیکې ټینګوي.

هغه له دې مخکې په پاکستان کې د ایټالیا سفیر، د افغانستان په ګډون د ناټو په سیاسي او نظامي چارو کې د ایټالیا د دفاع وزیر ډیپلوماټیک سلاکار او په لندن او مسکو کې د ایټالیا د سفارت د ماموریتونو د مرستیال په توګه دنده ترسره کړې.

د یادونې ده، چې له ده مخکې بریتانیاوي نیکولایس کي د ۲۰۱۹ میلادي کال له مارچه په افغانستان کې د  ناټو د ملکي استازي په توګه دغه دنده ترسره کړې ده.

 

Continue Reading

تازه خبرونه

د کاپیسا ولایت د ترافیکو آمر ترور شو

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د کاپیسا ولایت امنیتي چارواکو ویلي، چې د دې ولایت د ترافیکو آمر د ناڅرګندو وسلوالو پر ډزو ووژل شو.

د کاپیسا پولیسو ویاند شایق شورش څرګنده کړې، چې د ترافیکو آمر سید منیر نن دوشنبه د غبرګولي ۱۲ د سهار پر اته بجو د دې ولایت د مرکز سید خان کلا  په اړوند سیمه کې د ناڅرګندو وسلوالو لخوا ووژل شو.

شورش دغه پېښه ترورستي ګڼلې او څرګندوي، چې په دې اړه پلټنې روانې دي.

تر دې دمه هیچا د پېښې پړه پر غاړه نده اخیستې.

Continue Reading

تازه خبرونه

د افغانستان د فوټبال لوبډلې پخوانی ورساتونکی له کرونا ویروسه ومړ

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د افغانستان د فوټبال لوبډلې پخوانی ورساتونکی صادق ابراهیمي، چې پر کرونا ویروس اخته شوی و مړ شوی دی.

د صادق ابراهیمي ورور د هغه مړینه منلې او وایي، چې ارواښاد له کرونا ویروسه مړ شوی دی.

ارواښاد په  ۲۰۰۲ او ۲۰۰۷ کلونو تر منځ د هېواد د فوټبال ملي لوبډلې د ورساتونکي دنده تر سره کړې ده.

هغه د  ۲۰۰۲ کال د جنوبي  کوریا د بوسان په آسیایي او په ۲۰۰۵  کال کې د بنګلدېش او ترکمنستان سره په لوبو کې د افغانستان د ملي لوبډلې ملتیا لرله.

دا په داسې حال کې ده، چې د افغانستان د فوټسال ملي لړبډلې ورساتونکی علی رضا قرباني هم همدا اوس پر کرونا ویروس اخته شوی دی.

قرباني پر خپلې فیسبوک پاڼې لیکلي، چې له کرونا ویروس سره یې مبارزه روانه ساتلې، کرونا راڅملولی یم … ورسره بې پروایي مکوي.

د یادونې ده، چې تر دې دمه په افغانستان کې ۱۵۲۰۵ کسان پر کرونا ویروس اخته شوي دي.

Continue Reading

Trending