Connect with us

کوید۱۹

هند په تېرو څلیریشت ګړیو کې د کرونا ویروس ۴۰۰۰۰۰ مثبتې پېښې ثبت کړي

خپور شوی

 په

(Last Updated On: غویی ۱۱, ۱۴۰۰)

رویټرز په ډاګه کړې، چې په تېرو څلیریشت ګړیو کې هندوستان د کرونا ویروس ۴۰۱۹۹۳ مثبتې پېښې ثبت کړي دي.

دا لومړی ځل دی، چې هندوستان له ۴۰۰۰۰۰ څخه ډېر د کرونا ویروس پېښې ثبت کړي دي.

د راپورونو له مخې، په تېرو لس ورځو کې هند هره ورځ له ۳۰۰۰۰۰ زره څخه ډېرې مثبتې پېښې ثبت کړې دي.

په راپور کې راغلي، چې په دې موده کې ۳۵۲۳ کسان د ویروس له کبله مړه شوي، چې له دې سره د ټولو مړو شویو کسانو شمېر ۲۱۱۸۵۳ ته رسېدلي دي.

دا په داسې حال کې ده، چې هند د واکسین د بهیر پیلوونکی دی او هره ورځ سلګونه خلک دغه واکسین هم ترلاسه کوي.

د رویټرز د څرګندونو له مخې؛ یو شمېیر کارپوهانو د مودي پر حکومت نیوکه کړې، چې د کرونا ویروس له خپریدو سره سره یې د لویو غونډې پر ترسره کولو لاس پورې کړی، چې ور سره ویروس خپور شوی دی.

د هند د حکومت د رسمي معلوماتو له مخې، په هند کې د کرونا ویروس مجموعي شمېر ۱۹ میلیون ته رسیدلی دی.

د کرونا ویروس د خپرېدا له کبله د امریکا او آسټرالیا په ګډون نور هېوادونه هم هند ته پر سفر د محدودیتونو لګولو ته څولي دي.

تازه خبرونه

په نړۍ کې پر کرونا د اخته کسانو شمېر ډېر شوی

خپور شوی

په

توسط

(Last Updated On: وږی ۲۷, ۱۴۰۰)

په نړۍ کې پر کرونا د اخته کسانو شمېر ۲۲۶.۸ میلیون کسانو ته پورته شوی دی.

د روغتیا نړیوالې ټولنې تېره ورځ (جمعه د وږي ۲۶ \ د سپټمبر ) ویلي، چې د کرونا ویروس له کبله د مړو شمېر ۴.۶۶ میلیون ګسانو ته رسېدلی دی.

د سرچینې د څرګندونو له مخې؛ په نړۍ کې تر دې دمه ۲۲۶۸۴۴۳۴۴ خلک پر کرونا ویروس اخته شوي، چې نور ترې۴۶۶۶۳۳۴ مړه دي.

دغه راز په نړۍ کې له ۵.۵ میلیارډ څخه پر ډېرو خلکو د کرونا ویروس واکسین پلی شوی دی.

په امریکا کې پر کرونا ویروس د اخته خلکو شمېر ۴۲ میلیون کسانو ته رسیدلی، چې ۶۷۲ زره ترې مړه شوي دي.

په انګلستان کې د کرونا ویروس ۳۲۶۵۱ نوې مثبتې بېښې ثبت شوي، چې پرې د ټولو اخته کسانو شمېر له ۷.۳ میلیون ډېر شوی او تازه د ۱۷۸ ناروغانو مړینه ثبت شوې، چې ورسره د مړینې ټول شمېر ۱۳۴۹۸۳ ته ورسېده.

له بلې خوا په هند کې پر کروناویروس د اخته کسانو شمېر ۳۳۴۱۷۳۹۰ ته رسیدلی، چې یوازې له تېرو څلیریشت ګړیو راپدیخوا له ۳۵۶۶۲ نویو مثبتو بېښو له ثبت خبر ورکړ شوی دی.

د هند روغتیا وزارت ویلي، چې تر دې دمه په هند کې له کرونا ویروسه ۴۴۴۵۲۹ ناروغان مړه شوي دي.

