Connect with us

ساینس او ​​ټیکنالوژي

هندوستان ځمکه لیدونکې برازیلي سپوږمکۍ فضا ته واستوله

Ariana News

خپور شوی

 په

(Last Updated On: February 28, 2021)

هندوستان نن سهار له سیمه ییز وخت سره سم ۴:۳۰ د یو هندي توغندي پر مټ د برازیل یوه ځمکه لیدونکې سپوږمکۍ له ۱۸ نورو امریکایي او هندي سپوږمکیو سره فضا ته وتوغول شوه.

د هند د فضا څېړنې ټولنې (اسرو) دا سپوږمکۍ د ساتیش دهاوان له فضايي مرکزه توغول شوې ده.

دې توغندي د امازونیا -۱ سپوږمکۍ او ۱۸ نورې کوچنۍ سپوږمکۍ فضا ته استولي دي.

د (اسرو) مشر کیوان سیوان ویلي؛ د سپوږمکۍ حالت د ډاډ وړ دی. سولري پاڼې پرې لږدلي او ډېر ښه کار کوي.

د برازیل سپوږمکۍ آمازونیاـ ۱ د امازون د ځنګل پرسر په خپل قطبي مدار کې راغلې. برازیل په پام کې لري، چې په سیمه کې د ځنګلونو د وهلو مخنیوي ته دا سپوږمکۍ وکاروي.

دا په برازیل کې لومړۍ جوړه شوې سپوږمکۍ ده.

تازه خبرونه

فیسبوک په ځینو هېوادونو کې سیاسي مینځپانګه لنډمهاله کموي

Ariana News

خپور شوی

په

توسط

(Last Updated On: February 11, 2021)

رویټرز په ډاګه کړې؛ فیسبوک شرکت د چارشنبې پر ورځ ویلي، چې دوی به په کاناډا، برازیل او انډونیزیا او په راتلونکیو اوونیو کې د امریکایي کاروونکیو لپاره په لنډمهاله توګه سیاسي مینځپانګه راکمه کړي.

د فیسبوک اجرائیوي مشر مارک زوکربرګ د جنورۍ په میاشت کې ویلي، چې هغه غواړي د ټولنیزو شبکو په برخه کې د سیاسي خبرو اترو د تودوخې درجه راټیټه کړي؛ ځکه، چې خلک سیاست او جنګ نه غواړي او په دې اړه د خپلو تجربو ډاډ هم نه څرګندوي.

رویترز څرګنده کړې؛ د نړۍ ترټولو لویې ټولنیزې شبکې، چې پاروونکې او کینه ییزې مینځپانګې د خپرولو له کبله یې کاروونکي کم شوي او تېره میاشت یې په ډاګه کړه، چې کاروونکیو ته به د مدني او سیاسي ډلو وړاندیزونه نور ودروي.

دغه شرکت د اوبلاګ په یوه پوسټ کې ویلي، چې د سیاسي مینځپانګې کچه راکموي او له بېلابېلو لارو په رامنځته کولو بهه لومړني ګامونه پورته کړي، چې د خلکو په فیډونو کې د ورته مینځپانګې درجه بندي او د دوی غوره توبونو په ډاګه کړي.

رویټرز راپور ورکړی، چې فیسبوک به د رسمي دولتي ادارو، خبري بنسټونو او همدارنګه د کرونا ویروس د صحي څانګو معلومات به ترې وتلي وي.

Continue Reading

تازه خبرونه

۶۰ نورې انټرنټي سپوږمکۍ د ځمکې مدار ته وتوغول شوې

Ariana News

خپور شوی

په

توسط

(Last Updated On: February 4, 2021)

نن سهار د پنجشنبې پر ورځ (د سلواغې  ۱۶) سپیس ایکس شرکت ۶۰ نورې انټرنېټي سپوږمکۍ د ځمکې مدار ته وتوغولې.

دې شرکت څرګنده کړې: د کیپ کاناورال هوايي ځواک له مرکزه ۶۰ سټارلینک سپوږمکۍ  د فالکن ـ۹ توغندي پر مټ د کمپلیکس -۴۰  له لوري د ځمکې مدار ته وتوغول شوې.

