Connect with us

بی بی سی پښتو

هغه کډواله وکیله چې د کال دوه لکه ډالره تنخا نه تېره شوه

خپور شوی

 په

(Last Updated On: چنګاښ ۱۶, ۱۳۹۹)
ریز

Rez Gardi
ریز ګاردي د ښځو د حقونو او عدالت لپاره له خپلې قانوني تجربې ګټه اخلي

  • سواميناتان ناتاراجان
  • بي بي سي

ریز ګاردي د یوې داسې قضیې لپاره، چې دفاع ته یې ځان وقف کړی دی، د امریکا په یوه باوري حقوقي شرکت کې د سلاکارې دنده او هر کال ۲۰۰ زره ډالر تنخا پرېښوده.

ریز بي بي سي ته وویل: “په لوړه تنخا ښه دنده کې مې تل له یوې لویې قضیې سره زړه تړلی و. ما حقوق د یوه مشخص هدف لپاره ولوستل، هغه دا چې د قانون په مټ د مثبت بدلون لپاره ټینګه ودرېږم.”

ریز د هغو ښځو د حقونو له مدافعانو سره ودرېده چې د “اسلامي دولت” (داعش) نومې ډلې د وسله والو لخوا په پلان شوې توګه تښتول کېږي، خرڅېږي او تېري ورباندې کېږي.

دا وايي: “مور او پلار مې له خپلو مېنو وتښتېدل او زه یې د نړۍ بلې خوا ته لیرې بوتلم، خو ما خپلې خاورې ته د ستنېدو لار ونیوه”.

د سیتم منځ کې لویېدل

ریز عراق کې

Rez Gardi
ریز ګاردي وايي، د ایزیدیانو کړاو تر تصور لوړ دی

ریز په ۱۹۹۱ کال پاکستان کې د کډوالو کمپ کې زیږېدلې، مور او پلار یې عراقي کردان دي.‌ ریز ته په کوچنیوالي کې د خپلې کورنۍ غړو، ګاونډیانو او ملګرو د صدام حسین د واکمنۍ د مهال ترخې کیسې کړې چې څنګه یې ژوندونه تبا شول.

کله چې ریز اوه کلنه شوه، له خپلې کورنۍ سره نیوزیلنډ ته ولاړه.‌ تېر کال د هاروارډ پوهنتون د حقوقو له پوهنځي فارغه شوه.

دا وايي: “چاپېریال کې مې پر برابرښت، عدالت او انساني حقونو ته ډېر اهمیت ورکړ،‌ سیتم مو وګاله،‌ مخکې له دې چې د بشري حقونو په معنا پوه شم، ډېر تریخ ژوند مې تېر کړ”.

“ښايي له ما سره هم داسې وشي”

اوس ریز د عراق شمال کې – هغه سیمه چې د ۲۰۱۴ کال ناورین پکې رامنځ ته شوی – د عیني شاهدانو ګواهۍ راټولوي.

ریز

Rez Gardi
ریز پخپلو څېړنو کې د هغو ښځو پر ګواهیو تکیه کوي، چې له رسنیو سره لا نه دي غږېدلې

کله چې “اسلامي دولت” نومې ډلې دا سیمه ونیوه، یوازې ایزیدي لږکي یې په نښه کړل چې د وګړو شمېر یې تر نیم میلیون ډېر نه و،‌ دغې ډلې دا خلک کافر ګڼل او د انسانانو په سترګه یې نه ورته کتل.

داعش وسله والو برید پرې وکړ، زرګونه ترهېدلو کلیوالو سنجار غره ته پنا یووړه، خو د لمر سوځنده وړانګو یې ډېری وګړي ووژل.

“اسلامي دولت” ډلې د ایزیدیانو ډېری سړي چې د جګړې توان یې درلود، جګړې ته اړایستل. د لندن اقتصاد کالج د تېر کال یوه رپوټ کې ویل شوي، کابو لس زره ایزیديان په دې برید کې یا وژل شوي او یا تښتول شوي دي.

زرګونه ایزیدیان د "اسلامي دولت" له نومې ډلې لاس ته لوېدلي وو

Getty Images
زرګونه ایزیدیان د “اسلامي دولت” له نومې ډلې لاس ته لوېدلي وو

خو ښځې او نجونې یې اسیرانې شوې.

ریز وايي: “کله چې له ژغورل شویو ښځو سره د زړه خواله کوم او کیسې یې اورم، زړه مې مات شي او د قهر وروستي حد ته ورسېږم.”