Continue Reading

کوید۱۹

په امریکا کې له کرونا ویروسه د بستر شویو ناروغانو شمېر ډېر شو

خپور شوی

په

توسط

(Last Updated On: وږی ۲۱, ۱۴۰۰)

رویټرز څرګنده کړی؛ په امریکا کې د کرونا ویروس ډلټا بڼه ډېره شوې او تائید شوې، چې د شنبې پر ورځ د وږي ۲۰ / د سپټمبر ۱۱ پر کرونا ویروس د اخته کسانو شمېر له ۴۰ میلیون او ۹۲۰ زره کسانو اوښتی دی.

په امریکا کې د کرونا ناروغۍ له کبله مړینې شمېر له ۶۹۵۰۰۰ څخه ډېر دی او له ۱۰۰۰۰۰ ډېر نور په روغتونونو کې بستر شوي دي. د امریکا په ډېري ایالتونو کې د روغتیایي پاملرنې سیسټم د ډلټا له کبله تر فشار لاندې دی.

د جان هاپکنز پوهنتون د څرګندونو له مخې؛ د شنبې پر ورځ په امریکا کې د کرونا ویروس د مثبتو پېښو شمېر ۴۰ میلیون او۹۲۰ زره ۳۷۹ کسانو او د قربانیانو شمېر ۶۵۹ هزار او  ۶۷۵ ته رسیدلی دی.

د امریکا روغتیایي او بشري خدماتو وزارت په ډاګه کړې، چې ۲۶۰۰۰ ناروغان تر پوره پاملرنې او درملنې لاندې دي.

په امریکا کې روغتونونه د دغې ناروغۍ د مخ پر ډېریدونکي فشار لاندې دي او په ټول هېواد کې د جدي پاملرنې واحدونو اوسط شتون یوازې ۲۰ سلنه دی. ډېرې سیمې د روغتیایي سرچینو له کمبود سره مخ دي او روغتیایي پرسونل تر سخت فشار لاندې دي.

په فلوریډا کې د سینټ انټوني روغتون د سیمې یو له ۱۵ روغتونونو څخه دی، چې له جون راپدیخوا یې په روغتونونو کې لس چنده زیاتوالی لیدل شوی او د روغتون چارواکو ویلي؛ روغتون ته داخل شوي ۸۵ سلنه ناروغان هغه کسان دي، چې د کرونا واکسین پرې پلي شوي ندي.

د روغتون ډاکټرانو دغه راز ویلي، چې له واکسین څخه د پاتې ناروغانو روغتیایي حالت د اندېښنې وړ دی او باید د پر مصنوعي سا اخیستنې ژوندي وساتل شي.

په روغتون کې د جدي پاملرنې یوې نرسې ​ویلي، چې د جدي پاملرنې د کارکوونکې په توګه فکر کاوه، چې له واکسین پرته به له دې ناروغۍ خوندي پاتې کیدی شي؛ خو دې ناروغۍ اړ ایستله، چې خپل چلند بدل او واکسین پلی کړي.

اوس هم یو شمېر ناروغان شته، چې د مرګ له خطر سره سره له واکسین کولو ډډه کوي.

Continue Reading

کوید۱۹

په آسټرالیا کې د کروناویرس مثبتې پېښې مخ پر ډېرېدو دي

خپور شوی

په

توسط

(Last Updated On: وږی ۲۰, ۱۴۰۰)

رویټرز راپور ورکړی، چې نن د آسټرالیا په نوي ساوت ویلز ایالت کې د کرونا ویروس ۱۵۹۹ مثبتې پېښې ثبت شوې دي.

د آسټرالیا په نوي ساوت ویلز ایالت کې له تېرو څو اوونیو راپدیخوا د کروناویرس خپرېدل خورا ډېر شوي دي..

د راپور له مخې؛ تر دې دمه په دې ایالت کې اته کسان مړه شوي دي.

د راپورونو له مخې ، پدې ایالت کې د کرونا ویروس د خپرېدو مخنیوي لپاره جدي تدابیر نیول شوي دي.

د دغو پېښو له ثبت سره په آسټرالیا کې د کرونا ویروس د مثبتو پېښو شمېر ۷۳۰۰۰ ته رسیدلی او د مړیو شمېر هم ۱۰۸۴ لوړ شوی دی.

Continue Reading

Trending

آریانا نیوز: ټول حقونه خوندي دي