د یاد شرکت د خبر پاڼې له مخې؛ د بېلېدو له بریالي پړاو وروسته فالکن ـ ۹ توغندی بېرته ځمکې ته راستون او په اطلس اوقیانوس کې ولاړې څارګرې کښتۍ له وردننه کېدو سره یې د توغېدو او کښته کېدو خپل پېنځم ماموریت بشپړ کړ.

دغه توغېدنه تېره شپه پر سیمه ییز وخت ۱:۱۹ پیل شوې وه.

ټاکل شوې ۶۰ نورې سپوږمکۍ د جمعې پر سهار( د سلواغې ۱۷) پر یو بل فالکن – ۹ توغندي وتوغول شي.

د سټارلینک انټرنیټي سپوږمکیو له توغولو موخه داده، چې نړۍ ته پرمختللي انټرنیټي خدمتونه چمتو شي.

on Friday morning.

Continue Reading

تازه خبرونه

د افغانانو ۴۰۰ کلن لرغونی کتاب د جرمني له کتابتونه تر لاسه شوی – حبیب الله رفیع

Ariana News

خپور شوی

په

توسط

(Last Updated On: December 29, 2020)

د علومو اکاډمۍ غړي، لیکوال او فرهنګي حبیب الله رفیع اسرار الافغان نومی کتاب، چې د پښتنو د نهه سوه کلن تاریخ د ناویلو بیانونکی دی؛ په جرمني کې د مېشته افغانانو پر مرسته تر لاسه کړی دی.

دا کتاب د جرمني په یاد وړ کتابتون کې ساتل کېده.

لیکوال او فرهنګي حبیب الله رفیع په دې اړه ویلي؛ دا کتاب څه نا څه ۶۰۰ چاپي پاڼې کیږي او په دې کې داسې خبرې شته، چې په نورو کتابونو کې لږ راغلي دي.

استاد رفیع څرګنده کړې؛ دا کتاب څلور سوه کاله مخینه لري او د پښتنو لومړنی عرفاني او ادبي خوزښت، چې د شیخ مټي(مطیع) بابا لخوا له اوومې تر لسمې پېړۍ را منځته شوی و؛ بیانوي.

دی زیاتوي، چې دا خوزښت په سعودي، پېښور، هند او افغانستان کې سلګونه زره مریدان لري  او د کتاب لیکوال هم حسین بن صابر سینزی دی، چې په هندي فارسي سبک لیکل شوی دی.

نوموړي دا هم ویلي؛ دوه نسخې یې سمې او تصحیح شوي، چې له پښتنو څېړونکیو سره مرسته کوي.

استاد حبیب الله رفیع زیاته کړې: دوه نسخې؛ یوه یې، چې په کراچۍ ښار کې موندل شوې او بله دا، چې اوس تر لاسه شوې؛ دواړه مې سره پرتله کړې اوس چاپ ته چمتو شو. ان شاالله د کتاب بشپړ متن مو تر لاسه کړ.

دغه راز د هېواد بل فرهنګي او لیکوال اقتصاد پوه احسان الله آرینزي د لومړي ځل لپاره نهه ټوکه کتابونه د افغانستان په ګډون د پېنځه وچو د ۱۹۶ هېوادونو د جغرافیې، اقتصاد او  بشري اړیکو د تاریخ په اړه پر پښتو ژبه لیکل شوی؛ دري ژبې ته ژباړل شوی او پر ازبکي ژبې یې د ژباړې کار روان دی.

د احسان الله آرینزي دغه نهه ټوکه کتاب، چې شپږ زره پاڼې لري؛ له ۲۰۱۷ کال څخه تر اوسه څلور ځله چاپ شوی دی.

 ښاغلي آرینزي په دې اړه ویلي: له ځوان نسله زما غوښتنه داده، چې یو ځل دا کتاب ولولي؛ نړۍ وپېژني او بیا ځان وګوري، چې نړۍ چېرته او مونږ چېرته یو.

دا په داسې حال کې ده، چې لیکوالان او فرهنګیان د تېر پر پرتله اوس له کتاب لیکلو او څېړنو ساړه شوي او وایي، چې ناامنیو او جګړې د کتاب لوستو فرهنګ له منځه وړی او خلک له کتابتونونو او کتاب لوستلو لرې پاتې شوي دي.

Continue Reading

Trending

آریانا نیوز: ټول حقونه خوندي دي