جنګي جرمونه

ریز هغو ښځو ته د رسېدو هڅه کوي چې هلته رسنۍ او د بشري حقونو ډلې لاسرسی نه ورته لري.

ځینې ایزیدیان عراق ته وتښتېدل

Getty Images
ځینې ایزیدیان عراق ته وتښتېدل

دا وايي: “ایزیدیانې باید په یاد کړي چې څو ځله خرڅې شوې او هغه ځایونه ور په زړه کړې چې دوی پکې بندیانې شوې دي. د تښتونې او جنسي تېري د ګواهیو ثبوتونه هم وړاندې کړي. د اسلامي دولت سرغړوونکي جنګیالي هم باید وپېژني.”

ریز وايي: “داعشیانو ښځې له سړو جلا کړې، بیا یې بوډاګان له ځوانانو بېل کړل. لامل یې دا و چې د جنسي غلامانو په توګه د کم عمر نجونو قیمت د دوی په نزد لوړ و. د لوړ عمر ډېری ښځې او سړي یې سم لاسي اعدام کړل”.

ریز وايي، دا جرمونه نه یوازې پر داعش جنګیالیو پورې تړلي، بلکې په وینا یې “د موصل ځینې عربان – په تېره شتمن او نفوذ لرونکي کسان – هم د ایزیدي ښځو په پېر او پلور کې ښکېل وو”.

د عدالت لپاره کمپاین

نادیه مراد له اسیرو شویو ښځو وه، په ۲۰۱۴ کال “اسلامي دولت” جنګیالوی ربړولې او جنسي تېری یې پرې کړی. نادیه هغه مهال ۲۱ کلنه وه.‌

ځینې کورنۍ په بشپړه توګه د وسله والو له بریدونو وتښتېدې

Getty Images
ځینې کورنۍ په بشپړه توګه د وسله والو له بریدونو وتښتېدې

د حقوقو دغې فعالې ته په ۲۰۱۸ کال د نوبل د سولې جایزه ورکړل شوه. خو دا هم د نورو ایزیدیانو په څېر هغسې چې غوښتل یې عدالت ورسره ونه شو.

ریز وايي: “ځینې مشکوک کسان عراق کې نیول شوي، ځینې سوریه او ځینې یې اروپا کې دي. په ځینو حالاتو کې داسې قوي ثبوتونه شته چې دوی دې پرې محاکمه کړل شي.”

خو سوریه لاهم د کورنۍ جګړې په اور کې سوځي. د عراق قضايي سیستم کې لویې ستونزې دي.

د نړیوال عدالت د مرکز له مخې – هغه نادولتي مؤسسه چې امریکا کې مرکز لري – په ساده ټکو، دا قضايي سیستم د ربړونو، جنسي ځورونو، ټولوژنو او بشر ضد جرمونو له قضیو سره د عادلې معاملې توان او وړتیا نه لري.

نادیه مراد (ښۍ خوا) او حقوقپوهه امل کلوني د ملګرو ملتونو امنیت شورا ته د وینا پرمهال

Getty Images
نادیه مراد (ښۍ خوا) او حقوقپوهه امل کلوني د ملګرو ملتونو امنیت شورا ته د وینا پرمهال

محاکمې

پر دې نیوکو او نیمګړتیاوو سربېره، په وروستیو کې یوې عراقۍ محکمې د یوې ایزیدۍ نجلۍ اشواق حجي (چې د جرم پرمهال ۱۴ وه) د جنسي تېري په تور د “اسلامي دولت” نومې ډلې یو غړی په اعدام محکوم کړ.

تښتول شوې او ځورول شوې ایزیدۍ اشواق حجي

Getty Images
د تښتول شوې او ځورول شوې ایزیدۍ اشواق حجي تښتوونکی وروستیو کې عراقي محکمې په اعدام محکوم کړ

اشواق جرمني له جرمني ستنه شوه، چې د تورن پرضد ګواهي ورکړي.

په تېره اپریل میاشت کې، د جرمني یوې محکمې د یوه سړي پرضد هغه دوسیه راپورته کړه چې یوه مور او لور یې پکې ځورولي او بیا یې پنځه کلنه لور وژلې وه.

دا لومړی ځل دی چې اروپا کې د قرباني شویو ایزیدي ښځو په حق کې پرېکړې کېږي.

