Connect with us

تازه خبرونه

نړیوال بانک له کووید-۱۹ سره د مبارزې لپاره افغان حکومت ته اړوند بودجه وسپارله

خپور شوی

 په

(Last Updated On: غویی ۱, ۱۳۹۹)

نړیوال بانک د دوشنبې پر ورځ په ډاګه کړه؛ ۲۰ میلیون ډالر یې د ۲۰۲۰ کال د اپریل پر ۱۳ د افغانستان حکومت ته لیږدولي، چې د دې هېواد په ۳۴ ولایاتو کې د کرونا ویروس پر وړاندې مبارزه کې اړوند خدمتونه چمتو شي.

د نړیوال بانک د خبرتیا له مخې: دا د سل اعشاریه څلور میلیون ډالرو مرستې لومړۍ برخه ده، چې د نړیوال بانک لخوا د ۲۰۲۰ کال د اپریل پر ۲ مه د افغانستان د کووید-۱۹ بېړني غبرګون او روغتیایي چمتووالي پروژې ته تصویب شوې وه.

همداراز یې په ډاګه کړې، چې سربېره پردې د کرونا ناروغۍ په اړه د حکومت لپاره د چړندیو سرچینو د موندلو لپاره؛ نړیوال بانک ۴۰ میلیون امریکايي ډالر د بېرته راستنیدونکي تمویل په توګه چمتو کړي، چې د کرونا اړوند روغتیایی خدمتونو د لګښت لپاره حکومت ته بېرته ورکړشي.

دغه راز زیاته شوې، چې که حکومت نړیوال بانک ته د غوره خدمتونو او اړوند لګښتونو نوملړ چمتو کړي؛ نو ګرزول شوې پیسې هم بېرته ورکول کیدی شي.

دغه بانک ټینګار کړی، چې د افغانستان د کووید-۱۹ د بېړني غبرګون او روغتیایي چارو د چمتووالي پروژه د مالیې وزارت او عامې روغتیا وزارت په ګډون له افغان حکومت سره له نږدې برابره شوې ده.

همدارنګه څرګندوي، چې نړیوال بانک به له یونیسیف، نړیوال روغتیایي سازمان او نورو پراختیایی بنسټونو سره په ګډه به د حکومت د کروناویروس پروړاندې په مبارزه کې د بریالیتوب لپاره د تخنیکي مرستو او تجهیزاتو رسول روان وساتي.

نړیوال بانک ژمن دی، چې د عامې روغتیا وزارت او نورو اړوند دولتي ادارو لخوا د پروژې ګړندي کول به په هېواد کې د کووید-۱۹  د خپریدو په کمولو کې ارزښتمن وبریښي.

د دغو څرګندونو په پای کې نړیوال بانک خپله ژمنتیا په ګوته کوي او ډاد ورکوي؛ له عامې روغتیا او مالیې وزارتونو سره به په ګډه کار کوي، چې له دې ناروغۍ څخه د افغانستان خلک وژغوري.

تازه خبرونه

په هرات کې د ا.ا.ا ځواکونو ۴ انسان تښتوونکي ووژل

خپور شوی

په

توسط

(Last Updated On: تله ۳, ۱۴۰۰)

د هرات امنیتي چارواکو منلې، چې څلور انسان تښتوونکي نن سهار د ښار په څوارلسمه ناحیه کې د اسلامي امارت د ځواکونو لخوا ووژل شول.

په هرات کې د څوارلسمې امنیتي حوزې قومندان ويلي، چې سړي تښتوونکیو له ۱۲ ناحیې څخه یو پلار او زوی تښتولي او څوارلسمې حوزې ته یې وړي دي.

د څوارلسمې امنیتي حوزې قومندان مولوي جلالي ويلي، چې دا کسان څلور کسان ول، چې د اسلامي امارت له ځواکونو سره په نښتو کې وژل شوي دي.

د چارواکو د څرګندونو له مخې؛ تښتول شوي پلار او زوی دواړه خوشې شوي دي.

Continue Reading

تازه خبرونه

په ننګرهار کې چاودنې اته کسانو ته مرګ و ژوبله اړولې

خپور شوی

په

توسط

(Last Updated On: تله ۳, ۱۴۰۰)

نن سهار شاوخوا اته بجې د جلال آباد ښار د لومړۍ ناحيې اړوند “سراج العمارت ” باغ ته نږدې د اسلامي امارت پر يو موټر د سړک غاړې ماین چاودنه شوې.

د ننګرهار د رسنیو چارواکي چاودنه او په کې مرګ و ژوبله تائيدوي؛ خو وايي؛ تر دې دمه د تلفاتو جزئيات معلوم ندي.

