Connect with us

تازه خبرونه

ملګرو ملتونو له بندیانو سره د طالبانو له بدو کړنو پرده پورته کړې

Avatar

خپور شوی

 په

(Last Updated On: غبرګولى ۵, ۱۳۹۸)

یوناما یا په افغانستان کې د م.م د ماموریت دفتر په ډاګه کړې، چې وسلوال طالبان له خپلو بندیانو سره داسې کړنې ترسره کوي، چې ځورونې او زور زیاتی ګڼل کیدی شي.

یوناما د یکشنبې پر ورځ( د غبرګولي ۵) په خپل خپور شوي ګزارش کې څرګنده کړې، چې د طالبانو د زندانونو بندیان په بدو شرایطو کې ساتل کیږي؛ پر زور یو لړ کارونو ته اړ شوي او ان تر ځورونې لاندې يې ساه ورکړې ده.

د یوناما دغه موندنې د روان کال د اپریل پر ۲۵ د طالبانو له زندان څخه د ژغورل شويو ۱۳ بندیانو سره له مخامخ مرکو تر لاسه شوي دي.

دغو ژغورل شویو کسانو ویلي، چې طالبانو په ډېر بد وضعیت کې ساتلي او یو شمېر نور راخوشې شوي بندیان ځانونه د طالبانو له لوري د ملکي او امنیتي کارکوونکیو د وژنو شاهدان بولي.

په افغانستان کې د م.م ځانګړی استازی تدامیچي یاماموتو یا د یوناما مشر په دې اړه وایي، چې: زه د طالبانو په زندانونو کې له ځورونو، زورزیاتي او د ملکي او امنیتي کارکوونکیو له ناقانونه وژنو اندېښمن شوی یم.

د دغه دفتر په ګزارش کې راغلي، چې د روزګان ولایت د خاص روزګان ولسوالۍ د شیرا په اړوند کلي کې د طالبانو له (کلاتک) نومي زندان څخه ۵۳ بندیان راخوشې شول، چې ۴۵ یې امنیتي او پاتې نور یې ملکي وګړي وه.

د دغه ګزارش پر بنسټ؛ د بندیانو ډېره برخه له ۲۰۱۸ او درې نور له ۲۰۱۶ کال راپدیخوا د طالبانو په بند کې ساتلي شوي وه.

د ګزارش له مخې؛ طالبانو د بندیانو پښې پر زنځیرونو تړلې وې او د یوشمېر بندیانو پر پښو د ټپونو نښې هم ښکاريدې.

په ګزارش کې راغلي، چې له یو بندي پرته نورو ټولو په مرکه کې له وهلو ټکولو او ځورونو خبرې کړي دي. یو شمېر بندیانو ویلي، چې د وهلو او ځورونو په بهیر کې طالبانو ترې غوښتل، چې د معلوماتو پر ورکولو اعتراف وکړي.

د طالبانو لخوا یو شمېر نیول شویو بندیانو ویلي، چې طالبانو دوی له دولت څخه د ملاتړ له امریکایانو سره د کارکولو او دغه راز د دوی پر وړاندې د جنګ کولو پر لامل وهل او ټکولي دي.

ډېرو بندیانو دا هم ویلي، چې د یوې تلخونې په پېنځو کوټو کې، چې له خلکو ډکې وې ساتل کیدل او د خبرو اجازه یې هم نلرله.

بندیانو دا هم ویلي، چې د ورځې اووه ساعته به یې د چاودیدونکیو توکو پر جوړولو کارته اړ کول، چې ( دا د نړیوالو بشري قوانینو خلاف کار و).

د دوی د څرګندونو له مخې؛ په سړو خونو کې ساتل کیدل او د ورځ دوه ځلې یې ډوډۍ او لوبیا خوړله او د دردونو او ټپونو له درملنې پرته یې نورو درملو ته لاسرسی نه درلوده.

یوناما له ۲۰۱۱ کال راپدیخوا په هرو دوه کلونو کې د بندیانو په اړه څارنه او ګزارشونه خپروي.

