Connect with us

تازه خبرونه

ملګري ملتونه: په افغانستان کې د ملکي وګړو مرګ،  ژوبله ډېره شوې ده

Ariana News

خپور شوی

 په

(Last Updated On: وری ۲۹, ۱۳۹۵)

vlcsnap-2016-04-17-18h11m47s53

د ملګرو ملتونو د راپور له مخې د روان کال د لومړیو دریو میاشتو تلفات د تېر کال د دریو میاشتو په پرتله دوه په سلو کې ډېر شوي دي چې په وینا يې د روان کال له جنورۍ څخه تر مارچ پورې کابو شپږ سوه ملکي وګړي وژل شوي دي او یو زر او درې سوه دري څلوېښت کسان ټپیان شوي دي.

د افغانستان له پاره د ملګرو ملتونو ځانګړی استازی د جګړې په ښکېلو غاړ غږ کوي چې د ولسي وګړو ژوند ته دې جدي پاملرنه وکړي.

د ملګرو ملتونو د راپورونو په بنسټ له دوه زره نهم کال را وروسته د هر کال په تېرېدو په جګړه کې د ولسي وګړو تلفات مخ په ډېرېدو دي. د روان کال د جګړې دروند پېټی هم ملکیانو په غاړه وړی دی.

د افغانستان له پاره د ملګرو ملتونو ځانګړی استازی نیکولاس هایسم وايي: “که جګړه زور اخلي دا لازمه نه ده چې هرو مرو به د ولسي وګړو مرګ، ژوبله ورسره زیاته شي، دا د جګړې په ښکېلو غاړو پورې اړه لري چې څنګه د ولسي وګړو د ژوند خیال وساتي. په دې برخه کې بې پروايي به ملت نور هم وکړوي.”

د ملګرو ملتونو د راپور له مخې د روان کال په دریو میاشتو کې شپږ سوه کسان وژل شوي او له دیارلسو سوو ډېر ټپیان شوي دي.

 ملګري ملتونه وايي چې ډېر تلفات او مرګ ژوبله د ځمکنۍ جګړې پر مهال رامنځته شوې ده چې ملګرو ملتونو یې شپېته په سلو مسولیت وسله والو مخالفینو ته مخامخ کړی دی. که څه هم د وژل شویو شمېره د تېر کال د همدې مودې په پرتله لږه ده خو د ټپیانو شمېره بیا لوړه ښودل شوې ده.

د وسله والو مخالفینو چې کوم کسان وژلي او ټپيان کړي دي،۳۶۲ يې وژلي او ۸۰۰ يې ټپیان کړي دي. ۶۳په سلو کې مرګ، ژوبله د طالبانو له لاسه ده.

هغه کسان چې د دولت او دولت پلوو ځواکونوله خوا وژل شوي او ټپيان کړي دي،۱۲۷ کسان يې وژلي او ۲۴۲ يې ټپیان کړي دي چې۱۹په سلو کې مرګ ژوبله د افغان او افغان پلوو ځواکونوله لاسه ده،۱۶په سلو کې د دواړو لوریو له خوا او ۶ په سلو کې مرګ، ژوبله د ماینونو له کبله رامنځته شوې ده.

ملګرو ملتونو د وسله والو طالبانو وروستي ځانمرګي بریدونه پېچلي بللي او له هغوی یې غوښتي چې په وینا يې په ملکي کسانو دغه ډول بریدونه و دروي. په ټوله کې د اوښتې مرګ، ژوبلې درېیمه برخه ماشومان بلل شوي دي.

Continue Reading
Advertisement

تازه خبرونه

د سولې له خبرو سره همهاله په بېلابېلو ولایتونو کې تاوتریخوالی ډېر شوی

Ariana News

خپور شوی

په

توسط

(Last Updated On: وږی ۳۱, ۱۳۹۹)

امنیتي چارواکو ویلي؛ په تېرو ۱۰ ورځو کې امنیتي ځواکونو او طالبانو  په ۱۴ ولایتونو او ۳۳ ولسوالیو کې جګړه ډېره شوې او دواړو لوریو ته درنده مرګ و ژوبله اوښتې ده.

