Connect with us

تازه خبرونه

وسلوالو طالبانو په تخار او فاریاب کې دوه ولسوالۍ نیولي

خپور شوی

 په

(Last Updated On: غبرګولى ۲۹, ۱۴۰۰)

امنیتي سرچینو آریانا نیوز ته منلې، چې وسلوالو طالبانو د تخار  بهارک او فاریاب خواجه سبز پوش ولسوالۍ تر خپلې ولکې لاندې راوستي دي.

یوې امنیتي سرچینې آریانا نیوز ته منلې، چې وسلوالو طالبانو تېره شپه د تخار ولایت بهارک ولسوالي نیولې ده.

یادې سرچینې زیاته کړې، چې بهاک ولسوالي  درې ورځو راپدیخوا د طالبانو تر محاصرې لاندې وه؛ خو تېره شپه له  ۵۰ ډېر سیمه ییز پولیس او ملي امنیتي ځواکونه وسلوالو طالبانو ته تسلیم شوي دي.

دغه راز ویل کیږي، چې د تېرې شپې په جګړه کې د بهارک د امنیت مشر په ګډون پېنځه امنیتي ځواکونه وژل شوي دي.

سیمه ییزو چارواکو په دې اړه رسنیو ته رسمي څه ندي ویلي.

دغه راز امنیتي سرچینو ویلي، چې نن سهار وسلوالو طالبانو د دې ولایت خواجه سبز پوش ولسوالي نیولې ده.

د سرچینو د څرګندونو له مخې؛ د خواجه سبزپوش د ولسوالۍ او امنیه قومندانۍ ودانۍ د وسلوالو طالبانو لخوا نیول شوي دي.

ویل کیږي، چې د دې ولسوالۍ امنیه قومندان اختیار عرب تېره شپه له خپلو ۱۳ سرتېرو سره طالبانو ته تسلیم شوی دی.

سیمه ییزو چارواکو تر دې دمه پدې اړه څه ندي ویلي.

دا په داسې حال کې ده، چې وسلوالو طالبانو تېره ورځ په فلریاب، بغلان او هرات ولایتونو کې درې ولسوالۍ نیولې وې.

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

تازه خبرونه

پاکستان د افغانستان پر ختیځو سیمو ۲۱ توغندي توغولي – چارواکي

خپور شوی

په

توسط

(Last Updated On: مرغومی ۲۸, ۱۴۰۰)

د ختیځ زون پوځي چارواکو آریانا نیوز ته څرګنده کړې، چې د یکشنبې پر شپه ډیورنډ کرښې ته نږدې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته شوې ده.

چارواکو په ډاګه کړې؛ پاکستانيو ځواکونو د افغانستان پر لوري ۲۱ توغندي وتوغول، چې مرګ و ژوبله نلري.

د ختيځ زون د لومړۍ سرحدي لوا وياند حمدالله همدرد ويلي، چې د اسلامي امارت ځواکونو هم پر پاکستانيو ځواکونو يو شمېر توغندي توغولي دي.

دغه راز ویل کیږي، چې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته هم شوې ده.

حمد الله همدرد زیاته کړې، چې جګړه د شپې تر ۹ بجو روانه وه. د نښتې لامل د پاکستانيو ځواکونو برید و، په ځواب کې یې د اسلامي امارت ځواکونو توغندي توغولي او ښايي مرګ و ژوبله یې هم اړولې وي. زموږ ځواکونو او خلکو ته مرګ و ژوبله نده اوښتې.

د اسلامي امارت چارواکو ویلي، چې د ډیورنډ کرښې په اوږدو کې د پاکستانيو ځواکونو د بریدونو د مخنیوي لپاره ۳۲ نوې پوستې جوړوي.

Continue Reading

تازه خبرونه

په چین کې د زیږون کچه ډېره راټیټه شوې

خپور شوی

په

توسط

(Last Updated On: مرغومی ۲۸, ۱۴۰۰)

د چين د احصائې ملي ادارې د دوشنبې پر ورځ ( د مرغومي ۲۷ ) څرګنده کړې، چې په ۲۰۲۱ زېږدیز کال کې د زېږون کچه په هرو زر کورنیو کې ۷.۵۲ راټيټه شوې ده.

چین په ۲۰۱۶ زېږدیز کال کې د څو ماشومانو پالیسي له منځه یوړه او پر ځای یې د دوه اولادونو محدودیت وضع کړ، چې له اقتصادي ستونزو څخه د وګړیو د ژر زړښت مخه ونیسي؛ خو د ښاري ژوند لوړ لګښت د ډېرو ماشومانو د لرلو مخه ونیوله.

له همدې کبله کله، چې د احصائې ادارې په دې اړه د معلوماتو راټولول پیل کړل؛ نو په ‌ډاګه شوه، چې  د زیږون کچه له ۱۹۴۹ کال راپدیخوا ترټولو ټیټه شوې ده.

د چین د وګړیو د طبیعي ودې کچه له کډوالۍ پرته د ۲۰۲۱ لپاره یوازې ۰.۰۳۴ سلنه ده، چې له ۱۹۶۰ راپدیخوا ترټولو ټیټه کچه ده.

د پن پواینټ شتمنیو مدیریت مرکز لوی اقتصاد پوه ژی وی ژانګ ویلي؛ د نفوس ننګونه ښه پېژندل شوې؛ خو د وګړیو د عمر کچه په څرګنده توګه د تمې په پرتله ګړندۍ روانه ده.

دا ارقام ښیي، چې په ۲۰۲۱ زېږدیز کال کې ۱۰.۶۲ میلیون د ۲۰۲۰ کال پر پرتله، چې ۱۲ میلیون ماشومان ول؛ زېږېدلي دي.

د یادونې ده، چې په چین کې د زیږون کچه د ۲۰۲۰  کال له مخې په هرو ۱۰۰۰ خلکو کې ۸.۵۲ سلنه ده.

Continue Reading

Trending

Copyright © 2022 Ariana News. All rights reserved!