تازه خبرونه
ناټو تړون له خپلو غړیو څخه د دفاع لپاره له چمتووالي خبر ورکړی
د ناټو سرمنشي د امریکا له ولسمشر او دفاع وزیر سره له لیدو وروسته ویلي، چې دوی د افغانستان اوسنی دولت( اسلامي امارت) د ترهګرۍ پر وړاندې خپلو ژمنو ته ژمن نه ګڼي او دې ته چمتووالی لري، چې ان له لرې واټن څخه په افغانستان کې پر ترهګریزو ډلو بریدونه وکړي.
په افغانستان کې له دوه لسیزو حضور وروسته ناټو اوس د خپلو ۳۰ غړیو د دفاع لپاره د انسجام او نویو شریکانو د جذب په حال کې ده او وایي، چې زمونږ شل کلن ماموریت په دې هېواد کې بې ګټې نه و.
له دوه میاشتو لږ وخت کیږي، چې ناټو له افغانستان څخه خپل ځواکونه ایستلي دي. که څه هم اسلامي امارت ژمنه کړې، چې نه پرېږدي ترهګرې ډلې د نورو هېوادونو پر ضد افغان خاوره وکاروي؛ خو اوس هم د ناټو غړي هېوادونه د القاعده او ترهګریزو شبکو پر بیا سرراپورته کولو اندېښمن دي.
د ناټو سرمنشي ینس سټولټنبرګ د امریکا له ولسمشر او دفاع وزیر سره له لیدو وروسته ویلي، چې دا په دې معنا ده، چې د طالبانو دولت( اسلامي امارت) د خپلو ژمنو په خاطر د ترهګرۍ په برخه کې ځواب ویونکی بولي؛ خو دا راز چمتو هم يوو، چې له لرې واټن څخه پر ترهګرو برید وکړو او د ناټو د متحدینو په توګه هوښیار ووسو او هرډول هڅه د نړیوالو ترهګریزو ډلو د بیا رغونې لپاره له نږدې وڅارو او تر څار لاندې یې ولرو او دا په افغانستان کې زمونږ موخه ده.
ستولتنبرګ په افغانستان کې له خپل حضوره ملاتړ کوي او وایي؛ په دې هېواد کې هڅې ارزښتناکې دي او دوی غواړي، چې پناه غوښتوونکي تخلیه شي او دا هېواد د ترهګرو پر پټنځی بدل نشي. باید په افغانستان کې روان تحولات له څارنې ونه غورزول شي.
داسې ښکاري، چې د ناټو وړتیاوې پر نوي دولت( اسلامي امارت) برید ته له متحدینو سره د همکاري لپاره او د مخامخ جګړو د مخنیوي لپاره فشار راوړي.
د ناټو سرمنشي ینس ستولټنبرګ وایي: دا ماموریت بې پایلې نه و؛ چا، چې وروستۍ بیه ورکړې او چا، چې خپلوان او د کورنۍ غړي له لاسه ورکړي؛ باید پوه شي، چې هغوی مهمه برخه درلوده. هغوی د ترهګرۍ پر وړاندې په مبارزه کې توپیر را منځته کړ. اصلي دنده دا مهال دا ده؛ هر کار، چې کولی یې شو، تر کوم ځایه، چې ممکنه ده، زمونږ لاسته راوړنې د ترهګرۍ په تړاو خوندي شي.
د ناټو سرمنشي په داسې حال کې پر ترهګریزو موخو د بریدونو خبره کوي، چې مخکې له دې د افغانستان ځینو ګاونډ هېوادونو په ځانګړې توګه تاجکستان له افغانستان سره پر ګډه پوله د ترهګریزو ډلو پر حضور او پیاوړتیا اندېښنه ښودلې ده.
