Connect with us

تازه خبرونه

نړیوال بانک افغانستان ته د ۴۰۰ میلیون ډالرو مرسته تصویب کړه

Ariana News

خپور شوی

 په

(Last Updated On: غویی ۱۹, ۱۳۹۹)

 نړیوال بانک له افغانستان څخه د ملاتړ لپاره ۴۰۰ میلیون امریکایي ډالرو وړیا مالي مرستې تصویب کړې، چې له کرونا ویروس څخه د رامنځته شوي ناورین د راکمولو لپاره به ولګول شي.

نړیوال بانک نن په اقتصادي او مالي برخو کې د اصلاحاتو له بهیره د ملاتړ د دوام په موخه او د کوویډ-۱۹ ناورین د ګواښونو د مدیریت په برخه کې افغان دولت د ۴۰۰ میلیون امریکایي ډالرو وړیا مالي مرسته تصویب کړه.

نړیوال بانک نن د جمعې پر ورځ څرګنده کړې، چې د دغه بانک مدیره پلاوي په اقتصادي او مالي برخو کې د اصلاحاتو له بهیر د دوام په موخه او د کوویډ-۱۹ ناورین د خطرونو او ګواښونو د مدیریت په اړه له افغانستان دولت څخه د ملاتړ لپاره د ۴۰۰ میلیون امریکایي ډالرو وړیا مالي مرسته تصویب کړه.

د نړیوال بانک د څرګندونو له مخې؛ دغه مرستې په افغانستان کې “د مشوقو پالیسۍ د پراختيا پروګرام” په چوکاټ کې لګول کېږي.

دغه راز زیاته شوې، چې د دغو مالي مرستو ۱۶۰ میلیون امريکايي ډالر د نړيوالې پراختيايي ادارې مرسته ده، چې د نړۍ تر ټولو بېوزله هیوادونو لپاره د نړیوال بانک ګروپ مالي ملاتړ برابروونکي څانګه ده.

دغه راز ښکاره شوی، چې ۲۴۰ میلیون امريکايي ډالره يې د افغانستان د بیارغونې صندوق مرسته ده، چې د دغه صندوق مدیریت د ۳۴ ملاتړکوونکیو هيوادونو او نړیوالو تمویلوونکیو  استازولۍ خپله نړيوال بانک کوي.

آرینا نیوز؛ تبصره

د اټکلونو له مخې، د کرونا رنځ د خوریدا له پیل راهیسې، د ملیونونو ډالرو په ارزښت مالي مرستې د افغانستان حکومت ته اړول شوي.

په پام کې نیولو لپاره اړین ټګې دا دی چې آیا دغه پیسې به پرځاي، یعنی په رڼه توګه، هم هغلته ولګول شي چیرته چې یې د ورکولو موخه ده؛ او که یوځل بیا، دغه پیسې به هم د میلو او چړچو ښکار وګرځي.

تازه خبرونه

اتمر او ویلسن په افغانستان کې د سولې په اړه وغږیدل

Ariana News

خپور شوی

په

توسط

(Last Updated On: وږی ۳۱, ۱۳۹۹)

د افغانستان د بهرنیو چارو وزارت چارسمبالي حنیف اتمر په کابل کې د امریکا د سفارت له چارسمبالي راس ویلسن سره وکتل.

د هېواد بهرنیو چارو وزارت څرګنده کړې، چې په دې لیدنه کې حنیف اتمر په تېرو ۱۹ کلونو کې له افغانستان څخه د دوی د دوامداره ملاتړ او ژمنې له امله مننه وکړه.

د یاد وزارت د څرګندونو له مخې؛ دواړو لوریو د سولې خپلمنځي خبرو له پیل او له ترسره شوي پرمختګ څخه خوښي ښکاره کړې او تلپاتې سولې ته د رسیدو لپاره یې خپله هیله څرګنده کړه.

دغه راز حنیف اتمر او راس ویلسن د افغان حکومت پر لومړیتوبونو په ځانګړي توګه د پراخ اوربند او د تاوتریخوالي د کمولو او څارنې لپاره د یو میکانیزم رامینځته کولو هراړخیزې خبرې کړې دي.

یادې سرچینې په ډاګه کړې؛: دواړو خواوو د افغانستان، امریکا او د مرکزي آسیا هېوادونو ترمنځ د درې اړخیزو اړیکو د پراخولو پر فرصتونو هم خبرې کړې، چې په افغانستان کې د سولې بهیرله چټکولو سره مرسته کولی شي.