بالاخره ریز بېرته خپل ټاټوبي ته راستنه شوه

Rez Gardi
بالاخره ریز بېرته خپل ټاټوبي ته راستنه شوه

ریز وايي: “عدالت راتلل به کلونه وخت ونیسي. د ثبوتونو راغونډول اوږدمهاله کار دی. خو موږ د ځینو بریاوو شاهدان یو. همدا موږ ته هیله راکوي”.

ریز وايي، نیا او دوه نورې توړۍ یې په یوه کیمیاوي برید کې ووژل شوې او نیکه یې شل شو. “مور مې د خپلې مور مرګ په سترګو ولید، په لس کلنۍ کې د یوې مور غمونه او مسئولیتونه ورپاتې شول”.

ریز ګادي

Getty Images
ریز ګادي پر خپل کردي هویت ویاړي

د بشري حقونو د څار سازمان اټکل کوي چې په ۱۹۸۸ کال د ۵۰ او سلو زرو ترمنځ کردان وژل شوي. کردي سرچینې دا شمېر تر ۱۸۰ زرو ډېر یادوي.

ریز پر دې اند ده چې صدام حسین کردان له برابرۍ محروم کړي وو او صدام د ټولوژنې مسئول بولي.

ریز وايي: “کله چې د ایزیدیانو لپاره مبارزه کوم، داسې احساس کوم چې ګنې د صدام په لاس د وژل شویو کردانو لپاره هم مبارزه کوم. ایزیدیان کورني لږکي دي، ځکه نو ډېر کمزروي هم دي.”

کوویډ-۱۹ له قربانیانو سره د قربانیانو مرکې او د ثبوتونو راټولول له ځنډ سره مخامخ کړي

Rez Gardi
کوویډ-۱۹ له قربانیانو سره د قربانیانو مرکې او د ثبوتونو راټولول له ځنډ سره مخامخ کړي

ملګرو ملتونو د “اسلامي دولت” د سرغړونو څېړلو لپاره یوه جرګه ګۍ هم ټاکلې ده.

ریز هیله منه ده چې ایزیديانې به عدالت ورسېږي او راتلونکي نسلونه به هم ګټه ترې واخلي.

دا وايي، د قربانیانو ټپونه به ورغېږي او عدالت به مجرمین قانون ته راکش کړي:

“د یوې داسې غوره نړۍ لپاره مبارزې ته اړتیا لرو چې دا ډول کړنې پکې بیا تکرار نه شي.”

Continue Reading
Advertisement

بی بی سی پښتو

د بښنې نړیوال سازمان; افغانستان کې امن خونې تړل شوې او د تاوتریخوالي ښکار شوې ښځې په خپل حال پرېښودل شوې

خپور شوی

په

(Last Updated On: ليندۍ ۱۵, ۱۴۰۰)

د بښنې نړیوال سازمان په یوه تازه رپوټ کې ویلي چې افغانستان کې د طالبانو له واکمنېدو راهیسې د تاوتریخوالي ښکار شویو ښځو او نجونو ته د خدماتو رسولو سیستم له مینځه تللی او ډېری ښځې، د امن خونو مامورین، وکیلان، قضایان، دولتي مامورین او نور چې د ښځو د خوندیتابه په چارو کې ښکیل وو اوس مهال د تاوتریخوالي او مرګ له ګواښ سره مخامخ دي.

د بښنې نړیوال سازمان په دې لړ کې په بادغیس، بامیان، دایکنډي، هرات، کابل، کندز، ننګرهار، پکتیکا، سرپل او تخار ولایتونو کې د تاوتریخوالي ښکار شویو ښځو او نورو کسانو سره مرکې کړې دي.

د بښنې نړیوال سازمان ویلي د طالبانو له واکمنېدو وروسته د تاوتریخوالي قربانیانو ته د خدماتو سیستم له مینځه تللی، امن خونې تړل شوي او شته یې د طالبانو لخوا لوټل شوي دي.

د بښنې نړیوال سازمان په وینا په ځینو مواردو کې طالبانو د امن خونو مامورین ځورولي او ګواښلي هم دي.

دا په داسې حال کې ده چې د طالبانو ویاند سهیل شاهین د نومبر پر ۲۶ او ۲۹مه د بښنې له نړیوال سازمان سره په خبرو کې ویلي وو چې د اسلام له حکامو سره سم، د ښځو او نجونو پر وړاندې تاوتریخوالي ته ځای نشته، هغه ښځې چې له کورني تاوتریخوالي سره مخامخې دي کولای شي محکمو ته مراجعه وکړي، محکمې به د هغوی موضوګانې واوري او عریضو ته به یې پام وشي.