په افغانستان کې له نږدې دوه لسیزو خونړیو سختو جګړو وروسته امریکا، افغان حکومت او طالبانو د سیاسي حل لارې د موندلو په موخه ګډې هڅې پیل کړې؛ خو ورسره جګړه اوس هم خلکو ته ځاني او مالي زیانونه اړوي.

د معلوماتو له مخې؛ د سولې خپلمنځي خبرو له پیله تراوسه د هېواد په ۳۳ ولسوالیو او ۱۴ ولایتونوکې جګړه روانه ده، چې په  کې ۴۰۱ طالب وسلوال وژول شوي او ۱۱۳ نور ټپیان دي. همدارنګه ۸۱ امنیتي ځواکونه وژل شوي  او ۱۲۶ نور ټپیان دي.

دغه راز، د امنیتي ځواکونو او طالبانو تر څنګ عام وکړي د ښځو او ماشومانو په ګډون هم زیانمن شوي دي.

دغه څرګندونې ښیي؛ د سولې له خپلمنځي خبرو یوه ورځ مخکې د امنیتي ځواکونو په هوایي برید کې د ۶ ماشومانو په ګډون ۲۴ ملکي وګړي وژل شوي دي. که څه هم ملي اردو دغه ادعاوې ردوي.

د دغو څرګندونو له مخې؛ له تېرو ۲۴ ګړیو راپدیخوا د روزګان ولایت په ګیزاب ولسوالۍ کې طالبانو ۲۵ پولیس وژلي، ۱۹ نور پوځیان د میدان وردګ په اوږدې نښته کې، ۱۵ پولیس د د کندهار په معروف ولسوالۍ کې پر پوستې له چاودنې وژل شوي، ۶ پولیس د کاپیسا ولایت په تګاب کې، ۹ په کندوز کې وژل شوي او نږدې ۴۰ نور سرتېري ژوندي نیول شوي دي.

د افغان سولې لپاره د امریکا ځانګړي استازي زلمي خلیلزاد د جګړې له ټولو ښکېلو لوریو بیا د تاوتریخوالي کمول غوښتي دي.

هغه ویلي؛ په تېرو څو ورځو کې تاوتریخوالی په څرګند ډول ډېر شوی دی. دغه نښتې د خپګان وړ دي؛ ځکه د ګڼو ملکي خلکو په ګډون، د افغانانو ژوند اخلي.

خلک هم په هېواد کې د جګړې درول غواړي.

طالب ویاند نعیم وردګ ویلي، چې د تاوتریخوالي پر کمښت پرېکړه به په بین الافغاني خبرو کې رامنځته شي.

نږدې لس ورځې مخکې په دوحه کې د سولې خبرې پیل شوې او له هغه راپدیخوا تراوسه دواړه لوري د خبرو د اجندا، چوکات او اصولو پر سر هوکړې ته ندي رسیدلي.

دا په داسې حال کې ده، چې د ملګرو ملتونو د سپتمبر ۲۱ ، چې د وږي له ۳۱ سره برابره ده د سولې نړیواله ورځ او په ټوله نړۍ کې یې د څلیریشت ګړیو لپاره عدم تشدد او اوربند اعلان کړی دی.

Continue Reading

تازه خبرونه

د ناتو ملکي استازي په افغانستان کې د اوربند غوښتنه وکړه

Ariana News

خپور شوی

په

توسط

(Last Updated On: وږی ۳۱, ۱۳۹۹)

د ناتو ملکي استازي ستیفانو پونتیکورو د سولې نړیوالې ورځې په اړه په خپلو خبرو کې وویل، چې په دوحه کې د افغانانو خپلمنځي روانې خبرې اترې به افغانستان ته سولې زیری وړاندې کړي.

نوموړي د سولې د نړیوالې ورځې په مناسبت څرګنده کړې، چې د سولې خبرو پیل یو ارزښتمن ټکی دی او د افغانستان د سولې په بهیر کې یې نوی پړاو رامنځته کړ.

هغه ویلي: نن ډېرو افغانانو سوله نده تجربه کړې؛ خو سره له دې هو ورته هیله من دي.

