Connect with us

تازه خبرونه

ملکي او پوځي چارواکي دې د بښنې له سپارښتنو ډډه نکوي – ملا هبة الله اخوندزاده

خپور شوی

د

(Last Updated On: )

د افغانستان اسلامي امارت د عالی شورا مشر ملا هبة الله اخوندزاده لارښوونه کړې، چې خپل مسوولیتونه د اصولو او طرزالعملونو سره سم ترسره او له خپلسریو ډډه وکړئ.

د افغانستان اسلامي امارت ویاندویانو او سرچینو یو سند خپور کړی، چې په کې د اسلامي امارت د عالی شورا مشر ملا هبة الله اخوندزاده پر بښنې سربېره د یو شمېر مسایلو په اړه سپارښتنې کړې دي.

د راپورونو له مخې؛ دغه سپارښتنې ملا هبة الله اخوندزاده په دې وروستیو کې د کندهار ملکي او پوځي چارواکو ته د یوې لویې غونډې پر مهال کړي او له خلکو یې غوښتي، چې د بښنې درناوی وکړي.

یو شمېر نورې ​​سپارښتنې یې د اسلامي امارت له حکومتي اړیکو سره تړاو لري.

د اسلامي امارت د څرګندونو له مخې؛  ملا هبة الله اخوندزاده امنیتي ځواکونو ته سپارښتنه کړې، چې د دغې بښنې او غوښتنې درناوی وکړي او پخواني دولتي کارمندان باید د ” تېرو جرمونو” له کبله مجازات نشي.

په هغو څرګندونو کې، چې د ایلامي امارت د سیاسي دفتر ویاند محمد نعیم خپرې کړي؛ ملا هبة الله  اخوندزاده په ډاګه کړې، چې په هېواد کې باید د هر چا درناوی وشي؛ د هېواد د خلکو کرامت باید وساتل شي او هیڅ افغان باید له هېواده ونه وځي.

نوموړي د اسلامي امارت له مسوولینو، علماوو، قومي مشرانو، والیانو او ولسوالانو غوښتي؛ هغه کسان، چې له هېواده وتل غواړي باید قناعت وکړ کړ شي، چې په هېواد کې پاتې شي.

هغه د اسلامي امارت له چارواکو غوښتي، چې د خلکو لپاره د امن وسیله وګرزئ او د دوی پت وساتي؛ ځکه ټول افغانان له دوی څخه همدا تمه لري.

ملا هبة الله اخوند زاده د اسلامي امارت د داخلي اړیکو په اړه هم ځینې وړاندیزونه کړي او وایي؛ پخپله مسوولیت پر غاړه اخیستل مه غواړئ؛ خو که مشرانو مسوولیت درکړي، نو د امر اطاعت به کوئ او خپل مسوولیت به تر سره کوئ.

ملا صاحب وایي: مسوولیتونه داسې ترسره کړئ، چې سبا په جګو سترګو وکتلی شئ. د ښه مسوولیت د تر سره کولو لپاره تل له عالمانو مشوره غواړئ.

د افغانستان د اسلامي امارت مشر چارواکو ته سپارښتنه کړې، چې ټول افغانان خپل وروڼه وګڼي.

دغه راز غوښتل شوي، چې د خلکو له ځورولو او وهلو څخه ډډه وکړئ، هیڅکله ظلم ورسره مکوئ او د ظلم پایله بده ده.

دغه راز چارواکو ته لارښوونه شوې، چې له ظلم او غرور ډډه وکړئ؛ هر څه الله پاک برابر کړي او د خپلو دندو په ترسره کولو کې له صبر او زغم څخه کار واخلي.

د اسلامي امارت عالی شورا مشر ټینګار کړی، چې: په ګډه د عدالت لپاره مبارزه وکړئ او هرچا ته خپل حق ورکړئ. په مسوولیت کې جبر مه کوه، له فرديت ډډه وکړئ او د ژبې او توکم پر بنسټ چا ته دنده او وظیفه مه ورکوي، بلکې د استعداد پر بنسټ مسوولیتونه وسپارئ.

