Connect with us

بی بی سی پښتو

م. م ته هند کې د افغان پناغوښتونکو لیک؛ د جنګ‍ي اسیرانو په څېر ژوند کوو

خپور شوی

 په

(Last Updated On: چنګاښ ۱, ۱۳۹۹)
افغان کډوال

BBC
هند کې اعتراض کوونکي شکایت لري چې کلونه کېږي د ملګرو ملتونو د پناه غوښتونکو عالي ادارې UNHCR ته یې د پناه غوښتنې وړاندېز کړی، خو لا یې روښانه ځواب نه دی تر لاسه کړی.

نن (جون ۲۰مه) د پناه غوښتونکو یا کډوالو نړیواله ورځ ده. په هند کې افغان پناه غوښتونکو په لیکلي بڼه د ملګرملتونو له سرمنشي او اروپايي ټولنې غوښتي چې د هغوی د پناه ورکړې د منلو په اړه اقدام وکړي. دوي په دغه غوښتنلیک کې له ناوړه اقتصادي وضعیت او له زده‌کړو د خپلو ماشومانو د لیرې والي یادونه کړې. دوي وايي ژوند یې د جنګي اسیرانو په څېر دی.

په هند کې میشت افغان مهاجر وايي له کلونو را په دې‌ خوا د هغه هېواد په لویدیځ کې اوسېږي. دغه کډوال په امریکا، اروپا او اسټرلیا کې د کډوالو د منلو په سیاست کې له بدلون وروسته اوس هغه هېواد کې بې برخلیکه پراته دي.

د هند نوي ډیلي ښار کې یو شمېر افغان پناه غوښتونکو په یوه اعتراضي غونډه کې خپل نامعلوم برخلیک ته د پام وراوښتو غوښتنه وکړه او د خپل ناوړه اقتصادي او بې برخلیکه وضعیته شکایت کوي. دوی د ملګرو ملتونو له سرمنشي غوښتي چې ستونزو او غوښتنو ته یې پام وکړي.

اعتراض کوونکو په سپینو پاڼو لیکلي و، “زموږ جرم څه دی، تر څو به بې برخلیکه یو؟”

دوی وايي دېرش تر څلوېښتو زرو افغان کډوال په هند کې په دې هیله ژوند کوي چې یوه ورځ به په دریمګړي هېواد کې له ژوند کولو برخمن شي.

هند کې اعتراض کوونکي شکایت لري چې کلونه کېږي د ملګرو ملتونو د پناه غوښتونکو عالي ادارې UNHCR ته یې د پناه غوښتنې وړاندېز کړی، خو لا یې روښانه ځواب نه دی تر لاسه کړی.

په هند کې افغان کډواله شاه پري وايي:

“ولې مې دا غږ نه اورې، په نهو کلونو کې مو چې غږ نه اورې نو کله به یې اورې. اته – نهه کاله کېږي زموږ برخلیک نه معلومېږي، په قرنطین کې مو څلور میاشتې تېرې شوې دي. هېچا هم ور راخلاص نه کړ چې څه حال مو دی.”

افغان کډوال -هند

BBC
هند کې افغان پنا غوښتونکی نثار احمد شېرزی (سور کمیس) وايي، له تېرو څو کلونو راهیسې یې هېڅوک غږ نه اوري او نه یې د کړاو ختمولو په غم کې دي.

د کورونا وېروس خپرېدو او قرنطین په هند کې د افغان پناه غوښتونکو ستونزې لا پېچلې کړي. دوي وايي د ژوند د کړاو د مخنیوي په موخه یې چې څه لرل هغه یې هم د کورونا وېروس له خپرېدو سره له لاسه ورکړل. خو اوس د خوړو د پېرلو او کورونو د کراییې د ورکړې توان نه لري او ان ځینې وخت د هندو عبادتځیو مخ کې څو ګړۍ ولاړ وي چې یوڅه خیراتي خواړه ترلاسه کړي.

