Connect with us

تازه خبرونه

ولسمشر ۱۴۰۰ لمریز روزنیز کال د ښوونځي د زنګ پر وهلو پیل کړ

Ariana News

خپور شوی

 په

(Last Updated On: March 23, 2021)

ولسمشراشرف غني نن سې شنبه( د وري ۳) په کابل کې نوی ښوونیز کال د ښوونځي د زنګ پر وهلو پرانست.

جمهوررئیس غني د نوي تعلیمي کال د پرانیستې په مراسمو څرګنده  کړې؛ زه ښوونځي غواړم او هغه سوله غواړم، چې ټول افغانان په کې آزاد ژوند وکړي.

ولسمشر ډاډ حرګند کړ، چې په ۱۴۰۰ لمریز کال کې به ۱۱۱۷۳ د ښوونکیو پوسټونه اعلان او سیالۍ ته وړاندې شي.

ولسمشر وایي؛ زه سوله غواړم داسې سوله، چې مونږ په کې زغره وال ګاډي ته اړتیا ونلرو او دا وینه تویېدل باید ودریږیي او مونږ ټول باید د دې وینې تویېدو د مخنیوي لپاره ملي دریځ ونیسو.

دغه راز ولسمشر د ۱۴۰۰ لمریز ښوونیز او روزنیز کال په بهیر کې زمونږ یو میلیون ماشومان ښوونځي ته ځي او ۱۸۰۰ نوي ښوونځي به جوړ شي.

ولسمشرغني د ښوونکیو د معاشونو زیاتوالی هم اعلان کړ او په ډاګه یې کړه، چې دا زیاتوالی د کال له لومړۍ میاشتې د اجرا وړ دی او د کال له نیمایي څخه به پلی شي.

غني د مالیې له وزیر څخه هم وغوښتل، چې د ټيټ پوړیو مامورینو معاشونه هم لوړ کړي.

ولسمشر غني ۱۴۰۰ پېړۍ د افغانانو لپاره د کار، هڅې او نوښت پېړۍ بولي او وایي؛ سږکال مو د هېواد مطبوعاتو دا وړتیا موندلې، چې پر لومړي ځل په ټول هېواد کې د اړتیا وړ کتابونه چاپ او خپاره کړي.

د نوموړي ر څرګندونو له مخې؛ په هېواد کې د لومړي ځل لپاره خصوصي سکتور دا وړتیا تر لاسه کړې، چې کاغذ  تولید کړي.

هغ دا زیری هم ورکړ، چې روان کال به د افغانستان د ډیجیټل کیدو کال وي.

د افغانستان د ښوونې او روزنې پیاوړتیا نه یوازې د دولتي او خصوصي سکتور ملاتړ ته اړتیا لري، بلکې خلک هم باید د څارونکیو په توګه خپله دنده تر سره کړي.

ولسمشر اشرف غني دغه راز د سکتوري وزارتونو د څرګندونو له مخې ویلي، چې تېر کال ۷۳۲ ښوونځي جوړ او د پوهنې وزارت ته سپارل شوي دي.

د نوموړي د څرګندونو له مخې؛ په تېرو وختونو کې ولایتونو ته سمې سرچینو وېش ناسم و او دا باید عادلانه  ووېشل شي.

ولسمشر له اړوند وزارتونو او ښوونکیو هم وغوښتل، چې د ښوونې او روزنې د بهیر کیفیت ته باید پاملرنه وشي.

ولسمشر غني ویلي، چې ۲ میلیون ماشومان، چې یوازې د ښوونځیو د کاغذ پر مخ لیکل شوي؛ خو ښوونځي ته نه ځي؛ دا یو ناورین دی.

دغه راز ولسمشر غني د روغتیا له وزارت څخه هم وغوښتل، چې د زدکوونکیو روغتیایي حالت ته پوره پاملرنه وکړي، چې خدای مه کړه که د کرونا درېیمه څپه رامنځته شي؛ ښوونه او روزنه مو پوره پاملرنې ته اړتیا لري.

مونږ په بشپړ ډول نړیوالې ټولنې ته درناوی کوو؛ خو هغه تجربه، چې د پلي کیدو ساحه ونلري؛ باید په پام کې ونیول شي.

ولسمشر غني د پوهنې وزارت په پیاوړي کولو کې د پوهنتون د غوره زدکوونکيو پر استخدام ټینګار څرګند کړ او له پوهنې وزارت یې وغوښتل، چې زدکوونکي شین حالت ته چمتو کړي او پر کورنیو یې هم غږ وکړ، چې د زرغونې فضا په رامنځته کولو کې پوره برخه واخلي.