په ۲۶ تازه مرکو کې چې د بښې نړیوال سازمان کړې دي د تاوتریخوالي ښکار شویو ښځو او د خدماتو وړاندې کوونکو ویلي چې طالبانو امن خونې تړلي او په تاوتریخوالي محکومو کسانو په ګډون یې زندانیان یې ازاد کړي دي.

د بښنې د نړیوال سازمان مشرې اګنس کالامار ویلي هغه ښځې چې د جنسیت پر بنسټ له تاوتریخوالي ژغورل شوي په خپل حال پرېښودل شوې دي. د هغو د ملاتړ شبکه او امن ځایونه له مینځه تللي دي.

نوموړې زیاته کړې چې طالبانو پرته له دې چې د هغو کسانو لخوا خطرونو ته پام وکړي چې د ښځو پر وړاندې په تاوتریخوالي محکوم وو، په ټول هېواد کې د زندانونو دروازې پرانستې.

د تاوتریخوالي پر وړاندې د ښځو او نجونو د خوندیتابه لپاره د بښنې نړیوال سازمان له طالبانو غوښتنه کړې چې امن خونې دې بېرته پرانیزي او د تاوتریخوالي د ښکار شویو ښځو او نجونو لپاره دې د خوندیتابه خدمات وړاندي کړي، د ښځو چارو وزارت دې بیا جوړ کړي او دا دې باوري کړي چې د تاوتریخوالي ښکار شوې ښځې له ویرې پرته په ازاده توګه کار وکړای شي.

د بښنې نړیوال سازمان د اکتوبر له ۲۶مې نه د نومبر تر ۲۴مې نیټې پورې د تاوتریخوالي له شپږو قربانیانو او امن خونو، محکمو له مامورینو، قاضیانو، روانپوهانو، ډاکټرانو او د ښځو چارو وزارت له پخوانیو مامورینو سره تېلېفوني مرکې کړې دي.

.

Getty Images
د بښنې نړیوال سازمان له طالبانو غوښتنه کړې چې امن خونې بېرته پرانیزي او د تاوتریخوالي قرباني شویو ښځو او نجونو ته خدمات وړاندې کړي.

پر دې سربېره له ۱۸ فعالانو، خبریالانو، د غیردولتي سازمانونو او ملګرو ملتونو له مامورینو سره هم په افغانستان کې د جنسیت له مخې تاوتریخوالي په اړه مرکې شوې دي.

د بښنې نړیوال سازمان له نړیوالې ټولنې هم غوښتنه کړې چې د تاوتریخوالي قرباني شویو ښځو د خوندیتابه لپاره اوږدمهاله او عاجله بودیجه برابره کړي، هغه ښځې او د خدماتو وړاندې کوونکي چې له خطر سره مخامخ دي له افغانستانه وباسي او له طالبانو وغواړي چې د ښځو او نجونو پر وړاندې او په ځانګړې توګه د هغو چې د تاوتریخوالي ښکار شوي خپل مسوولیتونه ادا کړي.

Continue Reading

بی بی سی پښتو

د امریکا ځانګړي استازي د” ښځو حقونو” برخه کې طالبانو مشر د امر هرکلی کړی

خپور شوی

په

(Last Updated On: ليندۍ ۱۳, ۱۴۰۰)

د افغانستان لپاره د امریکا ځانګړي استازي ټام وېسټ د ښځو حقونو برخه کې د طالبانو د مشر هبت الله آخندزاده د امر هرکلی کړی، خو په وینا یې دې برخه کې لا هم باید ډېر څه وشي.

ښاغلي وېسټ په یوه ټویټر پیغام کې ویلي د هغه پيغام هرکلی کوي چې ښځو ته د نکاح پر وخت د رضایت حق ورکړل شي، او دا چې له چا سره واده کول غواړي.

نوموړی زیاتوي، د دې تر څنګ په افغان ټولنه کې ښځو ته د زدکړو، کار، سیاست او رسنیو برخو کې د حق ورکولو لړ کې لا هم ډېر څه کولو ته اړتیا ده.

https://twitter.com/US4AfghanPeace/status/1466910724597366785

پرون د افغان طالبانو مشر هبته الله اخوندزاده په افغانستان کې د ښځو د حقونو په اړه یو فرمان صادر کړ،‌ چې پکې د ښځو اړوند ځینو شرعي‌ او حقوقي مسایلو یادونه شوې ده.‌

