Connect with us

تازه خبرونه

نړیوال بانک د کرونا ناروغۍ د اقتصادي اغېز د مخنیوي لپاره د ۳۸۰ میلیون دالرو مرسته منلې

Ariana News

خپور شوی

 په

(Last Updated On: زمری ۱۶, ۱۳۹۹)

د نړیوال بانک مدیره پلاوي په افغانستان کې پر بېوزلو کورنیو د کرونا ناروغۍ د اقتصادي اغېز د مخنیوي لپا ره د ۳۸۰ میلیون دالرو مالي کڅوړه تصویب کړې ده.

دغه بنسټ ویلي؛ ټاکل شوې، چې دا مرستې به په افغانستان کې پر بېوزلو کورنيو د کوويد-۱۹ وبا اقتصادي اغېزې کمې کړي، د مهمو خوراکي توکو د رسولو چارې به ګړندۍ کړي او کروندګرو ته به بېړنۍ مرستې ورسوي.

د نړیوال بانک په اعلامیه کې راغلي، چې په دې مالي ټولګه کې پر افغان کورنيو او ټولنې د کوويد- ۱۹ ناروغۍ د اغېز کمولو د مرستې پروژې د تمويل لپاره ۲۸۰ میلیون امريکايي دالر وړيا مرسته ځانګړې شوې، چې د دې مالي مرستې ۱۵۵ میلیون دالر د نړیوالې پراختيا ادارې، چې د نړۍ د خورا بېوزله هېوادونو لپاره د نړیوال بانک د مالي مرستو صندوق دی او پاتې ۱۲۵ میلیون دالر د افغانستان د بیارغونې صندوق دی، چې نړيوال بانک يې د ۳۴ بسپنه ورکوونکيو پر استازولۍ د چارو مديريت کوي، لخوا برابرېږي.

دا پروژه به د افغانستان په ګوټ ګوټ کې شاوخوا ۲.۹ میلیون افغان کورنيو ته مرستې ورسوي. پر افغان کورنيو او ټولنې د کوويد-۱۹ ناروغۍ د اغېز کمولو د مرستې پروژه به د ولسي تړون د ملي پروګرام تر چتر لاندې د يوې ورته پروژې هڅې پياوړې کړي.

تمه ده، چې دواړه پروژې به په ګډه د هېواد ۹۰ سلنه اړې او بېوزلې کورنۍ د ”ملي دسترخوان“ پروګرام په چوکاټ کې تر پوښښ لاندې ونيسي او شاوخوا ۴.۱ میلیون هغه کورنۍ، چې ورځنی عايد يې دوه دالر او يا ترې کښته دی ګټمنې کړي.

د کرنې او خوراکي توکو رسولو بېړنۍ پروژې د تمويل لپاره ۱۰۰ میلیون دالر وړیا مرسته ځانګړې شوې، چې د دې مالي مرستې ۵۵ ميليون دالر د نړيوالې پراختيا ادارې او پاتې ۴۵ ميليون دالر د افغانستان د بيارغونې صندوق لخوا برابرېږي.

د دې پروژې موخه د خوراکي توکو د سیمه ییز توليد زياتول او د مهمو سوداګريزو خوراکي توکو لکه د غنمو، چې د ۷۰ سلنه افغانانانو اساسي خواړه جوړوي، د رسولو کچه لوړول دي، چې په مرسته به يې د خوړو خوندیتوب پياوړی شي.

همدا راز به دا پروژه په کلیوالو سیمو کې د بېخبناوو؛ لکه د اوبولګولو سیستمونو د جوړولو له لارې خلکو ته د لنډمهالو کاري فرصتونو زمینه برابره کړي. په کلیوالو سیمو کې د کووید- ۱۹ ناروغۍ د مخنيوي هڅو کرنه ټکنۍ کړې، چې له کبله يې کروندګرو پخپل وخت خپلې ځمکې ونشو کرلې.

دا په داسې حال کې ده، چې په ښاري سيمو کې د خوړو نرخونه د خوراکي موادو په رسونه کې د بېړني کمښت له کبله په لوړېدو دي.

د افغانستان لپاره د نړیوال بانک مشر هنري کرالي ويلي؛ د کووید-۱۹ ناروغۍ د خپرېدو له کبله د میلیونونو افغان کورنيو ژوند ډېر خراب شوی دی.