دی ټینګار کوي، چې د مشرانو درناوی وکړئ، ترې شکایت مه کوئ او له اجازې پرته یې کوم کار مه کوئ.

نوموړي همدا راز د اسلامي امارت د چارواکو تر منځ د ښې همغږۍ پر اړتیا ټینګار کړی او د یو بل په چارو کې یې د نه لاسوهنې سپارښتنه کړې ده.

هغه دا هم ویلي، چې چارواکي باید له ښه اخلاقو څارنه وکړي او د شپې د ګزمو پرمهال د خلکو خوندیتوب تضمین او حکومت ته ژمن پاتې شي.

هغه دا ټینګار هم کړی، چې اسلامي امارت د یوې لویې آزموینې سره مخ دی او له چارواکو یې وغوښتل ، چې له دې آزموینې بریالي راووځئ.

هغه وویل: راځئ، چې ښه تاریخ جوړ کړو.

د کابل له نیولو سمدلاسه وروسته اسلامي امارت عمومي بښنه اعلان کړه؛ خو د راپورونو له مخې په تېرو څو اوونیو کې د تېر حکومت پخواني پوځيان ځورول شوي او یاهم وژل شوي؛ خو اسلامي امارت پخپل وخت دا ټورونه رد کړي دي.

دغه راز ویل کیږي، چې اسلامي امارت یو شمېر غړيو په یو شمېر ولایتونو کې د امتیازاتو، آسانتیاوو او واک له غیرعادلانه وېش څخه خپله اندېښنه ښکاره کړې ده.

تېره میاشت، د بشري حقونو د څار ټولنې یو راپور خپور کړ، چې په کې ویل شوي؛ د اسلامي امارت له بښنې سره سره سیمه ییزو قومندانانو د پخوانیو سرتېرو له ګواښلو ډډه نده کړې.

د یاد بنسټ د راپور له مخې، چې د سې شنبې پر ورځ خپور شوی؛ څرګندوي، چې د اسلامي امارت تر چتر لاندې هدفي وژنې روانې دي او د زمري له نیمایي څخه تر لیندۍ پورې په څلورو ولایتونو هر یو غزني، هلمند، کندوز او کندهار کې له سل ډېر کسان وژل شوي او یا هم ورک دي.

د یادې ټولنې د آسیایي څانګې مشرې پیټریشیا ګوسمن ویلي: د طالبانو ( اسلامي امارت ) مشرتابه د بښنې ژمنه کړې؛ خو سیمه ییز قومندانان د افغان امنیتي ځواکونو د پخوانیو غړیو له وژلو یا پټولو منع شوي ندي.

تازه خبرونه

د اسلامي امارت پلاوی جاپان ته روان شو

د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.

Published

on

(Last Updated On: )

تمه کېده، چې د افغانستان اسلامي امارت (IEA) د لوړ پوړو چارواکو یو پلاوی د یکشنبې پر ورځ ټوکیو ته ورسیږي. دا واک  ته ترلاسه کولو راهیسې جاپان ته د لومړي سفر په توګه دی.

د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.

دا سفر د تېر کال د ساساکاوا سولې بنسټ د اجرائیوي رییس او په افغانستان کې د ملګرو ملتونو د مرستندویه ماموریت (UNAMA) د پخواني مشر تادامیچي یاماموتو لخوا د بلنې په ځواب کې ترسره کیږي.

راپورونه وايي، چې پلاوی به احتمالاً د نورو بشري مرستو غوښتنه وکړي او ممکن د جاپان او افغانستان ترمنځ د اړیکو په اړه د جاپان له حکومتي چارواکو سره هم خبرې وکړي.

جاپان په افغانستان کې ډیپلوماټیک فعالیتونه روان ساتلي او د ملګرو ملتونو له لارې یې د طبي تاسیساتو ملاتړ کړی دی.

د اقتصاد وزارت مرستیال عبداللطیف نظري وايي، چې نن (یکشنبه د سلواغې اته‌ویشتمه) د اسلامي امارت د لوړ پوړي پلاوي سره جاپان ته روان شو.

