Connect with us

تازه خبرونه

هندي چارواکو په قطر کې له طالب استازیو سره ولیدل

Ariana News

خپور شوی

 په

(Last Updated On: چنګاښ ۱, ۱۴۰۰)

د قطر یوه لوړپوړي چارواکي منلې، چې هندي چارواکو دوحې ته د خپل سفر پرمهال د طالبانو له مشرتابه سره لیدلي دي.

د هندي رسنیو د راپورونو له مخې؛ له تروریزم سره د مبارزې لپاره د قطر ځانګړي استازي مطلق بن مجاهد آل ویلي: هندي چارواکو له طالبانو سره پټه ناسته درلوده؛ خو ولې؟ خو باید فکر ونشي، چې ټاکل شوې طالبان په راتلونکي کې ټول واک خپل کړي، باید باید فکر وشي، چې طالبان به په راتلونکي کې د هېواد په سیاست کې یو له مهم لوبغاړیو وي.

دا لیدنه په داسې حال کې تر سره کیږي، چې د هند د بهرنیو چارو وزیر دوه ځله له قطره لیدنه کړې او له لوړ پوړیو چارواکو سره یې کتلي دي.

قحطاني د هندي چارواکو د سفر او له طالبانو سره یې د لیدنې لامل د افغانستان په راتلونکي کې د طالبانو  د هڅو پر اړتیا ټینګار ښودلی دی.

هغه دا هم وړیلي، چې افغانستان باید د نیابتي جګړې ځای نشي او یو خوندي او باثباته افغانستان به د پاکستان او هند په ګټه وي.

آل قحطاني زیاته کړې: زه د دې خبرو پر لامل پوهیږم؛ مونږ باید په پام کې ولرو، چې په بحراني حالت کې یو او هره ناسته، چې ترسره کیږي ټول اړخونه هڅوي، چې خپلې ستونزې د خبرو اترو له لارې حل کړي.

تر دې دمه هندي چارواکو او طالبانو رسنیو ته پدې اړه څه ندي ویلي.

دا په داسې حال کې ده، چې له دې مخکې د افغانستان د سولې لپاره د امریکا ځانګړي استازي زلمي خلیلزاد په دوحه کې د هند د بهرنیو چارو له وزیر سره د افغانستان د سولې بهیر په اړه خبرې کړې وې.

تازه خبرونه

مارشال دوستم د طالبانو پر وړاندې پوځي عملیات پیلوي

Ariana News

خپور شوی

په

توسط

(Last Updated On: زمری ۱۴, ۱۴۰۰)

مارشال عبدالرشید دوستم کابل ته له را رسېدو سره سم ویلی، چې طالبانو پخپل ټول ځواک پر هرات، تخار، جوزجان، کندهار او هلمند ولایتونو بریدونه وکړل او هڅه یې دا وه، چې یو ولایت ترې ونیسي.

د افغانستان مارشال له دوه میاشتو لریوالي وروسته هېواد ته راستون او په کابل کې له پوځي جامو سره څرګند شو.

مارشال وایي، چې جنګي حالت د هرې ورځې پر تېرېدو د خرابې لوري ته ځي او په وینا یې د طالبانو د دا ډول خوزښتونو مخه باید ونیول شي.

هغه وایي؛ اوسني حالت دی اړ کړی، چې هېواد ته بېرته را ستون شي او د روان حالت په اړه له سیاسي او جهادي مشرانو سره مشورې وکړي.

د افغانستان د ملي جنبش ګوند مشر  مارشال عبدالرشید دوستم زیاتوي: دولت باید د ولسي پاڅونوالو ملاتړ وکړي او مشرانو ته په کار ده، چې د طالبانو د دې چلوټې(دسیسې) پر وړاندې یو موټی شي. 

نوموړي زیاته کړې؛ اړتیا وه، چې افغانستان ته له رارسېدو سره سم د شمال جنګي لیکو ته ورغلی وای؛ خو شرایط داسې راغلي، چې دا مبارزه باید په کابل کې له سیاسي مشرانو سره د سلا مشور له لارې تنظیم شي.

