Connect with us

سوداگري

نړیواله ټولنه دې تر راتلونکیو ۵ کلونو خپلي مرستې روانې وساتي – راپور

خپور شوی

 په

(Last Updated On: لړم ۲۱, ۱۳۹۹)

په افغانستان کې د ملګرو ملتونو د پراختیايي پروګرامونو ادارې څرګنده کړې؛ افغانستان د کرونا ویروس د خپریدا له کبله سختو اقتصادي ستونزو ځپلی او نړیواله ټولنه باید د افغانستان د اقتصادي بحران د حل لپاره تر راتلونکیو پېنځه کلونو خپلي مرستې روانې وساتي.

په افغانستان کې  د ملګرو ملتونو د پراختیايي پروګرامونو اداره یا یو ان دي پې په ډاګه کړې، چې  نړیواله ټولنه باید د افغانستان د اوسني اقتصادي بحران د حل  لپاره تر ۲۰۲۴ کال پورې خپلي مالي همکاري وغزوي.

د دغې ادارې راپور د افغانستان پر اقتصاد د کرونا د اغېزو تر سرلیک لاندې چمتو او خپور شوی دی. په دې راپور کې په ډاګه شوې، چې د افغانستان ناخالص عواید منفي پېنځه سلنه راټیټ شوی؛ د بی کارۍ کچه لوړه شوې، امنیتي ستونزې پراخې شوي او د حکومت عواید را ټیټ شوي دي. په او سنیو حالاتو کې د کرونا له کبله افغانستان له سختومالي ننګونو سره مخ دی.

په دې راپور کې که څه هم ځانګړی مالي زیان ندي په ګوته شوی؛ خو د یو ان دي پي ادارې چارواکو ویلي؛ نړیواله ټولنه باید تر ۲۰۲۴ کال پورې له افغان حکومت سره په منځني ډول د کال شپږ میلیارد دالر مرسته وکړي.

په افغانستان کې د ملګرو ملتونو د پراختیا يي ادارې مشر عبدالله الدردادي ویلي: مونږه له خپلو نړیوالو همکارانو هیله لرو، چې له افغانستان سره تر راتلونکيو پېنځه کلونو پوري د کال نږ دي شپږ ميلیارد دالر همکاري وکړي او له مالي بحران یې وژغوري.

په راپور کې د افغانستان حکومت ته سپارښتنه شوې، چې باید په خپلې مالي او اقتصادي پالیسۍ کي بدلونونه رامنځته او هڅه وکړي، چې خصوصي سکتور پانګونې ته وهڅوي.

د ولسمشر د لومړي مرستیال سلاکار، چې په دغه ناسته کې برخه لري وايي، چې حکومت د پانګونې د جذب لپاره تدابیر لري.

د ولسمشر د لومړي مرستیال سلا کار هارون میر ویلي؛ مونږ هڅه کړه، چې د کرونا ویروس له پیل سره خپل مارکیتونو ته لومړني توکي زیات کړو او هم د پانګونې د جذب لپاره د کانونو داستخراچ په هڅه کې یو؛ خو ستونزه اوس هم روانه ده.

د اقتصادي چارو کارپوهانو د ملګرو ملتو نو د پراختیا يي ادارې د مسوولینو وروستی راپو  ستايي او له افغان حکومته غوښتنه کوي، چې د راپور وړاندیزونو ته پاملرنه وکړي.

د اقتصادي چارو کارپوه عمر جویا وایي: مونږ منو، چې دا راپور بیخي پر حقایقو ولاړ دی او زمونږ هیله له حکومته داده، چې باید اړوند ټولو برخو ته جدي پاملرنه وکړي.

د راپور چمتو کوونکي له حکومته غوښتنه کړې، چې خپلې ماليې او اقتصادي پالیسو ته له سره کتنه او له فساد سره مبارزه او د بې کارۍ د پای ته رسولو لپاره په هېواد کې خصوصي سکتور پانګونې ته وهڅوي.

