Connect with us

نړۍ

مونږ له اسرائیلو څخه د نطنز د چاودنې غچ اخلو- ایران

Ariana News

خپور شوی

 په

(Last Updated On: April 12, 2021)

ایران اسرائیل د نطنز د اټومي تاسیساتو په چاودنه کې پر لاس لرلو تورن کړی دی.

رویټرز د ایران د بهرنیو چارو وزیر محمد جواد ظریف د څرګندونو له مخې په ډاګه کړی، چې دغه هېواد خبرداری ورکړی، چې د دغو ویجاړیو بدل به واخلي.

دغه راز د ایران د بهرنیو چارو وزارت ویاند سعید خطیب زاده څرګنده کړې: په نطنز کې، چې څه پېښ شوي؛ دا د ایران اسلامي جمهوریت په خاوره کې اتومي ترهګري وه.

سعید خطیب زاده زیاته کړې: د نطنز ځواب له اسرائیلو بدل اخیستل دي او اسرائیل نشي کولی د ایراني خلکو له جیبه لګښت وکړي.

صهیونیسټي نظام ځینې کړنې ترسره کړي او ځینې خبرونه یې عام کړل. د بهرنیو چارو وزارت د سیسټم تنظیمولو مسوولیت لري او دا د بندیزونو لرې کولو لپاره د سیسټم د پالیسیو په چوکاټ کې وروستۍ هڅه ده.

ایرانيو چارواکو د نطنز تاسیساتو ته د زیان د کچې په اړه ویلي: “د زیانونو کره کچه باید پخپله د اټومي انرژۍ سازمان لخوا اعلان شي. اوس خورا وختي دی او دوی د هر سانټریفیوژ په اړه څېړنې کوي.

تازه خبرونه

په غزه کې اسرائیلو د حماس پر ځمکنیو سمڅو هوایي بریدونه کړي

Ariana News

خپور شوی

په

توسط

Photo credit Reuters
(Last Updated On: May 14, 2021)

د اسرائیلو اردو د غزې په تړانګه کې د حماس پر ځمکنیو سمڅو( تونلونو) هوايي او توپچي بریدونه کړي دي.

رویټرز په ډاګه کړې، چې حماس هم د اسرائیلو پر ښارونو خپل توغندیز بریدونه ډېر کړي دي.

د اسرئیلو د پوځ ویاند جاناتان کنریکس ویلي؛ د شخړې له پیل راپدیخوا دا د اسرائیلو ترټولو لوی عملیات دي، چې د غزې له تړانګې بهر۱۶۰ الوتکو، ټانکونو او توپونو په کې برخه اخیستې ده.

په داسې حال کې، چې د دواړو لوریو تر منځ روانه جګړه پېنځمې ورځ ته ننوتې؛ خو ویل کیږي، چې دغه روانه جګړه له ۲۰۱۴ کال راپدیخوا د فلسطین او اسرائیلي ځواکونو تر منځ له ټولو سخته او کرکجنه ده.

د فلسطین روغتیايي چارواکو ویلي؛ یوه ښځه او د هغې درې ماشومان په غزه کې وژل شوي، چې مړي یې د ویجاړو کورونو له خاورو وموندل شول.

دغه راز په اسرائیلو کې یوه سپین سرې ښځه هغه مهال پر غندیزو بریدونو ولګېده وژل شوې، چې خوندي ځای ته د تګ په حال کې وه.

حماس د بیت المقدس اقصی جومات ته نږدې له فلسطینیانو سره د اسرائیلي پولیسو د نښتو په غبرګون کې راکټي بریدونه پیل کړي دی.

د فلسطیني چارواکو د څرګندونو له مخې؛ تر دې دمه په غزه کې د ۳۱  ماشومانو او ۱۹ ښځو په ګډون ۱۱۹ کسان وژل شوي او ۸۳۰ نور ټپیان دي.

اسرائیلي چارواکي دا هم وايي، چې په اسرائیلو کې د وژل شویو کسانو شمېر د یو پوله ساتی سرتېری او دوه ماشومانو په ګډون شپږ اسرائیلي ملکیانو ته رسېدلی دی.

Continue Reading

نړۍ

د اسرائیلو په هوایي بریدونو کې لسګونه فلسطینیان وژل شوي

Ariana News

خپور شوی

په

توسط

(Last Updated On: May 12, 2021)

د راپورونو له مخې؛ نن (چارشنبه د غویی۲۲) له اسرائیلي ځواکونو سره د غزې په نښتو کې ۳۵ فلسطینیان وژل شوي دي.