هغه زياته کړې؛ دغه مالي مرستې به افغان دولت د دې جوګه کړي، چې د ډېرو افغان کورنيو بېړنۍ اړتیاوې پوره کړي او دا باوري کړي، چې افغان کروندګر د خوراکي توکو توليدولو ته په داسې حال کې ادامه ورکړي، چې واردات او صادرات له جدي ګواښ سره مخ دي. له دې سره به اقتصادي فرصتونه هم رامنځته شي او د کليوالي سيمو خلکو ته به کاري زمينې برابرې شي.

پر افغان کورنيو او ټولنې د کوويد- ۱۹ ناروغۍ د اغېز کمولو د مرستې پروژه به د کليو بیارغونې او پراختيا وزارت، د سیمییزو ارګانونو خپلواکې اداره او کابل ښاروالي په ګډه پلې کوي.

د دې پروژې له لارې به کليوالي پراختيايي شوراګانو ته وړيا مالي مرستې برابرېږي، چې پخپلو سيمو کې پرې اړو کورنيو ته خواړه او د روغتيا ساتنې کڅوړې وپېرې.

دا شوراګانې به له محلي عمده او پرچون پلورونکیو د خوراکي توکو او روغتیايي کڅوړې په پېرلو کوچني ځايي کاروبارونه پياوړې کړي. دغه نوې مالي مرسته به له افغان دولت سره مرسته وکړي، چې د ولسي تړون د ملي پروګرام تر چتر لاندې د کليوالي پراختیايي شوراګانو له لارې ټولنیز خدمتونه وغزوي او د هېواد په ګوټ ګوټ کې به پر کورنيو د دې وبا بېړنۍ اغېزې راکمې کړي.

د کرنې او خوراکي توکو رسولو  پروژه به، چې د کرنې، اوبولګونې او مالدارۍ وزارت لخوا پلې کېږي، د غنمو تخم د بېړني وېش لړۍ پیل کړي او کوچنيو او منځنيو کاروبارونو ته به تخنيکي مرستې برابرې کړي، چې د خوراکي توکو رسولو پر وړاندې خنډونه اوار کړي.

دا پروژه به په کلیوالو سیمو کې خلکو ته د کار لنډمهاله فرصتونه هم برابر کړي، چې دا به د کوويد-۱۹ خيريه هڅې پياوړې کړي.

د ولسي تړون د ملي پروګرام موخه د پياوړو شويو کليوالي/ ښاري پراختيايي شوراګانو له لارې د کليوالي او ښاري سيمو د بنسټيزو بېخبناوو جوړول او خلکو ته د ټولنيزو خدمتونو رسول دي.

د ولسي تړون پروګرام يوه بين الوزارتي هڅه ده، چې کليوالي/ ښاري پراختيايي شوراګانو ته د لومړنيو خدمتونو د ملاتړ لپاره وړيا مالي مرستې برابروي. په کليوالي سيمو کې د دې پروګرام د پلي کولو مسووليت د کليو بیارغونې او پراختيا وزارت پر غاړه دی او په څلور لويو ښارونو: جلال آباد، کندهار، مزارشریف او هرات کې دا پروګرام د سیمییزو ارګانونو خپلواکه اداره پر مخ بيايي.

د کوويد-۱۹ پر وړاندې د نړيوال بانک ځواب: نړیوال بانک د مخ پر ودې هېوادونو لپاره د مالي ملاتړ او معلوماتو يوه ستره سرچینه ده، چې پراخ او ګړندي ګامونه اخلي او د دې وبا پر وړاندې د مخ پر ودې هېوادونو غبرګون پياوړی کوي.

نړیوال بانک د عامې روغتيا له هڅو ملاتړ کوي، د مهمو وسايلو او تجهیزاتو رسونه باوري کوي او له خصوصي سکتور سره مرسته کوي، چې خپل فعاليتونه جاري وساتي او دندې خوندي کړي.

نړيوال بانک په پام کې لري، چې د ۱۵ میاشتو په بهير کې د نړۍ له ۱۰۰ ډېرو هېوادونو ته ۱۶۰ میلیارده دالر مالي مرسته ورسوي، چې خپل بېوزله او زیانمنونکي خلک وژغوري، کاروبارونه پياوړي کړي او خپل اقتصادونه بېرته وغوړوي.