تازه خبرونه

نړیوال بانک د افغانستان ۵۰۰ میلیون کنګل شوې پیسې نړیوالې ټولنې ته ورکوي

خپور شوی

په

توسط

(Last Updated On: ليندۍ ۹, ۱۴۰۰)

رویټرز خبري آژانس د باخبرو سرچینو د څرګندونو له مخې ویلي، چې نړیوال بانک پر داسې پلان کار کوي، چې په امریکا کې به د افغانستان بانک د کنګل شویو شتمنیو ۵۰۰ میلیون ډالر له نړیوالو بشري ټولنو سره مرسته وکړي، چې خلکو ته بېړنۍ طبي مرستې ورسوي.

رویټرز په دې وروستیو کې د ځینو سرچینو په حواله ویلي، چې دا مرستې یوازې د افغانستان خلکو ته د بشردوستانه مرستو لپاره دي.

د راپور له مخې، ټاکل شوې، چې په دې اړه د نړیوال بانک د مدیره پلاوي غړي په نارسمي بڼه له امریکايي چارواکو او ملګرو ملتونو سره ناسته ترسره کړي.

دا وړاندیز د افغانستان د بیارغونې له وجهي صندوق څخه د یو اعشاریه پېنځه میلیارد ډالرو پر ارزښت د پیسو انعطاف دی.

تر دې دمه، چې د دغو مرستو د رالېدولو پر څرنګوالو څه ویل شوي ندي؛ ځکه داسې وېره هم شته، چې په کې ښکېلې مالي ادارې به د امریکا له بندیزونو سره مخ شي.

دغو سرچینې رویټرز ته ویلي، چې دا پیسې به په افغانستان کې د بېړنیو روغتیایي پاملرنې د اړتیاوو پر پوره کولو، چې له اووه سلنې لږ وګړي د کروناویرس پر وړاندې واکسین شوي؛ ولګول شي.

دغه راز یوې باخبرې سرچینې ویلي، چې افغانستان ته د دې پیسو له لېږد وروسته به نړیوال بانک د دغو پیسو پر لګولو څارنه ونلري.

سرچينې زياته کړې، چې نړيوال بانک غواړي دغه پيسې له هر ډول څارنې او راپور ورکولو پرته ملګرو ملتونو او نورو بشري ادارو ته ولېږدوي.

سرچینې ویلي؛ په داسې حال کې، چې د امریکا خزانې وزارت د ښه راغلاست لیکونه خپاره کړي او بانکونو ته یې ډاډ ورکړی، چې دوی کولی شي بشري راکړې ورکړې پروسس کړي؛ خو د بندیزونو په اړه اندېښنې به پخپل حال پاتې وي او ان د خواړو او درملو په ګډون د ټولو خامو توکو د تېرېدو مخنیوی کوي.

له بلې خوا باخبرو سرچینو ویلي؛ نړیوال بانک په دې لټه کې دی، چې د اسلامي امارت لپاره یوه لنډه منځنۍ لار پرانیزي.

راپور زیاتوي، چې افغانستان ته د مرستو د رسولو لپاره افغانانو ته د امریکايي ډالرو د احتمالي تبادلې په اړه لومړني کارونه شوي دي؛ خو یوې بلې سرچینې ویلي؛ دغه پلانونه هغو پلانونو ته ورته دي، چې یوازې وړاندیز شوي او تر اوسه عملي شوي ندي.

Continue Reading

تازه خبرونه

د افغانستان د شوکاڼي صادرات بیا پیل شول

خپور شوی

په

توسط

(Last Updated On: ليندۍ ۹, ۱۴۰۰)

د افغانستان د صنعتکارانو ټولني غړيو ويلي، چې په دې وروستیو کې نه یوازې د سیمې یو شمبر هېوادونو ته زرګونه ټنه شوکاڼی یا تالک ډبرې صادرې شوي، بلکې هسپانیا او بریټانیا ته هم پېنځه سوه ټنه صادرات لرو.

