Connect with us

تازه خبرونه

ملګرو ملتونو د سولې لپاره د ملکي وګړيو پر خوندیتوب او اورکم ټینګار څرګند کړ

Ariana News

خپور شوی

 په

(Last Updated On: July 3, 2020)

لاینز، چې د یوناما مشره څرګندوي: دلته یو شمېر شرغوښتونکي شته او نه غواړي، چې جګړه پای ته ورسیږي. مهمه نده، چې دوی د سولې بهیر د خنثی کولو لپاره کوم تاکتیک کاروي؛ خو دوی ته باید اجازه ورنکړ شي، چې بریالي شي.

دغه بنست په ډاګه کړې، چې د ۲۰۲۰ کال په لومړیو شپږ میاشتو کې لومړنۍ موندنې ښيي، چې د ملکیانو په وړاندې د قصدي بریدونو له کبله څه باندې ۸۰۰ ملکیانو ته مرګ و ژوبله اوښتې او د څه نا څه نیمايي ملکي زیانونو(مرګ و ژوبلې) مسوولیت طالبانو ته راجع کوي.

همدارنګه یوناما په ځانګړي توګه سږکال د دیني مشرانو د وژنې ۱۸ پېښې تائیدي(شپږ په جون کې)؛ د روغتیا پالو ۱۳ پېښې تائید شوي(دوه په جون کې)؛ د قضایي کارکوونکیو۱۱ پېښې تائید شوي(درې په جون کې)؛ د مدني ټولنې د فڅاندو شپږ پېښې تائید شوي؛ د نادولتي موسسو پېنځه پېښې تائید شوي(یوه په جون کې) او همدارنګه د ژورنالیستانو درې پېښې تائید شوې دي.

یاد بنسټ تائیدوي، چې په کابل کې د جون پر ۲۲ پر موټرسایکل سپرو وسلوالو پر یوه موټر ډزې وکړې او د بګرام د توقیف خونې د یوه څارنوال په ګډون یې پېنځه سپرلۍ ووژلې او همدارنګه په پلازمېنه کابل کې د جون پر ۲۷ د افغانستان د بشري حقونو خپلواک کمیسیون یوه کارکوونکې او موټر چلوونکی یې د ځای پر ځای شويو چاودیدونکیو توکو د چاودنې له کبله ووژل شول، چې د کار پر لوري روان ول.

ملګري ملتونه یوځل بیا ټینګار کوي؛ هغه بریدونه، چې په قصدي توګه د افغانستان ملکي وګړي په نښه کوي د نړیوال بشردوستانه قانون څخه جدي سرغړونه ده، چې ممکن جنګي جرمونو وبلل شي.

 

یوناما په ملکي سیمو کې د ځمکنیو نښتو پرمهال ملکي وګړیو ته د نامستقیمو ډزو له کبله دوامداره زیانونو اوښتلو ته هم پام راګرزولی او څرګندوي، چې د ۲۰۲۰ کال په دوه یمه ربع کې د ملکي تلفاتو شاوخوا ۲۵ سلنه جوړوي.

د یوناما لومړنۍ موندنې ښیي، چې د جون پر ۲۹ د هلمند ولایت په سنګین ولسوالۍ کې لسګونه ملکي ځاني زیانونه د طالبانو د ډزو په ځواب کې د ملي اردو لخوا د توغول شويو هاوانونو په پایله کې هغه مهال رامنځته شول، چې هاوانونه له ټاکل شوي هدف لیرې په یوه ګڼه ګوڼه لرونکي مال بازار ولګیدل.

سربېره پردې، په دې وروستیو کې د طالبانو لخوا د ځای پرځای شویو چاودیدونکیو توکو د کارولو له کبله د ملکي تلفاتو په برخه کې زیاتوالی راغلی؛ د کوچني اختر له اوربند یوه اوونۍ وروسته ځای پر ځای شويو ماینونو ملکي وګړیو ته مرګ و ژوبله اړولې ده.

د یادونې ده، چې یوناما په داسې حال کې له ټولو خواوو د تاوتریخوالي پای ته رسول غوښتي، چې له یوې خوا له کرونا ویروس سره مبارزه پاملرنه غواړي او له بلې د خپل منځي خبرو لپاره په افغانستان کې اوربند او اورکم ته اړتیا ډېره شوې ده.

تازه خبرونه

په دوحه کې د سولې خبرو پر ګړندي کیدو عبدالله خپل ټینګار څرګند کړ

Ariana News

خپور شوی

په

توسط

(Last Updated On: January 17, 2021)

د ملي پخلاینې عالي شورا مشر ډاکټرعبدالله عبدالله په دوحه کې د سولې خبرو د ګړندي کولو پر اړتیا ټینګار وکړ.

عبدالله عبدالله ویلي، چې د افغانستان د خپلمنځي خبرو جمهوریت پلوی پلاوي  هوډمن او واک لرونکی دی، له اجنډا سره سم پر ېلابېلو مسایلو له طالبانو سره خبرې وکړي.

عبدالله زیاته کړې: یو له هغه مقرراتو څخه، چې زمونږ د خبرو اترو ډله پرې ټینګار کوي؛ هغه د خبرو د ګړندي کولو لپاره د هرڅه ترسره کول دي.

د ملي پخلاینې عالي شورا مشر اوربند له طالبانو سره د جمهوريت پلوي پلاوي د خبرو لومړۍ بحث بولي.

د نوموړي د څرګندونو له مخې، د افغانستان بهرني متحدین هم د دې نظر پلویان دي.