په دې مرستو کې د نړيوالې پراختيا ادارې۵۰ ميليارد دالر نوې مرستې، چې د وړيا مالي مرستو او ارزانه پورونو په بڼه ورکول کېږي، شاملې دي.

تازه خبرونه

په افغانستان کې د سولې لپاره د امریکا او پاکستان همکاري اړینه ده – ویلیم تاد

Ariana News

خپور شوی

په

توسط

(Last Updated On: تله ۳, ۱۳۹۹)

ویلیم تاد، چې د ډونالډ ټرمپ لخوا په اسلام آباد کې د امریکا د استازي په توګه نومول شوی؛ د چارشنبې پر ورځ یې د مشرانو جرګې د بهرنیو اړیکو جرګه ګۍ ( کمیتې) ته ویلي، چې د امریکا او پاکستان ترمنځ همکاري په افغانستان کې د سولې او ثبات لپاره اړینه ده.

تاد زیاته کړې؛ په افغانستان کې سوله د دواړو هېوادونو په ګټه ده او دغې موخې ته د رسیدو لپاره د امریکا او پاکستان همکاري ګټوره او اړینه ده.

هغه دا هم ویلي: نن ټول هېوادونه په افغانستان کې د تلپاتې سولې لپاره ګډې ګټې پېژني.

نو موړي څرګنده کړې، چې: اسلام آباد د داسې شرایطو په رامنځته کولو کې کليدي رول لوبولی، چې نن افغان او طالب مشرانو د سولې خبرو اترو تاریخي پیل ته لار اواره کړې؛ خو اوس پاکستان د سیاسي خبرو اترو هوکړې ته د رسیدو لپاره د هڅو په ملاتړ کې خورا اړین رول لوبولی او غواړي، چې ۴۰ کلن جنګ پای ته ورسیږي.

تاد زیاته کړې؛ دا د پاکستان لپاره یو فرصت دی، چې په سیمه کې نوی او غوره رول ولوبوي.

نوموړي په ډاګه کړې، چې: د سیمې د خوزښت له مخې که څه هم مونږ له هند سره خواکمنې اړیکې لرو؛  خو دا باید د پاکستان په بیه نه وي. زه باور لرم، چې تر سمو شرایطو لاندې به مونږ له دواړو هېوادونو سره پیاوړې اړیکې ولرو.

هغه ویلي، چې له دیلي او اسلام آباد سره د واشنګتن نږدې اړیکې به په سیمه کې د تاوتریخوالي له کمولو سره مرسته وکړي.

دی وایي؛ زمونږ هیله دا ده، چې دواړه هېوادونه به د کړکیچ کمولو لپاره ګامونه پورته کړي او لکه څنګه، چې ولسمشر [دونالد ترمپ] وړاندیز کړی؛ مونږ چمتو یو، چې د دواړو خواوو په غوښتنه د دواړو هېوادونو تر منځ خبرو اترو ته لار اواره او آسانتیاوې رامنځته کړو.

هغه دا هم ویلي؛ دوی به له پاکستان سره په ګډه کار وکړي، چې له خپلې خاورې څخه د ترهګرۍ په له منځه وړلو او په سیمه کې د امنیت په زیاتولو کې ګډې ګټې ته وده ورکړي.

Continue Reading

تازه خبرونه

په جنګ ځپلو سیمو کې د ښځو وضعیت مخ په خرابیدو دی- څېړنه

Ariana News

خپور شوی

په

توسط

(Last Updated On: تله ۳, ۱۳۹۹)

د نړیوالې ژغورنې جرګه ګۍ څېړنه ښیي، چې له تېرو ۲۵ کلونو راپدیخوا ښځو او نجونو د جنسیتي   مساواتو له مخې نړیوال پرمختګ ندی کړی.

د څېړنې له مخې؛ پر نړیوالو لاسته راوړنو سربیره، په جنګ ځپلیو سیمو کې ښوونځیو ته تګ، سواد زدکړې، د زیږون سندونو ته لاسرسی او دې ته ورته له نورو برخو هم ښځې او انجونې له خراب حالت سره مخ شوې دي.

دغه څېړنه په ۱۰ هېوادونو؛ افغانستان، کولمبیا، د کانګو جمهوریت، ایتوپیا، عراق، میانمار، نایجیریا، پاکستان، تایلیند، یوګاندا، کډوالې کورنۍ او بې ځایه شويو خلکو کې جنسیتي مساوات تر څېړنې لاندې نیول شوي دي.

