Connect with us

سیمه ییز خبرونه

ولسمشر كرزي ولسي جرگې ته د كابيني د پاتې غړيو د وروپېژنې ژمنه كړې- ابراهيمي

Ariana News

خپور شوی

 په

(Last Updated On: تله ۲۸, ۱۳۹۰)

د ولسي جرگې رييس وايي، چې:

د دې جرگې د مخكينيو مصوبو خلاف، چې عنعنوي لويه جرگه يې غير قانوني بللې وه او په هغه كې يې په نه گډون ټينگار كړى و؛ اوس د ولسي جرگې يو شمېر غړيو په كې د گډون په موخه ځانگړې پاڼې ډكې كړې دي .

د آريانا ټلويزيون خبرياله فريده سوما د ولسي جرگې د غونډې نور جزييات داسې څرگندوي:

د ولسي جرگي د چارشنبي ورځې(د تلې ۲۷) په عمومي غونډه كې يو شمېراستازيو يو ځل بيا پر حكومت تورولگاوه، چي نه غواړي د كابيني پاتې برخه د باوررايو په موخه ولسي جرگې ته ور وپېژني او د ستري محكمې او لويې څارنوالۍ غړي د قانون خلاف خپلو دندو ته دوام وركوي.

د ولسي جرگي غړى عرفان الله عرفان وايي، چې:

د جرگې نصاب بشپړشوى او ولسمشر بايد د كابيني پاتې غړي ولسي جرگې ته وروپېژني او ولسي جرگه بايد په دې اړه جدي كړنه تر سره كړي .

د ولسي جرگي رييس عبدالرووف ابراهيمي وايي، چي ولسمشر ورسره ژمنه كړې، چي ډېر ژر به د كابيني پاتې غړي ولسي جرگې ته ور وپېژني.

د ولسي جرگې غړي په عنعنوي لويه جرگه كې د گډون په اړه په يوه نظر نه دي.

د ولسي جرگي غړې شكيبا هاشمي وايي:

عنعنوي لويه جرگه ، چې د لړم(عقرب) په وروستيو كې جوړيږي، د قانون خلاف ده او زياتوي، چې له امريكا سره د ستراتيژيكو همكاريو په اړه تصميم د ولسي جرگې دنده ده.

دولسي جرگي رييس عبدالروف ابراهيمي  وايي:

ولسي جرگې پرېكړه كړې وه، چې په لويه جرگه كې به برخه نه اخلي.

نوموړى وايي، چې:

د ولسي جرگي گڼ شمېرغړيو په عنعنوي لويه  جرگه كې گډون پاڼې ډكې كړې دي  .

دولسي جرگي غړى عبدالرحيم ايوبي په دې اند دى، چې:

عنعنوي لويه جرگه كولى شي په اوسنيو حالاتو كې د افغانستان د ستونزو پر حل اغيزمن رول ولوبوي .

ولسمشر كرزي په داسي حال د كابيني د پاتې غړيو د معرفي كيدو ژمنه كړې، چي له تېرو دوه كلونو راپديخوا يو شمېر وزارتونه د سرپرستو وزيرانو لخوا اداره كيږي او په دې موده كې ولسي جرگې څو ځله له ولسمشر كرزي د كابينې د پاتې غړيو د ورپېژندلو غوښتنه كړې وه.

Continue Reading
Advertisement
Click to comment

Leave a Reply

Your email address will not be published.

تازه خبرونه

په کندهار کې ۱۹ طالبانو او ۷ پولیسو ته مرګ و ژوبله اوښتې

Ariana News

خپور شوی

په

توسط

(Last Updated On: تله ۴, ۱۳۹۹)

د کندهار امنیتي چارواکو ویلي، چې د دې ولایت په تخته پل ولسوالۍ کي ۱۹ وسلوالو طالبانو او ۷ پولیسو ته مرګ ژوبله اوښتې ده.

د کندهارامنیه قومندانۍ ویاند جمال ناصر بارکزي ویلي؛ تېره شپه وسل والو طالبانو د تخته پل ولسوالۍ د ملید پر پوسته ډلیز برید تر سره کړی، چې په کې اته وسلوال وژل شوي یوولس نور ټپیان دي.

نوموړي زیاته کړې، چې په دې نښته کې درې پولیس هم وژل شوي او څلور نور ټپیان دي.

دغه راز چارواکو ویلي؛ په روزګان ولایت کې له تېرو څو ورځو راپدیخوا په نښتو کې لږ تر لږه ۶۴ سرتېري وژل شوي دي.

په دې ولایت کې سیمه ییزو چارواکي څرګنده کړې، چې د روزګان ولایت ګیزاب ولسوالي له څو ورځو راپدیخوا د طالبانو تر محاصرې لاندې ده او له تېرو دوه ورځو پر دهراود ولسوالۍ هم بریدونه روان دي.

سیمه ییز چارواکي خبرداری ورکوي که مرستندوی ځواکونه ور ونه رسیږي دواړه ولسوالۍ به سقوط وکړي.

وسلوالو طالبانو تر دې دمه په دې اړه څه ندي ویلي.

