Connect with us

سیمه ییز خبرونه

هيلري كلنټن كابل ته رارسيدلې

Ariana News

خپور شوی

 په

(Last Updated On: تله ۲۸, ۱۳۹۰)

په كابل كې د امريكا سفارت مسوولين وايي چې:

د امريكا د بهرنيو چارو وزيره ميرمن هيلري كلنټن تېره شپه په يو كاري سفر كابل ته را رسيدلې ده.

نړيوالو رسنيو د امريكايي چارواكو په وينا ويلي ، چې:

نوموړې به د خپل سفر په بهير كې له ولسمشر حامد كرزي سره د دواړو هېوادونو پر سترتيژيك تړون، د پاكستان او افغانستان پر اړيكو او له طالبانو سره د روغې جوړې په اړه خبرې وكړي.

ويل كيږي، چې د امريكا د بهرنيو چارو وزيره هڅه كوي، چې  ولسمشر حامد كرزى له طالبانو سره خبرو كولو ته قانع كړي.

د نوموړې سفر په داسې حال كې پيل شوى، چې گډو ځواكونو پر سرحدي پوله د حقاني شبكې پر ضد له عملياتو خبر وركړى دى.

د يادونې وړ ده، چې  ميرمن كلنټن به د مدني ټولنو له يو شمېر غړيو سره هم وگوري.

Continue Reading
Advertisement
Click to comment

Leave a Reply

Your email address will not be published.

تازه خبرونه

په کندهار کې ۱۹ طالبانو او ۷ پولیسو ته مرګ و ژوبله اوښتې

Ariana News

خپور شوی

په

توسط

(Last Updated On: تله ۴, ۱۳۹۹)

د کندهار امنیتي چارواکو ویلي، چې د دې ولایت په تخته پل ولسوالۍ کي ۱۹ وسلوالو طالبانو او ۷ پولیسو ته مرګ ژوبله اوښتې ده.

د کندهارامنیه قومندانۍ ویاند جمال ناصر بارکزي ویلي؛ تېره شپه وسل والو طالبانو د تخته پل ولسوالۍ د ملید پر پوسته ډلیز برید تر سره کړی، چې په کې اته وسلوال وژل شوي یوولس نور ټپیان دي.

نوموړي زیاته کړې، چې په دې نښته کې درې پولیس هم وژل شوي او څلور نور ټپیان دي.

دغه راز چارواکو ویلي؛ په روزګان ولایت کې له تېرو څو ورځو راپدیخوا په نښتو کې لږ تر لږه ۶۴ سرتېري وژل شوي دي.

په دې ولایت کې سیمه ییزو چارواکي څرګنده کړې، چې د روزګان ولایت ګیزاب ولسوالي له څو ورځو راپدیخوا د طالبانو تر محاصرې لاندې ده او له تېرو دوه ورځو پر دهراود ولسوالۍ هم بریدونه روان دي.

سیمه ییز چارواکي خبرداری ورکوي که مرستندوی ځواکونه ور ونه رسیږي دواړه ولسوالۍ به سقوط وکړي.

وسلوالو طالبانو تر دې دمه په دې اړه څه ندي ویلي.

دا په داسې حال کې ده، چې د دوحې د خپلمنځي خبرو له پرانستې را پدیخوا په ټول هېواد کې د ښکېلو خواوو تر منځ نښتو زور اخیستی دی.

Continue Reading

تازه خبرونه

د روزګان دهراود او ګيزاب ولسوالۍ د سقوط په درشل کې دي

Ariana News

خپور شوی

په

توسط

(Last Updated On: تله ۴, ۱۳۹۹)

د روزګان ولايت سيمه ییزو چارواکو ویلي؛ که د دې ولایت دهراود او ګیزاب ولسوالیو ته پوځي مرسته ونه رسيږي، نو په دې ولسواليو کي محاصره سرتېرو ته به درنده مرګ و ژوبله واوړي او دا ولسوالۍ به سقوط شي.

په دغو ولسواليو کي له تېرې يوې اوونۍ راپدیخوا سخته جګړه روانه ده او د ولسواليو مرکزونه وسلوالو محاصره کړي دي.