په هند کې مېشت افغان پنا غوښتونکي وايي، په دې هېواد کې شاوخوا ‍۱۳۰۰۰ افغان کورنۍ له تېرو ۱۱ کلونو راهیسې د کډوالۍ شپې او ورځې تېروي او ۲۰۰۰۰ کورنیو یې په تېرو اوو کلونو کې د کډوالۍ هېڅ کارت نه دی ترلاسه کړی.

په هند کې یو افغان پناه غوښتونکی تیمور اریا وايي له څلورو کلونو را په دېخوا هغه هېواد کې اوسېږي، ټول شته یې مصرف شوي خو لا یې هم برخلیک نه دی روښانه:

“ټولې هغه پیسې چې مو لرلې مصرف شوې، ځکه دلته کرایه او نور لګښتونه ډېر دي. د ملګرو ملتونو د کډوالو چارو ادارې ته ورغلو، هغوی یو شین کارت راکړ چې په هرو شپږو میاشتو کې یوځل ټاپه کېږي. یوځل مې ماغزو سکته وکړه، ‌اوس مې یو لاس او پښه کار نه کوي.”

دا په داسې حال کې ده چې د کورونا وېروس د خپرېدو له امله د هغه هېوادونو میلیونونه کسان هم بېکاره او ناوړه اقتصادي وضعیت سره مخ دي چې کډوال به یې په خپلو هېوادونو کې د مهاجرو په توګه منل.

هند کې افغان کډوال

BBC
په هند کې یو افغان پناه غوښتونکی تیمور اریا (کېڼ لاس ته) : “ټولې هغه پیسې چې مو لرلې مصرف شوې، ځکه دلته کرایه او نور لګښتونه ډېر دي. د ملګرو ملتونو د کډوالو چارو ادارې ته ورغلو، هغوی یو شین کارت راکړ چې په هرو شپږو میاشتو کې یوځل ټاپه کېږي. یوځل مې ماغزو سکته وکړه، ‌اوس مې یو لاس او پښه کار نه کوي.”

د ملګرو ملتونو سازمان د شمېرو له مخې په وروستیو کلونو کې په ټوله کې نژدې اتیا میلیونه ښځینه، نارینه او ماشومان کډوال او یا له خپلو مینو بېځایه شوي دي. له دې ډلې یوازې سږ کال لس میلیونه کسان د خپلو کورونو پرېښودو ته اړ شوي دي.

د ملګرو ملتونو سازمان وايي په وروستیو کلونو کې د بېځایه شویو کسانو شمېر ډېر زیات شوی دی، دوی وايي د ۲۰۱۸ کال تر پایه نږدې اتیا میلیونه کسان د جګړو او تاوتریخوالي له امله خپلو کورونو پرېښودو ته اړ شوي دي.

د ملګرو ملتونو عمومي منشي وايي کډوال د کورونا ویروس له خپرېدو وروسته نړۍ کې نورې ګڼې ستونزې تجربه کوي.

Continue Reading
Advertisement

بی بی سی پښتو

آیا په هند کې رښتیا هم د نارینه و پرتله د ښځو شمېر ډېر دی؟

خپور شوی

په

(Last Updated On: ليندۍ ۷, ۱۴۰۰)
هند

Getty Images

د هندوستان د حکومت لخوا د کورنيو د روغتیايي معلوماتو په اړه د ترسره شوې سروې له مخې چې پایلې تازه خپرې شوې په هندوستان کې د هرو ۱۰۰۰ نارینه و په مقابل کې اوس ۱۰۲۰ ښځې شته.

کارپوهان د دې معلوماتو د کارولو په اړه د احتیاط سپارښتنه کوي ځکه چې په دې سروې کې د هندوستان د ۳۰۰ میلیونو کورنیو له ډلې یوازې د ۶۳۰ زرو کورنیو په اړه معلومات راټول شوي او وايي چې ريښتنی انځور به هله څرګند شي چې په هندوستان کې ټولشموله سرشمېرنه ترسره شي.

