Connect with us

مهم خبرونه

ملي دفاع وزارت: شپني عمليات ګټور دي

Ariana News

خپور شوی

 په

(Last Updated On: غویی ۲۰, ۱۳۹۵)

vlcsnap-2016-05-09-18h53m51s209

ملي دفاع وزارت وايي چې شپنۍ چاپېاو عملیات د دښمن د ځپلو له پاره ډېر ګټور تمام شوي دي.

دوی وايي چې په دغو عملیاتو کې خلک د وسله والو مخالفینو پټنځایونه په نښه کېږي او خلک له افغان ځواکونو سره همکاري کوي. د کورنیو چارو وزارت هم وايي چې وسله والو طالبانو په جګړه کې ماتې خوړلې ده او اوس کوښښ کوي چې تبلیغاتي جګړه په مخ یوسي.

افغان امنیتي مسولین وايي چې په تېرو پنځوسو ورځو کې یې د وسله والو طالبانو مهم قوماندانان نیولي او یايې هم وژلي دي. دوی وايي چې وسله والو طالبانو په جګړه کې ماتې خوړلې ده او وسله وال طالبان په چادریو کې د تېښتې لارې لټوي.

د کورنيو چارو وزارت وياند صدیق صدیقي وايي: “د عمري يا چادري عملياتو ماته خوړلې، طالبان د تېښتې په حال کې دي.”

د ملي دفاع وزارت مسولین وايي چې شپنيو عملیاتو او چاپو د وسله والو مخالفینو په ځپلو کې مهم رول لوبولی دی. د ملي دفاع وزارت وايي چې زیاتره دغه ډول عملیات د سیمې د خلکو په مرسته کېږي.

د دفاع وزارت وياند دولت وزيری وايي: “موږ هره شپه تر پنځو شپنيو عملياتو پورې ترسره کوو، دغه عمليات د خلکو له همکارۍ پرته ناشوني دي، خلک زموږ ځواکونو ته خبر ورکوي او موږ کولای شو، وېره اچوونکي ونيسو، دښمن نور خپل مورال له لاسه ورکړی دی.”

د کورنیو چارو وزارت مسولین وايي چې په تېرو پنځوسو ورځو کې يې د جنايي جرمونو په تور ۵۵۰ کسان نیولي دي.

وسله والو طالبانو او افغان دولت د پسرلي په پیل کېدو سره د یو بل په وړاندې په ځانګړو نومونو عملیات پیل کړل. وسله والو طالبانو د عمري عملیاتو په پیلولو سره خپلو وسله والو او ځانمرګو بریدونو ته زور ورکړ، خو افغان حکومت بیا وايي چې د دوی د شفق عملیاتو د دښمن مورال کمزوری کړی دی او په جګړه کې یې ماتې خوړلې ده. دا په داسې حال کې ده چې افغان حکومت له خلکو سره د جنایت په جرم شپږ وسله وال طالبان په داروځړول.

Continue Reading
Advertisement

تازه خبرونه

د ناتو ملکي استازي په افغانستان کې د اوربند غوښتنه وکړه

Ariana News

خپور شوی

په

توسط

(Last Updated On: وږی ۳۱, ۱۳۹۹)

د ناتو ملکي استازي ستیفانو پونتیکورو د سولې نړیوالې ورځې په اړه په خپلو خبرو کې وویل، چې په دوحه کې د افغانانو خپلمنځي روانې خبرې اترې به افغانستان ته سولې زیری وړاندې کړي.

نوموړي د سولې د نړیوالې ورځې په مناسبت څرګنده کړې، چې د سولې خبرو پیل یو ارزښتمن ټکی دی او د افغانستان د سولې په بهیر کې یې نوی پړاو رامنځته کړ.

هغه ویلي: نن ډېرو افغانانو سوله نده تجربه کړې؛ خو سره له دې هو ورته هیله من دي.

د ناتو د ملکي استازي د څرګندونو له مخې؛ افغانان د یوې داسې تلپاتې سولې په تمه دي، چې تاوتریخوالی پای ته ورسوي او د ټولو خلکو بشري حقونه ورسره خوندي شي.

هغه زیاته کړې؛ د ښځو، ماشومانو او قومي لږکیو حقونه، چې په تېرو ۲۰ کلونو کې ترلاسه شوي، باید د قانون له مخې خوندي شي. نه دا، چې افغانستان تروریستانو ته پر خوندي جنت واړول شي.

هغه دا هم ویلي، چې په افغانستان کې د ناتو موخه له دې هېواده ملاتړ او تلپاتې سولې او امنیت ترلاسه کول دي.

د افغانستان د بهرنیو چارو وزارت د افغانستان له حکومت سره د سولې د لاسته راوړلو په برخه کې د نړیوالو ملګرو له نږدې همکاریو څخه مننه کړې ده.

دغه وزارت په یوه تویت کې څرګنده کړې: راځئ، چې د ټولو افغانانو لپاره د تل پاتې سولې د خوندي کولو لپاره په ګډه کار وکړو او له طالبانو غواړو، چې د اوربند اړه د خلکو ارادې ته درناوی وکړي.