ولسمشر د خپلو خبرو په پای کې خپل له خوښیو ډک مهال ته داسې نغوته وکړه: په ارګ کې زما ترټولو ښه وخت هغه وخت دی، چې د ښوونځیو زدکوونکي ارګ ته راشي؛ ځکه، چې زه یې پر تندي هیلې وینم.

ولسمشر په امن فضا کې زدکړو ته نغوته کوي او اوسنۍ جګړه ناروا او د ښوونې او روزنې پر وړاندې خنډ بولي.

ولسمشر اشرف غني وایي: دا ناروا جګړه ده او دا جګړه باید پای ته ورسیږي، چې د هېوااد بچي په امن کې زدکړې وکړي.

پوهنې وزارت هم په نوي کال کې له چمتووالي او نویو درسي توکو خبره کوي.

د پوهنې وزارت چارسمبالې رنگینه حمیدي وایي: اوس هغه وخت راغلی، چې پر ښوونیز نصاب راوڅرخو او بچي فرهنګ پېژندنې ته چمتو کړو، چې د سیمې په سیالیو کې برخه واخلي.         

د ولسمشر اشرف غني میرمن رولا غني ویلي؛ پوهنې وزارت د ښوونې او روزنې ځای دی؛ دمګړۍ د انټرنیټ وخت دی . ښه به داوي، چې پوهنې وزارت د ماشومانو په روزنه او پالنه کې پوره زیار وګالي.           

ښوونکي ظهر الدین صاحبي ویلي؛ سږ کال به د نهه نویم کال د درسي تشې د ډکولو لپاره هڅې کوو.

د افغانستان ښوونځي اوس هم د کرونا تر سیوري لاندې دي. هغه ښوونځي، چې تېر کال پېنځه میاشتې تړلي وه؛ افغانستان په انلاین زدکړو کې چندان بریالی نه و او پوهنې وزارت ژمنه کوي، چې په روان کال کې به د تېر کال ښوونیزه تشه ډکه کړي.

تازه خبرونه

طالبانو د بغلان ولایت بورکه ولسوالي ونیوله

Ariana News

خپور شوی

په

توسط

(Last Updated On: May 5, 2021)

د بغلان وړلایت سیمه ییزو چارواکو ویلي، چې امنیتي او دفاعي ځواکونه په تکتیکي بڼه له دې ولسوالۍ شاتګ کړی؛ خو خلکو پرې نیوکې کړ دي.

د بغلان د بورکې ولسوالي د چارشنبې پر سهار( د غویی ۱۵) د طالبانو تر بشپړې څارنې لاندې راغله. په دې ولایت کې پوځي او ملکي مسوولینو په یوه پوځي ناسته کې پرېکړه وکړه، چې له دې ولسوالۍ ووځي او لس بجې دا کار ترسره شو.

د بغلان د پولیسو ویاند احمد جاوید بشارت ویلي؛ حکومتي ځواکونو د نهرین ولسوالۍ تاوشخ غاښي ته شاتګ کړی دی.

د بغلان مرستیال والي ذبیح الله احساس ویلي؛ دا شاتګ تکتیکي دی او بېرته به دا ولسوالۍ ونیول شي.
د بغلان خلګ تاوتریخوالی او د ملکي او پوځي تلفاتو ډېروالی د اندېښنې وړ بولي د جګړې په ډګرونو کې د حکومت دغه تکتیک غندي.
طالبانو ویلي، چې بورکه ولسوالۍ یې له جګړې پرته نیولې ده.
Continue Reading

تازه خبرونه

هند او اروپايي ټولنه په افغانستان کې د بیړني اوربند غوښتونکي شول

Ariana News

خپور شوی

په

توسط

(Last Updated On: May 5, 2021)

اروپایي ټولنې او هند دواړو په افغانستان کې د سمدستي اوربند غوښتنه کړې او څرګندوي، چې د معنادارې سولې د رامنځته کولو لپاره له شرط  پرته د جګړې درول اړین دي.

په لندن کې د جي-۷ هېوادونو دغونډې په څنډه کې د اروپايي اتحادیې د بهرنیو چارو د وزیر جوزپ بوریل او د هند د بهرنیو چارو وزیر سوبراهمنیم جیشنکر په یوه ګډه اعلامیه کې ویلي، چې د سولې یو بریالی بهیر ښه باور، سیاسي حل، ډاډمنې ژمنې او د طالبانو ښکیلتیا ته اړتیا لري. دواړو لوریو د دې ډاډ په تکرارولو ټینګار وکړ، چې د افغانستان خاوره باید د ترهګرو ډلو لخوا د هند او اروپايي اتحادیې امنیت ته د ګواښ په توګه ونه کارول شي.