تازه خبرونه
نړیواله ټولنه دې د پاکستان د بې عدالتۍ او ظلم مخه ونیسي ـ د هوایي برید ټپیان
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
په پکتیکا کې د پاکستان په هوايي بریدونو کې یو شمېر ټپیان له نړیوالې ټولنې غواړي، چې د پاکستان د "بې عدالتۍ" او ظلم مخه ونیسي.
د پکتيکا ولايت په برمل ولسوالۍ کې د پاکستان د هوايي بريدونو له کبله د ماشومانو، لويانو او میرمنو په ګډون يو شمېر ټپيان کابل ته لېږدول شوي دي.
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
دوی وايي؛ د پاکستان پوځ له کډوالو سره غیر انساني چلند کوي؛ ماشومان او ښځې پر نښه کوي.
له آریانا نیوز سره داسې ټپیانو هم خبرې کړي، چې د پاکستان په هوايي بریدونو کې یې د خپلو کورنیو ډېر غړي له لاسه ورکړي دي.
په هغو ټپیانو کې، چې کابل ته راوړل شوي دي؛ داسې ټپیان هم په کې ديؤ چې د خپلې کورنۍ ټول غړي یې له لاسه ورکړي دي.
په پکتیکا کې د پاکستان د هوايي برید له کبله ټپي شوی یحیی نومی ماشوم د خپلې کورنۍ د ټولو غړیو د له لاسه ورکولو په غم کې ژاړي.
له دې بریدونو څخه ان دوه میاشتنی ماشوم هم ندی خلاص شوی، دغه ماشوم اوس د خپلې مور د ګرمې غېږې پر ځای د کابل په یوه روغتون کې بستر دی.
د هوایي برید ټپیان وايي، چې د پاکستاني پوځ د بريدونو له وېرې له وزيرستانه افغانستان ته را کډه شول؛ خو دلته پرې هم بريدونه کیږي.
په پکتیکا کې د پاکستان د هوايي برید یو بل ټپي سهیل نومي ویلي؛ له همدې کبله له نړیوالې ټولنې غواړي، چې د پاکستان د «بې عدالتۍ» او ظلم مخه ونیسي.
د کارپوهانو د څرګندونو له مخې؛ د پاکستان پوځ، چې د نړیوالو قوانینو خلاف په ګاونډ هېوادونو کې خپل وګړي پر نښه کوي؛ غواړي، چې کابل له اسلامآباد سره د کړکېچ نوي پړاو ته وردننه شي. هغه تاوتریخوالی، چې کیدی شي د سرحدي نښتو او د پاکستان پر خاوره د بریدونو د زیاتوالي لامل شي.
ویل کیږي، چې پاکستان پخپله غواړي د خپل پوځ او ټي ټي پي تر منځ جګړې ته زور ورکړي.
تازه خبرونه
پاکستان په افغانستان کې خپل هوايي بریدونه تائید کړل
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان بهرنیو چارو وزارت د پنجشنبې پر ورځ ( د مرغومي شپږمه ) تائید کړه، چې د سېشنبې پر شپه یې هوایي ځواکونو په افغانستان کې بریدونه کړي دي.
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان ډان نیوز ورځپاڼې د دغه هېواد د بهرنیو چارو وزارت د ویاندې ممتاز زهرا بلوچ له خولې ویلي، چې پاکستان د افغانستان په سرحدي سیمو کې عملیات کړي دي.
ممتاز بلوچ څرګنده کړې، چې دغه عملیات د پاکستان لخوا د افغانستان په سرحدي سیمو کې د استخباراتي معلوماتو پر بنسټ ترسره شوي.
هغې زیاته کړې: دا عملیات د پاکستان امنیت ته د ګواښونو پر بنسټ ترسره شوي دي.
دې چارواکې ټینګار کړی، چې پاکستان " تل له افغانستان سره د اړیکو په اړه خبرو اترو ته لومړیتوب ورکړی دی."
ممتاز بلوچ ویلي: مونږ د افغانستان بشپړتیا او حاکمیت ته درناوی لرو.