د ولسمشر ویاند هارون چخانسوري د طالبانو د زندانونو په اړه په یوه خبري ناسته کې څرګنده کړه، چې: طالبان او هره تروریستي ډله په هیڅ ځای او هېواد کې قوانینو او قواعدو ته ژمن ندي او نړیوال قوانین هم نه مراعتوي. څه، چې په ګزارش کې راغلي رښتیا دي او د افغانستان حکومت د ټولو قوانینو له مخې اقدام کوي.

 د افغانستان د بشر حقونو سازمان رییس لعل ګل لعل ټینګار کوي، چې په زندانونو کې باید ځورونې وڅارل شي.

دا په داسې حال کې ده، چې طالبانو په یوه خبرپاڼه کې د یوناما دغه ګزارش رد کړی او هغه یو اړخیز او غرضي بولي، چې د دوی د څرګندونو له مخې؛ له رښتیاوو سره اړخ نه لګوي.

تازه خبرونه

په افغانستان کې د صادراتو لړۍ په ټپه ولاړه ده – د سوداګرۍ او پانګونې خونه

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د افغانستان سوداګرۍ او پانګونې خونې مسوولینو ویلي، چې په هېواد کې د صادراتو لړۍ اوس هم په ټپه ولاړه ده او په دې اړه د صنعت او سوداګرۍ وزارت د اړوند ستونزو په اوارولو کې پاتې راغلی دی.

د افغانستان د خصوصي سکتور غړيو څرګنده کړې؛ که د صنعت او سوداګرۍ وزارت د هېواد صادرتو ته  د نړۍ او سیمې هېوادونو په کچه بازار موندنه ونکړي؛  افغان  کروندګر او سوداګر به سلګونه میلیون ډالر زیانمن شي.

د سوداګرۍ او پانګونې خونې غړی خانجان الکوزی وایي؛ له سیمې او نړۍ سره مو صادارت بند شوي او د سوداګرۍ وزارت هم  خپل مسوولیت ندی ادا کړی.

د نوموړي د څرګندونو له مخې؛ د پاکستان په ګډون باید د ټولو ځمکنيو او هوایي دهلیزونو له لارې  صادرات تر سره شي؛ خو په خبره یې دا لړۍ اوس په ټپه دریدلې ده.

د سوداګرۍ او پانګونې خونې بل غړي رحم الدین آغا څرګنده کړې؛ که څه هم د صنعت او سوداګرۍ وزارت ژمنه کړې وه، چې له اختر وروسته به د پاکستان له لارې صادرات تر سره کړي؛ خو پاکستان اوس هم افغان صادراتو ته اجازه نه ورکوي.

هغه زیاته کړې؛ که صادراتو ته پاملرنه ونشي ښایي خصوصي سکتور ته سلګونه میلیون ډالر تاوان ورسیږي.

د اقتصادي چارو کارپوه کمال الدین کاکړ په دې باور دی، چې په صنعت او سوداګرۍ وزارت کې د وړتیا او پلان نشتوالی د دې ستونزې علت دی.

دی وایي، کلونه اوړي؛ خو وزارت مو صادراتو او سوداګرۍ  ته له بنسټیز پلان او تګلارې بې برخې پاتې دی.

د یادونې ده، چې د صنعت او سوداګرۍ وزارت په دې اړه تر دې دمه چوپتیا غوره ګڼلې ده.

Continue Reading

تازه خبرونه

د فوټبال لوبغاړیو د جورج فلایډ په یاد د درناوي مراسم ترسره کړل

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د لیورپول ۲۹ لوبغاړیو په آنفیلډ لوبغالي کې د خپلې روزنیزې ناستې پر مهال د درناوي په پار پر ځمکه خپلې ګونډې ولګولې.

الجزیرې په ډاګه کړې؛ په امریکا کې د جورج فلایډ له مړینې او په دې هېواد کې له پراخو څو ورځنیو لاریونونو سره همهاله لیورپول فوټبال لوبغاړیو د دوشنبې پر ورځ په آنفیلډ لوبغالي کې د جورج فلایډ یادونه وکړه او د هغه په ویاړ یې پر ځمکه خپلې ګونډې ولګولې.