دواړو لوریو په کلکو ټکو کې د ټولو تروریستي هڅو غندنه کړې او د ترورېزم د تمویل، زیربناوو او د دوی د افراطي بڼو پر له منځه وړلو یې ټینګار وکړ او وایي، چې افغانستان به بیا هیڅکله د نړیوال تروریزم لپاره امن ځای نه وي.

د دواړو خواوو د ډیموکراسۍ، آزادۍ، د قانون حاکمیت او بشر حقونو ته د درناوی پر بنسټ د بین الافغاني او سیمه ییزو مسلو په اړه همکارۍ ته ژمنتیا څرګنده کړه او د افغانستان له سولې، امنیت، په ځان بسیاینې او هوساینې یې ملاتړ وکړ.

دوی د افغانستان د ملي حاکمیت او ځمکني بشپړتیا د درناوي او ساتنې غوښتنه کوي او د افغانانو پر مشرتابه او مالکیت د سولې بهیره روان ساتل غواړي.

هغو په دې اړه ویلي، چې په افغانستان کې هر ډول سیاسي جوړجاړی باید د ښځو، ځوانانو او لږه کیو په ګډون د ټولو افغانانو بشري حقونو او اساسي آزادیو ساتنه وکړي او دغه سیاسي حل باید اقتصادي، ټولنیزې، سیاسي او پرمختیايي لاسته راوړنو ته په نغوته کې باید ډیموکراټیک بنسټ ولري.

بوریل او جیشنکر ټینګار کړی، چې له افغانستان سره نړیوالې مرستې د سولې او جوړجاړی له پایلې سره تړلې دي.

دوی د افغانستان د ملي ځواکونو او ملکي وګړیو پروړاندې تاوتریخوالی او موخه ییزې وژنې د نه منلو وړ بولي او غندنه یې کوي.

د هندي او اروپایي استازیو په څرګندونو کې راغلي، چې په افغانستان کې امنیت په سیمه ییزه کچه د سیمې له امنیت سره تړلی دی.

دوی د افغانستان له ګاونډ هېوادونو او سیمه ییزو شریکانو غوښتي، چې سولې او ثبات ته د رسېدو لپاره له افغانستان سره مرسته وکړي.

Continue Reading

تازه خبرونه

امریکا له افغانستان خپل یوشمېر پوځي تجهیزات ایستلي دي

Ariana News

خپور شوی

په

توسط

(Last Updated On: May 5, 2021)

امریکايي چارواکو ویلي، چې د امریکا له پوځي تجهیزاتو څخه ډکې ۶۰ الوتکې له افغانستان څخه وتلي او د راتلونکې سې شنبې پر ورځ به ۱۳۰۰ نور اړوند تجهیزات ویجاړ شي.

د امریکا مرکزي قومندانۍ په ډاګه کړې: له افغانستان څخه به د امریکایي ځواکونو او تجهیزاتو ایستلو هڅې تر راتلونکې سې شنبې پورې له دوه څخه تر شپږ سلنې بشپړې شي.

دې ورځپاڼې د امریکایي چارواکو د څرګندونو له مخې په ډاګه کړې؛ باروړونکې جیټ الوتکې (سي – ۱۷) چې کولی شي ۱۷۹۰۰ پونډه توکي ولېږدوي، له افغانستان څخه پر لېږدولو اخته دي.

د امریکا مرکزي قومندانۍ زیاته کړې، چې د ځواکونو او تجهیزاتو د ایستلو په اړه امنیتي معلومات امنیتي شرایطو ته په کتو اټکلي وړاندې کیږي.

دې قومندانۍ منلې، چې په هلمند ولایت کې یوه پوځي اډه افغان ځواکونو ته سپارل شوې ده.

راپور دا هم په ډاګه کړې، چې امریکا به یو شمېر پوځي تجهیزات افغان ځواکونو ته وسپاري او ځینې به یې د پوځي عملیاتو لپاره نورو هېوادونو ته واستوي.

په امریکا کې یوې پوځي ورځپاڼې خبر ورکړی، چې له افغانستان څخه د امریکايي ځواکونو د وتلو بهیر د امریکا د ولسمشر جوبایډن پر سپارښتنه پیل شوي او د سپټمبر تر ۱۱ به بشپړ شي.

Continue Reading

Trending

آریانا نیوز: ټول حقونه خوندي دي