بلوچ یادونه کړې، چې د پاکستان امنیتي ځواکونه او د قانون پلي کوونکي ادارې په منظم ډول "په سرحدي سیمو کې د ترهګرو ډلو پر ضد" عملیات ترسره کوي.
هغې ټینګار کړی: د دغو عملیاتو پیل په ډېر دقت سره ترسره کیږي.
نوموړې ویلي، چې د خپلو اتباعو ساتنه د پاکستان لومړیتوب دی، " د ترهګرو لخوا پاکستان او خلکو ته ګواښونه موجود ول".
بلوچ ویلي: "پاکستان د خپلو خلکو امنیت ته ژمن دی."
د اسلامي امارت اړوند چارواکو له برید وروسته سخت غبرګون ښودلی دی:
د افغانستان اسلامي امارت بهرنیو چارو وزارت د دغو بریدونو په غبرګون کې د پاکستان شارژدافیر احضار کړ.
دغه وزارت د پکتيکا ولايت په برمل ولسوالۍ کې د پاکستانيو ځواکونو د وروستي هوايي بريد د غندلو تر څنګ پاکستاني ډيپلوماټ ته د " سخت اعتراضي يادښت" وړاندې کړ.
په دې لیک کې ټینګار شوی، چې د افغانستان د ځمکني بشپړتیا ساتنه د اسلامي امارت لپاره یوه « سره کرښه» ده او خبرداری ورکوي، چې دا ډول بې پروايي به بدې پایلې ولري.
د سېشنبې پر ورځ د پکتیکا ولایت د برمل ولسوالۍ په اړوند سیمو کې پاکستان هوایي بریدونه وکړل، چې له کبله یې ۴۶ کسان د ښځو او ماشومانو په ګډون ووژل شول او شپږ نور ټپیان دي.
تازه خبرونه
اسلامي امارت د جدي شپږمه د شوروي اتحاد یرغل وغانده
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د افغانستان اسلامي امارت پر افغانستان د شوروي اتحاد د یرغل د پیل د ۴۵ کلیزې په مناسبت په خبربانه کې د جدي شپږمه د شوروي اتحاد یرغل غاندلی او د افغانانو مباره یې ستایلې ده.
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د خبرپاڼې له مخې؛ افغانان له ۹ کاله مبارزې او جهاد وروسته داسې ورځ ولیده، چې سرو لښکرو په افغانستان کې ماتې وخوړه او له افغانستان څخه ووتل.
اسلامي امارت ویلي، چې راتلونکي نسلونه باید تل د دین، خپلواکۍ او وطن په دفاع کې د خپلو پخوانیو اسلافو پیروي وکړي او د هر ډول تېري او ظلم پر وړاندې ودریږي.
-
نړۍ5 days ago
په برازیل کې د یوې ترافیکي پېښې له کبله ۳۰ کسان مړه شول
-
تازه خبرونه2 days ago
اسلامي امارت به په پکتیکا کې د پاکستان وحشیانه بریدونه بې ځوابه پرې نهږدي
-
ساینس او ټیکنالوژي4 days ago
ټیکټاک د یو څه وخت لپاره په امریکا کې د پاتې کېدو ارزښت لري – ډونالډ ټرمپ
-
نړۍ2 days ago
د سوریې پخوانیو وسلوالو له دفاع وزارت سره د ادغام هوکړه وکړه
-
تازه خبرونه4 days ago
ټاکل شوې په افغانستان کې د ګوزڼ واکسین نوی کمپاین پیل شي
-
تازه خبرونه4 days ago
کمزوری ایران ښایي د اټومي وسلو پر پراختیا راوڅرخیږي – سپینه ماڼۍ
-
تازه خبرونه4 days ago
په پروان ولایت کې ۵ زره جریبه ځمکه دولتي تثبیت شوه
-
نړۍ2 days ago
د شتمنو هېوادونو د مرستو کمېدو له کبله په نړۍ کې د لوږې بحران پراخه شوی دی