هغه ټینګار کوي: تر کومه ځایه، چې مونږ پورې اړه لري؛ هر اړخیزې سولې ته رسېدل، د تېرو۲۰ کلونو لاسته راوړنې زمونږ د خلکو د سرښندنو پایله ده او همدا اصل زمونږ د خبرو اترو د ډلې لارښوونه کوي.

عبدالله عبدالله په دې اند دی، چې سیمه ییزه او نړیواله اجماع د سولې لپاره د افغانستان یوه اړتیا ده؛ ځکه ، نو د سیمه ییزې او نړیوالې همکارۍ راجلبولو لپاره هڅې روانې دي.

که څه هم د دوحې د خبرو له پیل څخه دوه اوونۍ تېریږي، خو جمهوريت غوښتونکیو او طالب استازیو تر دې دمه د خبرو لپاره پر ګډه اجنډا هوکړه نده کړې.

Continue Reading

تازه خبرونه

سیکهـ هېوادوالو د هېوادنۍ سولې غوښتنه وکړه

Ariana News

خپور شوی

په

توسط

(Last Updated On: January 18, 2021)

په افغانستان کې د هندوانو او سیکهانو له زرګونه کورنیو یوازې دوه سوه پنځوس کسان پاتې دي او نور له هېواده وتلې دي.

افغان سیکهان او هندوان څرګندوي، چې په وروستیو پېنځه کلونو کې دوی هم نورو هېوادوالو ته ورته له مرګونو بریدونو سره مخ شوي او ځاني او مالي زیانونه یې ولیدل؛ نو، ځکه د دوی ډېرې کورنۍ له هېواده بهر کډوالې شوې.

د هندوانو او سیکهانو د شورا مشر ويلي، چې په کابل کې د سکهانو پر درمسال له برید وروسته پېنځه سوه هندوان او سیکهان هند ته کډه شول.

په افغانستان کې د هندو او سیکهـ مذهبه لږکيو شمېر په افغانستان کې دوه سوه زرو ته رسیده؛ خو اوس یوازې دوه سوه پنځوس کسان پاتې دي، چې یو سل و شل یې په کابل او پاتې نور په ولایتونو کې ژوند کوي.

هندوان او سیکهان وايي، چې ډېر شمېر کورنۍ په وروستیو پېنځه کلونو کې د افغانستان پریښودو ته اړې شوې.

د افغانستان د سیکهانو او هندوانو د ګذر وکیل سوندر سینګهـ ویلي: باید یوه تلپاتې سوله رامنځته شي. ۴۰ کله جګړه مو لیدلې: نتور جنګ بس دی. وضعیت نور هم خراب شوی. که دا حالت روان وي، پاتې سرداران به هم له هېواده کډه کولو ته اړ شي.

هندوان او سیکان وايي، چې له یوې خوا یې ژوند په خطر کې دی او له بلې خوا یې ځمکې او ملکیتونه غصب شوي او په ټولنه کې ځورول کیږي.

دوی اوس د کابل په یوه درمسال کې را غونډ شوي او ټول یو ځای ژوند کوي.

څه موده مخکې د کابل د شور بازار پر درمسال وسلوال برید وشو، چې لسګونه کسانو ته یې مرګ و ژوبله واړوله. له دې برید وروسته پېنځه سوه کسان هندوستان ته ولاړل.

د افغانستان سیکهان او هندوان وايي، چې له خپل هېواد سره یې مینه نه شلیدونکې ده او که د ژوند شرایط برابر شول، ټول به بېرته راستنیږي.

Continue Reading

تازه خبرونه

په کابل کې له نرینه وو پیسې اخیستونکې نجونې ونیول شوې

Ariana News

خپور شوی

په

توسط

(Last Updated On: January 17, 2021)

په کابل کې پولیسو له نرینه وو څخه د پیسو د اخیستو پر تور دوه نجونې نیولې دي.

د ولسمشر لومړي مرستیال امرالله صالح ویلي، چې دغه دوه نجونې د سهارنیو شپږ نیمو د ناستو پر سپارښتنه نیول شوې دي.

امرالله صالح زیاته کړې، چې دغو دوه نجونو له خپلو ښکلیو جامو سره د نامه له خاوندانو او پېژندل شویو څېرو د پیسو غوښتنه کوله.

د ولسمشر لومړي مرستیال څرګنده کړې؛ دې دوه نجونې هرې یوې حسنا او شیما نرینه وو ته ګواښونه کول، چې که پیسې رانکړئ؛ نو مونږ به له تاسو څخه ستاسې کورنیو او بشري حقونو ته شکایتونه وکړو، چې پر مونږ مو تېری کړی دی.

امرالله صالح دا هم په ډاګه کړې، چې یو شمېر نرینه د خپل پت او حیا د خوندي کولو لپاره پیسو ورکولو ته اړ شوي او د نورې لانجې مخنیوی یې پرې کړی دی.

هغه ویلي: له کلونو راپدیخوا په هېواد کې دا ستونزه حل شوې نده.

امرالله صالح له بشپړ ټینګار سره څرګنده کړې؛ زمونږ له لویو ستونزو څخه یوه هم دا ده، چې په قضا او همدارنګه د پولیسو په لیکو کې مو د ښځو شمېر لږ دی.

د نوموړي د څرګندونو له مخې: د توازن دې نشتوالي د جرمي او قانوني مسلو په پلټنه او څېړنه کې نیمه ټولنه له پامه غورزولې او د حکومت لاسرسی یې محدود کړی؛ ځکه په ډېرو برخو کې یې بشپړ مخنیوی هم ناشونی کړی دی.

Continue Reading

Trending

آریانا نیوز. کلیه حقوق محفوظ است