Connect with us

تازه خبرونه

ولسمشرغني په پاکستان کې پر سوله، سوداګرۍ او امنیت خبرې کوي

خپور شوی

 په

(Last Updated On: چنګاښ ۶, ۱۳۹۸)

ولسمشر محمد اشرف غني او د پاکستان لومړي وزیرعمران خان دوه په دوه پر سولې او امنیت خبرې کړې دي.

پاکستان ته د ځینو سیاسي څېرو له سفر ۵ ورځې او له څلورکلن ځنډ وروسته ولسمشر اشرف غني د اسلام آباد پر فرش شوي سور فرش پښې کیښودي. داسې ښکاري، چې غني پاکستان ته تګ نه غوښته؛ ځکه د هغه هېواد د بهرنیو چاروله وزیر سره یې په کتنه کې مخکې لدې، چې له لومړي وزیر عمران خان سره وویني وویل، دی د مشورتي لویې جرګې د غړیو او خپلو خلکو په غوښتنه پاکستان ته راغی، چې د کابل – اسلام آباد اړیکې بېرته روغې شي.

پاکستانيو رسنیو ویلي؛ سیاسي، سوداګریز او اقتصادي مسایل د دوه اړخیزې لیدنې د اجنډا برخې دي. ولسمشرۍ ماڼۍ وایي، د ولسمشر د سفر د اجنډا مسایل د دوه اړخیزو اړیکو ښه والی، د سولې په ټینګښت کې همکاري او سوداګریزې چارې دي.  

ولسمشرۍ ماڼۍ څرګنده کړې، چې ولسشمر غني له پاکستان څخه د سیمه ییز اتصال په برخه کې د همکاریو غوښتنه کړې او هیله لري چې پاکستان داځل مثبت رول ولوبوي.

د حزب اسلامي متحد افغانستان مشر وحیدالله سباوون ویلي، چې د اشرف غني د سفر پرېکړې به ونه منل شي؛ ځکه اوس یې قانوني وخت ندی.          

اسلام آباد ته د ولسمشر غني د سفر څنډې او د پاکستانيو چارواکو چلند په کابل کې جنجالي کیږي؛ ځکه، چې د ولسمشر غني هرکلي ته د پاکستان د لومړي وزیر یو سلاکار ورغلی و.

په پاکستان کې پخواني دیپلومات احمد سعیدي ویلي، چې په هوایي ډګر کې اشرف غني ته تود ښه راغلاس ونه ویل شو او دا کار ښيي، چې د افغانستان په اړه د پاکستان په سیاست کې هیڅ راز بدلون ندی راغلی.

د افغانستان اسلامي نهضت مشر سید اسحاق ګیلاني ویلي، چې پاکستان کولی شي هغه طالبان له افغانانو سره د سولې خبرو ته کینوي، چې تر اوسه حاضر شوي ندي  له افغان حکومت سره وویني.

ولسمشر د پاکستان د لومړي وزیر په بلنه هغه هېواد ته په دوه ورځني سفر تللی،  چې ورسره په دې سفر کې د ملي امنیت شورا سلاکار حمدالله محب، د کورنیو چارو او مالیې وزارتونو چارسمبالي او د ملي امنیت لوی رییس ملتیا کوي.

افغان ولسمشر دغه راز په دې سفر کې د پاکستان له بهرنیو چارو وزیر شاه محمود قريشي سره هم لیدلي دي او د دغې لیدنې پرمهال، اشرف غني ويلي، چې په دې سفر کې د سولې مشورتي جرګې د غړیو له سپارښتنې سره سم د دواړو هېوادونو اړيکو ته به وده ورکړي.

اشرف غني تمه لري، چې لاهور ته هم سفر وکړي او په هغې سوداګریزې غونډې کې به برخه واخلي، چې د دواړو هېوادونو استازي په کې ګډون کوي.

په دې وروستیو کې، پاکستان د افغان سیاستوالو کوربه هم و او د لاهور ښار په مري کې یې د افغانستان  د سولې پر بهیر او له طالبانو سره د پخلاینې په اړه خبرې اترې کړې دي.

تازه خبرونه

پاکستان د افغانستان په سوله او ثبات کې اړینې هڅې کړي – عارف علوي

خپور شوی

په

توسط

(Last Updated On: مرغومی ۳۰, ۱۴۰۰)

د پاکستان ولسمشر عارف علوي ویلي؛ پاکستان په افغانستان کې د سولې او ثبات په برخه کې اړینې هڅې ترسره کړي او اسلام آباد ډاډ شوی، چې کابل یوازی ندی.

عارف علوي له رسنیو سره په مرکه کې ویلي، چې د اقتصادي همکاریو ټولنې یا اکو د وروستۍ سرمشریزې غړیو ته یې ویلي، چې پاکستان افغانستان له انزوا ژغورلی دی.

هغه دا هم ویلي، چې د پاکستان په پلازمېنه اسلام آباد کې د ډسمبر د میاشتې د اسلامي هېوادونو همکارۍ ټولنې د بهرنیو چارو وزیرانو په ځانګړې غونډه کې پاکستان د جنګ ځپلي افغانستان  رښتینی انځور وړاندې کړ.

هغه دا هم څرګنده کړې، چې نړۍ د لومړي وزیر عمران خان نوښتونه پر رسمیت پېژندلي دي.

Continue Reading

تازه خبرونه

په کابل کې پر یوه کور د امریکا د بې پیلوټه الوتکې د ناسم برید ویډیو خپره شوه

خپور شوی

په

توسط

(Last Updated On: مرغومی ۳۰, ۱۴۰۰)

د امریکا مرکزي قومندانۍ د چارشنبې پر ورځ د امریکا د بې پیلوټه الوتکې د پټ برید هغه ویډیو خپره کړې، چې له وتلو مخکې یې د اګست په میاشت کې د ۷ ماشومانو په ګډون لس افغان ملکي وګړي ووژل.