د ناتو د ملکي استازي د څرګندونو له مخې؛ افغانان د یوې داسې تلپاتې سولې په تمه دي، چې تاوتریخوالی پای ته ورسوي او د ټولو خلکو بشري حقونه ورسره خوندي شي.

هغه زیاته کړې؛ د ښځو، ماشومانو او قومي لږکیو حقونه، چې په تېرو ۲۰ کلونو کې ترلاسه شوي، باید د قانون له مخې خوندي شي. نه دا، چې افغانستان تروریستانو ته پر خوندي جنت واړول شي.

هغه دا هم ویلي، چې په افغانستان کې د ناتو موخه له دې هېواده ملاتړ او تلپاتې سولې او امنیت ترلاسه کول دي.

د افغانستان د بهرنیو چارو وزارت د افغانستان له حکومت سره د سولې د لاسته راوړلو په برخه کې د نړیوالو ملګرو له نږدې همکاریو څخه مننه کړې ده.

دغه وزارت په یوه تویت کې څرګنده کړې: راځئ، چې د ټولو افغانانو لپاره د تل پاتې سولې د خوندي کولو لپاره په ګډه کار وکړو او له طالبانو غواړو، چې د اوربند اړه د خلکو ارادې ته درناوی وکړي.

دغه راز د ملي پخلاینې عالي شورا هم له ښکېلو خواوو غوښتي، چې له جګړې لاس واخلي او د سوله ییز حل او دایمي اوربند لپاره هوکړه وکړي.

د یاد بنسټ په خبرپاڼه کې راغلي: حکومتي پلاوی د سولې په نیت د سولې خبرو اترو ته حاضر شوی. له طالبانو هم تمه ده، چې په هېواد کې د عدم تشدد او اوربند غوښتنې ته پر ورین تندي ځواب ورکړي او د یوه سوله ییز راتلونکي لپاره د ملګرتیا لاس راوړاندې کړي.

د دوی د ټینګار له مخې، ټول خلک په هېواد کې له روانې جګړې او جګړو ډېر په تنګ او ستړي شوي دي.

Continue Reading

تازه خبرونه

اتمر او ویلسن په افغانستان کې د سولې په اړه وغږیدل

Ariana News

خپور شوی

په

توسط

(Last Updated On: وږی ۳۱, ۱۳۹۹)

د افغانستان د بهرنیو چارو وزارت چارسمبالي حنیف اتمر په کابل کې د امریکا د سفارت له چارسمبالي راس ویلسن سره وکتل.

د هېواد بهرنیو چارو وزارت څرګنده کړې، چې په دې لیدنه کې حنیف اتمر په تېرو ۱۹ کلونو کې له افغانستان څخه د دوی د دوامداره ملاتړ او ژمنې له امله مننه وکړه.

د یاد وزارت د څرګندونو له مخې؛ دواړو لوریو د سولې خپلمنځي خبرو له پیل او له ترسره شوي پرمختګ څخه خوښي ښکاره کړې او تلپاتې سولې ته د رسیدو لپاره یې خپله هیله څرګنده کړه.

دغه راز حنیف اتمر او راس ویلسن د افغان حکومت پر لومړیتوبونو په ځانګړي توګه د پراخ اوربند او د تاوتریخوالي د کمولو او څارنې لپاره د یو میکانیزم رامینځته کولو هراړخیزې خبرې کړې دي.

یادې سرچینې په ډاګه کړې؛: دواړو خواوو د افغانستان، امریکا او د مرکزي آسیا هېوادونو ترمنځ د درې اړخیزو اړیکو د پراخولو پر فرصتونو هم خبرې کړې، چې په افغانستان کې د سولې بهیرله چټکولو سره مرسته کولی شي.

دواړو لوریو د افغانستان او امریکا تر منځ د دوه اړخیزو همکاریو د پراختیا او پیاوړتیا پر اړتیا هم ټینګار وکړ او راس ولسن حنیف اتمر ته له افغانستان سره د هغه هېواد له دوامدارې ژمنې او همکارۍ ډاډ څرګند کړ.

Continue Reading
Advertisement

Trending