Connect with us

تازه خبرونه

ولسمشر غني نږدې ۹۰۰ طالب بندیان خوښې کوي

Ariana News

خپور شوی

 په

(Last Updated On: غبرګولى ۱۴, ۱۳۹۸)

ولسمشر غني د سې شنبې پر ورځ( د غبرګولي ۱۴) د کوچني اختر له لمانځه وروسته ټینګار څرګند کړ، چې د ۱۷۵ طالب بندیانو خوشې کول د سولې مشورتې جرګې د غړیو لخوا وستایل شول او اوس به د اختر په مناسبت نږدې ۹۰۰ طالبان خوشې شي.

د افغانستان ولسمشر د اختر له لمانځه وروسته خبریالانو ته په نږدې راتلونکي کې د ۸۸۷ طالبانو له خوشې کولو خبر ورکړ.

ولسمشر محمد اشرف غنی د طالب زندانیانو په اړه دا هم په ډاګه کړه، چې نن راته د هېواد قاضي القضات وویل: د افغانستان د جزا قانون تعدیل شوی او ولسمشر واک لري، چې یو شمېر بندیان وبښي. د افغانستان خلک خبروم، چې ۸۸۷ طالب زندانیان به په نږدې راتلونکي کې خوشې شي.

دغه راز ولسمشر د سولې مشورتي جرګې د پرېکړه لیک له پلي کیدو هم خبرې وکړې او څرګنده کړې یې ده، چې دغې جرګې دولت ته د عمل پلان وړاندې کړی. اوس د دولت کار دی، چې د پرېکړه لیک  پر پلي کولو کار پیل کړي.

ولسمشر وایي، چې د پاکستان د لوموي وزیر بلنه منل شوې او د چنګاښ پر شپږمه به ورسره وګورم. مونږ او هغوی به پر څلورو موضوعګانو بشپړې خبرې وکړو، چې ناسته مو عملي پایلې ومومي.

دا په داسې حال کې ده، چې طالبانو د سولې مشورتې جرګې پرېکړې رد کړې او طالب مشر په خپل اختریز پیغام کې پر جګړه ټینګار څرګند کړی دی.

تازه خبرونه

په کابل کې د امریکا سفارت پر ښځو له احتمالي افراطي بریدونو خبرداری ورکوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

د افغانستان بهرنیو چارو وزارت چارسمبالي حنیف اتمر د پنجشنبې پر ورځ له غرمې وروسته دغه هېواد ته د خپل سفر پر مهال د تاجکستان له ولسمشر امام علي رحمان سره وکتل او د افغانستان د سولې پر خبرو او اقتصادي همکاریو بحث او خبرې کړې دي.

د افغانستان د بهرنیو چارو وزارت د جمعې پر ورځ په ډاګه کړې، چې امام علی رحمان د افغانستان د سولې خبرو له پیل هرکلیوکړی او اتمر ته یې د افغانستان د سولې له بهیر او اصولي دریځ څخه د تاجک حکومت د ملاتړ ډاډ څرګند کړ.

دغه راز دواړو لوریو د افغانستان او تاجیکستان تر منځ د سوداګرۍ، اقتصادي او فرهنګي اړیکو پر پراختیا خبرې او ټینګار څرګند کړی دی.

د بهرنیو چارو وزارت په اعلامیه کې راغلي؛ امام علي رحمان ټینګار کړی، چې د تاجکستان په بهرني سیاست کې له افغانستان سره همکاري له لومړیتوبونو څخه ده.

دواړو لوریو سیمه ییزو جوړښتونو ته په نغوته کې د انرژۍ بېخبنایي  پروژو پلي کول  د سیمې لپاره مهم بولي او زیاتوي، چې سیمه ییزې همکارۍ ته د افغانستان راجلبول به دغه بهیر نور هم پراخ کړي.

دواړو لوریو د بېخبنایي پروژو پلي کول، سوداګري او ترانزیت پراختیا، د انرژۍ لیږد، له تروریزم سره مبارزه او افراطیت پروړاندې مبارز، د تنظیم شويو جرمونو کنټرول، د سرحدي همکارۍ پیاوړتیا، د فرهنګي او علمي اړیکو پر پراختیا خبرې کړې دي.

اتمر د دواړو هېوادونو ترمنځ پر ژورو تاریخي او فرهنګي اړیکو سربېره د ستراتیژیکو همکاریو کچې ته د دوه اړخیزو اړیکو پراخولو غوښتنه ههم وکړه.

Continue Reading

تازه خبرونه

د خبرو اترو میز ته د رسیدو لپاره باید د پرېکړو زغم رامنځته شي

Ariana News

خپور شوی

په

توسط

(Last Updated On: وږی ۲۷, ۱۳۹۹)

په افغانستان کې د سولې لپاره د امریکا ځانګړي استازي زلمي خلیلزاد ویلي، چې روان پړاو ته د رسیدو لپاره افغان حکومت او امریکا خورا ستونزمنې، ان مایوسه کوونکي او له زغمه ډکې پرېکړې کړي دي.

له الجزیرې سره په یوه مرکه کې زلمي خلیلزاد څرګنده کړې، چې امریکا او افغان حکومت دواړه له زغمه ډکې پرېکړې کړې دي.

