Connect with us

تازه خبرونه

ولسمشر غني په ارګ کې له داکتر خلیلزاد ولیدل

Ariana News

خپور شوی

 په

(Last Updated On: February 1, 2020)

 ولسمشر اشرف غني نن مازیګر د افغانستان د سولې لپاره د امریکا د ځانګړي استازي داکتر زلمي خلیلزاد سره په ارګ کې وکتل.

د ولسمشرۍ د څرګندونو له مخې؛ په دې کتنه کې داکتر زلمي خلیلزاد له طالبانو او پاکستانيو چارواکو سره د خپلو وروستیو خبرو اترو په اړه دولتي چارواکو ته معلومات ورکړل.

خلیلزاد په دوحه کې له طالبانو سره د امریکا د وروستیو خبرو جزئیاتو ته په نغوته کې وویل: د عملي میکانیزم پر بنسټ د اوربند او یا د تاوتریخوالي کمولو لپاره د طالبانو روښانه ځواب ته، چې د افغانستان خلکو او د امریکا حکومت ته د منلو وړ وي، په تمه یو.

خلیلزاد په دوحه کې له طالبانو سره د امریکا د وروستیو خبرو جزئیاتو ته په نغوته کې وویل: د عملي میکانیزم پر بنسټ د اوربند او یا د تاوتریخوالي کمولو لپاره د طالبانو روښانه ځواب ته، چې د افغانستان خلکو او د امریکا حکومت ته د منلو وړ وي، په تمه یو.

په حکومت کې سرچینو ویلي، زلمي خلیلزاد  له ولسمشر غني سره لیدلي او په دوحه کې یې له طالب استازیو سره د امریکایانو د خبرو اترو په تړاو وروستي معالومات له نوموړي سره شریک کړي دي.  

د سولې په چارو کې د دولت وزارت ویانده ناجیه انوري ویلي؛ ښاغلي خلیلزاد له ولسمشر غني سره د دوحې خبرو وروستي جزئیات شریک کړي دي.

د پاکستانيو رسنیو د راپورونو له مخې؛ د پاکستان د بهرنیو چارو وزیر شاه محمود قریشي په اسلام آباد کې له زلمي خلیلزاد سره په لیدنه کې ویلي وه، چې د واشنګتن او طالبانو تر منځ د سولې هوکړه به د افغانانو تر منځ خبرو ته هم برابره کړي.

ټاکل شوې زلمی خلیلزاد د ملي وحدت حکومت د مشرانو تر څنګ له ځینو سیاسیونو سره هم خبرې وکړي، ښایي خبرې اترې یې د تاوتریخوالي د کمیدو پر څرنګوالي وي.

د سولې عالي شورا مرستیال دین محمد ویلي؛ تمه ده، چې کابل ته د خلیلزاد په دې سفر کې د تاوتریخوالي د کمیدو طرحه وروستۍ شي.

زلمی خلیلزاد مخکې له دې، چې کابل ته راشي په دوحه کې د اوږدې مودې لپاره د تاوتریخوالي د کمي وړاندیز د طالبانو پر میز کېښود او د ناتو له مشرانو سره پرې وغږیده.

د طالبانو د ډلې پخواني غړي سید اکبر آغا  څرګنده کړې، چې طالبانو د تاوتریخوالي د کمي د غزیدو وړاندیز ندی منلی.

د سرچینې د څرګندونو له مخې؛ هغه به له اجرائیه رییس داکتر عبدالله او افغان سیاستوالو سره هم لیدنې کتنې وکړي.

خلیلزاد پاکستان ته له سفر مخکې له قطر څخه بروکسل ته تللی و او هلته یې له امریکايي او د ناتو له چارواکو سره د سولې په اړه خبرې کړې دي.

د شنونونکیو د خبرو له مخې؛ خلیلزاد په داسې حال کې کابل ته سفر کړی، چې د ارګ  او سپیدار تر منځ د سولې په اړه دوه رسمي اندونه رامنځته شوي؛ ارګ پر اوربند او سپیدار د تاوتریخوالي پر کمښت ټینګار کوي او هیله من دي، چې ممکن خپله طرحه په کابل کې له زلمي خلیلزاد سره شریکه کړي.