دغه راز څرګنده شوې، چې په نښتو کې پېنځه اسرائیلیان هم وژل شوي دي.

اسرائیلیانو نن سهار څرګنده کړې، چې دوی پر غزه سلګونه هوایي بریدونه کړي دي.

دوی دا هم ویلي، چې د حماس د مشرانو پر کورونو په هوايي بریدونو کې د دوی دوه اطلاعاتي مسوولین وژل شوي دي.

حماس هم ویلي، چې پر اسرائیلو یې سلګونه توغندي توغولي دي.

د فلسطین اسلامي جهاد څرګنده کړې، چې د چارشنبې د سهار پر پېنځه بجو مو پر دښمن ځواکمن بریدونه کړي دي.

په غزه کې د فلسطین د عامې روغتیا وزارت منلې، چې د اسرائیلو په هوایي بریدونو کې د ښځو او ماشومانو په ګډون ۳۵ کسان وژل شوي او۲۳۳ نور ټپیان دي.

په غزه کې د اسرائیلو او فلسطینیانو ترمنځ له تېرو دوه شپو راپدیخوا د توغندیزو او هوایي بریدونو په کچه کې ډېروالی راغلی دی.

د اسرائیلو اردو د سې شنبې پر ماښام د غزې په تړانګه کې یوه ۱۳ پوړیزه ودانۍ ړنګه کړه او دغه راز یې د الجوهرا، السعدهو الظفار لوړ برجونه بمبارد کړي دي.

د اسرائیلو پوځي خبریالانو ویلي، چې دا ډول بریدونه به روان ساتل کیږي.

د اسرائیلو او فلسطیني ځواکونو ترمنځ نښتې د روژې پر ۲۷ شپه له هغې وروسته پیل شوې، چې اسرائیلي ځواکونو پرفلسطینیانو اوښکې بهوونکی ګاز وویشت او پر عبادت کوونکیو یې ډزې وکړې.

Continue Reading

نړۍ

د اندونیزیا پولیسو له افغانستان څخه قاچاق شوي دوه نیم ټنه نشه یي توکي نیولي

Ariana News

خپور شوی

په

توسط

(Last Updated On: April 29, 2021)

د انډونیزیا پولیسو ویلي؛ دوی د مخدره توکو یوه ډله قاچاق وړونکي، چې له افغانستان څخه یې دوه نیم ټنه مټ آمفټامین یا شیشه دې هېواد ته قاچاق کړې نیولي دي.

د دغو نشه یي توکو ارزښت ۸۲ میلیونه ډالر اټکل شوی دی.

د انډونیزیا پولیسو د دې هېواد په سوماترا ټاپو او د پلازمېنې جکارتا په آچه ولایت کې د نشه يي توکو د قاچاق وړونکیو پرضد یو لړ عملیات پیل کړي.

پولیسو ويلي، چې د عملیاتو په لړ کې یو شکمن قاچاقبر وژل شوی او ۱۷ نور د یو نایجریایي په ګډون نیول شوي دي.

پولیسو ویلي، چې یوشمېر نشه یي توکي د کښتۍ د خوراکي توکو په کانټینرونو او وچه کې ځای پر ځای شوي وه.

پولیسو د چار شنبې پر ورځ په یوه خبري کنفرانس کې دا توکي نندارې ته وړاندې کړل.

پولیسو ويلي؛ یو شمیر شکمن کسان دمخه د مخدره توکو پر جرمونو په بند کې دي  او ځینې یې پر مرګ هم محکوم شوي دي؛ خو هغه پ​​دې اړه جزئیات ورنکړل، چې دا خلک له زندانه څنګه ښکېل پاتې شوي دي.

دا هېواد اوس په سویل ختیځه آسیا کې د نړیوال قاچاق کوونکیو لپاره د ټرانزیت پر یو پراخ مرکز بدل شوی دی.

اندونیزیا د مخدره توکو پروړاندې یو سخت قانون لري. د دې میاشتې په لومړیو کې د ایرانيانو او پاکستانیانو په ګډون یوه ډله اندونیزیا ته د ۴۰۰ کیلوګرامه شیشې د قاچاق پر تور پر مرګ محکومه شوه.

اندونیزیا په ۲۰۱۵ کال کې د مخدره توکو د قاچاق پر تور څو خپل او بهرني اتباع هم اعدام کړي دي.

Continue Reading

Trending

آریانا نیوز: ټول حقونه خوندي دي