د سيمي اوسيدونکي وايي، د جګړې په لومړۍ کرښه کې عام خلک بند پاتي دي او ډېري کسان د جګړې له کبله مړه او ټپيان شويدي.

له تېرو لس ورځو څخه د روزګان د ګيزاب ولسوالۍ مرکز د وسلوالو طالبانو له خوا تر محاصرې لاندې دى او هلته لسګونه سرتېري هم وژل شوي دي.

په روزګان کي امنيتي مسوولينو ويلي؛ په ګيزاب کي تر اوسه د جګړې له کبله ٦٤ امنيتي سرتېري وژل شوي او همدا شان ملکي کسانو ته هم مرګ و ژوبله اوښتې؛ خو دوى ته يې شمېر ندى معلوم.

د دوى په خبره له تېرو دوه ورځو را پدیخوا د دهراود پر ولسوالۍ هم د وسلوالو ډله یيز بريدونه پيل شوی، چي پېنځه ملکي کسان په کي ټپيان او يو ماشوم وژل شوى دى.

دوى زياتوي اوس هم هلته ډېري امنيتي سرتېري محاصره دي. که پوځي مرسته ور نکړ شي وبه وژل شي او ولسوالي به هم وسلوال ونیسي.

د دې ولايت د ولايتي شورا پخواني مشر امان الله هوتکي ويلي، مرکزي حکومت تر اوسه د روزګان د جګړې د مهارولو په موخه هڅه نده کړې.

هغه زیاته کړې؛ که د ګيزاب او دهراود ولسواليو د سقوط مخه ونه نيول شي روزګان ولايت به سقوط وکړي، ځکه په زرګونه وسلوال طالبان له بېلابېلو ولايتونو راټول شوي او پر روزګان يې بريدونه پيل کړي دي.

د دغې جګړې قربانيانو ويلي؛ دولت تر اوسه ندى توانيدلى، چي ملکي خلک د جګړې له لومړۍ کرښې وباسي او ډيرو خلکو ته په کي مرګ و ژوبله اوښتې ده.

دا په داسي حال کې ده، چي د سولي د خبرو له پيل سره سم وسلوالو طالبانو او حکومتي ځواکونو د هېواد په بېلابېلو ولايتونو کي سختي جګړې پيل کړي، چي په کې هره ورځ لسګونه ملکي کسان او امنيتي سرتېرو ته مرګ و ژوبله اوړي او خلک د سولي پر خبرو هم بې باوره شوي دي.

Continue Reading

تازه خبرونه

په بغلان کې د راغورزیدلې چورلکې دوه پیلوتان مړه شوي

Ariana News

خپور شوی

په

توسط

(Last Updated On: تله ۴, ۱۳۹۹)

د افغانستان دفاع وزارت په ډاګه کړې، چې د پنجشنبې پر ورځ په بغلان ولایت کې د یوې چورلکې د راغورزېدو په پایله کې دوه پیلوتان مړه شوي دي.

یادې سرچینې څرګنده کړې، چې تېره ورځ د مازیګر څلورنیمې بجې د بغلان ولایت د پلخمري د کپرک په اړوند سیمه کې د افغانستان د هوايي ځواک ام دي – ۵۳۰ ډوله پوځي چورلکه د تخنکي ستونزې له کبله راغورځیدلې، چې په کې سپاره دوه پیلوتان مړه شوي دي.

د دفاع وزارت د خبرپانې له مخې، د پېښې په اړه به څېړنې تر سره شي.

دې وزارت ویلي، چې د جمعې پر ورځ د دغو دوه پیلوتانو هر یو جګړن بسم الله او دوه یم بریدمن فیصل د جنازې او خاوروته د سپارلو مراسم تر سره شول.

دا په داسې حال کې ده، چې تېره ورځ د بغلان ولایتي شورا غړي بسم الله عطاش وآریانا نیوز ته څرګنده کړې وه؛ دغه چورلکه د پنجشنبې پر ورځ له غرمې وروسته دوه بجې د وارداتي برښنا له یوې ستنې سره ولګېده، چې ورسره ۲۲۰ کیلو ولته برښنا پرې او بیا د پلخمري شمرق بند ته نږدې راوغورزیده.

Continue Reading
Advertisement

Trending