لوبغاړیو په خپلو ټولنیزو رسنیو کې د خپلې دغې هڅې انځورونه د یووالي ځواک دی او د تورپوټکو ژوند ارزښت لري؛ خپاره کړل.

دا هڅه د جورج فلایډ پر مرګ د لیورپول لوبغاړو د پیوستون ښکارندویي کوي، چې د پولیسو په بند کې یې سا وختله.

د مانچسټر یونایټډ منډه وهونکي بریدګر مارکس رایشفورډ هم د جورج فلایډ پر مړینه غبرګون ښودلی او وایي: د تور پوټکي ژوند یوه اړتیا ده. تور فرهنګ درناوی غواړي. تورې ټولنې اهمیت لري. مونږ مهم یو.

پر انګلیسي پریمیر لیګ سربېره، د آلمان بونډس لیګا، بوروسیا ډورټمونډ لوبغاړي، جاډون سانچو او اشرف حکیمي په یوه لوبه کې  د ” جورج فلایډ لپاره عدالت ” له پیغام لرونکيو کمیسونو سره ډګر ته راودانګل.

باید یادونه وشي، چې تورپوټکی جورج فلایډ د می پر ۲۵ د امریکا په مینیاپولیس کې سا ورکړه،  چې یو سپین پوټکي پولیس یې پر اورمېږ د څو دقیقو لپاره خپل زنګون ته زور ورکړ.

د هغه مړینې د امریکا په څو ښارونو کې پراخه لاریونونه راوپارول.

 

Continue Reading

تازه خبرونه

په افغانستان کې پر کرونا اخته کسان ۱۷۲۶۷ ته رسیدلی؛ خو نن ترې دوه چارواکي مړه شوي

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

په کندوز ولایت کې پر کرونا اخته دوه سیمه ییز چارواکي په داسې حال کې مړه شوي، چې د هېواد د رسمي څرګندونو له مخې د دې ویروس ټول شمېر ۱۷۲۶۷ ته رسیدلی دی.

د کندوز ولایت ویاند ویلي؛ د قلعه ذال ولسوال فهیم قرلق او د دې ولایت امنیه قومندان جنرال رشید بشیر، چې له څو ورځو راپدیخوا پر کرونا اخته ول؛ نن سهار ترې مړه شوي دي.

د کندوز والي ویاند عصمت مرادي ویلي، چې د دې ولایت د پولیسو مشر رشید بشیر نن سهار د کابل په یوه روغتون او د قلعه ذال ولسوال فهیم قرلق د کندوز په کوویډ – ۱۹ روغتون کې مړه شوي دي.

دا په داسې حال کې ده، چې له تېرو ۲۴ ګړیو راپديخوا په ټول هېواد کې د کرونا ویروس له ۱۳۲۳ شکمنو بېلګو ۷۵۸ مثبتې ثبت شوې دي.

د یاد وزارت د څرګندونو له مخې؛ په تېرو ۲۴ ګړیو کې ۲۴ کسان له کرونا ویروسه مړه شوي او ۷۸ نور له رغیدو وروسته کورونو ته رخصت شوي دي.

دغه راز د  عامې روغتیا وزارت د څرګندونو له مخې په ټول هېواد کې د کرونا ویروس پر ناروغۍ د اخته کسانو شمېر۱۷۲۶۷ ته رسیدلی؛ ۱۵۲۲ ترې روغ شوي او ۲۹۴ نور مړه دي.

د عامې روغتیا وزارت مرستیال وحیدالله مایار په ډاګه کړې؛ د روغتیا نړیوال سازمان د کرونا ویروس معلومولو لپاره له افغانستان سره د ۱۰ دستګاوو مرسته کړې، چې تر دوه اوونیو به هېواد ته راورسیږي.

دا په داسې حال کې ده، چې د اطلاعاتو او فرهنګ وزارت هم د عامې روغتیا وزارت په همکارۍ کابینې ته یوه طرحه وړاندیز کړې، چې د هېواد په ګوټ ګوټ کې د څه باندې سل تلویزیونونو او دوه سوه ۳۱ راډیوګانو له لارې د کرونا ویروس په اړه د عامه پوهاوي د لوړولو لپاره بېلابېل  پیغامونه خپاره کړي.

Continue Reading

Trending