هند کې د نفوس د صندوق مشرې پونم موټریجا له بي بي سي سره په خبرو کې وویل د نفوسو سرشمېرنه کې د ټول نفوس په اړه معلومات راټولېږي او په دقیق ډول په کې جنسي تناسب معلومېږي.

خو خپرو شویو شمېر وار دمخه په هندوستان کې د خبرونو سرټکي جوړ کړي ځیني ادعا کوي چې خپرې شوې شمېرې ټولنیزو بدلونو ته اشاره کوي چې له مخې یې مخکې د نجونو پرځای نارینه بچیانو ته ترجیع ورکول کېده.

د هندوستان د روغتیا وزیر ویلي دا لومړی ځل دی چې په هندوستان کې د ښځو شمېر د نارینه و پرتله ډېر شوی دی.

یوه بل چارواکي بیا ویلي چې دا د حکومت لخوا د ښځو د وسمنولو په لړ کې د اقداماتو پایله ده.

هندوستان

Getty Images
په تېر کې د هند حکومت منلې وه چې په لوی لاس د نجونو د ضایع کولو په مخنیوي کې پاتې راغلی دی.

د رسنیو په رپوټونو کې دا د یوې لویې لاسته راوړنې او ډیموګرافیک په توګه ستایل شوی او یوه خبریال لیکلي چې هندوستان د پرمختللو هېوادونو لیګ ته وردننه شو.

خو کمپاین کوونکي وايي دا شمېرې څه نه زیاتوي او د حکومت ادعا بې ځایه بولي.

څیړونکی او فعال سبوجورج وايي په تېرو ۱۰۰ کلونو کې زموږ په سرشمېرنو کې د ښځو پرتله د نارینه و شمېر ډېر وو.

نوموړی وايي په ۲۰۱۱ کال کې د ترسره شوې سرشمېرنې له مخې د هرو ۱۰۰۰ نارینه و په مقابل کې ۹۴۰ تنه ښځې وې او د هرو ۱۰۰۰ نارینه ماشومانو په مقابل کې ۹۱۸ نجونې وې نو څنګه کېدای شي چې په لسو کلونو کې دومره لوی بدلون رامنځ ته شي.

هندوستان له ډېرې مودې راهیسې د داسې هېواد په توګه یادېږي چې د ښځو شمېر په کې د نارینو پرتله کم دی.

په هندوستان کې زامنو ته د لورګانو پرتله ترجیع په دې خاطر ورکول کېږي چې د ډېرو په ګومان نارینه بیچان کولای شي چې په زاړه عمر کې د خپلو میندو او پلرونو ساتنه او پالنه وکړي او نجونو میندې او پلرونه اړ دي چې د وادولو لپاره د ډېر لګښت جهیز د زوم کورنۍ ته ورکړي.

کمپاین کوونکي وايي د نجونو ضد دغه تعصب له امله له ۱۹۷۰ لسیزې راپدیخوا چې د مور په نس کې د ماشوم د جنس معلومول شوني شوي لسګونه میلیونه نجونې له زېږون دمخه په لوی لاس ضایع کړای شوې دي.

ښاغلي جورج وايي که په تېرو ۳۰ یا ۴۰ کلونو کې نجونې له زېږدو دمخه نه وای ضایع کړای شوې نو اوس به په رښتیا هم هندوستان کې د نارینه و پرتله د ښځو شمېر ډېر و.

د یادونې ده چې په تېر کې د هند حکومت منلې وه چې د نجونو د ضایع کولو په مخنیوي کې پاتې راغلی او پخواني لومړي وزیر من موهن سینګ د نجونو ضایع کول ملي شرم بللی و او د نجونو د ژغورنې غږ یې کړی و.

هند

Getty Images
هندوستان کې په ۲۰۱۱ کال کې د ترسره شوې سرشمېرنې له مخې د هرو ۱۰۰۰ نارینه وو په مقابل کې ۹۴۰ تنه ښځې وې.

