Connect with us

تازه خبرونه

مونږ قانوني آزادي او خپلواکي نه غلي کوو – امرالله صالح

Ariana News

خپور شوی

 په

(Last Updated On: October 23, 2020)

د ولسمشر اشرف غني لومړي مرستیال د بشري حقونو د څار ډلې د څرګندونو په غبرګون کې په ډاګه کړې؛ مونږ د هغه چا د نیولو امر کړی، چې د تخار ولایت پر یوه جومات یې د افغان ځواکونو په بمبارد کې د ملکي وګړیو د وژلو خبر خپور کړی.

د بشر حقونو د څار بنسټ ویلي؛ د ولسمشر لومړي مرستیال امرالله صالح د هغه کس د نیولو سپارښتنه کړې، چې تېره ورځ یې د تخار ولایت پر یوه حومات د افغان ځواکونو په بمبارد کې د ملکي وګړیو د مرګ و ژوبلې راپور ورکړی دی.  

د چار شنبې پر ورځ افغان هوایي ځواک د تخار ولایت د هزاره قرلق په لوی جومات کې د طالبانو یوه ناسته بمبارد کړې؛ خو په تېروتنه په کې ۱۲ ماشومان وژل شوي او ۱۸ نور ټپیان شول.

د ولسمشر لومړي مرستیال امرالله صالح له دغې پېښې څو ګړۍ وروسته دا تورونه رد کړل او هغه خبرونه یې بې بنسته وګڼل، چې ګواکې د تخار په جومات کې ماشومانو ته مړګ و ژوبله اوښتې ده.

نوموړي زیاته کړې: هغو طالبانو، چې د چارشنبې پر ورځ زمونږ ځواکونه وژلي وه، د جومات په برید کې په نښه شوي دي.

هغه دا هم ویلي: هغه چا، چې دا زهرجن او جعلي خبر خپور کړی؛ ونیول شو. طالبان کورونه او جوماتونه د ډال په توګه کاروي.

د ولسمشر غني لومړي مرستیال امرالله صالح دا ګواښ هم کړی، چې: له دروغو سرلیکونه جوړ او خپاره کړي؛ ورسره به قانوني چلند تر سره شي.

د بشري حقونو د څار بنسټ مرستیالې پاتریشیا ګاسمن ویلي: د ولسمشر مرستیال امرالله صالح هڅه کوي هغه کسان غلي کړي، چې د تر سره شوي بالقوه غیرقانوني برید خبرونه یې خپاره کړي، چې په کې ګڼشمېر ملکي وګړي د ماشومانو په ګډون وژل شوي او ټپیان دي.

ګاسمن څرګنده کړې: حکومت باید سمدلاسه د صالح په امر نیول شوی کس خوشې کړي او د هوایی برید په اړه بشپړه او بې پرې څېړنه وکړي.

د دغې څرګندونې په اړه امرالله صالح داسې غبرګون ښودلی دی: حکومت د هیچا اساسي حقوق نه محدودوي. مونږ د وژلو د آزادۍ، د سړي تښتونې د آزادۍ، د ځورونې د آزادۍ، د جنسي تېري د آزادې، د غلا د آزادۍ، د ډله ییزې وژنې د آزادۍ، د ځمکو د غصب د آزادۍ او د بشري حقونو د مدافعینو د بندي کولو د آزادۍ پر ضد ولاړ یو.

طالبانو هم پر جومات د هوایي برید په اړه، چې ماشومان او ملکي وګړي په کې وژل شوي؛ د امرالله صالح د دغه راز غچ اخیستنې غندنه کړې ده.

دا په داسې حال کې ده، چې د بشري حقونو څار بنسټ ویلي: که څه هم حکومت اعلان کړی، چې د پېښې په اړه څېړنه کوي؛ خو تراوسه یې خپلې موندنې خلکو ته ندي ښودلي.  

تازه خبرونه

پاکستان طالبانو ته د جنګېدو لپاره خوندي مرکزونه جوړ کړي – ملي امنیت

Ariana News

خپور شوی

په

توسط

(Last Updated On: November 23, 2020)

د افغانستان د ملي امنیت ریاست سرپرست پر پاکستان تور لګولی، چې په خپلو ښارونو کې یې طالبانو ته نه یوازې د جنګېدو لپاره خوندي مرکزونه جوړ کړي، بلکې د نیابتي جګړې دنده یې هم ورکړې ده.