د څېړنې موندنې ښیي، چې له ۱۹۹۵ زېږدیز کال راپدیخوا ۴۴ سلنه کډوالي لوړه شوې، چې تر ۲۰۱۹ پورې له ۲۶ میلیون ډېر راجستر شوي دي.

په ۱۰ څېړل شویو هېوادونو کې افغانستان ۲.۷ میلیونه بې ځایه شوي لري، چې د داخلي بې ځایه شویو خلکو په سلو کې ۳۵۰ ډېروالي ښیي.

په ځینو برخو کې، د میرمنو او نجونو لاسته راوړنې خورا هڅونکې وې او له تېرو ۲۵ کلونو راپدیخوا په نړۍ کې د میندو مړینه ۳۸ سلنه راکمه شوې ( په ۲۰۱۷ کال کې په ۱۰۰۰۰ ژوندیو زیږونونو کې ۲۱۱ مړینې) وې.

افغانستان، ایتوپیا او پاکستان د میندو په مړینه کې ۵۰ سلنه کموالی ښیي.

د څېړنې له مخې؛ که څه هم په نړۍ کې لومړنيو او ثانوي ښوونځیو ته تګ ۱۱ سلنه ډېر شوی، د افغانستان په څېر هېوادونه هیڅکله هم له نړیوالو معیارونو سره برابر ندي.

پداسې حال کې، چې د ۱۹۹۵ کال را پدیخوا د نارینه وو پر پرتله د میرمنو د سواد کچه لوړه شوې (په ترتیب سره ۱۸ سلنه د  ۸ په پرتله ) میانمار د وخت له تېریدو سره د ښځینه وو دسواد کچه کمه کړې او له پرمختګ سره سره عراق، یوګانډا، نایجیریا، پاکستان، ایتوپیا او افغانستان د نړۍ له احصائیو سره د پرتلنې وړ ندي.

دا په داسې حال کې ده، چې افغانستان د کورني تاوتریخوالي ۴۶، ایتوپیا ۴۰ او د کانګو جمهوریت ۳۷ په سلو کې لوړوالی ښیي.

Continue Reading

تازه خبرونه

ترمپ غواړي، چې د ټاکیزو پایلو پرېکړه ستره محکمه وکړي

Ariana News

خپور شوی

په

توسط

(Last Updated On: تله ۳, ۱۳۹۹)

که د امریکا ولسمشر دونالد ترمپ د روان کال د نومبر د درېیمې په ټاکنو کې له ماتې سره مخ شي؛ نو د واک سوله ییز لیږد ته به زړه ښه نکړي او د ټاکنیزو پایلو په اړه پرېکړه به ستره محکمه وکړي.

جمهوریت غوښتونکي ترمپ په سپینه مانۍ کې خبریالانو ته په دې اړه، چې آیا هغه په ​​سوله ییزه توګه واک سپارلو ته چمتو دی؛ ویلي: باید وګورو، چې څه پېښیږي.

رویترز څرګنده کړې، چې ترمپ په ځلونو له ثبوت پرته د راتلونکیو ټاکنو مشروعیت تر پوښتنې لاندې راوستی او ټینګار یې کړی، چې رای ورکول به د پوست منجر له لارې پایلې له درغلۍ او جعل سره مخ کړي.

هغه زیاته کړې، چې د رایو صندوقونه یو ناورین دی.

دیموکراتانو پوست رایې له کرونا ویروس څخه د خوندیتوب لپاره هڅولي دي.

د امریکا اردو له کلونو راپدیخوا پوست رایې کاروي.

دیموکرات جوبایدن خبریالانو ته ویلي، چې د ترمپ څرګندونې منطق نلري.

د نوموړي ټاکنیزې ډلې ویلي، چې د د ترمپ هر راز شیطانت چچمتو والی لري. د امریکا حکومت د دې وړتیا لري، چې سرغړوونکي له سپینې ماڼۍ وباسي.

دا په داسې حال کې ده، چې ترمپ د چهارشنبه پر ورځ په ډاګه کړې: ټاکنې به په ستره محکمه کې پای ته ورسیږي. مونږ ۹ قاضیان لرو، چې خورا مهم دي.

Continue Reading
Advertisement

Trending