Connect with us

تازه خبرونه

ولسمشرغني د کابل امنیتي څارنه په لنډمهاله توګه امرالله صالح ته وسپارله

Ariana News

خپور شوی

 په

(Last Updated On: October 17, 2020)

په هېواد او په ځانګړي توګه کابل ښار کې د بېلابېلو جرمونو د ډېرېدو له کبله ولسمشر اشرف غني د راتلونکیو څو اوونیو لپاره د کابل د امنیت څارنې مسوولیت خپل لومړي مرستیال امرالله صالح ته سپارلی دی.

امرالله صالح د جمعې پر شپه په خپله فېسبوک پاڼه کې په ډاګه کړې، چې زه به د څو اوونیو لپاره د کابل د امنیت څارنې د اړوند چارو بشپړ مسوولیت پرغاړه واخلم.

هغه کابل ښاریانو ته ډاډ ورکړې، چې خلکو ته د امنیت د خوندي کولو لپاره د قانون په پلي کولو کې به د مجرمینو په اړه هیڅ مصلحت په پام کې نه نیبسي؛ ځکه، چې په خپل سیندګي که په دې اړه خواخوږي نلري.

هغه په ډاګه کړې، چې د نوي مسوولیت د تر سره کولو ترڅنګ به خپلې نورې دندې هم روانې ساتي او د امنیتي تړون پلي کول به د دې برنامې یوه برخه وي.

 زه کابل د خپل اورغوي په څېر پېژنم. تاسې ډاډه اوسئ، چې زما نورې ټولې دندې او مسوولیتونه به تېر ته ورته ترسره کیږي.

هغه په ډاګه کړې: د غلو، ځوروونکیو، زورواکو، قانون ماتوونکیو، د عامه ملکيت غصب کوونکيو او عادتي مجرمين، چې د قانون تر چتر لاندې غولوونکې هڅې ترسره کوي؛ د ټولو نوملړ مخکې له مخکې جوړ شوی دی.

هغه ټینګار کړی، چې د افغانستان امنیتي نهادونه پیاوړي کول او خلکو ته نږدې کول د دې پروګرام یوه بله برخه ده.

نوموړي له خلکو غوښتي؛ خپلې ستونزې له هرې لارې، چې وي تر ده راورسوي او خپله ایماني او بشري دنده په دې اړه تر سره کړئ.

تازه خبرونه

په ویتنام کې د ځمکې ښویدنې ژغورونکي عملیات پیل شوي

Ariana News

خپور شوی

په

توسط

(Last Updated On: October 30, 2020)

په ویتنام کې له توپان څخه د رامنځته شوې ځمکښویدنې د ځاني زیانمنو ژغورونکیو تر خاورو لاندې پلټنه پیل کړې، چې شوني ژوندي ومومي.

دغه طبیعي ناورین د مرکزي ویتنام په کوانګنام ولایت کې رامنځته شوی.

ځایی رسنیو راپور ورکړی، چې د دې هېواد اردو له ځانګړیو تجهیزاتو او توکموندونکیو سپیو سره تر خاورو او خځلو لاندې لټون کوي.

د چارشنبې پر ورځ د کوانګنام ولایت په ۳ کلیو کې ځمکښویدنې لسګونه خلک تر خاورو کړل.

تر دې دمه د مرګ ژوبلې کره شمېر ندی په ډاګه شوی؛ خو لږ تر لږه د ۱۹ کسانو د وژل کیدو او لسګونه نورو د ټپي کیدو راپور ورکړ شوی دی.

د ژغورنې ډلې تر دې دمه ۳۳ کسان ژغورلي او د نورو ۱۴ کسانو لټون روان دی.

د راپورونو له مخې؛ تر دې دمه ۳۷۴ زره خلک له اغېزمنو سیمو څخه نورو سیمو ته لیږدول شوي دي.

په دې هېواد کې د سخت توپان له کبله لږ تر لږه ۵۶ کورونه ویجاړ او د میلیونونو کسانو برښنا پرې شوې ده.

Continue Reading

تازه خبرونه

سیمه ییزه همکاري د افغانستان د بهرني سیاست لومړیتوب دی – اتمر

Ariana News

خپور شوی

په

توسط

(Last Updated On: October 30, 2020)

د بهرنیو چارو وزارت چارسمبالي حنیف اتمر تېره ورځ له غرمې وروسته د ایران د انرژۍ له وزیر او د افغانستان – ایران د ګډې همکارۍ کمیسیون له مشر رضا اردکانیان سره د ویدیو کنفرانس له لارې خبرې وکړې.

حنیف اتمر ویلي، چې په اقتصادي، سوداګرۍ، امنیت او د دواړو هېوادونو د کارپوهانو ترمنځ د تخنیکي تجربو تبادله، د دوه اړخیزو همکاریو پراختیا او پیاوړتیا د سیمې او په ځانګړي توګه له ایران سره د افغانستان د بهرني سیاست لومړیتوب دی.