دا په داسې حال کې ده، چې د دوحې د خپلمنځي خبرو له پرانستې را پدیخوا په ټول هېواد کې د ښکېلو خواوو تر منځ نښتو زور اخیستی دی.

Continue Reading

تازه خبرونه

د روزګان دهراود او ګيزاب ولسوالۍ د سقوط په درشل کې دي

Ariana News

خپور شوی

په

توسط

(Last Updated On: تله ۴, ۱۳۹۹)

د روزګان ولايت سيمه ییزو چارواکو ویلي؛ که د دې ولایت دهراود او ګیزاب ولسوالیو ته پوځي مرسته ونه رسيږي، نو په دې ولسواليو کي محاصره سرتېرو ته به درنده مرګ و ژوبله واوړي او دا ولسوالۍ به سقوط شي.

په دغو ولسواليو کي له تېرې يوې اوونۍ راپدیخوا سخته جګړه روانه ده او د ولسواليو مرکزونه وسلوالو محاصره کړي دي.

د سيمي اوسيدونکي وايي، د جګړې په لومړۍ کرښه کې عام خلک بند پاتي دي او ډېري کسان د جګړې له کبله مړه او ټپيان شويدي.

له تېرو لس ورځو څخه د روزګان د ګيزاب ولسوالۍ مرکز د وسلوالو طالبانو له خوا تر محاصرې لاندې دى او هلته لسګونه سرتېري هم وژل شوي دي.

په روزګان کي امنيتي مسوولينو ويلي؛ په ګيزاب کي تر اوسه د جګړې له کبله ٦٤ امنيتي سرتېري وژل شوي او همدا شان ملکي کسانو ته هم مرګ و ژوبله اوښتې؛ خو دوى ته يې شمېر ندى معلوم.

د دوى په خبره له تېرو دوه ورځو را پدیخوا د دهراود پر ولسوالۍ هم د وسلوالو ډله یيز بريدونه پيل شوی، چي پېنځه ملکي کسان په کي ټپيان او يو ماشوم وژل شوى دى.

دوى زياتوي اوس هم هلته ډېري امنيتي سرتېري محاصره دي. که پوځي مرسته ور نکړ شي وبه وژل شي او ولسوالي به هم وسلوال ونیسي.

د دې ولايت د ولايتي شورا پخواني مشر امان الله هوتکي ويلي، مرکزي حکومت تر اوسه د روزګان د جګړې د مهارولو په موخه هڅه نده کړې.

هغه زیاته کړې؛ که د ګيزاب او دهراود ولسواليو د سقوط مخه ونه نيول شي روزګان ولايت به سقوط وکړي، ځکه په زرګونه وسلوال طالبان له بېلابېلو ولايتونو راټول شوي او پر روزګان يې بريدونه پيل کړي دي.

د دغې جګړې قربانيانو ويلي؛ دولت تر اوسه ندى توانيدلى، چي ملکي خلک د جګړې له لومړۍ کرښې وباسي او ډيرو خلکو ته په کي مرګ و ژوبله اوښتې ده.

دا په داسي حال کې ده، چي د سولي د خبرو له پيل سره سم وسلوالو طالبانو او حکومتي ځواکونو د هېواد په بېلابېلو ولايتونو کي سختي جګړې پيل کړي، چي په کې هره ورځ لسګونه ملکي کسان او امنيتي سرتېرو ته مرګ و ژوبله اوړي او خلک د سولي پر خبرو هم بې باوره شوي دي.

Continue Reading

تازه خبرونه

په بغلان کې د راغورزیدلې چورلکې دوه پیلوتان مړه شوي

Ariana News

خپور شوی

په

توسط

(Last Updated On: تله ۴, ۱۳۹۹)

د افغانستان دفاع وزارت په ډاګه کړې، چې د پنجشنبې پر ورځ په بغلان ولایت کې د یوې چورلکې د راغورزېدو په پایله کې دوه پیلوتان مړه شوي دي.

یادې سرچینې څرګنده کړې، چې تېره ورځ د مازیګر څلورنیمې بجې د بغلان ولایت د پلخمري د کپرک په اړوند سیمه کې د افغانستان د هوايي ځواک ام دي – ۵۳۰ ډوله پوځي چورلکه د تخنکي ستونزې له کبله راغورځیدلې، چې په کې سپاره دوه پیلوتان مړه شوي دي.

د دفاع وزارت د خبرپانې له مخې، د پېښې په اړه به څېړنې تر سره شي.

دې وزارت ویلي، چې د جمعې پر ورځ د دغو دوه پیلوتانو هر یو جګړن بسم الله او دوه یم بریدمن فیصل د جنازې او خاوروته د سپارلو مراسم تر سره شول.

دا په داسې حال کې ده، چې تېره ورځ د بغلان ولایتي شورا غړي بسم الله عطاش وآریانا نیوز ته څرګنده کړې وه؛ دغه چورلکه د پنجشنبې پر ورځ له غرمې وروسته دوه بجې د وارداتي برښنا له یوې ستنې سره ولګېده، چې ورسره ۲۲۰ کیلو ولته برښنا پرې او بیا د پلخمري شمرق بند ته نږدې راوغورزیده.

Continue Reading
Advertisement

Trending