Connect with us

تازه خبرونه

ولسمشر غني له ځوانانو د مرستې غوښتنه وکړه

Ariana News

خپور شوی

 په

(Last Updated On: March 28, 2021)

ولسمشر محمد اشرف غني د ځوانانو د عالي شوری په پرانیسته کې له ځوانانو وغوښتل، چې له اداري فساد او تبعیض سره مبارزه وکړي او ملي یوالي ته کار وکړي.

نن یکشنبه د وري ۸ په ولسمشرۍ مانۍ کې د ځوانانو عالي شوری د پرانیستې مراسم تر سره شول. ولسمشر محمد اشرف غني ځوانانو ته وویل، چې د افغانستان اداره مخ په ځوانیدو ده او باید خپل او راتلونکي نسل ته کار وکړي.  

ولسمشر ویلي، چې په تېرو دوه څلوېښت کلونو بدمرغي دا وه، چې ځوانان پر افرادو، اشخاصو او ډلو وېشل شوي وه.

هغه وایي: تاسې باید په ټولو ادارو کې له ځوانانو ژمنه واخلئ ؛ هغه ځوان، چې فساد کوي، تعصب لري، ملي وحدت زیانمنوي یا په رښتیا د کار وړتیا نلري باید د دغه راز ځوان پر وړاندې ودریږئ.

ولسمشر له ځوانانو وغوښتل، چې د هېواد د بهرني سیاست په جوړونه کې برخه واخلي او هیچا ته اجازه ورنکړي، چې د خپلې خوښې نظام پرې وتپي.

 

اشرف غني ویلي؛ تاسې فرصتلرئ، چې د نطام ستنې ټینګې او لوری ورکړئ… له تاسې پرته اوهغه نظام، چې نه غواړئ؛ څوک یې درباندې تپلی نشي.تاسې باید پر دې راوڅرخئ، چې نن څرنګه نئام غواړئ او د څرنګه سولې غوښتونکي یاست.

هغه څرګنده کړې؛ د حکومتي سرچینو په لګولو کې نیمګړتیاوې شته، چې اوس یې د له منځه وړلو هڅې پیل کړي دي.

 

اشرف غني وایي: د افغانستان سرچینې په سمه توګه کارېدلي ندي؛ د افغانستان اداره د ولسمشرۍ او اداري اصلاحاتو په ګډون بریالۍ ندي. په دې برخه کې مونږ ناکام یو. ښاغلی نادري بې ځایه معاشونه مو ورکړي ؛ پایله یې نده ورکړې، چې ژوندۍ بېلګه یې ان ټي ای دی.

د نوموړي د تينګار له مخې؛ ځوانان باید فکري شبکې جوړې کړي او حکومت ته په بېلا بېلو برخو کې طرحې او وړاندیزونه وکړي.

تازه خبرونه

د کابل په ګډون په ۹ ولایتونو کې د کرونا واکسین پلي کولو نوی بهیر پیل شو

Ariana News

خپور شوی

په

توسط

(Last Updated On: June 13, 2021)

نن د  کابل په ګډون په ۹ ولایتونو کې د چین سینوفارم کرونا واکسینو د پلي کولو نوی بهیر پیل شو.

 افغانستان د کرونا پر وړاندې د مبارزې تر ټولو په سخت حالت کې دی؛  د هندي اسټرازینکا واکسین په پلي کولو کې له څو ورځو ځنډ وروسته د چین لخوا اووه سوه زره خوراکه واکسین هېواد ته را ورسېدل، چې ور سره سم  د کابل په ګډون په  ۹ ولایتونو کې یې خلکو ته د پلي کولو بهیر بیا پیل شو.

د عامې روغتیا وزارت د ویاند مرستیال عثمان طاهري ویلي، چې چین اووه سوه زره خوراکه واکسین مرسته کړې، چې د ټولنې زیان منوونکیو وګړیو ته پلی کیږي.

 د یاد وزارت معلومات ښیي، چې له تېرو څلیریشت ګړیو راپدیخوا په هېواد کې اووه شپېته ناروغان له کرونا مړه شوي او ۹۷۳ نور پرې اخته شوي دي.