په دې فرمان کې د نکاح پر وخت د ښځې یا نجلۍ رضایت،‌ ټولنه کې د ښځو په اړه ناسم ذهنیت (ښځه مال ګڼل)،‌ د کونډو ښځو شرعي حقونو او دویمې نکاح،‌ د ښځو د مهر حق او د یو کس لخوا د خپلو مېرمنو ترمنځ پر عدل خبرې شوې دي.‌

خو په فرمان کې د ښځو د کار کولو حق او یا هم د نجونو او ښځو د زدکړو په اړه هېڅ یادونه نه ده شوې. دا هغه مهم او ناندریز ټکي دي چې د طالبانو له بیا واکمنېدو راهیسې نړیواله ټولنه او د بشري حقونو ډلې پرې ټینګار کوي.‌

فرمان

Getty Images
په فرمان کې د نجونو د زدکړې یا د ښځو د کار حق یادونه نه ده شوې

دا مهال افغانستان کې ګڼې مسلکي او هغه ښځې چې پخوا یې دندې درلودې،‌ په کورونو ناستې دي. همدا راز له ځینو ولایتونو پرته په ټول هېواد کې تر شپږم ټولګي‌ پورته نجونې هم دا مهال ښوونځیو ته نشي تللی.

طالبان ټینګار کوي‌ چې د ‘مناسبو شرایطو’ برابرېدو وروسته به تر شپږم ټولګي‌ پورته نجونو ته د زدکړو او ښځو ته د کار اجازه ورکړي.‌

د طالبانو مشر د حج او اوقافو او اطلاعاتو او کلتور وزارتونو، سترې محکمې او خپلو والیانو ته سپارښتنه کړې چې د دې حکم د پلي کولو لپاره دې ګامونه پورته کړي.‌

بل لور د بشري حقونو څار سازمان کې د ښځو حقونو څانګې مشرې هیتربار د طالبانو مشر نوي فرمان ته غبرګون کې وايي، دلته ځیني ښه څېزونه شته، خو عملي کېدل یې ګران ښکاري. د دې لپاره چې، لومړی: طالبان د هغو ښځو ملاتړ نه کوي، چې نارینه ننګوي، دویم: د ښځو چارو وزرات او له ښځو سره د زور زیاتي مخنیوي لپاره دوه اجرايي میکانیزمونه وو، چې طالبانو دواړه له منځه وړي دي.

نوموړې زیاتوي، د ښځو حقونه یوازې تر واده پورې محدود نه دي، د کار، زدکړو او نورو حقونو په هکله څنګه؟

https://twitter.com/heatherbarr1/status/1466710291589132289

د ښځو د کار حق او همدا راز د ښځو او نجونو د زدکړې حق دا مهال د طالبانو حکومت پر ضد په کور دننه او پر نړیوال دریځ د نیوکو او اعتراضونو لامل شوي دي.

په تېرو څه باندې درې میاشتو کې پلازمېنه کابل کې څو څو ځله ښځې په کوچنیو ډلو کې راوتلي او د کار او زدکړو حق غوښتنه یې کړې ده.

بل لور ته نړیواله ټولنې هم د طالبانو په رسمیت پېژندلو بدل کې دې ډلې ته یو شمېر شرطونه ایښي دي، چې پکې د ښځو او نجونو د کار او زدکړو موضوع اساسي بلل کېږي.

ملګرو ملتونو هم ویلي، طالبان د دې سازمان مرستو ته اړتیا لري، خو په بدل کې یې باید ځینې شرطونه ومني، چې پکې د بشري حقونو، او په ځانګړې توګه د ښځو د حقونو یادونه کېږي.

خو طالبان ټینګار کوي چې د عامې روغتیا او ځینو نورو برخو په ګډون یو شمېر دولتي ادارو کې ښخې وار د مخه خپلو دندو ته ستنې شوې دي.

د منځنۍ دورې او لیسې په کچه د نجونو د زدکړو په اړه طالبان وایي، د دې چارې لپاره به لومړی په هېواد کې مناسب شرایط برابر شي.

Continue Reading

بی بی سی پښتو

امریکا ستره محکمه د حمل ضایع کولو قضیه کې حقوقي دلایل اوري

خپور شوی

په

(Last Updated On: ليندۍ ۱۱, ۱۴۰۰)
Abortion rights advocates and anti-abortion protesters demonstrate in front of the US Supreme Court in Washington, DC, on December 1, 2021

Getty Images

د امریکا ستره محکمه د حمل زیانولو حقونو سره په تړاو یوه قضیه کې حقوقي دلایل اوري. ستره محکمه د میسيسیپي ایالت پر یوه قانون غور کوي چې د مېندوارۍ له ۱۵ اونۍ وروسته د حمل زیانول منع کوي.

