Connect with us

تازه خبرونه

هند دې طالبانو ته له مشروعیت وربښلو پرته خبرو ته ورودانګي ـ عطا محمد نور

خپور شوی

 په

(Last Updated On: لړم ۴, ۱۳۹۹)

د جمعیت اسلامي ګوند اجرائیه مشر او د بلخ پخواني والي عطا محمد نور له هند غوښتي، چې له طالبانو سره د سولې په خبرو کې د فعال رول لوبولو لپاره دې دغه بهیر ته ورودانګي.

دا په داسې حال کې ده، چې د دوحې د خپلمنځي خبرو پر بنسټیزو توپیرونو ټکنۍ خبرې بیا ځنډېدلې دي.

عطامحمد نور، چې دمګړۍ د هندوستان په سفر کې دی؛ د ولسمشر د پخواني مرستیال مارشال عبدالرشید دوستم، د پخلاینې عالی شورا د مشرعبدالله عبدالله او د حزب اسلامي د مشر ګلبدین حکمتیار په ګډون دا څلورم مخکښ افغان سیاسي مشر دی، چې په دې وروستیو اوونیو کې يې د خبرو اترو لپاره هند ته د سولې بهیر د بحث لپاره سفر کړی دی.

عطامحمد نور تېره اوونۍ په دیلي کې پرنت ورځپاڼې ته څرګنده کړې، چې هغه په ۲۰۱۶ کال کې د هند پر قونسلګرۍ د برید پرمهال د کارکوونکیو د ژغورنې او خوندي کولو لپاره خپله هم وسله راپورته کړې وه.

نور ویلي: زه هغه مهال د بلخ والي وم او تر قومندې لاندې مې ۱۰۰۰۰ سرتېري وه.

Atta Noor at the scene of the attack on the Indian Consulate in Mazar-e-Sharif in 2016

 

هغه څرګنده کړې: په قطر کې د سولې خبرو اوس هم پایله نده ورکړې او طالبان بریدونه کوي. داسې برېښي، چې د نورو لخوا یې ملاتړ کیږي … هند یو لوی او پیاوړی هېواد دی او د سولې په خبرو کې باید آسانتیاوې رامنځته کړي.

دغه راز نور ویلي: کېدی شي داسې حالت رامنځته شي، چې یو شمېرطالب مشران قدرت ته ورسیږي، او حکومت برخه شي. پداسې حال کې، چې نور به خپل بریدونه روان ساتي.

هغه خبرداری ورکړی؛  که داسې پیښ شي، مونږ به د ۱۹۹۶ کال د پېښو له تکرار سره مخ شو او وضعیت به له هغې هم بد شي.

عطا محمد نور د دې یادونه هم  کړې، چې د سولې اوسنۍ خبرې ممکن د هند لپاره بېلابېلې پایلې ولري.

هغه ټینګار کړی: د سولې له اوسنیو خبرو اترو څخه دوه احتمالي حالتونه رامنځته کیدی شي؛ یا نوی حکومت جوړیږي یا د سولې خبرې ناکامې کیږي او جګړه به دوام ولري.

هغه زیاته کړې: که هند د سولې خبرو ته ونه دانګي؛ دا کار به پاکستانیو ته ډېر فرصتونه برابر کړي. یعنې د امریکایانو له وتلو سره به پاکستانیان په افغانستان کې له پراخو هڅو برخمن شي.

هغه ویلي؛ مونږ نه غواړو، چې هند په اوږد جنګ کې ښکېل کړو، خو هند باید له طالبانو سره خبرو ته ورودانګي؛ خو هغوی ته مشروعیت ورنکړي.

هغه ویلي: اوسمهال په افغانستان کې وضعیت خورا ډېر پېچلی دی او له همدې کبله اوس دلته په هندوستان کې یم. زه هیله من یم، چې هند د افغانستان د سولې په اړه ډېر مخکښ رول ولوبوي؛ ځکه، چې هند په سیمه کې د نفوذ او ځواک لرونکی هېواد دی.

هغه دا هم ویلي، چې چین د سولې په خبرو کې رول لوبوي او همداسې روسیه او ایرانیان خپلې هڅې تر سره کوي او که جګړه رامنځته کیږي؛ بیا مونږ د افغان دولت تر څنګ دریږو او د طالبانو پر وړاندې به متحد محاذ ولرو.

دغه راز تېره اوونۍ عطامحمد  نور  هند د بهرنیو چارو له وزیر جې شنکر څخه وغوښتل، چې له طالبانو سره خبرې پیل کړي.

د هند د بهرنیو چارو وزیر جې شنکر له نور سره له کتنې وروسته په یوه تویت کې هغه ته د هندوستان د پخواني ملګری په توګه اشاره کړې ده.