عامې روغتیا وزارت د ځینو نویو محدودیتونو د لګولو تر څنګ په عمومي ځایونو کې ماسک اچول اړین  اعلان کړل.

د اکسیجن کمی اوس بله ستونزه ده؛ خو د بښنې نړیوالې ټولنې او ملګرو ملتونو له افغان دولت غوښتي، چې دا ستونزه ژر تر ژره اواره کړي.

دوی خبرداری ورکړی، چې که نړیواله ټولنه مرسته ونکړي؛ حالات به له څارنې ووځي.

د یادونې ده، چې د افغان جاپان او قصبې په روغتونونو کې د اکسیجن د تولید دستګاوو کار پیل کړی؛ خو خلک اوس هم روغتیایي سپارښتنو ته پام نکوي.

Continue Reading

تازه خبرونه

د کابل هوایي ډګر او سفارتونو د ساتلو لپاره د یو شمېر بهرنیو ځواکونو پاتې کېدل د منلو ندي ـ طالبان

Ariana News

خپور شوی

په

توسط

(Last Updated On: June 13, 2021)

طالبانو خبرداری ورکړی، چې د بهرنیانو له وتلو وروسته د کابل هوایي ډګر او بهرنیو سفارتونو د ساتنې لپاره د یو شمېر بهرنیو ځواکونو پاتې کېدل ورته د منلو وړ ندی او دا سرتېري به نیواکګر وپېژندل شي.

طالب ویاند له هغې وروسته، چې ناټو د کابل هوایي ډګر پر ساتلو خپل ګډهوډ څرګند کړ؛ په ډاګه کړه: زمونږ په هېواد کې تر هر نوم او سرلیک لاندې د بل هېواد د سرتېرو حضور د افغانانو او طالبانو لپاره د منلو وړ ندی.

په دې اړه د طالبانو په اعلامیه کې راغلي؛ دا د افغانانو مسوولیت دی، چې د افغانستان د لویشت لویشت خاورې، هوایي ډګرونو، بهرنیو سفارتونو او ډیپلوماټیکو سیمو امنیت وساتي. له دې کبله باید هیڅ بهرنی زمونږ په هېواد کې د نظامي یا امنیتي شتون د بقا امید ونلري او داسې ګام پورته نکړي، چې پرې د هېوادونو او ملتونو تر منځ اړیکې ځنډنۍ، خنډنۍ او خرابې شي.

طالبانو خبرداری ورکړ: که څوک دا ډول تېروتنه وکړي؛ نو افغانان او اسلامي امارت به دوی د نیواکګرو په توګه وپېژني او هغه کړنه به ورسره تر سره شي، چې د هېوادني تاریخ په هر پېر کې ورسره تر سره شوې ده.

طالبانو په داسې حال کې دا څرګندونې کړي، چې د بهرنیو سرتېرو له وتلو وروسته په کابل کې د حامد کرزي نړیوال هوایی ډګر او د بهرنيو هېوادونو د سفارتونو ساتلو د بهرنیو ځواکونو یوه اړینه اندېښنه ګڼل شوې ده.

Continue Reading

تازه خبرونه

د کابل په لویدیځ کې دوه چاودنو ۱۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: June 12, 2021)

د کابل پولیسو ویلي، چې نن شنبه د غبرګولي ۲۲ له غرمې وروسته د لومړنیو معلوماتو له مخې د کابل د شپږمې او دیارلسمې ناحیو د اړوند سیمو پر خلکو په دوه چاودنو کې اووه کسان وژل شوي او شپږ نور ټپیان دي.

کورنیو چارو وزارت څرګنده کړې، چې پر یو تونس ډوله موټر په دیارلسمه ناحیه کې ماین چاودنه شوې او پر بل تونس ډوله موټر د علي جناح روغتون تر څنګ له چاودنې یاده مرګ و زوبله رامنتځته شوې ده.

یاد وزارت زیاته کړې، چې په ځاني زیانونو کې د دېرړالي شونتیا لیدل کیږي.

تر دې دمه کوم  فرد، شخص او یا ډلې د دې بریدونو پړه نده منلې.

Continue Reading

Trending

آریانا نیوز: ټول حقونه خوندي دي