داسې اندېښنې هم راپورته شوي، چې امریکا د افغانانو په خپلمنځی خبرو اترو د طالبانو تله درنده کړې او ښکاره بېلګه یې د ۵۰۰۰ طالب بندیانو  بندیانو خوشې کیدل دي.

فرانسې او استرالیا پدې وروستیو کې د خپل هېواد د ملکي وګړیو په وژنه کې د شپږ طالب بندیانو له خوشې کیدو سره مخالفت څرګند کړی؛ خو خلیلزاد ویلي، چې متحده ایالات پخپله پدې اړه خوښ ندي، ځکه موږ [ امریکا] د دوی پر نارضایتۍ پوهیږو او له دوی سره خواخوږي څرګندوو. مونږ غواړو، چې هدف  یو سوله ییز افغانستان وي؛ افغانان راټول شي او جګړه پای ته ورسوي. زغم هم باید داسې وي، چې افغانستان نړیوالې ټولنې ته کوم ګواښ رامنځته نکړي او افغانستان نور د نړیوالې ټولنې پر اوږو بار پاتې نشي.

زلمي خلیلزاد په ډاګه کړې: په خواشینۍ، چې ارزښتمن شي ته لاسرسی آسانه ندي. مونږ باید ستونزمن، زړه راکښونکي او له زغمه ډک کارونه ترسره کړو، چې خپلې غوره شوې موخې ته ورسیږو.

هغه ټینګار کړی، چې مخکښې موخې د قربانیو ارزښت لري.

نوموړي په مرکه کې څرګنده کړې، چې اوسنۍ روانې خپلمنځي  خبرې د سولې لاسته راوړلو لپاره تاریخي فرصت دی؛ ځکه، چې د افغانستان خلک له ۴۰ کلنې جګړې ستړي شوي دي!

خلیلزاد وایي، چې طالبانو خپل بریدونه روان ساتلي؛ خو طالبان یې د افغان حکومت پروپاګند بولي.

سره له دې هم خلیلزاد هیله من دی، چې دواړه خواوې خبرو اترو ته چمتو دي.

د نوموړي د څرګندونو له مخې؛ دغه خپلمنځي خبرې د باور رامنځته کولو، د تاوتریخوالي کمولو او د دواړو خواوو تر منځ د اختلافاتو د له منځه وړو په موخه روانې ساتل شوې دي.

خلیلزاد په دې اند دی، چې د خبرو موخه د شخړو د اواري لپاره یو سیاسي فورمول ته رسیدل دي.

Continue Reading

تازه خبرونه

امریکا افغان اردو ته څلور ای- ۲۹ ډوله جنګي الوتکې وسپارلې

Ariana News

خپور شوی

په

توسط

(Last Updated On: وږی ۲۸, ۱۳۹۹)

امریکا د افغانستان ملي اردو ته څلور ای – ۲۹ سوپرتوکانو جنګي الوتکې د افغانستان دفاع وزارت ته وسپارلې.

د ملي دفاع وزارت چارسمبالي اسدالله خالد د دغو الوتکو د سپارلو أر مهال څرګنده کړې چې افغان ملي، امنیتي او دفاعي ځواکونه د وسلوالو مخالفانو سره د مخامخ کیدو وړتیا لري.

نوموړي زیاته کړې، چې دمګړۍ په افغانستان کې ۹۶ سلنه جګړه د افغان ځواکونو پر اوږو بار ده او د دې الوتکو له تسلیمیدو سره به افغان ځواکونه به وکولی شي ډېرې موخې تر برید لاندې راولي.

دغه راز د ملي اردو د هوایي ځواک قومندان فهیم رامین ویلي، چې دا الوتکې لږ لګښتې دي او په ورته وخت کې ۳۶ ډوله وسلې لیږدولی شي.

له دغو ۴ الوتکو سره، د سوپرتوکانو جنګي الوتکو شمېر ۱۸ ته ورسید.

همدارنګه د سیستیکا یا د افغانستان لپاره د امنیت د ګډ لیږد قومندان جنرال جوهان ددریک ويلي، د افغانستان هوایي ځواک د تېر په پرتله خورا پیاوړی شوی او په وروستیو میاشتو کې یې ښودلې، چې له دښمن سره د مخامخ جکړې ځواک لري.

نوموړي زیاته کړې؛ زمونږ مرستې روانې دي. تمه ده، چې شپږ نورې دغه الوتکې هم په راتلونکیو میاشتو کې افغان ځواکونو ته وسپارل شي. مونږ په افغانستان کې د سولې لپاره له افغان ځواکونو سره پر ګډ ماموریت کار کوو. له افغان ځواکونو سره د ناتو او سیستیکا ټولې هڅې پر دې راڅرخي، چې د ترهګرو ډلو مخه ونیسي او د افغانستان خاوره د جګړې لپاره ونه کاروا شي.

دا په داسې کال کې ده، چې د قطر په دوحه کې د حکومت او طالبانو د اړیکو جرګه ګۍ د خپلمنځي خبرو لپاره پر کاري برخو خبرې پر شپږمه ورځ هم روانې دي.

Continue Reading

Trending