Connect with us

تازه خبرونه

ولسمشر غني د پېنځلس سوه طالب بندیانو د خلاصون امر کړی

Ariana News

خپور شوی

 په

(Last Updated On: March 11, 2020)

ولسمشر غني د لوړي له پر ځای کولو یوه ورځ وروسته د پېنځلس سوه طالب بندیانو د خلاصون امر کړی، د خلاصون بهیر به یې  په څلور ورځو کې پیل شي او هره ورځ به سل بندیان له اداري پړاوونو تېرولو وروسته آزاد یږي.

د طالبانو او امریکا تر منځ د سولې هوکړه لیک اصلي برخه ۵۰۰۰ بندیان دي، چې تېره اوونۍ دواړو خواوو پرې لاسلیک کړی و. په داسې حال کې، چې ښاغلي غني ور سره د مخالفت تر څنګ ویلي، چې هیڅوک نشي کولی افغان دولت دې کار ته اړ کړي او په خبره یې د دومره شمېر بندیانو خلاصول نه یوازې وخت غواړي، بلکې ټول حقوقي پړاوونه باید بشپړ کړي؛ خو اوس یې دا فرمان صادر کړی دی.

د دې فرمان له مخې له  خوشې شویو بندیانو ژمنه اخیستل کیږي، چې بیا به جنګي لیکو ته نه ځي. د دې فرمان له مخې، د بندیانو خلاصون به د بایومتریک بهیر تر بشپړیدو وروسته وشي. د طالبانو د بندیانو خلاصون او د سزا معافي د ښه نیت په خاطر کیږي او د دوي خلاصون به د کب له څلیریشتمې نېټې څخه د پروان له توقیف خونې پیل شي. دهغوی خلاصون به د عمر، روغتیایي حالت او د بند پاتې مودې ته په کتو  تر سره شي. وروسته د دولت او طالب استازیو د مخامخ خبرو اترو په لړ کې به په  هرو دوه اوونیو کې به پېنځه سوه بندیان، چې ټول درې نیم زره کسان کیږي، په دې شرط، چې د تاوتریخوالي کچه به را ټیټیه او خوشې شي.

د ملي امنیت شورا دفتر د دې فرمان د  پلي کیددو مسوولیت لري.

ولسمشرۍ ماڼۍ ویاند صدیق صدیقي ویلي، له دې بندیانو لیکلې ژمنه اخیستل کیږي، چې بیا به د جګړو ډګر ته نه ځي.

په دوحه کې د طالبانو د سیاسي دفتر ویاند سهیل شاهین ویلي، د بندیانو د خلاصون لپاره نوې پرېکړه له امریکا سره د سولې هوکړه لیک خلاف ده.

د نوموړي د څرګندونو له مخې؛ د بندیانو خلاصون یې د خبرو د پیل لپاره مخکې شرط دی.

د طالبانو پخوانی غړی سید اکبر آغا ویلي، چې د بندیانو لومړۍ جوپه د را روانې اوونۍ د شنبې پر ورځ پیلیږي او تر هغې، چې ۵۰۰۰ بندیان خلاص شوي نه وي؛ خپلمنځي خبرې نه پیلیږي. طالبان د بندیانو د خلاصون لپاره پلاوی ټاکي او د نوملړ له مخې خپل بندیان تسلیموي.

د افغانستان سولې لپاره د امریکا ځانګړي استازي د پېنځه زره طالب بندیانو د خلاصون په برخه کې د ولسمشر فرمان ته په نغوته کې وایي، چې دا بندیان به د هغه نوملړ له مخې، چې طالبانو ورکړی، د راتلوونکې اوونۍ د شنبې له ورځې خوشې شي. طالبانو له وړاندې هوکړه کړې، چې د دولت زر بندیان به خوشې کړي.

تازه خبرونه

چین او تاجکستان له افغانستان سره په پوله پوځي خوزښتونه لري

Ariana News

خپور شوی

په

توسط

(Last Updated On: January 25, 2021)

په بدخشان کې افغان پوله ساتي ځواکونه په داګه کوي، چې چین او تاکجستان هېوادونه د سولې له احتمالي هوکړې وروسته د داعش ډلې پر پیاوړتیا اندېښمن شوي دي.

د ملي اردو په چورلکه کې، چې د بدخشان واخان سیمې ته ولاړو او له چین او تاجکستان سره مو پوله ولېده؛ معلومه شوه، چې تاجکستان له افغانستان سره په سرحدي سیمه کې خپلې پوستې ډېرې کړې دي.

دا موضوع امنیتي سرچینو هم منلې ده.

په بدخشان کې د پوله ساتو ځواکونو سرتېری اسامه وردوجي ویلي؛ له خپلو څلور سوه همکارانو سره د اوږدې پولې د امنیت ساتنې مسوولیت لري؛ خو افغان ځواکونه د پوځي تجهیزاتو له کمي سره مخ دي او تشکیل یې هم لږ دی.

په همدې توګه چین، چې له افغانستان سره یې پر ګډه بوله د غرنۍ لوا د جوړېدو غوښتنه کړې وه؛ د امنیتي سرچینو پر وینا، د امریکا د مخالفت له کبله دا کار ندی شوی.

د بدخشان والي ذکریا سودا هم په دې ولایت کې د بهرنیو جنګیالیو پر ځانګړې توګه د تاجکستان د انصارالله ډلې پر شتون اندېښنه لري.

دا مهال چین، افغانستان او تاجکستان د ۱۵۰ ځواکونو په شتون کې ګډه قومنداني لري، چې مالي لګښت یې چین پر غاړه اخیستی او دوی د سرحدي ګواښونو په کابو کولو کې په ګډه کار کوي.

Continue Reading

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

Trending

Copyright © 2021 Ariana News. All rights reserved!