Connect with us

تازه خبرونه

نړیوالې مرستې د ټولګډونه حکومت له جوړولو سره مشروطې دي

Avatar

خپور شوی

 په

(Last Updated On: وری ۱۷, ۱۳۹۹)

د امریکا د بهرنیو چارو وزارت یو ځل بیا خبرداری ورکړ، چې له افغانستان سره د نړیوالو مرستې په دې هېواد کې د ټولګډونه حکومت له جوړښت سره تړلي دي.

د امریکا ولسمشر دونالد ترمپ څلور میاشتې مخکې په بګرام کې خپلو سرتېرو ته د وینا پرمهال په داسې حال کې، چې ولسمشر غني هم ولاړ و؛ ژمنه وکړه، چې له افغانستان سره اوږدمهالو مرستو ته دوام ورکوي.

څلور میاشتې وروسته د امریکا د بهرنیو چارو وزیر له افغان دولت سره یو میلیارد ډالر مرسته بنده کړه او خبرداری یې ورکړ، چې که په افغانستان کې ټولګډونه حکومت جوړ نشي؛ نورې مرستې به بندې کړي. په افغانستان کې د واک پر سر سیاسي لانجه هواره نه شوه او تازه د امریکا د بهرنیو چارو وزارت خبرداری ورکړ، چې له افغانستان سره د مرستو دوام په دې هېواد کې د ټولګډونه حکومت له جوړښت سره تړلی دی.

د امریکا د بهرنیو چارو وزارت مرستیالې الیس ویلز پخپل ټویټر لیکلي، چې په افغانستان کې د روان وضعیت دوام امریکا او نړیوالو مرستندویانو ته د منلو ندی.

د نوموړې د څرګندونو له مخې؛ په افغانستان کې روان حالات د نړیوالو ملګرو او مرستندویانو لپاره د منلو وړ ندی.

دې ویلي؛ د نړیوالو مرستې په افغانستان کې د ټولګډونه حکومت له جوړیدو سره تړلي دي او په کار ده، چې مونږ افغان رهبران د خپلو کړنو په اړه حساب او کتاب ته چمتو کړو.

 اټکل داسې دی، چې په افغانستان کې سیاسي لانجې او بحران ټولنیز بحران ته لار پرانیستې ده.

د نظر خاوندان وايي، چې که روان کړکیچ حل نشي، سولې او له کورونا ویروس سره د مبارزې فرصتونه هم پر اوبو لاهو کیدی شي.

د مدني ټولنو د مجتمع مشر عزیز رفیعي وایي؛ څومره ، چې ناندرې دېریږي؛ هومره د افغانستان او د سیاسیونو باور ورسره کمیږي. په خواشینۍ، چې سیاسي مشران د خپل هېواد ستونزو ته پوره پاملرنه نه کوي.

ځينې سیاستوال، چې په روانه لانجه کې ځان بې پرې ګڼي؛ په دواړو لوریو نیوکې کوي، چې خلک یې هیر دي او یوازې واک او څوکۍ ورته مهم دي.

په ناروې کې د افغانستان پخوانۍ سفیرې شکریه بارکزۍ ویلي، چې د هر راز مرستو کمی که دا د امریکا لخوا وي او که د نورو هېوادونو له لوري د افغانستان پر خلکو منف اغېزې لرلی شي.

له افغانستان سره د امریکا د مرستو د کمولو خبره هغه وخت توده شوه، چې د امریکا د بهرنیو چارو وزیر په کابل کې د ولسمشر غني او عبدالله عبدالله تر منځ په جوړجاړي کې پاتې راغی. هغه له افغانستان سره د یو میلیارد ډالرو مرستې پر بندولو سربېره وویل، چې د افغان سیاسي مشرانو ترمنځ ناندرۍ د امریکا ګټې ګواښي.

تازه خبرونه

د ایراني پوځیانو لخوا اوبو ته په اچول شويو کسانو کې ماشومان هم ول

Avatar

خپور شوی

په

توسط

(Last Updated On: غبرګولى ۸, ۱۳۹۹)

تازه موندنې ښيي چې د ایراني سرحدي پوځیانو لخوا د هریرود سیند ته د غورځول شوو افغانانو په جمع کې ماشومان هم شامل ول.

په هرات کې د هغو کسانو کورنیو له ایران سره په پوله کې د ایراني پوځیانو له خوا سیند ته د غورځول شویو کسانو د پوره څېړنې غوښتنه کړې او د بشري حقونو خپلواک کمیسیون هم څرګنده کړې، چې په دې پیښه کې څو ماشومان هم مړه شوي دي.

د ایران په خاوره کې سیند ته د افغان مسافرو د غورځیدلو په اړه د هرات د محلي چارواکو څلورم کنفرانس جوړ  شو؛ خو د څیړنو پایلې اوس هم روښانه شوې ندي.

 د هرات والي سید وحید قتالي ویلي، چې د څېړنې پایله به د بهرنیو چارو وزارت لخوا اعلان شي. په داسې حال کې، چې د دغې پېښې د قربانیانو کورنۍ د پېښې اصلي عاملین ایراني پوځیان بولي.