رویټرز په ډاګه کړې، چې دا ویډیوګانې اطلاعاتو ته د لاسرسي پر قانون د نیویارک ټایمز له اندېښنې ښکاره کولو وروسته خپرې شوې دي.

د یاد هوایي برید په اړه پنټاګون د ۲۰۲۱ کال په ډسمبر میاشت کې څرګنده کړې وه، چې له تر سره شوي هوایي الوتکې بریده به مو کوم پوځي پرسونل ځواب ورکوونکی او مسوول نه وي.

د امریکا د هوایي ځواک عمومي پلټونکي د خپلو څېړنو له مخې ویلي وه، چې د اګست د ۲۹ برید د ناسمو معلوماتو له مخې و، چې له ځانګړیو څرګندونو او اړیکو ملاتړ کوي.

دغه راز امریکایي ځواکونو دا برید یوه غمجنه تېروتنه هم نومولې وه.

پنټاګون له دې مخکې ویلي وه، چې په دې برید کې یې د اسلامي دولت (داعش) یو ځانمرګی بریدګر په نښه کړی، چې په هوايي ډګر کې د امریکا تر مشرۍ لاندې بهرنیو پوځیانو ته شونی ګواښ نومول شوی و.

هغه مهال داسې راپورونه هم خپاره شول، چې د کابل نړیوال هوايي ډګر د لویدیځې څنډې د یوه کور پر انګړ د بې پیلوټه الوتکې په برید کې د ماشومانو په ګډون ملکي کسان وژل شوي دي. د پېښې په وخت کې یوې ویډیو د یوې ودانۍ د انګړ څو موټره ټوټه ټوټه ښودلي وه.

دا برید درې ورځې وروسته له هغه تر سره شوی، چې ویل کیږي؛ د اسلامي دولت یا داعش  یوه ځانمرګي بریدګر ۱۳ امریکايي پوځیان او په لسګونه هغه ملکي افغانان ووژل، چې د هوايي ډګر له دروازو څخه ننوتلو او په الوتکو کې د څوکیو نیولو او بهر ته د الوتنې لیواله ول.

له برید وروسته د امریکا مرکزي قومندانۍ دې پایلې ته ورسېده، چې موټر چلوونکي له داعش سره هیڅ تړاو نه درلود.

زمري احمدي نومي موټر چلوونکي د تغذیې او پوهنې په نړیوال انستیتیوت کې کار کاوه. دا یوه غیر انتفاعي موسسه ده، چې مرکزي دفتر یې په امریکا کې دی.

بیا د امریکا دفاع وزارت د مې پر ۲۴ اعلان وکړ، چې د کابل د اګست میاشتې د بې پیلوټه الوتکې په برید کې د وژل شویو ۱۰ کسانو کورنیو ته به تاوان ورکړي.

د پنټاګون ویاند جان کربي په یوه بیان کې ویلي وه؛ پنټاګون د امریکا د بهرنیو چارو له وزارت سره کار کوي، چې له بریده د دې کورنۍ ژوندي پاتې شوي کسان امریکا ته ولېږدوي.

ویل کیږي، چې دا ګډوډي د زمري له څلیریشتمې او د اګست له پېنځلسمې وروسته هغه وخت رامنځته شوه، چې د امریکا لخوا روزل شوي افغان ځواکونه له منځه ولاړل او پخوانی حکومت راوپرځېده او مشرانو یې بریالۍ تېښته وکړه.

Continue Reading

تازه خبرونه

ترکیې افغانستان ته د ۷۰۰ ټنو بشري مرستې له لېږلو خبر ورکړ

خپور شوی

په

توسط

(Last Updated On: مرغومی ۳۰, ۱۴۰۰)

د ترکیې ولسمشر افغانستان ته د ۷۰۰ ټنو خوراکي توکو، جامو او روغتیايي بېړنیو تجهیزاتو له بار شوي ریل ګاډي له استولو خبر ورکړ.

د اناتولي خبري آژانس د راپور له مخې؛ د ترکیې ولسمشر رجب طیب اردوغان د انقرې په بش تپه کمپلکس کې د کابینې له غونډه وروسته خلکو ته په خطاب کې وویل: مونږ چمتو یوو، چې ۷۰۰ ټنه خوراکي توکي، جامې او روغتیايي بیړني تجهیزات افغانستان ته ولېږدوو.

هغه زیاته کړې؛ دغه د اړتیا وړ توکي، چې د نادولتي موسسو او زمونږ وګړیو لخوا برابرېږي، د دولتي ریل ګاډي له لارې به افغانستان ته ولېږدول شي.

اردوغان د ترکیې او افغانستان اوږدمهاله تاریخي او فرهنګي اړیکو ته په نغوته کې ویلي، چې ترکیه نشي کولی د افغانستان ستونزې له پامه وغورزوي.

نوموړي څرګنده کړې: زمونږ په میليونونو افغان وروڼه د کورنيو جګړو، د بهرنيو مرستو د کمښت، وچکالۍ او د هوا د سختو شرايطو له کبله په ډېر سخت حالت کې دي. د افغانستان د ۱۳ میلیون ماشومانو په ګډون نږدې ۱۹ میلیون وګړي د خواړو له کمښت سره مخ دي. مونږ هوډ لرو، چې خپل دغه وروڼه یوازې نه پریږدو.

Continue Reading

Trending

Copyright © 2022 Ariana News. All rights reserved!