Connect with us

تازه خبرونه

نړیوال بانک سږکال د افغانستان اقتصادي وده ۳ اعشاره ۳ اټکل کړې

خپور شوی

 په

(Last Updated On: سلواغه ۲, ۱۳۹۸)

نړیوال بانک وړاندوینه کړې، چې د ولسمشریزو ټاکنو د وروستۍ پایلې له څرګندیدو او د وچکالۍ د کچې له راټیټیدو سره سم به په ۲۰۲۰ کال کې د افغانستان اقتصادي وده ۳ اعشاریه ۳ سلنه لوړوالی ومومي.

 نړیوال بانک د سلواغې پر ۲/ د جنوري ۲۲ له ابهاماتو څخه د ډکې لارې څرګندونې تر سرلیک لاندې په یوه راپور کې په ډاګه کوي، چې په افغانستان کې کرنې ښه وده کړې؛ خو د هېواد په سیاسي وضعیت کې ناڅرګندتیا پر خصوصي سکتور بې باوري رامنځته کړې ده. سره له دې هم په ۲۰۱۹ کال کې د افغانستان د اقتصادي ودې کچه ۲ اعشاریه ۹ سلنه اټکل شوې ده.

د نړیوال بانک راپور ښیي، چې د اقتصادي ودې دغه کچه د اقلیم د ښه والي او د کرنې په سکتور کې د وچکالۍ د اغېزو له راټیټیدو تر لاسه شوې ده.

د افغانستان د نړیوال بانک مشر هنري کرالي ویلي؛ افغانستان په ۲۰۱۹ کال کې ښه وده درلوده  او دا یو ښه خبر دی، خو د هېواد په سیاسي وضعیت کې ناڅرګندتیا پر خصوصي سکتور بې باوري رامنځته کړې ده. افغانستان باید د اصلاحاتو بهیر ګړندۍ کړي، چې د خلکو د ژوند شرایط ښه او د بېوسۍ کچه راټیټه شي.

نړیوال بانک وړاندوینه کړې، چې د ولسمشریزو ټاکنو د وروستۍ پایلې له څرګندیدو او د وچکالۍ د کچې له راټیټیدو سره سم به په ۲۰۲۰ کال کې د افغانستان اقتصادي وده ۳ اعشاریه ۳ سلنه لوړوالی ومومي.

په افغانستان کې د نړیوال بانک مشر څرګنده کړې؛ نړیواله ټولنه باید په لنډمهال کې له افغانستان سره مرستې ته راودنګي، چې له وروستيو پرمختګونو نه یوازې ساتنه وشي، بلکې د ځانبسیاینې لپاره  ترې اوږد مهاله ملاتړ هم تر سره شي.

د نړیوال بانک مشر کرالي دا ټینګار هم کړی؛ د افغانستان حکومت باید خپلو نړیوالو ملګرو ته ډاډ ورکړي، چې د حکومتدارۍ په برخه کې پرمختګ روان دی او له مرستندویو سرچینې څخه اغېزمنه ګټه پورته کیږي.

په راپور کې ویل شوي؛ افغانستان باید په لنډ مهال کې سوداګرۍ ته وده ورکړي او له اداري فساد سره مبارزه وکړي، چې په لنډمهال کې یې ځانبسیاینې ډاډمنه شي.

د یادونې ده، چې نړیوال بانک نه یوازې په لنډمهال کې د باور لوړولو لپاره پر پرمختیايي تازه سوداګریزو معلوماتو ټینګار کوي، بلکې له فساد سره د مبارزې لپاره د دولتي اصلاحاتو ګړندي کول هم د پام وړ بولي.

تازه خبرونه

د امریکا او قطر بهرنیو چارو وزیرانو د افغانستان په اړه خبرې وکړې

خپور شوی

په

توسط

(Last Updated On: تله ۲۶, ۱۴۰۰)

د امریکا بهرنیو چارو وزیر انټوني بلینکن د یکشنبې پر ورځ د قطر د بهرنیو چارو له وزیر محمد بن عبدالرحمن ال ثاني سره د افغانستان په اړه خبرې وکړې.

سرچینې پدې اړه نور جزئیات ندي ورکړي؛ خو بلینکن د امریکایي وګړیو او افغانانو د خوندي لیږد پر مهال د قطري چارواکو له مرستې مننه کړې ده.

د اګست پر ۱۵ کله، چې کابل د اسلامي امارت لاس ته ولوید ؛ په زرګونو کسان په دوه اوونیو کې د کابل له هوایي ډګر څخه دوحې ته ولېږدول شول.

دا په داسې حال کې ده، چې قطر په افغانستان کې یو له مهمو لوبغاړیو څخه ګڼل کیږي.

Continue Reading

تازه خبرونه

د افغانستان پولې ته نږدې د روسیې په مشرۍ پوځي روزنه پیل شوې

خپور شوی

په

توسط

(Last Updated On: تله ۲۶, ۱۴۰۰)

رویټرز څرګنده کړې، چې نن دوشنبه د تلې ۲۶ د افغانستان پولې ته نږدې د روسیې په مشرۍ د ډله ییز امنیت تړون ټولنې غړیو په تاجکستان کې پوځي روزنیزې هڅې پیل کړي دي.

دا په داسې حال کې ده، چې په دې وروستیو کې د تاجکستان او د افغانستان اسلامي امارت ترمنځ تاوتریخوالی ورځ تر بلې ډېر شوی دی.

د افغانستان اسلامي امارت تاجکستان د افغانستان په کورنیو چارو کې پر لاسوهنه تورن کړی دی.

پرته له تاجکستان څخه د افغانستان ټول شمالي ګاونډ هېوادونه له افغانستان سره ښې او نیکې اړیکې غواړي.

د روسیې او تاجکستان دفاع وزارتونو زیاته کړې، چې دغه روزنیزې پوځي هڅې د ډله ییز امنیت تړون ټولنې غړیو لخوا پیل شوي، چې په کې ۵۰۰۰ سرتېري ونډه لري او نیمایي یې روسیان دي.

دا پوځي روزنې به شپږ ورځې روانې وي.

رویټرز زیاته کړې، چې روسیه د منځنۍ آسیا هېوادونو ته د افراطي ډلو د نفوذ په اړه اندېښنه لري او دا خپل امنیت ته ګواښ ګڼي.

مسکو، چې په تاجکستان کې پوځي اډه لري؛ دغه هېواد ته ډاډ ورکړی، چې د ګواښونو پر وړاندې به له دوی سره همکاري کوي.

دغه راز ټاکل شوې، چې د اسلامي امارت یو پلاوی، چې مشري یې د افغانستان د لومړي وزیر مرستیال ملا عبدالسلام حنفي کوي؛  د مسکو په ترویکاغونډه کې ګډون وکړي.

د افغانستان لپاره د روسیې د ولسمشر ځانګړي استازي ضمیر کابلوف ویلي؛ په دې ناسته کې به د روسیې، امریکا، چین او پاکستان استازي ګډون وکړي او له دې ناست مخکې به د افغانستان په اړه یو څو ناستې ولري، چې د افغانستان په اړه روښانه دریځ رامنځته شي.

Continue Reading

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

Trending

آریانا نیوز: ټول حقونه خوندي دي