په افغانستان کې د تاوریخوالي لمن پراخه شوې او په جګړه کې هره ورځ لسګونه پوځيانو او ملکیانو ته مرګ و ژوبله اوړي.

د افغانستان د ملي امنیت سرپرست احمد ضیا سراج ويلي، چې په پاکستان کې د وسلوالو طالبانو خوندي مرکزونو دلته جګړه توده ساتلې ده.

د نوموړي د څرګندونو له مخې؛ په پاکستان کې د طالبانو له خوندي مرکزونو هڅو له دغې ډلې سره د دوی مبارزه سخته او اوږده کړې ده.

احمد ضیا سراج څرګندوي؛ د افغانستان په اړه د سیمې استخباراتي دریځ ندی بدل شوی؛ له یوې خوا وسلوال طالبان سولې ته ژمن ندي او له بلې خوا په افغانستان کې نورو سخت دریځو ډلو ته یې د فعالیت زمینه برابره کړې ده. 

نوموړی وایي: په کویټه، کراچۍ او پېښور کې د طالبانو امن مرکزونه دي، چې په خوندي توګه هره ورځ زمونږ د ننګولو لپاره ډاډمن پلانونه تر لاسه کوي او په پروګرامونو کې یې زمونږ خلک وژل کیږي. که د طالبانو مشرتابه په دې ښارونو کې خوندي مرکزونه نلرل؛ له بد برخلیک سره به مخ شوي وای.

هغه دا هم په ډاګه کړې، چې طالبانو له القاعده شبکې سره اړیکې ندي پرې کړي او هڅو یې  په افغانستان کې نورو سخت دریځو ډلو ته د کار زمینه برابره کړې ده.

سراج زیاته کړې؛ له بهرنیو تروریستانو سره د طالبانو اړیکې خوندي دي او تروریستي ډلې د یو او بل له ځواکمۍ ګټه پورته کوي، چې دې کار  جګړه ډېره کړې او دا ډلې د ځانمرګو پېر و پلور هم کوي. د خلکو وژل، د ارزښتونو له منځه وړل او د نظام ړنګول د دې ډلو موخه ده.

د ملي امنیت سرپرست د څرګندونو له مخې د سولې په اړه د طالبانو ژمنه د باور وړ نده او وایي، چې که طالبانو د سولې نیت درلود اوس به مو له خبرو پایله تر لاسه کړې وه؛ ځکه، نو لیدل کیږي، چې سولې ته هیله من ندي او د خپلې خوښې له نظام پرته بل څه نه غواړي. که سولې ته ژمن وای تاوتریخوالی یې نه ډېراوه.  

د ملي امنیت سرپرست په افغانستان کې د ثبات او سولې لپاره د سیمې د هېوادونو د ګټو پر همغږۍ ټینګار کوي او وایي، چې په دې توګه رښتینې هڅې او همکارۍ هوسا او ډاډمن  چاپېریال برابروي.

Continue Reading

تازه خبرونه

طالبان اورکم ته غاړه نږدي ـ د امریکا سفارت

Ariana News

خپور شوی

په

توسط

(Last Updated On: November 23, 2020)

په کابل کې د امریکا سفارت چارسمبالي د وسلوالو طالبانو لخوا د تاوتریخوالي پر ډېروالي اندېښنه ښودلې او وایي، چې امریکا له طالبانو سره د تاوتریخوالي د کمولو لپاره مذاکرات وکړل؛ خو ښکاري، چې طالبان دغه کار ته غاړه نږدي.

په دې وروستیو کې وسلوالو طالبانو بریدونه ډېر کړي او جګړه یې پراخه کړې ده. په کابل کې د امریکا سفارت چارسمبالي له خبریالانو په انلاین خبرو کې څرګنده کړې؛ دوی ډېرې هڅې وکړې، چې طالبان تاوتریخوالی کم کړي، خو ښکاري، چې طالبان د تاوتریخوالي او جګړې کمولو ته ندي قانع شوي.

راس ویلسن ويلي، چې امریکا غواړي له افغان حکومت سره په سیاسي، اقتصادي او امنیتي برخو کې همکاریو ته دوام ورکړي.