دغه راز په ۲۰۱۴ کال کې واک ته له رسېدو وروسته د هندوستان اوسني لومړي وزیر نریندرا مودي هم له خلکو غوښتنه وکړه چې په وینا یې د خپلو لورګانو له وژولو لاس واخلي او یو کال وروسته یې یوه پروژه پیل کړه چې له مخې یې کورنۍ وکولای شي خپلې لورګانې وساتي او زده کړې پرې وکړي.

خو له دې اقداماتو سره سره ډېر بدلون ته سترګو کېږي او په وروستیو کلونو کې رپوټونه وو چې نوي زېږدلي نجونې پر سړکونو پرېښودل شوې، خښې کړای شوې او یا هم سیندونو او ویالو ته اچول شوې دي.

دغه راز رپوټونه وايي هندوستان کې اوس هم په غیرقانوني ډول د جنسي مسایلو د کلېنیکونو کاروبار ښه ګرم دی.

Continue Reading

بی بی سی پښتو

پولیسو له ښځو سره د زور زیاتي پر ضد لاریوانوالو اوښکې بهوونکی ګاز کارولی

خپور شوی

په

(Last Updated On: ليندۍ ۵, ۱۴۰۰)
ترکیه کې د حکومت هغه ګام وغانده، چې له مخې یې ترکیه له ښځو سره د تاو تریخوالي مخنیوي له نړیواله تړونه وتلې

Getty Images
ترکیه کې د حکومت هغه ګام وغانده، چې له مخې یې ترکیه له ښځو سره د تاو تریخوالي مخنیوي له نړیواله تړونه وتلې

د نړۍ په لر او بر کې یو شمېر ښځو د جنسیت پر بنسټ د تاو تریخوالي ضد لاریونونه او مظاهرې کړې.

په ترکیه او مسکیکو کې بیا پولیسو د دې لاریونونو خپرولو لپاره اوښکې بهوونکی ګاز او لوګي خپروونکي بمونه کارولي.

د ترکیې په استانبول کې د لاریونیانو او پولیسو تر منځ تاوتریخوالی رامنځته شو.

مظاهره چیانو د حکومت هغه ګام وغانده، چې له مخې یې ترکیه له هغه نړیواله تړونه وتلې، چې موخه یې د ښځو پر وړاندې د تاوتریخوالي کمونه ده.

د ترکیې استانبول په تقسیم میدان کې پولیس او مظاهره چیان لاس او ګرېوان شول.

د یادونې ده چې د ولسمشر رجب طیب اردوګان ځینې پلویان دا تړون د ترکیې له مذهبي ارزښتونو سره په ټکر کې بولي او خپله ولسمشر اردوګان هم ویلي، د ښځو ملاتړ برخه کې به له ځايي قوانینو ګټه واخیستل شي.

مکسیکو کې د لاریونوالو او پولیسو تر منځ اخ و ډب کې ۱۷ کسان ټپیان شوي

EPA
مکسیکو کې د لاریونوالو او پولیسو تر منځ اخ و ډب کې ۱۷ کسان ټپیان شوي

د رویټرز خبري اژانس په رپوټ کې د یوې لاریونوالې له قوله ویل شوي دي:

ښځې وژني، برالا یې وژني، موږ دا وضعیت نه منو.

د بشري حقونو ځايي فعالان وايي، د سږ کال له پیله تر اوسه ۳۴۵ ښځې وژل شوې دي.

بل لور مسکیکو سټي کې هم پولیسو د هغو ښځو مخه ونیوه، چې دې لړ کې یې لاریون کاوه.

په مکسیکو سټي کې دې لاریونوالو ښځو د ښځو وژنې بندولو غوښتنه کوله.

د بخښنې نړیواله ټولنه وايي، مسکیکو کې هره ورځ لږ تر لږه لس ښځې یا نجونې وژل کېږي.

د ځايي رسنیو په رپوټ کې ویل شوي، لاریونیانو پولیس په ډبرو وویشتل او د ۱۰ پولیسو په ګډون ۱۷ کسان ټپیان شول.