 دا په داسې حال کې ده، چې طالبانو یو شمېر رسنیو ته په ډاګه کړې، چې امریکایي لوری پرته له کوم دلیله د سولې هوکړه له طالبانو سره ځنډوي.

تازه خبرونه

امریکا به د سولې هوکړې له ارزونې وروسته له مونږ سره مشوره کوي

Ariana News

خپور شوی

په

توسط

(Last Updated On: January 25, 2021)

افغان ولسمشر اشرف غني د کابینې په غونډه کې ډاډ څرګند کړ؛ د امریکا او افغانستان د ملي امنیت شوراګانو د مشرانو وروستیو ټیلیفوني خبرو وښوده، چې امریکا افغان دولت او پوځ خپل شریک ګڼي.

نوموړي زیاته کړې، چې د طالبانو او امریکا د سولې هوکړه به د جوبایډن د ادارې لخوا و ارزول شي او د راتلونکیو ګامونو لپاره به له افغان دولت سره سلا مشوره وکړي.

 ولسمشر ويلي؛ امریکا او افغانستان کوښښ کوي، چې د اړیکو یوه ګډه نقشه رامنځته کړي.

په دوحه کې د خپلمنځي خبرو پر ټپه ولاړ حالت افغانان سولې ته ناهیلي کړي.

سیاسي شنونکی واحد فقیر یار ويلي، چې د طالبانو لخوا د تاوتریخوالي ډېروالی او د حکومت د پوځي چمتوالي خبرداریو د سولې پر بهیر ناوړه اغېزه کړې ده.

په دوحه کې د خپلمنځي خبرو دوه یم پړاو شل ورځې مخکې پیل شو؛ خو هیڅ ډول پرمختګ ندی شوی. د طالبانو لخوا د بریدونو ډيروالي او د حکومتي چارواکو د پوځي عملیاتو خبرداریو خلک اندېښمن کړي او وېره څرګندوي، چې دواړه خواوې سولې ته لیوالتیا نلري.

سیاسي شنونکي طارق فرهادي ویلي: د سولې لپاره پر ډېر زیار رامنځته شوې سیمه ییزه اجماع دوی له منځه وړي. زه فکر کوم، چې امریکا به حکومت او طالبانو ته ډېر ژر پرسوله د راڅرخېدلو نغوته وکړي.

طالبانو ته نږې سرچینې څرګندوي؛ څه، چې امریکا وغواړي هغه کیږي.  

پخواني طالب چارواکي سید اکبر آغا پدې اړه وايي:  که امریکایان په افغانستان کې جګړه وغواړي، جنګ به روان وي. تاسې ولیدل، چې حکومت بندیان نه خوشې کول؛ خو کله، چې ورته امریکایانو وویل خوشې یې کړل.  

ولسمشر محمد اشرف غني د مصالحې د عالي شورا له رييس عبدالله عبدالله سره هم پدې اړه لیدلي او په هېواد کې یې د تاوتریخوالي پر ډېروالي اندېښنه ښودلې.

غني او عبدالله ټینګار کړی، چې په افغانستان کې اوربند ته جدي اړتیا ده.

دا په داسې حال کې ده، چې د افغانستان د جمهوریت پلوي پلاوي غړیو ویلي؛ افغانان باید خپل مسایل په خپلو کې حل کړي او پر نورو پورې یې ونه‌تړي او د افغان وژنې د روانې لړۍ مسؤولیت د هغه چا پرغاړه دی، چې د مذاکراتو د ځنډولو او د ناروا جګړې د دوام لپاره پلمې لټوي.