دا په داسې حال کې ده، چې هند د خپلې تګلارې له مخې نه غواړي له طالبانو سره ښکېل شي؛ ځکه، چې اوس هم ترې پاکستان ملاتړ کوي.

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

تازه خبرونه

آلمان له ترکیې سره د کاري اړیکو ساتلو ته ژمن دی

خپور شوی

په

توسط

(Last Updated On: تله ۲۵, ۱۴۰۰)

د آلمان لومړۍ وزیرې انګلا مرکل ترکیې ته د خپل سفر په بهیر کې د کډوالۍ او نورو مسلو په اړه د همکارۍ پر دوام ټینګار کړی دی.

میرکل ویلي؛ هېواد یې ژمن دی، چې له ترکیې سره کاري اړیکې خوندي کړي.

هغه وایي: د آلمان- ترکیې اړیکې به له ګټو او زیانونو سره سره دوام مومي. هرڅوک پوهیږي، چې زمونږ دواړو امنیت او خپلواکي سره تړلي دي.

هغې زیاته کړې: مونږ غواړو د انساني قاچاق مخه ونیسو. اروپايي ټولنه اړتیا لري، چې په دې برخه کې له ترکیې سره مرسته وکړي.

د جرمني لومړۍ وزیرې زیاته کړې، هېواد یې له ترکیې سره ګډې ګټې لري او راتلونکی حکومت به پدې اړه پرېکړه وکړي.

د ترکیې ولسمشر رجب طیب اردوغان ویلي، چې هېواد یې د مرکل د ښه نیت او له ترکیې سره د مثبتو اړیکو د ساتلو له هڅو درناوی کوي.

اردوغان زیاته کړې: مرکل په ډېرو مسلو کې له نوښت او مسوولیت څخه ډډه نده کړې.

د آلمان لومړۍ وزیره انګلا مرکل د روان کال تر پایه له دندې ګوښه کیږي؛ خو تر هغه وخته پورې به په واک کې پاتې وي، چې یو ائتلافي حکومت جوړ شوی نه وي.

Continue Reading

تازه خبرونه

افغان پلاوی د ازبکستان له سفره بریالی راستون شو

خپور شوی

په

توسط

(Last Updated On: تله ۲۵, ۱۴۰۰)

د افغانستان اسلامي امارت یو څو کسیز پلاوي د جمعې پر ورځ ازبکستان ته خپل یو ورځنی سفر د لومړي وزیر د دوه یم مرستیال مولوي عبدالسلام حنفي پر مشرۍ پای ته رسولی او د سوداګریزو اړیکو په ګډون یې د هغه هېواد له چارواکو سره پر یو شمېر مهمو مسایلو بحث او خبرې کړې دي.

د افغانستان د اسلامي امارت ویاند ذبیح الله مجاهد په خپل ټویټ کې په ډاګه کړې، چې د ازبکستان له چارواکو سره یې د سوداګرۍ د پراخولو، ټرانزیټي آسانتیاوو، روغتیایي او سرحدي همکاریو، د سرخان او پلخمري ترمنځ د ۵۰۰ کیلوواټه برښنا مزي او له مزار څخه کابل او بیا د پاکستان تر پېښوره د اوسپنیزې کرښې د غزولو په اړه هر اړخیزې خبرې کړي دي.

مجاهد زیاته کړې، چې د دواړو هېوادونو اړوند استازیو په راتلونکي ژمي کې افغانستان ته د اړتیا وړ لومړنیو سوند توکو د سوداګرۍ پر پراخولو هم بحث او خبرې کړې دي.

دغه راز د ازبکستان د بهرنیو چارو وزارت په ډاګه کړې، چې دواړه لوریو پر سرحدي امنیت، د سوداګریزو اړیکو پیاوړتیا، روغتیایي همکاریو، انرژۍ او ټرانزیټ بحث او خبرې کړې دي.

مجاهد څرګنده کړې؛ دغه راز ازبکستان او افغانستان ګډې کاري ډلې هم جوړې کړي، چې د اړوند پروژو په اړه د دوه اوونیو په اوږدو کې خپل عملي پلان هېوادنیو مشرانو ته وړاندې کړي، چې پروژې پیل او تر سره شي.

ازبکستان ته د اسلامي امارت د پلاوي له تګ مخکې د افغانستان د بهرنیو چارو وزارت د چارسمبالي امیرخان متقي په مشرۍ یو پلاوی ترکیې ته تللی و. په پام کې ده، چې درې ورځې وروسته د افغانستان اسلامي امارت یو پلاوی مسکو ته په درې اړخیزه غونډه کې د ګډون لپاره روسیې ته ولاړ شي.

Continue Reading

Trending

آریانا نیوز: ټول حقونه خوندي دي