د خصوصي سکتور غړي وايي که د اسلامي امارت لخوا د هېواد په کاني  سکتور کې د پانګونې آسانتیاوې  رامنځته شي؛ خصوصي  سکتور چمتو دی،  چې په دې برخه کې زیاته پانګونه وکړي.

د صنعتکارانو ټولنې  مشرعبد الجبار ساپی وایي: په دې وروستیو کې د افغانستان د شوړکاڼو صادارت، پاکستان، ترکیې، هندوستان، چین،هسپانیې او بریټانیا ته پیل شوي او هیله لرو، چې صادرات مو نور هم پراخ شي.

د کانونو او صنایعو خونې غړي وايي، چې  په افغانستان کې  د کانونو د ناقانونه کېندنې او استخراج  مخنیوي شوی؛ خو  که د کان کېندنې لپاره نوې او آسانه پالیسۍ جوړې شي،  په دې سکتور کې به ډېره پانګه جذب شي.

نوموړي ویلي: په کابل کې د اسلامي امارت له بیا واکمنېدو سره په ډېرو برخو کې د کانونو پر ناقانونه استخراج او قاچاق بندیز رامنځ ته شوی؛ خو باید قانوني کارونو ته يي هڅې چټکې شي.

د اقتصادي  چارو کارپوهان هم له اسلامي امارته غواړي، چې د کانونو په برخه کې د خصوصي سکتور د پانګونې د جذب بهیر پراخه کړي.

د اقتصادي چارو کارپوه تاج محمد تلاش وایي: د هېوادنیو کانونو استخراج کولی شي په هېواد کې تر یوه بریده اقتصاډي ثبات رامنځته کړي. هیله ده، چې اسلامي امارت دې سکتور ته خپله پاملرنه پراخه کړي؛ ځکه دا سکتور په هېواد کې د کار په رامنځته کولو کې ډېر اړین دی.

د امریکا د پراختیايي اداري لخوا د شوې سروې له مخې په افغانستان کې د درې ټریلیون ډالرو پر ارزښت کانونه شته، چې استحراج به یې د افغانستان اقتصادي بحران پای ته ورسوي او افغانستان به د صنعتي هېوادونو د سیالۍ ډګر ته ودروي.

Continue Reading

سوداگري

په افغانستان کې د ټاپي پروژې کار وځنډول شوـ راپور

خپور شوی

په

توسط

(Last Updated On: ليندۍ ۶, ۱۴۰۰)

د روسیې ټاس خبري سرچینې د پاکستانيو چارواکو د څرګندونو له مخې ویلي، چې د ترکمنستان لخوا افغانستان، پاکستان او هند ته د ګازو ټاپي پروژې کار ځنډول شوی دی.

د پاکستان د اقتصادي چارو فډرالي وزیر عمر ایوب خان ويلي، د ټاپي پروژې عملي کار د افغانستان د وضعیت له کبله ځنډول شوی دی.

ايوب خان ټاس خبري آژانس ته ويلي، چې په افغانستان کې د وضعيت له ښه کېدو وروسته به پر دې پروژې کار بيا پيل شي.

هغه ويلي: د هغو معلوماتو پر بنسټ، چې مونږ لرو؛ په افغانستان کې هیڅوک پر پروژو او کار نکوي؛ خلک ایستل شوي او د نړیوال بانک استازي هم په افغانستان کې نشته.

ایوب خان زیاته کړې، چې د برېښنا د لېږد پروژې (کاسا ۱۰۰۰) چارې هم د افغانستان د وضعیت له کبله ځنډول شوې دي.

دا په داسې حال کې ده، چې د ترکمنستان یو پلاوی هم څه وخت مخکې پدې اړه کابل ته راغلی و او د افغانستان اسلامي امارت له چارواکو سره یې د ټاپي پروژې او نورو اړوند مسایلو په اړه یې خبرې کړې دي.

Continue Reading

Trending

آریانا نیوز: ټول حقونه خوندي دي