Connect with us

تازه خبرونه

نوي او متمدن افغان طالبان به د جګړې پر ځای د سولې خبرې غوره کړي – پاکستان

خپور شوی

 په

(Last Updated On: چنګاښ ۲۱, ۱۴۰۰)

د پاکستان د کورنیو چارو وزیر شیخ رشید احمد د یکشنبې پر ورځ خبریالانو ته په ډاګه کړه، چې نوي او متمدن شوي افغان طالبان به د جګړې پر ځای خبرې غوره کړي.

د پاکستان ډان خبرې سرچینې د پاکستان د کورنیو چارو وزیر شیخ رشید احمد د څرګندونو له مخې په ډاګه کړې؛ اسلام آباد به په افغانستان کې خلکو ته له منلي حکومته ملاتړ وکړي.

نوموړي په افغانستان کې له ټولو ښکېلو اړخونو او مشرانو وغوښتل، چې د سیاسي جوړجاړی لپاره خپلې خبرې وغځوي او هېواد نور په کورنۍ جګړه کې ښکېل نکړي.

هغه وایي: له طالبانو سره خبرې به د ټولو په ګټه وي. مونږ به په ګاونډ هېواد افغانستان کې له سولې ملاتړ وکړو.

شیخ رشید احمد زیاته کړې؛ پاکستان په سیمه کې سوله غواړي. که چین وغواړي په ایران کې ۴۰۰ میلیارډ ډالر پانګونه وکړي، نو دا به په افغانستان کې له سولې پرته امکان ونلري. هغه اوسپنیزه کرښه، چې غواړو ازبکستان ته وغځوو؛ په افغانستان کې له ثبات پرته امکان نلري. اوس چین، روسیه، ایران او پاکستان په یوه بدلیدونکې سیمه کې دي.

نوموړي دا هم ویلي، چې د افغانستان او پاکستان تر منځ د ډیورنډ پر کرښه د اغزن دیوال جوړېدو پاکستان د تېرو وختونو پر پرتله په ښه دریځ کې دی.

هغه ټینګار کړی، چجې هیچاتته به اجازه ورنکړي، چې له خاورې یې د افغانستان سوله زیانمنخه او بې پایلې کړي.

تازه خبرونه

په هرات کې د ا.ا.ا ځواکونو ۴ انسان تښتوونکي ووژل

خپور شوی

په

توسط

(Last Updated On: تله ۳, ۱۴۰۰)

د هرات امنیتي چارواکو منلې، چې څلور انسان تښتوونکي نن سهار د ښار په څوارلسمه ناحیه کې د اسلامي امارت د ځواکونو لخوا ووژل شول.

په هرات کې د څوارلسمې امنیتي حوزې قومندان ويلي، چې سړي تښتوونکیو له ۱۲ ناحیې څخه یو پلار او زوی تښتولي او څوارلسمې حوزې ته یې وړي دي.

د څوارلسمې امنیتي حوزې قومندان مولوي جلالي ويلي، چې دا کسان څلور کسان ول، چې د اسلامي امارت له ځواکونو سره په نښتو کې وژل شوي دي.

د چارواکو د څرګندونو له مخې؛ تښتول شوي پلار او زوی دواړه خوشې شوي دي.

Continue Reading

تازه خبرونه

په ننګرهار کې چاودنې اته کسانو ته مرګ و ژوبله اړولې

خپور شوی

په

توسط

(Last Updated On: تله ۳, ۱۴۰۰)

نن سهار شاوخوا اته بجې د جلال آباد ښار د لومړۍ ناحيې اړوند “سراج العمارت ” باغ ته نږدې د اسلامي امارت پر يو موټر د سړک غاړې ماین چاودنه شوې.

د ننګرهار د رسنیو چارواکي چاودنه او په کې مرګ و ژوبله تائيدوي؛ خو وايي؛ تر دې دمه د تلفاتو جزئيات معلوم ندي.

د پېښې عيني شاهدانو ويلي؛ د طالبانو يو نظامي کاروان له سيمې څخه د تېريدو په حال کې و، چې په ګلدان کې د ځاي پرځاى شویو چاودېدونکیو توکو له چاودنې مرګ و ژوبله رامنځته شوې ده.

