Connect with us

تازه خبرونه

نوماندان په ولسمشرۍ ماڼۍ کې له ولسمشر غني سره خبرو ته چمتو ندي

Ariana News

خپور شوی

 په

(Last Updated On: June 7, 2019)

د ولسمشریزو ټاکنو نوماندانو شورا څرګنده کړې، چې د ولسمشریزو ټاکنو نوماندان په ولسمشرۍ ماڼۍ کې له ولسمشر غني سره خبرو ته چمتو ندي.

په داسې حال کې، چې د هرې ورځې پر تېرېدو ټاکنې را نږدې کیږي؛ خو نوماندان له ولسمشرغني سره، چې هغه هم نوماند دی وران شوي. دوی له هغې وروسته ډېر اندېښمن شول، چې ولسمشر په وروستیو کې ځینې مامورین او چارواکي بدل را بدل کړل.

ولسمشر د نوماندانو له اعتراضونو وروسته حاضر شو، چې ورسره خبرې وکړي؛ خو نوماندانو ویلي، دوی نه غواړي په ولسمشرۍ ماڼۍ کې له اشرف غني سره خبرو ته کیني.

د نوماندانو شورا وایي؛ ښاغلی غني دې په یوه بل ځای کې ور سره خبرو ته کیني؛ خو تر اوسه هیڅ لوری ندی چمتو شوی، چې د دې ستونزې د حل لپاره منځګړيتوب وکړي.

دغه راز ټاکل شوې، چې په راتلوونکیو څو ورځو کې نوماندان د ملي وحدت حکومت د مشرانو د کار د دوام پر وړاندې پراخ اعتراض وکړي او څرګندوي، چې له ټاکنو سره پر پرېکون هم غور روان دی.

د ولسمشریزو ټاکنو نوماند  شهاب حکیمي  وایي، چې هغه( ولسمشر) په ناقانونه توګه د ارګ پر ولسمشریزه څوکۍ ناست دی. اوس دې له ارګه راووځي او په یو درېیم ځای کې دې د ولسمشریزو ټاکنو له نوماندانو سره پر ټاکنیزو خبرو ناسته وکړي.          

د نوماندانو شورا دا هم ویلي؛ غني دې د نوماند په توګه ور سره خبرې وکړي، نه د ولسمشر په توګه.

د ولسمشریزو ټاکنو نوماند فرامرز تمنا وایي، چې دا ناسته باید ژر تر ژره تر سره شي او ولسمشر دې له نوماندانو سره له ناستې او مشورې نه وېریږي.           

د ولسمشریزو ټاکنو نوماندانو ټینګار کړی، چې ولسمشر د دولتي امکاناتو په کارولو په ځینو سیمو کې ټاکنیز دفترونه او شبکې جوړې کړي؛ خو ولسمشرۍ ماڼۍ دا تور نه مني او نوماندان د  ټاکنیز کمپاین له پیلیدو مخکې پر ټاکنیز کمپاین تورنوي.

د ولسمشریزو ټاکنو نوماند حکیم تورسن وایي، چې که ولسمشر اخلاقاً لومړی دا فکر کړای وای او د غبرګولي له لومړۍ یې خپله دنده نه وه غزولې؛ خبرو ته اړتیا نه پېښیده. اوس، نو دا خبرې د عامو خلکو غولول دي او غواړي نوماندان پخپلو خبرو بوښت وساتي.               

دا په داسې حال کې ده، چې څلور میاشتې وروسته د ولسمشرۍ ټاکنې کیږي او نوماندانو له ولسمشریزو ټاکنو سره د پرېکون د غوراوي ترڅنګ د ولسمشر د کار د دوام په وړاندې هم پر پراخو اعتراضونو خپل کار روان ساتلی؛ خو ولسمشرۍ ماڼۍ تر دې دمه په دې اړه  څه ندي ویلي.

خبریال: باعث حیات

تازه خبرونه

وحشیانه جرمونه، د دولت ناکامي په ډاګه کوي – د بښنې نړیواله ټولنه

Ariana News

خپور شوی

په

توسط

(Last Updated On: May 10, 2021)

د بخښنې نړیوالې ټولنې د دوشنبې پر ورځ په کابل کې د برچي د سیمې د سید الشهدا عالي لیسې پر زدکوونکیو مرګوني بریدونه او د یکشنبې پر شپه د زابل پر ۴۰۴ بس بمي چاودنې ته په غبرګون کې ویلي، چې دا دوه پېښې باید نړۍ له درانده خوبه راویښه کړي.

د بخښنې نړیوالې ټولنې د سویلي آسیا کمپاین کوونکې سمیرا حمیدي ویلي: په لویدیځ کابل او زابل ولایتونو کې غونی ځیږوونکې پېښې باید نړۍ له درانده خوبه راویښه کړي.

دې ټولنې د دوشنبې پر ورځ منلې، چې د شنبې پر ورځ د برچي د سیمې د نجونو پر ښوونځي په چاودنو کې ۸۵ زدکوونکي او د یکشنبې پر شپه په زابل کې د ځای پر ځای شوي ماین پر چاودنه ۱۱ کسان وژل شوي دي.

هغه وایي: دا نه بدلېدونکي جرمونه د ملکي وګړیو په ځانګړي توګه د نجونو او لږکیو د ساتنې په برخه کې د چارواکو ناکامي په ډاګه کوي. خلک په اوونیز وژل کیږي او وینه تویېدل مو د پریښودلو کومه نښه نلري.