هغه په ​​ایکس پاڼه کې لیکلي: “مونږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړيتوب لپاره له نړۍ سره د درناوي وړ تعامل غواړو.”

د یادونې ده، چې نظري د دې سفر په اړه نور جزئیات ندي ورکړي.

Continue Reading

تازه خبرونه

د کډوالو چارو وزارت په بلوچستان کې له کورونو څخه د افغان کډوالو شړل وغندل

د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووه‌ویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.

Published

on

(Last Updated On: )

د کډوالو چارو وزارت د یکشنبې د ورځېسلواغې اته‌ویشتمه ) د خپرې شوې خبرپاڼې له مخې؛ دې وزارت د پاکستان په بلوچستان ایالت کې له خپلو کورونو څخه د افغان کډوالو جبري ایستل وغندل.

د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووه‌ویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.

په خبرپاڼه کې زیاته شوې، چې د پاکستانيو پولیسو لخوا په شړل شویو کسانو کې ۶۵ ماشومان او ۳۰ افغان میرمنې دي، چې د کندهار ولایت د سپین بولدک له سرحدي لارې افغانستان ته راوشړل شول.

د پاکستان حکومت په تېرو دوه کلونو کې پرله‌پسې دا ډول هڅې کړې دي، چې د ګاوږنډیتوب له ټولو اصولو او نړیوالو اسلامي قوانینو پر خلاف دي او ذا چاره یې روانه ساتلې ده.

په خبرپاڼه کې ټینګار شوی، چې د کډوالو او راستنېدونکو چارو وزارت دا ډول کړنې غندي او له نړیوالو بنسټونو یې غوښتي، چې په هغه هېواد کې له افغان کډوالو سره خپلې مرستې او همکاري روانه وساتي، چې له عزت سره خپل هېواد ته راستانه شي.

Continue Reading

تازه خبرونه

پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي

جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.

Published

on

(Last Updated On: )

د خیبر پښتونخوا د وزیر اعلی سلاکار وکیل محمد علي سیف ویلي، چې ولایتي حکومت به د خبرو اترو لپاره دوه پلاوي افغانستان ته واستوي.

جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.

وروستۍ برخه به بېلابېل اړخونه ولري او بحث به د اقتصادي اړیکو پر پیاوړتیا راڅرخي.

دا په داسې حال کې ده، چې په پاکستان کې د ترهګریزو بریدونو کچه لوړه شوې او اسلام‌آباد یې پړه په افغانستان کې پر ډلو اچوي.

د ترهګرۍ مسله د پاکستان لپاره یوه مهمه ستونزه ده؛ له افغانستان څخه یې غوښتي، چې په خپله خاوره کې تحریک طالبان پاکستان (TTP) ته د ورته ډلو لخوا د دې خاورې د کارولو مخه ونیسي.

اسلامي امارت تل د پاکستان دا ادعاوې رد کړي او ویلي یې دي، چې هیڅ فرد یا ډلې ته به اجازه ورنکړي، چې بل هېواد ته ګواښ رامنځته کړي.

جیو ټلویزیون راپور ورکړی، چې د خیبر پښتونخوا امنیتي وضعیت ته پر پاملرنه د کرمې په اړوند سیمه کې د څو میاشتینیو ناکراریو په ګډون د خیبر پښتونخوا اعلی وزیر ګنډاپور د ۲۰۲۴ کال په سپټمبر کې له افغانستان سره د مستقیمو خبرو اترو وړاندیز وکړ، چې په ناکراره سرحدي سیمو کې د تلپاتې سولې لپاره د ترهګرۍ اندېښنو ته لاسرسی رامنځته شي.

اعلی وزیر د روانې میاشتې په پیل کې خپل دریځ بیا تکرار کړ او ویې ویل، چې د خیبر پښتونخوا حکومت به ګاونډ هېواد ته یوه جرګه واستوي.

Continue Reading
Advertisement

Trending

Copyright © 2024 Ariana News. All rights reserved!