Connect with us

بلخ @ps

ولسمشرۍ ماڼۍ د جمعیت اسلامي وړاندیزونه نه دي منلي

Ariana News

خپور شوی

 په

(Last Updated On: December 21, 2017)

د جمعیت اسلامي غړیو ولسمشرۍ ماڼۍ ته د بلخ د پخواني والي عطا محمد نور د استعفا په بدل کې د وړاندیزونو یو نوملړ سپارلی؛ خو ولسمشر نه دی منلی.

ولسمشرۍ ماڼۍ نور ښه نه ګڼي، چې عطا محمد نور د بلخ والي وي؛ خو جمعیت اسلامي د حکومت د دې پرېکړې په وړاندې دریدلی او ولسمشرۍ ماڼۍ ته د بلخ د ولایت له مقامه د نور د لیرې کیدو په بدل کې د وړاندیزونو یو نوملړ سپارلی، چې باید عملي شي؛ خو ولسمشر د دې شرطونو او وړاندیزونو منلو ته تیار نه دی.

د جمعیت په فرمایش بلخ ته نوی والي غوره شوی او دغه راز دې ګوند د عطا محمد نور د ګوښه کیدو په بدل کې دوه وزارتونه او دوه سفارتونه غوښتي دي؛ خو په دې لړ کې اجرائیه رییس ته جمعیت هیڅ رول په پام کې نه دی نیولی.

دغه ګوند په ډاګه کړې، چې د بلخ د ولایت له مقامه د عطامحمد نور لیرې کیدل له دې سره تړلي، چې شرطونه یې عملي شي.

د آوازو له مخې؛ له حکومت سره سیاسي پریکون هم د جمعیت یو غوراوی دی، چې په میز یې ایښی دی.

د افغانستان د جمعیت اسلامي ګوند غړي حفیظ منصور د پنجشنبې په ورځ آریانا نیوز ته وویل: تر دې دمه حکومت چمتو نه دی، چې د جمعیت اسلامي شرطونه ومني. همدا د جمعیت د ټینګار وړ ټکی دی، چې له دندې څخه د نور د ګوښه کیدو یو شرط، د شرطونو منل دي.

د حکومت د پرېکړې په مخالفت کې د شمال د عامه نظم ځواکونو قومندان او د بلخ مرستیال والي حسیب قریشی له عطا محمد نور ملاتړ اعلام کړی او ویلي یې دي، چې د نور په امر به د حکومت په وړاندې ودریږي.

د ملي دفاع وزارت د ویاند مرستیال محمد رادمنش د عطا محمد نور پلویانو ته خبرداری لري او وايي؛ چېرته، چې د افغانستان ملي ګټې مطرح وي، هلته به ملي دفاع وزارت خپل مسوولیتونه پلي کوي.

تر اوسه د بلخ نوي والي انجنیر داوود دنده نه ده پیل کړې او په دې تمه دی، چې ولسمشرۍ ماڼۍ ورته د  والي په توګه د چارو د پیل امر وکړي؛ خو ولسمشرۍ ماڼۍ لا تر اوسه په دې اړه څه نه دي ویلي.

خبریال: باعث حیات

بلخ @ps

د آسیا پراختیایي بانک د مزارشریف ګازي برښنا پروژې ته پور ور کوي

Ariana News

خپور شوی

په

توسط

(Last Updated On: June 19, 2020)

د آسیا پراختیايي بانک او د افغان برښنا تولیدي شرکت(غضنفر ګروپ) تر منځ د ۱۰ میلیون ډالرو پر ارزښت د پور ورکړه لاسلیک شوه.

د آسیا پراختیايي بانک د څرګندونو له مخې؛ دغه لس میلیون ډالر د پور هغه برخه ده، چې د مزارشریف ګازي برښنا پروژې لپاره د مالي مرستې په توګه په پام کې نیول شوې، چې د کورنیو سرچینو له لارې د دایمي انرژۍ د ترلاسه کولو لپاره وکارول شي.

دا بانک وایي، د افغانستان په خصوصي سکتور کې دا د ګازي برښنا لومړنۍ پروژه ده، چې بودجه یې د مالي پراختیا موسساتو لخوا برابریږي. 

د آسیا پراختیايي بانک څرګندوي؛ دا تر ۲۰۳۰ کال پورې د ستراتیژۍ په نوم د بانک د اوږدې مودې بېخبنایي ستراتیژي ده، چې د افغانستان په جنګي حالاتو کې د خصوصي سکتور له لارې ترې ملاتړ کیږي.