Continue Reading

تازه خبرونه

افغان بیسیم د نامداره شانداره پچې اچونې جایزې ووېشلې

Ariana News

خپور شوی

په

توسط

(Last Updated On: January 25, 2021)

د افغان بیسیم مخابراتي شرکت چارواکو ویلي، چې نن ( دوشنبه د سلواغې ۶) افغان بیسیم د نامداره شانداره پچې اچونې جایزې پر ګټونکیو ګډونوالو ووېشلې.

افغان بیسیم مخابراتي شرکت د خپلو مشتریانو لپاره د نامداره شانداره پچې اچونې پروګرام غټه جایزه هغه سړی ته ورکړه، چې په پچه اچونه کې بریالی شوی و. په دې پچه اچونه کې د کابل ولایت د فرزې ولسوالۍ اوسیدونکی ته د کال ماډل موټر ووت او کونجي یې تر لاسه کړه.

د افغان بیسیم مخابراتي شرکت سوداګریز مشر بالاجي وايي، چې دوی د مشتریانو تر منځ د پچې اچونې په پروګرامونو کې روڼتیا ته جدي پام کوي او دا جایزه هم له پوره روڼ بهیر وروسته ورکړ شوه.

نوموړي زیاته کړې؛ په تېرو درې میاشتو کې یې خپلو مشتریانو ته د پچې اچونې د بېلا بېلو پروګرامونو په لړ کې درې سوه نغدي او نانغدي جایزې ورکړي.

ثناالله، د افغان بیسیم مخابراتي شرکت د پچې اچونې په پروګرام کې ګټونکی د غټې جایزې ګټونکی را وتلی او په پوره خوښۍ یې موټر تر لاسه کړ.

افغانستان بیسیم لومړنۍ مخابراتي شرکت دی، چې د لومړي ځل لپاره یې په افغانستان کې مخابراتي هڅې پیل کړي او اوس یې نږدې د هېواد ټول ولایتونه تر خپل مخابراتي او انټرنټي پوښښ لاندې راوستي دي.

Continue Reading

تازه خبرونه

په کابل کې د ایټالیا سغارت پر یوه زغروال ګاډي ماین چاودنه شوې

Ariana News

خپور شوی

په

توسط

(Last Updated On: January 25, 2021)

نن سهار د کابل د څلورمې امنیتي حوزې په اړوند سیمه کې د ایټالیا سفارت د افغان کارمندانو پر یوه زغروال لند کروزر د ماین چاودنه رامنځته شوې ده.

پېښه د کابل پولیسو تائید کړې او له ځاني زیان یې څه ندي ویلي.

دغه پيښه نن سهار شاوخوا ۷:۳۵ د کابل د پروان دو په اړوند سيمه کې رامنځته شوې؛ خو څرګنده شوې نده، چې د برید موخه څوک و.

یوې امنیتي سرچینې ویلي، چې په دې برید کې یو کس ټپي شوی او د اقتصاد وزارت یو  موټر، چې سیمې ته نږدې د تېرذېدو په حال کې و هم ویجاړ شوی دی. 

دا په داسې حال کې ده، چې تېره ورځ په کابل کې د افغانستان بانک پر یو لوړ پوړی چارواکي د ځای پر ځای شوي ماین چاودنه رامنختاه شوې ده.

د افغانستان بانک د څرګندونو له مخې؛ د یکشنبې پر سهار ۸:۱۵ د مالي ستونزو د حل کمیسیون د مشر عبدالله دراني پر موټر د ځای پر ځای شوي ماین چاودنه شوې وه.

د سرچینې د څرګندونو له مخکې؛ دراني ټپي شوی او د هغه ساتونکی په چاودنه کې وژل شوی دی.

د افغانستان بانک ویلي؛ یو بل کس هم په چاودنه کې ټپي شوی دی. دغه چاودنه د کابل ښار شاه شهید په اړوند سیمه کې رامنځته شوې وه؛ خو د دغه کس هویت په ډاګه شوی ندی.

تر دې دمه هیچا د دغو دواړو بریدونو مسوولیت ندی منلی.

Continue Reading

Trending

Copyright © 2021 Ariana News. All rights reserved!