Connect with us

تازه خبرونه

ملګرو ملتونو حکومت او طالبانو ته د سولې د لارې نخچه سپارلې

Ariana News

خپور شوی

 په

(Last Updated On: April 8, 2021)

د ملي پخلاینې عالي شورا ویلي؛ ملګرو ملتونو حکومتي او طالب خبرو کوونکیو ډلو ته د سولې لیک سپارلی، چې په کې د افغانستان لپاره د انتقالي حکومت، اوربند، ټاکنو او لاسته راوړنو د خوندیتوب یادونه شوې ده.

ملګرو ملتونو د استانبول غونډې د رانږدې کېدو په درشل کې د ملګرو ملتونو ځانګړي استازي افغان حکومت او طالبانو ته د سولې لیک سپارلی دی.

د مصالحې عالي شوری وايي، چې په دې لیک کې پر اوربند، ټولګډونه او انتقالي حکومتونو، د ټاکنو تر سره کېدو، د تېرو دوه لسیزو د لاسته راوړنو خوندیتوب، د ښځو حقونو، د لږکیو حقوقو او بیان آزادیو ټينګار شوی دی.

حکومت او طالبانو تر اوسه پدې اړه څه ندي ويلي؛ خو په دې وروستیو کې د ملګرو ملتونو ځانګړې استازې په دوحه او کابل کې له طالبانو او سیاستوالو سره لیدنې کتنې کړې دي.

د ملي پخلاتینې عالي شوری سلا کاره لیلما احمدي وايي، چې د ملګرو ملتونو ځانګړې استاې افغان لوري ته د استانبول د غونډې په اړه د دې سازمان دریځ روښانه کړی دی.

کارپوهانو ویلي، چې د استانبول په غونډه کې به یوازې د ملګرو ملتونو او امریکا پر طرحه اساسي خبرې کیږي او داخلي طرحې به څنډې ته شي.

د حزب اسلامي د شوری ګانو د یووالي مشر محمد امین وقاد ویلي: دا ناسته د افغانستان د راتلونکي لپاره ډېره اړینه ده. ټول اړخونه باید د استانبول غونډې ته یوه واحده طرحه ولري که نه د بهرنیو طرحو پلي کېدو ته به زمینه برابره شي.

د ملي پخلاینې عالی شوری د طرحې جوړونې پېنځلس کسیزې کمېټې په څلورمه غونډه کې پر انتقالي حکومت هم خبرې کړي؛ خو هوکړې ته رسیدلي ندي.

د ملاي پخلاینې عالی شورا ویاند فریدون خوځون وایي:  بحثونه ښه پرمخ روان دي او ډېر لږ څه پاتې دي او هیله من یو، چې پر هغې هم هوکړه وشي.

دې شورا د سیاستوالو شاوخوا دېرش طرحې چاڼ کړي او دیارلس ګډ موارد یې ترې جوړ کړي، چې پر اته مواردو یې هوکړه کړې او پر پاتې نورو خبرې کوي.

تازه خبرونه

پاکستان دې له دوستۍ او دښمنۍ، یو غوره کړي ـ اشرف غني

Ariana News

خپور شوی

په

توسط

(Last Updated On: April 18, 2021)

د افغانستان ولسمشر اشرف غني د یکشنبې پر سهار یوې امنیتي ناستې ته په ډاګه کړه؛ له تېرو څو لسیزو راپدیخوا دا لومړي ځل دی، چې د سولې یو رښتینی فرصت رامنځته شوی او افغانستان د بهرنیو ځواکونو وتلو ته پوره چمتووالی لري.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې د ټولو بهرنيو سرتېرو وتل به د روان کال د می له لومړۍ پیل او د سپټمبر پر ۱۱ نېټه افغانستان بشپړ شي.

ولسمشر غني د یکشنبې  پر ورځ په ارګ کې د کابل ښار د شپږنیمو بجو په امنیتي غونډه کې له افغانستان څخه د امریکایي ځواکونو د وتلو اعلان ته په نغوته کې څرګنده کړې: په اوسني تاریخ کې په لومړي ځل د افغانستان لپاره تر ټولو غوره فرصت برابر شوی؛ مونږ له دوه کلونو راپدیخوا دې ورځې ته بشپړ چمتوالی لرو او د هغوی د وتلو لپاره مو هر اړخیز پلان برابر کړی دی.

