Connect with us

سیمه ییز خبرونه

ولسمشر له هیچاه او یا کوم مقام سره د پارلمان د لغو کولو خبرې نه دي کړي- مرتضوي

Ariana News

خپور شوی

 په

(Last Updated On: وری ۵, ۱۳۹۶)

download

ویل کیږي، چې ولسمشر محمد اشرف غني بلخ ولایت ته له سفر مخکې د ولسي جرګې له اداري پلاوي سره په کتنه کې ګواښ کړی، چې ولسي جرګه دې یا د امنیتي  بنسټونو  له استیضاح تېره شي او یا به پر یوه فرمان ملي شورا منحل اعلام کړم.

د ولسي جرګې غړي ټینګار کوي، چې ولسمشر محمد اشرف غني ویلي؛ که افغانستان په یوه ورځ کې هم سقوط وکړي هم راته  توپیر نه کوي.

د جرګې د دغو استازیو په وینا؛ د دفاع او کورنیو چارو وزارتونه او د ملي امنیت لوی ریاست په وروستیو ناامنیو کې په ځانګړي توګه د سردار محممد داوود خان د ۴۰۰ بستریز روغتون په برید کې لاس لري.

ولسمشرۍ دفتر په دې اړه سخت غبرکون څرګند کړی دی.

د ولسمشرۍ سرپرست ویاند سید شاه حسین مرتضوي په ډاګه کړې، چې ولسمشر له هیچاه او یا کوم مقام سره د پارلمان د لغو کولو خبرې نه دي کړي.

د نوموړي د څرګندونو له مخې ، ولسمشر د تېرو دوه کلونو په بهیر کې له ملي شورا سره له دېرش ډېرې ناستې تر سره کړي دي.

هغه زیاته کړې؛ د اساسي قانون او ملي ګټو له مخې د دولت د درې ګونه  قواوو ګډه همکاري کولی شي، چې له روانو ستونزو او کړکیجونو څخه د هېواد په را تېرولو کې مرسته وکړي.

Continue Reading
Advertisement

تازه خبرونه

په هلمند، میدان وردګ او بلخ ولایتونو کې ۳۰ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان دفاع وزارت په ډاګه کړې، چې په هلمند، میدان وردګ او بلخ ولایتونو کې د افغان ځواکونو او طالبانو تر منځ له نښتو لږ تر لږه ۳۰ وسلوال طالبان وژل شوي دي.

د دغه وزارت د خبرپاڼې له مخې؛ تېره شپه وسلوالو طالبانو د هلمند ولایت د ګرشک ولسوالۍ اړوند پر سربند او یخچال او دغه راز د  نادعلي ولسوالۍ د نهربغرا پر امنیتي پوستو بریدونه کړي.

د ۲۱۵ میوند قول اردو، درېیمې پلي لوا جزوتامونو د وسلوالو طالبانو دغو بریدونو ته غاښ ماتونکی ځواب ورکړی دی.

په دې بریدونو کې ۱۸ وسلوال طالبان وژل شوي؛ د ګرشک ولسوالۍ اړوند یخچال او سربند کې ۱۳ وسلوال او د نادعلي ولسوالۍ اړوند نهربغرا کې ۵ وسلوال طالبان وژل شوي دي.

دفاع وزارت دا هم څرګنده کړې، چې د جګړې په ډګر کې د وسلوالو طالبانو ۵ جسدونه پاتې دي او ۳ میله کلاشینکوفونه یې هم  امنیتي ځواکونو لاسته راوړي دي.

همدارنګه د ملي اردو ځواکونو مسلکي پرسونل په سنګین، ناوه او خاشرود ولسوالیو کې ۲۸ کړۍ د وسایطو او پرسونل ضد ماینونه هم کشف او شنډ کړي دي.

دغه راز دفاع وزارت په ډاګه کړې، چې تېره شپه وسلوالو طالبانو د میدان وردګ ولایت د جغتو ولسوالۍ اړوند په محمدقلي سیمه کې هم پر ملي امنيتي ځواکونو ډله ییز برید کړی دی.

دغه برید د ملي امنیتي ځواکونو لخوا له کلک غبرګون او ماتي سره مخ شو.

په دې نښته کې ۹ وسلوال طالبان وژل شوي او يو سراچه ډوله موټر او يو موټرسايکل يې هم له منځه تللي دي.

همدارنګه دفاع وزارت ویلي، چې نن سهار د بلخ ولایت په شولګره ولسوالۍ کې وسلوالو طالبانو د امنیتي او دفاعي ځواکونو پر کاروان برید کړی؛ خو پر شاه وتمبول شول. په دې نښته کې ۳ وسلوال طالبان وژل شوي او ۴ نور ټپیان دي.

دغه راز ویل شوی، چې امنیتي ځواکونو د دې ولسوالۍ په عبدالرحمزي، سرمنګ، قوربقهخانه، اوګلان او حاجي آغا کلیو کې د وسلوالو طالبانو ګواښونه هم له منځه وړي او اړوند سیمې د طالبانو له شتون پاکې شوې دي.

دفاع وزرت په دې نښتو کې د امنیتي ځواکونو له زیانونو څه ندي ویلي.

طالبانو هم تر دې دمه د دغو بریدونو او ځاني زیانونو په اړه څه ندي ویلي.

دا په داسې حا کې ده، چې ملګرو ملتونو په جګړه کې له ښکېلو لوریو غوښتي، چې د سولې خپلمنځي خبرو لپاره اورکم  ومني او ملکي وګړي له روانې مرګ و ژولې وژغوري.