د افغانستان د بهرنیو چارو وزارت په اعلامیه کې راغلي: دواړو لوریو د انرژۍ د لیږد، سوداګرۍ او ترانزیت د پراختیا په برخو کې د همکارۍ پراخولو، د خواف – هرات د اوسپنیزې لیکې پرانستلو، د ګډو هڅو وړاندیزونو او د ګډې همکارۍ کمیسیون غونډې ته د چمتووالی په اړه خبرې وکړې. دغه راز د دواړو هېوادونو ترمنځ د همغږۍ د مسودې او د کابل او تهران ترمنځ د پراخې همکارۍ د سند د وروستي کیدو په اړه نظرونه تبادله شول.

د دغې اعلامیې د څرګندونو له مخې؛ دواړو لوریو د کابل او تهران ترمنځ د همکارۍ پر پیاوړتیا او پراختیا ټینګار وکړ او د نیول شویو پرېکړو د پلي کیدو لپاره یې د نېټې پر ټاکلو هوکړه وکړه.

Continue Reading

تازه خبرونه

د ښځو له ګډون پرته د سولې خبرې بریالۍ ندي- بریتانیا

Ariana News

خپور شوی

په

توسط

(Last Updated On: October 30, 2020)

بریتانیا خبرداری ورکوي، چې د ښځو له ګډون پرته به د سولې خبرې بریالۍ نه وي.

په کابل کې د بریتانیا سفارت په یوه اعلامیه کې د ملګرو ملتونو له بنسټونو او هېوادونو غوښتي، چې د سولې او امنیت په برخه کې د ښځو د ګډون په اړه د ملګرو ملتونو د امنیت شورا د لومړنۍ پرېکړې له شلمې کلیزې مخکې په سوله او امنیت کې د ښځو ونډه، هڅې او د ښځو پروړاندې د تاوتریخوالي مخنیوي ته پام راواړوي او د خوندیتوب زمینه ورته برابره کړي.

د منځني ختیځ لپاره د بریتانیا د دولت وزیر جیمز کلیوري ملګرو ملتونو ته په مجازی وینا کې څرګنده کړې: مونږ پوهیږو؛ هر وخت، چې میرمنې د خبرو میز ته ناستې دي، نو د سولې خبرو د ناکامۍ شونتیا هم ورسره لږ شوې ده. له همدې کبله ۲۰ کاله مخکې په ملګرو ملتونو کې هر هېواد د سولې په بحث کې د ښځو برخې اخیستنې ته نه یوازې ژمن شو، بلکې د ونډې پر ډېریدو هې هم ټینګار وشو.

نوموړي زیاته کړې: له دې سره سره د ښځو د ګډون کچه اوس هم ټیټه ده او څومره، چې میرمنې دغه بهیر ته وردانګي؛ هومره یې پروړاندې ګواښونه ډېریږي.

هغه څرګنده کړې: اوس؛ نو د نړۍ مشران باید خپلې ژمنې پلې کړي او د بریتانیا تر مشرۍ لاندې، چې د دغې هڅې په لومړۍ لیکه کې د میرمنو لپاره مشورې ترسره کوي، ځانونه چمتو کړي.

د ملګرو ملتونو د میرمنو او د بهرنیو اړیکو د شورا د څېړنې له مخې: کله، چې میرمنو د سولې په خبرو کې د پام وړ رول لوبولی؛ نو ورسره د هوکړو د ماتیدو چانس ۶۴ سلنې ته راټیټ شوی او تړونونو هم لږ تر لږه ۱۵ کاله ټینګ پاتې شوي دي. سره له دې د ۱۹۹۰ او ۲۰۱۷ کلونو تر منځ میرمنې د سولې په ټولو لویو بهیرونو کې یوازې ۲ سلنه منځګړې، ۸ سلنه خبرې کوونکې او ۵ سلنه د لیدونکیو، شاهدانو او لاسلیک کونکيو په توګه پاتې شوې دي.

د برتانیا سفارت څرګنده کړې: کلیورلي د ملګرو ملتونو د ښځو منځګړیتوب شبکې، چې د ۵۰ غړیو خپلواکه شبکه ده؛ د نوي میلیون دالرو مرستې ژمنه کړې، چې د سولې په بهیر کې د میرمنو ګډون ته د انګلستان دوامداره ژمنتیا په ډاګه کړي. دا د نړۍ منځګړې دي، چې د پخلاینې سرچینې ډاډمنوي.

دغه راز په ډاګه شوې: د دغه مالي ملاتړ له لارې به میرمنې، چې د سولې خبرو په لومړي سر کې دي، د سولې په بهیر کې د پراخ ګډون لپاره روزنې، مشورې او سرچینې چمتو کوي، چې د ملګرو ملتونو په ګډون د خبرو اترو په ټولو کچو کې له ښځو سره مشوره وشي.

دا په داسې حال کې ده، چې دغه هېواد په جنګ ځپلیو هېوادونو لکه افغانستان او نایجریا کې پر میشتو میرمنو او نجونو د ویروس د اغېزو څېړنې ته ۲۵۰۰۰ پونده مرسته هم اعلان کړې ده.

Continue Reading
Advertisement

Trending