ولسمشر غني ویلي؛ مونږ د خپلې خاورې ساتنې ته بشپړ چمتوالی لرو او د دې وخت را رسېدلی، چې د افغانستان ملي حاکمیت په بشپړ ډول عملي او افغانستان خپل ناپېیلتوب ثابت کړي.

ولسمشر ویلي: یو د جمهوریت صف دی او بل د دښمن، هغوی، چې د جمهوریت په صف کې نه درېږي نور ورته په دولت کې ځای نشته.

د ولسمشر غني د څرګندونو له مخې؛ طالبان د جګړې د دوام لپاره هېڅ راز دیني مشروعیت نلري او د اسلامۍ نړۍ دیني علماوو په افغانستان کې جګړه غندلې ده.

ولسمشر غني له افغانستان سره سیمه ییزو اړیکو ته په نغوته کې څرګنده کړې: نن د پاکستان لپاره د پرېکړې ورځ ده؛ که زمونږ هېواد نارامه وي، د دوی هېواد به هم ناارامه وي او که زمونږ هوساینه غواړي، دوی به هم هوسا شي.

غني زیاته کړې؛ د دوستۍ او دښمنۍ غوراوی د دوی په لاس کې دی؛ د دوستۍ په اړه افغانستان له پاکستان، سیمې او نړۍ سره همکارۍ ته چمتو دی.

دغه راز ولسمشر غني په ډاګه کړې: زمونږ لیدلوری ملي حاکمیت، جمهوریت، ولسواکي، آباد، آزاد او خپلواک افغانستان دی؛ که طالبان په دې چوکاټ کې سوله کوي زمونږ غېږ ورته پرانېستې ده او له دې پرته بل هر انتخاب د جګړې د دوام لپاره د طالبانو پلمه ده.

هغه زیاتوي؛ مونږ د ډار نه، د ټینګې ارادې خلک یو.

همدارنګه نوموړي د یکشنبې د ورځې په امنیتي ناسته کې د لومړۍ امنیتي حوزې ۱۶ منسوبینو ته د بریال دوه یمې درجې دولتي مډالونه هم پر سینه وټومبل.

د ولسمشر لومړي مرستیال امرالله صالح د ستاینو او ویاړلو وروسته د شپږنیموغونډو د لاسته راوړنو په اړه د معلوماتو ورکولو پرمهال وویل: د ژمنو تعقیب پر یو اصل بدل شوی او د دوامداره هڅو په نتیجه کې د جرمونو ګراف په بېساري توګه راټیټ شوی او له دولتي خدمتونو د خلکو د رضایت کچه لوړه شوې ده.

ولسمشر اشرف غني د شپږنیموغونډو لاسته راوړنې وستایلې او وایي: تاسو د ګروپي مدیریت په پایله کې مثبت تغییرات راوستي؛ ظرفیت لرئ، دوام ورکړئ او زه ستاسو بشپړ ملاتړی یم.

Continue Reading

تازه خبرونه

عباس کریمي د امریکا له پارا لمبا سیالیو د سپینو زرو مډال ترلاسه کړ

Ariana News

خپور شوی

په

توسط

(Last Updated On: April 18, 2021)

د هیواد ویاړلی معلول لامبوزن عباس کریمي د امریکا په پارا لمبا سیالیو کې د سپینو زرو مډال ترلاسه کړ.

عباس کریمي د خپلو نړیوالو سیالانو پروړاندې په څلورو ۵۰ مټره شاپرکي برخو، ۱۰۰ او ۲۰۰ آزادې لمبا کې وځلید.

کریمي به سبا د شا پرتختې ۵۰ مټرو په وروستۍ سیالۍ کې د خپلو سیالانو پروړاندې لامبو وکړي.

دغه نړیوالې پارالمبا سیالۍ د امریکا د تګراس ایالت پر کوربتوب د ۲۰ هېوادونو څخه د ۱۱۵ لامبوزنو په ګډون تر سره شوې دي.

عباس کريمي په هېواد کې یوازنی معلول لامبوزن دی، چې د ټوکیو پارالمپیک لوبو ته نوماند شوی دی.

Continue Reading

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

Trending

آریانا نیوز: ټول حقونه خوندي دي