د ننګرهار د حوزوي روغتون سرچينې وايي، د پېښې له ځايه روغتون ته د يوه امنیتي کس مړى او ” اووه ” ټپيان رالېږدول شوي، چې په ټپيانو کې درې عام وګړي او يو د ښاروالۍ کارکوونکى دي.

تر دې دمه د چاودنې پره چا پر غاړه نده اخیستې.

Continue Reading

تازه خبرونه

امریکا د مرستو د آسانولو لپاره پر افغانستان دوه بندیزه لرې کړل

خپور شوی

په

توسط

(Last Updated On: تله ۳, ۱۴۰۰)

امریکا ویلي، چې د طالبانو تر کنټرول لاندې افغانستان ته د بشري مرستو آسانه تر سره کولو لپاره یې پر افغانستان خپل دوه بندیزه لرې کړي دي.

د امریکا د خزانې وزارت په ډاګه کړې: نادولتي بنسټونه، نړیوالې ټولنې او ملګري ملتونه اجازه لري، چې له اسلامي امارت او حقاني شبکې سره که څه هم تر بندیزونو لاندې دي؛ بیا هم افغانستان ته د بشري مرستو د رسولو لپاره اړیکې ټینګې کړي.

یاد وزارت زیاته کړې، چې دوی افغانستان ته د خواړو، درملو او نورو توکو صادراتو ته هم اجازه ورکوي.

د متحده ایالاتو د خزانې وزارت د بهرنیو شتمنیو کنټرول دفتر رییس ، اندریا ګاسکي ویلي، چې څانګه له مالي بنسټونو، نړیوالو ټولنو او نادولتي بنسټونو سره کار کوي، چې اړمنو خلکو ته د کرنیزو توکو، درملو او نورو توکو لیږدول آسانه کړي.

د خزانې وزارت زیاته کړې، چې دوی د افغانستان خلکو ته د بشردوستانه مرستو او نورو فعالیتونو د ترسره کولو لپاره ژمن دی او لومړنۍ بشري اړتیاوې به یې پوره کړي.

د افغانستان د سوداګرۍ او پانګونې خونه وايي، چې په ډې مواردو کې د خصوصي سکتور نږ دې دوه نیم میلیارده ډالر، چې د افغانستان د حکومت له پیسو سره بندې وې؛ هغې ته هم اجازه ورکړ شوې ده.

د خصوصي سکتور غړي وايي، د دې مواردو په لري کیدو به اوس د هېواد په مارکیټونو کې کمښت رامنځته نشي.

د خصوصي سکتور د خونو د فډراسیون مرستیال خاجان الکوزی وایي: د خصوصي سکتور څه کم دوه میلیارډ ډالر کولی شي د یو معین پرو سیجر له  مخي انتقال پیدا کړې او خصوصي سکتور د امریکا له دې کړنې هرکلی کوي او هغه بنسټونه، چې خیریه بنسټونه دي؛ هغه هم مهم دي.

د خصوصي  سکتور غړي د امریکا له متحده ایالاتو غوښتنه کوي، چې له دوی  سره هغه نوري پیسي، چې ور سره بندې دي؛ آزادې کړي، چې په هېواد کې بېرته اقتصادي فعالیتونه له سره پیل شي.

د چارو پوهان هم د امریکا لخوا روستۍ هڅې ستايي.

اقتصادي کارپوه تاج محمد تلاش ویلي: فکر کوم، چې امریکا هغه سخت بندیزونه او تحریمونه کرار کار لری کړي؛ ځکه، چې د بندیزونو زیان مطلق ولس ته رسېده؛ نو د بندیزو نو له کموالو سره به د هېواد پر اقتصادي نظم مثبت اغېز رامنځته شي.

د خصوصي سکتور غړي د افغانستان له اسلامي امارته غوښتنه کوي، چې د اقتصادي تحریمونو د کمولو لپاره دې له نړیوالې ټولني سره خپلي اړیکې تنظیم کړي، چې هېواد له اقتصادي بحران سره مخ نشي.

ملګرو ملتونو هم ویلي، چې د افغانستان شاوخوا نیمايي خلک بشري مرستو ته اړتیا لري.

دا په داسې حال کې ده، چې افغانستان دا مهال له مخ پر ودې اقتصادي بحران سره مخ دی؛ د خواړو او سوند توکو بیې چټکۍ لوړې شوي او د نغدو پیسو کچه هم راټیټه شوې ده.

Continue Reading

Trending

آریانا نیوز: ټول حقونه خوندي دي