رپوټونه وايي، داسې ښکاري چې ستره محکمه چې محافظه کاران په کې برلاسي دي، لېواله ده چې دا بندیز تایید کړي.

په دې هکله پرېکړه به چې جون کې یې تمه کېږي، امریکا کې میلیونونه ښځې د حمل ضایع کولو له حقه محرومې کړې.

د حمل ضایع کولو ضد فعالان له محکمې غواړي چې ناپیدا شوي ماشومان وژغوري خو ماهرین بیا وايي، که دا بندیز ولګول شي، د مور او ماشوم مړینه به ورسره زیاته شي.

هغه مدافع وکیلان چې د حمل ضایع کولو په تړاو د میسيسیپي قانون دفاع کوي، له محکمې غواړي دې لړ کې دوې نورې مهمې پخوانۍ پرېکړې لغو کړي.

لومړۍ پرېکړه د ۱۹۷۳ کال یوه ده چې له مخې یې ښځو ته د مېندوارۍ لومړنیو دریو میاشتو کې د حمل ضایع کولو بشپړ حق ورکړل شوی او له هغه وروستیو دریو میاشتو کې بیا دا حق محدودیږي.

دویمه پرېکړه د ۱۹۹۲ کال هغه ده چې محکمې ویلي و، په داسې صورت کې چې د مېندوارۍ تر ۲۴ مې اونۍ پورې چې جنین له رحمه بهر د ژوندي پاتې کېدو جوګه نه وي، ایالتونه نه شي کولای پر هغو ښځو چې غواړي حمل ضایع کړي، نامناسب بار واچوي.

له هغه راهیسې کلونو موده کې د جنین ژوندي کېدو معیار د حمل ضایع کېدو قانوني پرېکړو کې سره کرښه ګڼل شوې او له دې وخته مخکې یې پر هر ډول حمل ضایع کولو د بندیز مخه نیولې ده.

خو د متحدو ایالتونو پخواني ولسمشر ډونلډ ټرمپ له لوري په ستره محکمه کې د دریو نویو ټاکنو له کبله د سترې محکمې ایډیالوژیکه بڼه بدله شوې بلل کېږي او د حمل ضایع کولو مخالف فعالان هیله من دي، چې دې سره نوې پیلامه شونې ده.

د امریکا په تاریخ کې محافظه کاران په همدې ستره محکمه کې د بل هر وخت پرتله ډېر برلاسي بلل شوي دي.

امریکا کې څوک حمل ضایع کوي؟

اولیویا ډینوشي له هغو یوه وه، چې د سترې محکمې مخکې یې مظاهره کړې.

BBC
اولیویا ډینوشي له هغو کسانویوه وه، چې د سترې محکمې مخکې یې مظاهره کړې.

په امریکا کې د ناروغیو کنټرول او مخنیوي ادارې په یوه رپوټ کې ویل شوي، ۲۰۱۹ کال اوږدو کې امریکا متحده ایالتونو کې نژدې ۶۳۰ زره ښځو خپل حمل ضایع کړی دی، چې د ۲۰۱۰ کال پرتله ۱۸ سلنه کموالی ښيي.

د دې شمېرو له مخې د ۲۰۱۹ کال اوږدو کې د ډېری هغو ښځو عمرونه چې حمل یې ضایع کړی، د شل کلنۍ شاوخوا کې و.

دا معلومات ښيي چې د دې عمر کټګورۍ ښځو شمېر ۵۷ سلنې ته رسېده.

له ۱۵ تر ۴۴ کلنۍ پورې عمر لرونکو تور پوټکو امریکایانو کې د حمل ضایع کوونکو ښځو ډېر شمېر لیدل شوی، چې د معلوماتو له مخې شمېر یې په هرو ۱۰۰۰ ښځو کې ۲۷ تنو ته رسېږي.

د پروچوایس ګټمېچر انسټیټوټ مسوولین وايي، تبعیض او روغتیايي اسانتیاوو ته نه لاسرسی دې لړ کې مهم رول لري.

د دې ادارې ۲۰۱۴ کال یوه سروې ښيي چې امریکا کې درېیمه برخه هغه ښځې چې حمل ضایع کوي، یا لږ عاید لري او یا د بیوزلۍ تر کچې هم لاندې ژوند کوي.

Continue Reading

Trending

Copyright © 2022 Ariana News. All rights reserved!