هغې ویلي؛ اوس هغه وخت ندی، چې نړیواله ټولنه افغانستان ته شا راواړوي.

د ملکي وګړیو په ځانګړي توګه د ماشومانو او ښوونځیو په نښه کول جنګي جرم دی او له نړیوالو بشردوستانه قوانینو ښکاره سرغړونه ده. د سولې خبرو اترو ته ټولې خواوې باید د ملکي وګړیو ساتنې، د ټولو لپاره د بشري حقونو ملاتړ او له دې جرمونو نه خوندیتوب ته پام راواړوي.

Continue Reading

تازه خبرونه

جنرال قمر باجوه په کابل کې له اشرف غني سره ولیدل – سرچینې

Ariana News

خپور شوی

په

توسط

(Last Updated On: May 10, 2021)

سرچینو رویټرز ته د نوم د نه ښودلو پر شرط څرګنده کړې، چې د پاکستان د پوځ لوی درستيز جنرال قمر جاوید باجوه د دوشنبې پر ورځ / د غویی ۲۰/ په کابل کې د افغانستان له ولسمشر اشرف غني او یو شمېر نورو مشرانو سره لیدلي دي.

د پاکستان د اردو میډیا څانګې سمدلاسه د تبصرې یا غوښتنې لپاره غوښتنې ته ځواب ونه وایه او لیدنه یې تایید کړه.

د رویټرز د څرګندونو له مخې، دا سمدستي روښانه نده، چې د غونډې په بهیر کې پر کومو خبرو بحث شوی دی.

ګاونډی پاکستان د افغانستان د سولې په بهیر کې یو اغېزمن لوبغاړی ګڼل کیږي.

په تېرو وختونو کې اسلام آباد طالبانو ته د پناه بر ورکولو تورن شوی و؛ خو په وروستیو څو کلونو کې د واشنګټن او نورو غربي ځواکونو د فشار له مخې یې منلې، چې طالبان یې د سولې په خبرو کې برخه اخیستو ته هڅولي دي.

د پاکستان د پوځ د رسنیو څانګې  د څرګندونو له مخې؛ باجوه د دوشنبه پر ورځ د انګلستان د دفاع وزارت له لوی درستيز جنرال نیکولایس پیټریک کارټر سره د افغانستان د سولې په اړه لیدلي دی؛ خو د غونډې د ځای په اړه راپور ورکړ شوی ندی.

ارګ او د پاکستان د پوځ د رسنیو څانګې د دغه سفر او لیدنې د تائید یا رد په اړه څه ندي ویلي.

په دې وروستیو اوونیو کې ډیپلوماټیکو سرچینو رویټرز ته ویلي؛ پاکستان له وسلوالو سره خبرې کوي، چې اوربند ته غاړه کېدي. د امریکا او طالبانو ترمنځ شوې غځېدلې هوکړې له مخې؛ ټاکل شوې، چې بهرني  ځواکونه د می په میاشت کې وتل پیل او دا بهیر د سپتمبر تر ۱۱ روان وساتي او د ترکیې د پلان شوي کنفرانس د سولې په خبرو کې برخه واخلي.

په وروستيو اوونیو کې د طالبانو او افغان ځواکونو بریدونه هم ډېر شوي دي.

دا په داسې حال کې ده، چې طالبانو د یکشنبې پر شپه د کوچني اختر پرویاړ د درې ورځني اوربند اعلان کړی. که څه هم ارګ او سپیدار ماڼیو ترې هرکلی کړی؛ خو وایي، چې ستونزې پر لنډمهاله اوربند نه، بلکې پر دایمي اوربند حل کیږي.

Continue Reading

تازه خبرونه

په کابل کې د نجونو پر ښوونځي د چاودنو د ځالني زیان شمېر ۸۵ کسانو ته لوړ شوی

Ariana News

خپور شوی

په

توسط

(Last Updated On: May 10, 2021)

د ولسمشر دوه یم مرستیال سرور دانش آریانا نیوز ته منلې، چې د کابل په دشت برچي سیمه کې د شنبې د ورځې د بریدونو د ځاني زیان شمېر ۸۵ کسانو ته لوړ شوی او له ۱۵۰ ډېر نور ټپیان دي.

د تېرې شنبې پر ورځ په کابل کې د نجونو ښوونځي ته نږدې درې پرلپسې چاودنې شوې وې؛ خو تر دې دمه هیچا د برید مسوولیت نه دی منلی.

د بشري حقونو خپلواک کمیسیون ویلي؛ د روژې په مبارکه میاشت کې / د اپریل له ۱۳څخه د می تر ۷ / ۱۳۰امنیتي پېښې مو ثبت کړي، چې په کې ۵۱۹ ملکي وګړي زیانمن شوي دي.

د یاد کمیسیون د څرګندونو له مخې؛ د روژې په مبارکه میاشت کې ۱۶۰ کسان وژل شوي او ۳۵۱ نور ټپیان دي. په دې سروې کې د برچې د سید الشهدا ښوونځي د درې چاودنو ځاني زینونه شمېر شوي ندی.

د یادونې ده، چې د دغه شمېر له لوړېدو سره د روژې په مبارکه میاشت کې د وژل شویو کسانو شمېر  ۲۴۵ ته لوړ شوی او ۵۰۲ نور ټپیان دی.

Continue Reading

Trending

آریانا نیوز: ټول حقونه خوندي دي