 ویلسن وايي، چې د یو شمېر رسنیو له مسوولینو سره یې د خبریالانو د ستونزو او حل لارو په اړه هم خبرې کړي دي.

په کابل کې د امریکا سفارت چارسمبالي  راس ویلسن ویلي؛  مونږ  د فبرورۍ له ۲۹ را وروسته د طالبانو لخوا د تاوتریخوالي پر ډېرولو ژوره اندېښنه لرو. مونږ څو ځله پدې موضوع له طالبانو سره خبرې وکړې؛ خو هغوی زمونږ نیوکې نه خوښوي. زه خواشینی یم، چې تاوتریخوالی هغې کچې ته راټیټ کړو، چې مونږ یې تمه کوله.

راس ویلسن په افغانستان کې د خبریالانو وژنو او ګواښونو ته په نغوته کې ویلي، چې د افغان خبریالانو د امنیتي ستونزو د حل لپاره یې هڅې پیل کړي دي.

نوموړي زیاته کړې؛ مونږ په ښکاره له آزادو رسنیو ملاتړ کوو. د رسنیو له مسوولینو سره مو د هغو خطرونو په اړه خبرې وکړې، چې خبریالان ورسره مخ دي. پدې برخه کې نور نړیوال بنسټونه هم شته، چې لاس په کار شي.

د چارو پوهان په دې اند دي، چې: وسلوال طالبان؛ ځکه پر جګړه ټينګار کوي، چې د سولې په خبرو کې ډېر امتیازونه ترلاسه کړي.

Continue Reading

تازه خبرونه

په ژنیو کنفرانس کې پر اوربند ټینګار څرګند شو

Ariana News

خپور شوی

په

توسط

(Last Updated On: November 23, 2020)

د ژنیو دوه ورځني کنفرانس د “سولې، سوکالۍ او ځان بسیاینې” تر سرليک لاندې په رسمي بڼه پیل شو او د ۷۰ هېوادونو او نړیوالو سازمانونو استازیو په کې د راتلونکیو څلور کلونو لپاره د مالي مرستو د دوام په اړه انلاین بحث او خبرې وکړې.

دغه دوه ورځنی کنفرانس د افغانستان د بهرنیو چارو وزیر حنیف اتمر پر وینا پیل او څرګندوي، چې دا مهال د تاوتریخوالي کمول د افغانستان لپاره لومړیتوب دی.

اتمر ویلي: مونږ له خپلو نړیوالو، سیمه ییزو همکارانو او ملګرو ملتونو څخه خبرو ته د زمینې له برابرولو مننه کوو. په هر حالت کې مو لومړیتوب د تاوتریخوالي کمول دي.

نوموړي زیاته کړې: د سولې بهیر پایلې باید د افغانستان د خلکو  پر غوښتنو راوڅرخي او نړیوالې ټولنې ته هم د منلو وړ وي.

د نوموړي د څرګندونو له مخې؛ وروستۍ پایله د متحد، خپلواک او دیموکراتیک افغانستان لرل دي، چې په کې سوله او ثبات ونه ګواښل شي.

د جنیوا غونډې ته په وینا کې میرمن رولا غني ویلي، چې طالبانو پر افغان ځواکونو بریدونه ډېر کړي دي.

میرمن غني ویلي: حکومت ټول امتیازات ورکړل؛ خو طالبانو تاوتریخوالی، وژنې ګړندۍ کړۍ او له تروریستي ډلې سره یې خپلې اړیکې خوندي کړې دي.

نوموړې څرګنده کړې؛ مونږ سوله غواړو، سوله مو خوب دی. مونږ ته سوله ارزښت لري؛ خو موږ به د اساسي قانون اصولو او د جمهوریت ارزښتونو ته هم درناوی کوو.

دا په داسې حال کې ده، چې  د ملګرو ملتونو د بشري حقونو مشرې مشیل باشلت په افغانستان کې له ښکېلو لوریو غوښتي، چې د ملکي زیانونو مخنیوی وکړي، عامه ځایونو موخه ونه ګرزوي، د ښځو ونډه  اخیستنه ډاډمنه کړي، مدني فضا ډاډمنه او خوندي او د جګړې قربانیانو اړتیاوې پر ګوته او په هېواد کې عدالت رامنځته کړي.

Continue Reading
Advertisement

Trending