Connect with us

تازه خبرونه

میررحمان رحماني د ولسي جرګې د رییس په توګه وټاکل شو

Ariana News

خپور شوی

 په

(Last Updated On: June 29, 2019)

د میر رحمان رحماني او خان محمد وردګ تر منځ ټاکنې درېیم پړاو کې تر سره شوې، په دې ټاکنو کې نصاب دوه سوه پنځه څلویښت استازي وه او ټولو وکیلانو خپلې رایې وکارولې.

د ولسي جرګې د اداري پلاوي لنډمهالی مدیر محمد عالم ساعي وایي؛ نصاب مو ۲۴۵ دی او هر چا، چې ۱۲۳ رای خپلې کړې؛ همغه ګټونکی دی. 

د ولسي جرګې لنډمهال رییس ملک قیس نورآغا  وایي؛ سپینې رایې دوه او باطلې ۱۱ وې؛ خان محمد ۹۶ رایې او میررحمان رحماني د ولسي جرګې د اووه لسم پړاو د رییس په توګه ۱۳۶ رایې خپلې کړي او د پېنځه کلونو لپاره به د دې جرګې مشر وي.

د ولسي جرګې رییس ژمنه کوي، چې د قانون د عملي کیدو او د خلکو غوښتنو د پوره کیدو لپاره به عملي ګامونه واخلي.

د ولسي جرګې رییس میررحمان رحماني ویلي، چې د قانون له مخې به له اجرائیه او قضاییه ځواک سره همکار وي او ملي ګټې د هرې بلې موضوع په تناسب د ولسي جرګې د کارونو په لومړیتوبونو کې دي.

د ولسي جرګې ریاست ته نوماند خان محمد وردګ وایي؛ ممونږ به د ښاتغلي رحماني سره د همکار په توګه هڅې کوو، چې خپل مسوولیتونه ښه تر سره کړو.  

ټاکل شوې، چې د ولسي جرګې د رییس د مرستیالانو ټاکلو لپاره هم  تر شاوخوا څلویښت ورځو وروسته ټاکنې وشي؛ خو معالومه نده، چې کومې څېرې د دې څوکیو لپاره ځانونه نوماندوي.

تازه خبرونه

ملګري ملتونه د تخار په هوایي برید کې د ملکي وګړیو د مرګ و ژوبلې څېړنه کوي

Ariana News

خپور شوی

په

توسط

(Last Updated On: October 22, 2020)

په افغانستان کې د ملګرو ملتونو مرستندویه پلاوي (یوناما) د پنجشنبې پر شپه وویل، چې په تخار ولایت کې د ملي اردو د هوایی برید په اړه به څېړنې وشي؛ ځکه د راپورونو له مخې په کې ۱۲ ماشومان وژل شوي دي.

دغه بنسټ د تویت له مخې؛ د یوناما د ملکي محافظت ډله به په تخار ولایت کې د طالبانو پر وړاندې د ملي اردو د هغه هوایي برید څېړنه وکړي، چې د نجونو او هلکانو په ګډون یې ۱۲ ماشوان وژلي او ۱۸ نور ټپیان دي.

یوناما دا هم په ډاګه کړې، چې ملګري ملتونه به د څېړنو له تر سره کیدو وروسته خپلې موندنې د رسنیو له لارې خپرې هم کړي.

دغه راز د تخار ولایت ځایي چارواکو د پنجشنبې پر سهار وویل؛ په دې تر سره شوي هوایی برید کې د جومات ماشومان وژل شوي او د ملا امام په ګډون ګڼشېر نور ټپیان دي.

دا په داسې حال کې ده، چې د ولسمشر لومړي مرستیال امرالله صالح د ملکي وګړیو وژل کیدل رد کړي او پر فیسبوک پاڼه یې څرګنده کړې، چې په دې هوایي برید کې هغه کسان وژل شوي، چې پرون یې زمونږ ځواکونه په وینو کې لت پت کړي وه او مونږ په دې اړه کره او د منلو وړ ثبوت لرو.

Continue Reading

تازه خبرونه

د کرونا ویروس په واکسین آزموینه کې د برازیل رضاکار ومړ

Ariana News

خپور شوی

په

توسط

(Last Updated On: October 22, 2020)

د برازیل یو داوطلب، چې د استرازنیکا او اکسفورډ پوهنتون لخوا د کرونا ضد جوړ شوي واکسین یې پر ځان ازمویلي وه؛ مړ شو.

د برازیل روغتیايي چارواکي انویسا دغه خبر تائید کړی او وایي، چې آزموینه به روانه وي.

د اکسفورد پوهنتون د څرګندونو له مخې؛ د دې کلینیکي آزموینې د خوندیتوب په اړه هیڅ اندېښنه نشته او دغه آزموینه به روانه وساتل شي.

یوې سرچینې رویترز ته ویلي، چې که مړ شوي رضاکار د کرونا واکسین ترلاسه کړی وای؛ آزموینه به بند شوې وای.

ویل کیږي، چې دغه سړی د څارنې د ډلې غړی و او د مننژیت واکسین ورکړشوي وه.

د ساو پاولو فدرالي پوهنتون، چې د برازیلي سړي مړینه یې تائید کړې او وایي، چې د څارنې کمیتې د کلینیکي آزموینو د روانو ساتلو وړاندیز کړی دی.

Continue Reading

تازه خبرونه

امرالله صالح د تخار په هوايي برید کې د ملکي وګړیو د وژلو ادعاوې رد کړې

Ariana News

خپور شوی

په

توسط

(Last Updated On: October 22, 2020)

د ولسمشر لومړي مرستیال، امرالله صالح هغه تورونه رد کړل، چې ګڼې د تخار په هوايي برید کې ملکي وګړي وژل شوي دي.

امرالله صالح د خپل فیسبوک پر پاڼه لیکلي؛ هغه خبرونه، چې د تخار پر یوه جومات په بمبارد کې ماشومان وژل شوي دي بې اساسه  دي.”

د ولسمشر لومړي مرستیال څرګنده کړې؛ هغه چا، چې پرون زمونږ ځواکونه په وینو کې لت پت کړي، له منځه تللي او مونږ په دې اړه د ډاد وړ ثبوت لرو.

حکومتي سرچینو ویلي، چې افغان هوایي ځواکونو د تخار ولایت د هزاره قرلق د کلي په لوی جومات کې د طالبانو یوه ناست بمبارد کړې ده.

د عیني شاهدانو په وینا؛ په هوایی برید کې ۱۲ ماشومان وژل شوي او نور کسان ټپیان دي.

په جومات کې د طالبانو د شتون په اړه متضاد راپورونه هم خپاره شوي دي.

ټپي ماشومانو ویلي، چې د برید پرمهال طالبان په جومات کې ول. په داسې حال کې، چې ټپي ملا امام ویلي؛ له برید مخکې طالبان له جوماته وتلي وه.

امرالله صالح په عین حال کې خبرداری ورکړی؛ هغه څوک، چې ګنګوسې خپروي، له قانوني چلند سره به مخ شي.

نوموړي زیاته کړې؛ ما پخپله ثبوت ولیده او په حکومتي او اخلاقي واک مې خپلې خبرې وړاندې کړي دي؛ ډاډه اوسئ.

دا په داسې حال کې ده، چې د ملي دفاع وزارت د جومات په برید کې د ۱۲ طالبانو او څو قومندانانو وژل کیدل تائید کړي؛ خو وایي، چې په پېښه کې د ملکي وګړیو د ادعاوو د څېړلو لپاره یو پلاوي هم ټاکل شوی دی.

Continue Reading
Advertisement

Trending