مارشال دوستم په بېلابېلو ولایتونو کې ولسي پاڅونه ستایي او وایي: د هېواد په شمال کې په ځانګړي توګه د  فاریاب او جوزجان ځواکونه تلف کیږي؛ خو اړتیا ده، چې داسې قرباني پر یووالي هېرې او د طالبانو پر ضد د مقاومت ولسي لیکه جوړه شي.

مارشال عبدالرشید دوستم په داسې حال کې هېواد ته بېرته را ستون شوی، چې ځینو پخوانيو جنګي او جهادي څېرو د جنګ په لومړیو لیکو کې د طالبانو مخه ډب کړې او نه پرېږدي، چې طالبان  پرمختګ وکړي.

Continue Reading

تازه خبرونه

ولسمشر غني په تهران کې د ایران له غوره شوي ولسمشر سره وکتل

Ariana News

خپور شوی

په

توسط

(Last Updated On: زمری ۱۴, ۱۴۰۰)

ولسمشرۍ ماڼۍ په ډاګه کړې؛ نن سهار پنجشنبه (د زمري ۱۴) ولسمشر غني د تهران په ولسمشرۍ ماڼۍ کې د ایران د اسلامي جمهوریت له غوره شوي ولسمشر ډاکټر سید ابراهیم رییسي سره وکتل.

د ولسمشرۍ د خبرپاڼې له مخې، په دې کتنه کې دواړو لوریو د دواړو هېوادونو ترمنځ د همکاریو او اړیکو پر پراختیا خبرې وکړې.

د غونډې په بهیر کې سید ابراهیم رییسي له افغان حکومت څخه د ملاتړ د دوام او د سولې لپاره پر سیمه ییزې اجماع او هڅو ټینګار کړی دی.

ابراهیم رییسي ویلي: مونږ د مشروع نظام او د افغانانو د حقونو او د سولې د بهیر ملاتړ کوو؛ ګاونډ هېوادونه په ځانګړي توګه افغانستان زموږ په بهرني سیاست کې د ټینګار وړ ځای لري.

دغه راز ولسمشر  غني د ایران له مرستو او همکاریو په ځانګړي توګه د افغان کډوالو له کوربتوب د ستاینې تر څنګ د دواړو هېوادونو ترمنځ د اړیکو پر پراخولي یې ټینګار کړی دی.

ټاکل شوې، چې ولسمشر غني به نن شپه د ایران د غوره شوي منتخب ولسمشر ډاکټر سید ابراهیم رییسي د لوړې په مراسمو کې ګډون وکړي، چې د اسلامي شورا په ودانۍ کې به ترسره شي.

Continue Reading

تازه خبرونه

طالبانو د نیمروز ولایت کنګ ولسوالي ونیوله

Ariana News

خپور شوی

په

توسط

(Last Updated On: زمری ۱۴, ۱۴۰۰)

په ولسي جرګه کې د نیمروز د خلکو استازي ګل احمد نورزاد منلې، چې د پنجشنبې پر سهار د دغه ولایت کنګ ولسوالۍ د طالبانو لاس ته ولویده.

نورزاد ویلي، چې لږ تر لږه ۳۰ امنیتي ځواکونه د طالبانو لخوا مرګ و ژوبله اوښتې او یا یرغمل شوي دي.

هغه زیاته کړې، چې سیمه ییزې ادارې او امنیتي چارواکي د برید په اړه خبرتیا لرله؛ خو په مخنیوي کې یې پاتې راغلي دي.

هغه ویلي؛ طالبانو د پنجشنبې د سهار پر دوه بجو خپل برید پیل او ولسوالي یې په دوه ګړیو کې ونیوله.

کنګ ولسوالۍ د نیمروز ولایت له مرکز زرنج ښار څخه ۱۷ کیلومټره شمال لوري ته پرته ده.

نورزاد زیاته کړې، چې د طالبانو دغه پرمختګ د مرکز امنیتي حالت هم ګواښلی دی.

افغان امنیتي چارواکو تر اوسه پدې اړه څه ندي ویلي؛ خو طالبانو منلې، چې کنګ ولسوالي یې نیولې ده.

Continue Reading

Trending

آریانا نیوز: ټول حقونه خوندي دي