له ښځو سره د زور زیاتي پر ضد د لندن، پاریس او بارسلونا لارو کوڅو ته د مظاهرو او لاریونونو لپاره سلګونه کسان راوتلي وو.

Continue Reading

بی بی سی پښتو

د بښنې نړیوال سازمان: نړیواله ټولنه باید د افغان د ښځو حقونو خوندیتوب ملاتړ وکړي

خپور شوی

په

(Last Updated On: ليندۍ ۴, ۱۴۰۰)
افغانستان

Getty Images

د بښنې نړیوال سازمان وايي، نړیواله ټولنه باید د اوږدې ژمنتیا لپاره په افغانستان کې د ښځو حقونو د خوندیتوب ملاتړ وکړي.

د ایمنسټي انټرنېشنل دغه غوښتنه د ۱۶ مشهورو افغان مېرمنو لاسته راوړنو ستایلو د نوي کمپاین له پیله مخکې په یوه رپوټ کې شوې ده.

د جنسیت پر بنسټ د تاوتریخوالي ضد کمپاین په مناسبت چې هر کال د نومبر پر ۲۵ مه پیلېږي، د بشري حقونو مدافع فعالانو پرېکړه کړې کمپاین کې د هغو افغان مېرمنو د ژوند کیسې وړاندې کړي چې تېرو ۲۰ کلونو کې له ستړو، ستونځو سره سره د ژوند په ډګر کې بریالۍ شوې دي.

دې بنسټ د یو شمېر دې ښځو له خولې خپل رپوټ کې ویلي چې د طالبانو له واکمنۍ وروسته د کار، تعلیم، وینا او احتجاج کولو په برخه کې د ښځو حقونه ترپښو لاندې شوي دي او له تاوتریخوالي سره مخامخ دي.

په رپوټ کې ویل شوي، پر افغانستان د طالبانو ترواکمنېدو ورسته پر افغان ښځو سخت بندیزونه لګول شوي دي، د روغتیا او ځینو نورو برخو پرته په نورو سکتورونو کې ښځو ته ویل شوي چې کارونو ته ستنې نه شي.

رپوټ کې ویل شوي، د منځنیو ښونځیو او لیسو نجونې زده کونکې له تعلیمه بي برخه دي، ښځې له محرم پرته له کوره بهر د وتلواجازه نه لري او د جنسیتي توپیر له کبله لوړو زده کړو برخه کې د ښځو ونډه کمه شوې ده.

مجاهد

Reuters
د طالبانو ویاند ذبیح الله مجاهد د بښنې نړیوال سازمان دغه رپوټ بي بنسټه بللی

خو طالبانو د بښنې نړیوال سازمان دغه رپوټ بي بنسټه بللی او رد کړی یې دی. د طالبانو ویاند ذبیح الله مجاهد بي بي سي ته وویل:

د تعلیم او روغتیا په برخه کې ښځینه فعالې دي. هغه خبرې بې بنسټه دي، چې ځینې مغرضې کړۍ وايي، ګواکې ښځې له کوره بهر نه شي تلای، د افغانستان په ښارونو کې ښځې ازادانه ګرځي، دا ډول پروپاګند د دښمنو کړیو کار دی، چې متاسفانه ځینې نړیوال سازمانونه یې د استدلال په توګه کاروي.

تېرو شلو کلونو کې د افغان ښځو حقونو په برخه کې پام وړ پرمختګونه شوی وو او څه باندې ۳،۳ میلیونه نجونو زده کړې کولې، خو اوس داسې اندېښنې شته چې د طالبانو په داسې سرپرست حکومت کې چې ټول غړي یې نارینه دي، ښايي د دې پرمختګونو مخه ډب شي.

پر افغانستان د طالبانو تر واکمنېدو وروسته د افغان ښځو د حقونو خوندې کول د نړیوالو له خو ا د طالبانو حکومت رسمیت پیژندنې یو مهم شرط په توګه وړاندې شوی دی.

Continue Reading

Trending

آریانا نیوز: ټول حقونه خوندي دي