دواړو لوریو د افغانستان او امریکا تر منځ د دوه اړخیزو همکاریو د پراختیا او پیاوړتیا پر اړتیا هم ټینګار وکړ او راس ولسن حنیف اتمر ته له افغانستان سره د هغه هېواد له دوامدارې ژمنې او همکارۍ ډاډ څرګند کړ.

Continue Reading

تازه خبرونه

زلمی خلیلزاد په افغانستان کې له روان تاوتریخوالي اندېښمن شوی

Ariana News

خپور شوی

په

توسط

(Last Updated On: وږی ۳۱, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد په افغانستان کې د تاوتریخوالي د زیاتیدو په اړه اندېښنه څرګنده کړې او د سمدستي اوربند غوښتنه یې کړې ده.

نوموړي په یوه تویت کې په ډاګه کړې، چې په تېرو څو ورځو کې تاوتریخوالی په ښکاره ډېر شوی دی.

هغه څرګنده کړې، چې د تاوتریخوالي ډېریدل د ملکي افغانانو لپاره، چې خپل ژوند له لاسه ورکوي؛ د منلو ندی.

زلمي خلیلزاد زیاته کړې: په افغانستان کې د سولې خبرو پیلیدو ته په کتو ټولې خواوې باید په تاوتریخوالي کې د  پام وړ کمی رامنځته کړي.

لکه څنګه ، چې ښکېل لوري پوهیږي په دوحه کې د حکومت او طالب استازيو خبرې په افغانستان کې د سولې راوستو په اړه د مشورې پړاو ته رسیدلي او دا کوم ساده کار هم ندی. نړۍ او افغانان ګوري، چې  په دې وروستیو اوونیو کې د تاوتریخوالي کچه په بېساري توګه لوړه شوې او دا هیچا ته د منلو نده.

د خليلزاد دغه اندېښنه په داسې حال کې راپورته کیږي، چې نن ورځ د سولې له نړيوالې ورځې سره برابره ده، چې هر کال د جګړې د قربانيانو د درناوي او د تاوتريخوالي د کمولو لپاره لمانځل کيږي.

د ملګرو ملتونو د سپتمبر ۲۱ ، چې د وږي له ۳۱ سره برابره ده د سولې نړیواله ورځ او په ټوله نړۍ کې یې د څلیریش ګړیو لپاره عدم تشدد او اوربند اعلان کړی دی.

Continue Reading

تازه خبرونه

ملي اردو په تېرو ۶ میاشتو کې له ۴۰۰۰ ډېر ماینونه کشف او شنډ کړي- دفاع وزارت

Ariana News

خپور شوی

په

توسط

(Last Updated On: وږی ۳۰, ۱۳۹۹)

هېواد ملي دفاع وزارت ویلي؛ د طالبانو د روان ۱۳۹۹ لمریز لیږدیز کال په شپږ میاشتو کې ۴۷۷۶ ماینونه د خلکو د استوګنو سیمو ته نږدې او د هېواد د یو شمېر ولایتونو د لویو لارو په اوږدو کې ځای پر ځای کړي وه، چې د هېواد ملي، دفاعي او امنیتي ځواکونو کشف او شنډ کړي دي.

د افغانستان دفاع وزارت څرګنده کړې، چې طالبانو د لویو لارو په اوږدو کې له چاودیدونکیو توکو څخه په ګټه پورته کولو تل زمونږ هېوادوالو ته زیان رسولی؛ خو ملي، دفاعي او امنیتي ځواکونو کشف او شنډ کړي دي.

دفاع وزارت دا هم په ډاګه کړې، چې طالبانو د چاودیدونکیو توکو او ماینونو پر چاودنو نه یوازې ملکي وګړي زیانمن کړي، بلکې په یو شمېر ولایتونو کې یې عمومي لارې، څلور لارې او د هېواد بېخبناوې هم ویجاړې کړي دي.

دفاع وزارت وایي، چې د ۱۳۹۹ کال په شپږ میاشتو کې د ۴۷۷۶ ماینونو پر کشف او شنډولو سره سربېره د سلګونه کیلو متره لارو, پلونو او پلچکونو د زیان او ویجاړۍ مخه هم نیول شوې ده.

ویل کیږي، چې د قطر په دوحه کې د حکومت او طالبانو د پلاوو ترمنځ د خپلمنځي خبرو له پیلیدو سره سم د ښکېلو خواوو لخوا عامو خلکو ته د زیان رسولو او تاوتریخوالي کچه لوړه شوې ده.

Continue Reading
Advertisement

Trending