Continue Reading

تازه خبرونه

په هلمند کې د ۶۲ ملکي وګړيو مرګ و ژوبله د افغان ځواکونو د غبرګون پایله ده

Ariana News

خپور شوی

په

توسط

(Last Updated On: چنګاښ ۱۰, ۱۳۹۹)

د بشر حقونو خپلواک کمیسیون د هلمند د سنګین ولسوالۍ د څارویو په بازار کې د لسګونه ملکي وګړیو او څارویو وژل کیدل د طالبانو خلاف د افغان ځواکونو د پوځي ګام پایله بولي.

 د هلمند د سنګین ولسوالۍ د څارویو په بازار کې د تېرې ورځې چاودنو او بریدونو لسګونه ملکیان وژلي او ټپیان کړي؛ په لښکرګاه کې اعتراض کونکي واټونو ته راووتل او قربانیانو ته یې د عدالت غوښتنه راپورته کړه.

د بشر حقونو خپلواک کمیسیون مرستیال نعیم نظري څرګنده کړې؛ د پوځ د غبرګون په پایله کې، چې د طالبانو برید ته یې وښود، اووه ویشت ملکي وګړي وژل شوي او ۳۵ نور ټپیان دي.

د میوند قول اردو قومندان وایي، ملکیان د ملي اردو لخوا قرباني شوي او په سنګین کې تلفات د طالبانو د بریدونو له کبله دي.

طالبانو ویلي، د پوځ د توغندیزو بریدونو له کبله دا تلفات اوښتي دي.

د هلمند اوسیدونکیو په یوه اعتراضي ناسته کې د دې پېښې عاملینو ته د سزا او پېښې د جدي څېړنې غوښتنه وکړه.

دولت طالبان او طالبان بیا دولت په دې قضیه کې ملامتوي.

د بشر حقونو خپلواک کمیسیون مرستیال نعیم نظري ویلي، لومړی طالبانو د پېښې ځای ته له نږدې سیمې پر پوځ برید کړی او د پوځ په غبرګون کې ملکیان قرباني شول. اووه ویشت ملکیان وژل شوي او ۳۵ نورټپیان دي. حکومت باید په دې اړه چټکې څېړنې پیل کړي.

پوځ ویلي، په سنګین کې موټر بم چاودنې او د طالبانو توغندیزو بریدونو ملکیان قرباني کړي دي.

د ۲۱۵ میوند قول اردو قومندان ولي احمد احمدزي ویلي: مونږ هرراز او د هر بنسټ څېړنو ته چمتووالی لرو، چې هر څه ښکاره او په ډاګه شي؛ ځکه دا کار حکومتي ځواکونو ندی کړی، بلکې دا د هغو چاودیدونکیو توکو چاودنه ده، چې هغو(طالبانو) په بازار کې ځای پر ځای کړی وه.

طالبان وایي، د میوند قول اردو دوه یمې لوا د ګنج پر سیمې بریدونه کړي دي.

د هلمند پېښه تر دې دمه واضح شوې نده؛ خو څه، چې ښکاره دي، هغه د بېشمېره ملکي وګړیو مرګ و ژوبله ده، چې د غم ټغر یې په ډېرو کورنیو کې غوړولی دی.

Continue Reading

تازه خبرونه

د هلمند په سنګین ولسوالۍ کې عامو وګړیو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۱۰, ۱۳۹۹)

له سیمي څخه را رسیدلي معلومات ښيي، د هلمند ولایت په سنګین ولسوالۍ کې د ملي اردو لخوا پر توغول شویو هاوانونو ۱۰ ملکي کسان وژل شوي او ۱۵ نور ټبیان دي .

یوه امنیتي سرچینه، چي نه غواړي نوم یې خپور شي وایي؛ له دې سیمي څخه وسلوالو طالبانو پر ملي اردو برید کړی و. بیا وروسته د ملي اردو لخوا پرې هاوانونه وتوغول شول، چي د ملکي خلکو پر کورونو لګیدلي او یاده مرګ و ژوبله یې اړولې ده .

د هلمند ولایت د رسنیو دفتر څرګنده کړې؛ نن سهار شاوخوا نهه بجې د سنګين ولسوالۍ زوړ بازار سيمه کې پر دوديز ميله بازار د دښمن لخوا لومړی څلور توغنديز بريدونه شوي ورپسې همدلته موټربم  چاودنه کړې، چې په کې د ولسي سرچينو د لومړنيو معلوماتو پر بنسټ دوه وسلوال طالبان وژل شوي، ۲۳ تنه ملکي وګړيو خوږ ژوند له لاسه ورکړی او شاوخوا ۱۵ نور عام وګړي زخميان دي.

د ولسمشر ویاند صدیق صدیقي په خپل یوه تویت کې څرګنده کړې، چې د هلمند ولایت د سنګین ولسوالۍ په میله بازار کې د طالبانو له لوري د ۲ چاودنو له کبله، ۲۳ ملکي وګړي وژل شوي او څه باندې ۱۵ نور ټپیان او د هېوادوالو زیاد شمېر څاروي له منځه تلي دي.

هلمند والي تورنجنرال محمد ياسين ددې پيښې له خبريدو سره سم امنيتي او کشفي ادارو ته د څرنګوالي او څيړنې امر کړی چي په اړه به يې معلومات وروسته خپاره شي.

دا په داسې حاکې ده، چې طالب ویاند ذبیح الله مجاهد له ټولو کورنیو او بهرنیو رسنیو غوښتي، چې د پېښې د واقعیت معلومولو او ورڅخه د دقیق راپور جوړولو لپاره سبا د هلمند ولایت سنګین ولسوالۍ ته راشي؛ هر څه له نږدې وګوري، چې بیا د داسې بدو پېښو مخنیوی وشي.

Continue Reading

Trending