د پېښې عيني شاهدانو ويلي؛ د طالبانو يو نظامي کاروان له سيمې څخه د تېريدو په حال کې و، چې په ګلدان کې د ځاي پرځاى شویو چاودېدونکیو توکو له چاودنې مرګ و ژوبله رامنځته شوې ده.

د ننګرهار د حوزوي روغتون سرچينې وايي، د پېښې له ځايه روغتون ته د يوه امنیتي کس مړى او ” اووه ” ټپيان رالېږدول شوي، چې په ټپيانو کې درې عام وګړي او يو د ښاروالۍ کارکوونکى دي.

تر دې دمه د چاودنې پره چا پر غاړه نده اخیستې.

Continue Reading

تازه خبرونه

امریکا د مرستو د آسانولو لپاره پر افغانستان دوه بندیزه لرې کړل

خپور شوی

په

توسط

(Last Updated On: تله ۳, ۱۴۰۰)

امریکا ویلي، چې د طالبانو تر کنټرول لاندې افغانستان ته د بشري مرستو آسانه تر سره کولو لپاره یې پر افغانستان خپل دوه بندیزه لرې کړي دي.

د امریکا د خزانې وزارت په ډاګه کړې: نادولتي بنسټونه، نړیوالې ټولنې او ملګري ملتونه اجازه لري، چې له اسلامي امارت او حقاني شبکې سره که څه هم تر بندیزونو لاندې دي؛ بیا هم افغانستان ته د بشري مرستو د رسولو لپاره اړیکې ټینګې کړي.

یاد وزارت زیاته کړې، چې دوی افغانستان ته د خواړو، درملو او نورو توکو صادراتو ته هم اجازه ورکوي.

د متحده ایالاتو د خزانې وزارت د بهرنیو شتمنیو کنټرول دفتر رییس ، اندریا ګاسکي ویلي، چې څانګه له مالي بنسټونو، نړیوالو ټولنو او نادولتي بنسټونو سره کار کوي، چې اړمنو خلکو ته د کرنیزو توکو، درملو او نورو توکو لیږدول آسانه کړي.

د خزانې وزارت زیاته کړې، چې دوی د افغانستان خلکو ته د بشردوستانه مرستو او نورو فعالیتونو د ترسره کولو لپاره ژمن دی او لومړنۍ بشري اړتیاوې به یې پوره کړي.

د افغانستان د سوداګرۍ او پانګونې خونه وايي، چې په ډې مواردو کې د خصوصي سکتور نږ دې دوه نیم میلیارده ډالر، چې د افغانستان د حکومت له پیسو سره بندې وې؛ هغې ته هم اجازه ورکړ شوې ده.

د خصوصي سکتور غړي وايي، د دې مواردو په لري کیدو به اوس د هېواد په مارکیټونو کې کمښت رامنځته نشي.

د خصوصي سکتور د خونو د فډراسیون مرستیال خاجان الکوزی وایي: د خصوصي سکتور څه کم دوه میلیارډ ډالر کولی شي د یو معین پرو سیجر له  مخي انتقال پیدا کړې او خصوصي سکتور د امریکا له دې کړنې هرکلی کوي او هغه بنسټونه، چې خیریه بنسټونه دي؛ هغه هم مهم دي.

د خصوصي  سکتور غړي د امریکا له متحده ایالاتو غوښتنه کوي، چې له دوی  سره هغه نوري پیسي، چې ور سره بندې دي؛ آزادې کړي، چې په هېواد کې بېرته اقتصادي فعالیتونه له سره پیل شي.

د چارو پوهان هم د امریکا لخوا روستۍ هڅې ستايي.

اقتصادي کارپوه تاج محمد تلاش ویلي: فکر کوم، چې امریکا هغه سخت بندیزونه او تحریمونه کرار کار لری کړي؛ ځکه، چې د بندیزونو زیان مطلق ولس ته رسېده؛ نو د بندیزو نو له کموالو سره به د هېواد پر اقتصادي نظم مثبت اغېز رامنځته شي.

د خصوصي سکتور غړي د افغانستان له اسلامي امارته غوښتنه کوي، چې د اقتصادي تحریمونو د کمولو لپاره دې له نړیوالې ټولني سره خپلي اړیکې تنظیم کړي، چې هېواد له اقتصادي بحران سره مخ نشي.

ملګرو ملتونو هم ویلي، چې د افغانستان شاوخوا نیمايي خلک بشري مرستو ته اړتیا لري.

دا په داسې حال کې ده، چې افغانستان دا مهال له مخ پر ودې اقتصادي بحران سره مخ دی؛ د خواړو او سوند توکو بیې چټکۍ لوړې شوي او د نغدو پیسو کچه هم راټیټه شوې ده.

Continue Reading

Trending

آریانا نیوز: ټول حقونه خوندي دي