د بشري حقونو خپلواک کمسیون مرستیال نعیم نظري ټینګار کړی، چې په دې پېښه کې ۱۰ کسانو ژوند له لاسه ورکړی، ۱۵ کسان تريتم او ۲۱ نور ژغورل شوي دي.

د یاد کمیسیون د څرګندونې له مخې؛ په دې پېښه کې څو دولس کلن ماشومان هم سیند ته غورځول شوي او مړه شوي دي.

د پېښې د قربانیانو د کورنیو استازی مولوي جان محمد وایي؛ دولت تراوسه ندی توانیدلی، چې د پېښې عاملین پر ایراني چارواکو ایراني پوځیان ومني.

هغه زیاته کړې، چې دولت باید د څيړنو پایلې ژر اعلان کړي.

که څه هم دا پېښه له ملي او نړیوالو غبرګونونو سره مخ شوې او ولسمشر یې د جدي څېړنې لارښوونه هم وکړه؛ خو د نږدې یوې میاشتې له تېریدو تراوسه د دغې څېړنې پایلې اعلان شوې ندي.

Continue Reading

تازه خبرونه

د طالب بندیانو د خلاصون تخنیکي پلاوی کابل ته رارسیدلی

Avatar

خپور شوی

په

توسط

(Last Updated On: غبرګولى ۸, ۱۳۹۹)

د طالبانو یو پلاوی کابل ته د بندیانو د خلاصون د ځیني تخنیکي لارو چارو په موخه کابل ته راغلې.

په قطر کې د طالبانو د سیاسي دفتر غړي او ویاند کابل ته د طالب بندیانو د تصدیق او خوشې کولو پر نیت د یو تخنیکي پلاوي له رسیدو خبر ورکړی او د ملي امنیت شورا دفتر هم منلې، چې دا پلاوی یوازې د دواړو لوریو د بندیانو د خوشي کولو د تخنیکي کارونو په اړه کابل ته راغلی دی.

د طالبانو یو پېنځه کسیز پلاوی د طالب بندیانو د خوشي کولو د څرنګوالي، تثبت او هویت د پېیژندنې او دولتي بندیانو د خوشي کولو په اړه د خبرو په موخه کابل ته رسیدلی دی.

په قطر کې د طالبانو د سیاسي دفتر ویاند سهیل شاهین ویلي، چې: د افغانستان اسلامي امارت یو پېنځه کسیز تخنیکي ټیم د بندیانو د خوشی کولو، تصدیق او تثبیت په موخه کابل ته لیږل شوی او دا ټیم به په تخنیکي برخه کې د دوی ستونزې حل کړي.

د ملي امنیت شورا دفتر هم منلې، چې د طالبانو او حکومت تخنیکي پلاوی د دواړو لوریو د بندیانو پرخوشي کولو کار کوي.

د امریکا دفاع وزیر ویلي؛ د افغانستان دولت د طالب بندیانو له خوشي کولو سره وښوده، چې غواړي د بین الافغاني خبرو پر لوري ګامونه واخلي.

پنتاګون په دې باور دی، چې د افغانستان حکومت د دوه زره طالب بندیانو له خوشي کولو سره د سولې په برخه کې یو اغېزمن ګام پورته کړی دی.

ډېر په دې باور دي، چې د سولې په برخه کې رامنځته شوی فرصت باید له لاسه ورنکړ شي.

داسې ښکاري، چې د سولې خبرو د پیل لپاره رامنځته شوي خنډونه اوس د لیرې کیدو په حال کې دي.

Continue Reading

تازه خبرونه

په هېواد کې د کرونا ویروس د مثبت پېښو شمېر۱۳۰۳۶ ته لوړشو

Avatar

خپور شوی

په

توسط

(Last Updated On: غبرګولى ۸, ۱۳۹۹)

د عامې روغتیا وزارت ویلي؛ په تېرو څلیریشت ګړیو کې د کرونا ویروس ۱۰۷۲ شکمنې بېلګې کتل شوي، چې ۵۸۰  یې مشبتې او له دې سره پر جرونا د اخته کسانو ټول شمېر هم ۱۳۰۳۶ ته پورته شوی دی.

د عامې روغتیا وزارت د روغتیایي خدمتونو مرستیال وحیدالله مجروح وایي: له تېرو ۲۴ ګړیو څخه په کابل کې ۳۲۲، په هرات کې ۱۳۹، په پنجشېر کې۲۷، په بلخ کې ۲۲، په فراه کې ۲۱، په پکتیا کې ۲۰، په فاریاب کې ۱۵او په پروان کې ۱۴ پېښې ثبت شوي، چې ورسره د ټولو مړه شویو کسانو شمېر هم ۲۳۵ رسیدلی دی.

نوموړی په هېواد کې د طبی وسایلو له لږوالي خبرداری ورکوي او وایي: که ژر دا طبی توکي او وسایل برابر نشي له ستونزو سره به مخ شو.

د عامې روغتیا وزارت ټینګار کوي، چې خلک  دې لږ تر لږه ماسک، ټولنیز واټن او د لاسونو مینځلو ته پاملرنه وکړي.

Continue Reading

Trending