دغه راز د ملي پخلاینې عالي شورا هم له ښکېلو خواوو غوښتي، چې له جګړې لاس واخلي او د سوله ییز حل او دایمي اوربند لپاره هوکړه وکړي.

د یاد بنسټ په خبرپاڼه کې راغلي: حکومتي پلاوی د سولې په نیت د سولې خبرو اترو ته حاضر شوی. له طالبانو هم تمه ده، چې په هېواد کې د عدم تشدد او اوربند غوښتنې ته پر ورین تندي ځواب ورکړي او د یوه سوله ییز راتلونکي لپاره د ملګرتیا لاس راوړاندې کړي.

د دوی د ټینګار له مخې، ټول خلک په هېواد کې له روانې جګړې او جګړو ډېر په تنګ او ستړي شوي دي.

Continue Reading

تازه خبرونه

اتمر او ویلسن په افغانستان کې د سولې په اړه وغږیدل

Ariana News

خپور شوی

په

توسط

(Last Updated On: وږی ۳۱, ۱۳۹۹)

د افغانستان د بهرنیو چارو وزارت چارسمبالي حنیف اتمر په کابل کې د امریکا د سفارت له چارسمبالي راس ویلسن سره وکتل.

د هېواد بهرنیو چارو وزارت څرګنده کړې، چې په دې لیدنه کې حنیف اتمر په تېرو ۱۹ کلونو کې له افغانستان څخه د دوی د دوامداره ملاتړ او ژمنې له امله مننه وکړه.

د یاد وزارت د څرګندونو له مخې؛ دواړو لوریو د سولې خپلمنځي خبرو له پیل او له ترسره شوي پرمختګ څخه خوښي ښکاره کړې او تلپاتې سولې ته د رسیدو لپاره یې خپله هیله څرګنده کړه.

دغه راز حنیف اتمر او راس ویلسن د افغان حکومت پر لومړیتوبونو په ځانګړي توګه د پراخ اوربند او د تاوتریخوالي د کمولو او څارنې لپاره د یو میکانیزم رامینځته کولو هراړخیزې خبرې کړې دي.

یادې سرچینې په ډاګه کړې؛: دواړو خواوو د افغانستان، امریکا او د مرکزي آسیا هېوادونو ترمنځ د درې اړخیزو اړیکو د پراخولو پر فرصتونو هم خبرې کړې، چې په افغانستان کې د سولې بهیرله چټکولو سره مرسته کولی شي.

دواړو لوریو د افغانستان او امریکا تر منځ د دوه اړخیزو همکاریو د پراختیا او پیاوړتیا پر اړتیا هم ټینګار وکړ او راس ولسن حنیف اتمر ته له افغانستان سره د هغه هېواد له دوامدارې ژمنې او همکارۍ ډاډ څرګند کړ.

Continue Reading

تازه خبرونه

زلمی خلیلزاد په افغانستان کې له روان تاوتریخوالي اندېښمن شوی

Ariana News

خپور شوی

په

توسط

(Last Updated On: وږی ۳۱, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد په افغانستان کې د تاوتریخوالي د زیاتیدو په اړه اندېښنه څرګنده کړې او د سمدستي اوربند غوښتنه یې کړې ده.

نوموړي په یوه تویت کې په ډاګه کړې، چې په تېرو څو ورځو کې تاوتریخوالی په ښکاره ډېر شوی دی.

هغه څرګنده کړې، چې د تاوتریخوالي ډېریدل د ملکي افغانانو لپاره، چې خپل ژوند له لاسه ورکوي؛ د منلو ندی.

زلمي خلیلزاد زیاته کړې: په افغانستان کې د سولې خبرو پیلیدو ته په کتو ټولې خواوې باید په تاوتریخوالي کې د  پام وړ کمی رامنځته کړي.

لکه څنګه ، چې ښکېل لوري پوهیږي په دوحه کې د حکومت او طالب استازيو خبرې په افغانستان کې د سولې راوستو په اړه د مشورې پړاو ته رسیدلي او دا کوم ساده کار هم ندی. نړۍ او افغانان ګوري، چې  په دې وروستیو اوونیو کې د تاوتریخوالي کچه په بېساري توګه لوړه شوې او دا هیچا ته د منلو نده.

د خليلزاد دغه اندېښنه په داسې حال کې راپورته کیږي، چې نن ورځ د سولې له نړيوالې ورځې سره برابره ده، چې هر کال د جګړې د قربانيانو د درناوي او د تاوتريخوالي د کمولو لپاره لمانځل کيږي.

د ملګرو ملتونو د سپتمبر ۲۱ ، چې د وږي له ۳۱ سره برابره ده د سولې نړیواله ورځ او په ټوله نړۍ کې یې د څلیریش ګړیو لپاره عدم تشدد او اوربند اعلان کړی دی.

Continue Reading
Advertisement

Trending