دوی په ډاګه کړې: د آسیا پراختیایي بانک ۱۰ میلیون ډالره نوره قرضه، چې خصوصي بېخبنایي صندوق چمتو کړې هم دې پروژې ته منظوروي. دغه اوږدمهاله پور د افغانستان د مزارشریف په اړوند سیمه کې د۵۸.۵۶ میګاولټه ګازي برښنا د باوري کولو لپاره برابریږي.

د دې بانک د اعلامیې له مخې؛ دا پروژه سره له دې، چې طبعیي ګاز کاروي؛ خو ۸۹ میلیون ډالره لګښت پرې راځي، چې د کال ۴۰۴ میګاولټه ګړۍ انرژي به رامنځته کړي.

د آسیا پراختیایي بانک د بېخبنایي چارو مالي مدیرچکربورټي وایي: دا پروژه مونږ ته ډاډ راکوي، چې له طبیعي ګازو څخه د برښنا تولید به نه یوازې په افغانستان کې د وارداتي برښنا کچه راټيټه کړي، بلکې د انرژۍ امنیت هم ورسره خوندي کیږي.   

هفه زیاته کړې؛ د دې هېواد بریالي کیدل بازار ته یو اړین پیغام رسوي، چې د افغانستان د برښنا صنعت اوس په خصوصي سکتور کې د پانګې جذبولو ته چمتو شوی دي.

 د افغان برښنا تولیدي شرکت( غضنفرګروپ) مشر اسماعیل غضنفر وایي: دا د غضنفر ګروپ په پلان کې لومړنی ګام دی، چې له نړیوالو پراختیایي بانکونو، سیمه ییزو، نړیوالو شرکتونو او افغان حکومت سره د همکارۍ له لارې په افغانستان کې د ۵۰۰۰ میګا ولټه انرژۍ د تولیدي تاسیساتو په جوړولو کې مرسته کوي.

ویل کیږي، چې افغانستان لږ تر لږه ۷۵ سلنه د اړتیا وړ برښنا انرژي له بهره واردوي.

Continue Reading

بلخ @ps

نږدې ۱۰۰۰ کوترې د دانې کموالي له کبله مړې شوي دي – بلخ

Ariana News

خپور شوی

په

توسط

(Last Updated On: June 9, 2020)

د مزار شریف ښار کې د روضې په زیارت کې نږدې زر کوترې د دانې کموالي له کبله تلف شوي دي.

کرونا وبا نه یواځې چې د انسانانو ژوند له ګواښ سره مخ کړی، بلکې مزار شریف ښار کې یې د روضې  کوترو دانه هم پرې کمه کړې، ځکه چې خلک دې ځای ته نه ورځي.

سپینې کوترې چې د آزادي پیبغام رسوي، په مزار شریف ښار کې د هر چا سترګې پرې لګیږي. له کرونا مخکې هره ورځ روضې ته زرګونه کسان ورتلل، او له کوترو یې د لیدنې تر څنګ کوترو ته دانې اچولې.

درې میاشتې کیږي چې د کرونا وبا پراختیا دې ځای ته ورتګ بند کړی دی. همدې چارې د کوترو ژوند له ګواښ سره مخخ کړی، ځکه کوترې دانې نه لري.

د مزار شریف ځینې اوسېدونکي د کرونا وبا له پیلېدو سره سم پر ورځ درې بورۍ غنم او جوار کوترو ته اچوي، وایي، که نور خلک او حکومت دې برخه کې پام ونه کړي، د کوترو حالت به نور هم خراب شي.

د زیارت مسوولین وایي، د روان حالت په اړه یې له سیمه ییزو چارواکو او د ارشا، حج او اوقافو وزارت له مسوولینو سره خبره شریکه کړې، خو تر اوسه یې څېړنه نه ده شوې.

دوي له سوداګرو او خلکو غواړي چې د نورو کوترو د تلف کېدو مخنیوی وکړي.

د کوترو کره شمېره نشته، خو مسوولین وایي، شمېر یې له لس زرو ډېر دی.

Continue Reading

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Ariana News

خپور شوی

په

توسط

(Last Updated On: May 23, 2020)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

Trending

آریانا نیوز: ټول حقونه خوندي دي