Connect with us

تازه خبرونه

ولسمشرۍ ټاکنې، د سولې شرط دی-اشرف غني

Ariana News

خپور شوی

 په

(Last Updated On: September 12, 2019)

د ولسمشرۍ نوماند اشرف غني وایي، د ولسمشرۍ له ټاکنو وروسته به ملي، سیمه ییزې او نړیوالې مشورې د جګړې د پای لپاره پیل او د سولې طرحه به هم پلې شي.

د دولت جوړوونکې ټاکنیزې ډلې مشر اشرف غني د امریکا او طالبانو د مذاکراتو له دریدو وروسته خپلو پلویانو ته څرګنده کړه، چې د ولسمشرۍ ټاکنې د سولې شرط دی او له همدې کبله د ولسمشرۍ له ټاکنو وروسته د جګړو د پای لپاره اساسي مشوري پیلیږي.

ښاغلی اشرف غني په حکومت کې د طالبانو د مشارکت او راګډیدو غوښتونکی دی؛ خو اجرائیه ریاست ته ورته نه؛ ځکه، چې د ملي وحدت حکومت د کورنیو جګړو د مخنیوي لپاره رامنځته شو.  

د دولت جوړونکې ټاکنیزې ډلې لومړی مرستیال  امر الله صالح وایي؛ خلکو ته ښکاره شوه، چې مونږ د سولې مخه نده نیولې او نه یې خنډ شوي یو. مونږ نه غوښتل او نه غواړو، چې د افغانستان د پلورلو په بدل کې یوه جعلي سوله تر لاسه کړو.                        

د احمدزي قوم زرګونو وګړیو په یوې ناسته کې د دولت جوړونکې ټاکنیزې ډلې ملاتړ وکړ. 

د ولسمشرۍ ټاکنو په درشل کې، چې له طالبانو سره د سولې خبرې دریدلي؛ اوس تر بل هر وخت ډېر د ولسمشرۍ ټاکنو د تر سره کیدو شونتیا زیاته شوې او کمپاینونه یې هم ښه روان دي.

دا په داسې حال کې ده، چې ټاکنڅاري بنسټونه ناامني د ولسمشریزو ټاکنو پر وړاندې ستر خنډ او د درغلیو د رامنځته کیدو لوی لامل بولي.

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading

تازه خبرونه

ناتو تر ۲۰۲۴ کال پورې له افغان ځواکونو د مالي ملاتړ ډاډ بیا تکرار کړ

Ariana News

خپور شوی

په

توسط

(Last Updated On: October 19, 2020)

د دوشنبې پر ورځ په یوه خپره شوې اعلامیه کې ناتو څرګنده کړې، چې د افغانستان د ملي اردو د وجهي صندوق بورد په خپله عمومي غونډه کې له افغان امنیتي ځواکونو څخه د مالي ملاتړ پر پلي کولو بیاکتنه کړې ده.

د دوی د څرګندونو له مخې؛ د دې سازمان غړیو د ۲۰۲۱ کال لپاره له افغان ځواکونو سره پخپلې مالي مرستې بحث او خبرې وکړې او د ۲۰۲۴ کال پورې به له افغان امنیتي ځواکونو سره د مالي مرستې چمتو کولو په اړه خپلې ژمنې تکرار کړي.

د ناتو عمومي منشي ینس ستولتنبرګ په دې ناسته کې ویلي؛ د نن ورځې ژمنې هغه ډاډ پیاوړی کړو، چې  له ۲۰۲۰ کال وروسته به له افغان امنیتي ځواکونو سره زموږ مالي ملاتړ هم روان وساتل شي.

نوموړي زیاته کړې؛ له افغان ځواکونو سره د نړیوالې مرستې د وجهي صندوق د جوړیدو له ورځې د ۲۰۲۰ کال تر اکتوبر تر ۵ ټوله مرسته ۳.۲ میلیارد ډالرو ته رسيږي.

د ناتو تر مشرۍ لاندې د افغانستان د ملي اردو وجهي صندوق په ۲۰۰۷ کال کې جوړ شوی دی. دې مرستو د تمویل، تجهیز او وړتیاوو د رامنځته کولو په ګډون د افغان ځواکونو په مسلکي روزنې، سواد او پوځي زدکړو او اړوند نورو هڅو د تمویلولو او د افغان امنیتي ځواکونو په اغیزمنتوب، ودې او پایښت کې بنسټیز رول لوبولی دی.

دغه  وجهي صندوق د نړیوالې ټولنې لخوا د مرستې لپاره خلاص شوی دی.

دا د هغو درې تمویل کوونکیو څخه یو دی، چې د نړیوالې ټولنې لخوا د افغانستان امنیتي ځواکونو او بنسټونو ته د مالي مرستې ورکولو لپاره کارول کیږي.

نور دوه بنسټونه د افغانستان لپاره د قانون او نظم وجهي صندوق (ال او تی اف ای) د ملګرو ملتونو پراختیايي پروګرام او بل د افغانستان لپاره د امریکا د امنیتي ځواکونو وجهي صندوق ( ای اس اف اف) دی.

Continue Reading

تازه خبرونه

په نړۍ کې پر کرونا د اخته کسانو شمېر له ۴۰ میلیون پورته شو

Ariana News

خپور شوی

په

توسط

(Last Updated On: October 19, 2020)

رویترز څرګنده کړې؛ داسې ښکاري، چې د ژمي له راتلو سره په شمالي نیمه کره کې د کورونا ویروس یو ځل په چټکۍ مخ پر خپریدو شوی دی.

کارپوهان پدې باور دي، چې په ځینو هېوادونو کې که څه هم د مړینې او ناروغیو د پوره آزموینې او بشپړ راپور  ناشونی دیګ خو بیاهم یې شمېر خورا ډېر دی.

د رویترز موندنې ښیي، چې دغه ناروغي چټکه خپریږي؛ ځکه، چې په ۳۲ ورځو کې پر دې ویروس د اخته کسانو شمېر له ۳۰ میلیون څخه ۴۰ میلیون ورسیده. په داسې حال کې، چې په ۳۸ ورځو کې له ۲۰ میلیون څخه ۳۰ میلیون ته، له ۱۰ میلیون څخه تر ۲۰ میلیونو پورې په ۴۴ ورځو کې او د چین په اوهان ښار کې د دفه ویروس له رامنځته کیدو درې میاشتې وروسته پر دغه ویروس د اخته کسانو شمېر ۱۰ میلایون ته رسیدلی دی.

امریکا، هندوستان او برازیل اوس هم په نړۍ کې ترټولو اغېزمن شوي هېوادونه دي.

Continue Reading
Advertisement

Trending