Connect with us

تازه خبرونه

مشرانو جرګې د پارلماني ټاکنو د نیټې د نه معلومولو له امله پر حکومت نیوکه وکړه

Ariana News

خپور شوی

 په

(Last Updated On: چنګاښ ۹, ۱۳۹۴)

مشرانو جرګې د ولسي جرګې او ولسوالیو د شوراګانو د ټاکنو د نیټې د نه معلومولو له امله د ملي یووالي پر حکومت نیوکه وکړه.

مشرانو جرګه وایي، د پارلماني ټاکنو د نیټې د معلومولو لپاره حکومت باید استخاره وکړي.

د مشرانو جرګې غړي د دې ټاکنو د نیټې په معلومولو کې د حکومت پر ځنډ نیوکه کوي او وایي؛ حکومت د دې توان نه لري چې د پارلماني ټاکنونیټه مشخصه کړي.

مشرانو جرګې دغه راز د ولسي جرګې په وړاندې خپله پریکړه بېرته واخیسته.

مشرانو جرګې ویلي و چې د چنګاښ له لومړۍ نیټې وروسته د ولسي جرګې کاري موده د قانون له مخې پای ته رسیږي، نو هر قانون چې له دې بنسټ ورته د تایید لپاره راځي د دوی له اجنډا وځي.

د مشرانو جرګې غړي وایي، حکومت یواځې ژمنې کوي خو عمل پري نه کیږي.

د مشرانو جرګې غړی فیصل سیمع:

په تاسف سره چې اوونۍ تیرې شوې که حکومت د افغانستان په جنتري کې د ټاکنو ورځ نه شي پيدا کولای نو استخاره دې وکړي تر څو ټاکني وکړي او خلک له ستونزو خلاص شي.

 دمشرانو جرګې غړی افضل شامل:

د ټاکنو نیټه په دوه درې اوونیو کې معلومه نه شوه، ولسمشر لاپې وهلې او د پارلمان او خلکو برخلیک به څرنګه شي.

د ملي یووالي په حکومت بله نیوکه له دې کبله ده چې د ټاکنیز نظام د اصلاح د کمیسیون د غړو او رییس د ګمارلو په هکله هوکړې ته نه رسیږي.

د مشرانو جرګې غړی قیس وکیلي: 

درې اوونۍ تیرې شوې، دوی د یوه نفر پر سر جوړ نه راځي. په افغانستان کې یو نفر نشي پیدا کولای؛ یو بی طرف شخص دې وګماري افغانستان د بحران خواته ځي دوی ۱۳ کلنې لاسته راونې هم تر پوښتنې لاندې راولي.

صالحه مهرزاد دمشرانوجرګې غړې:

تر هغو به ټاکنې ونه شي چې بنیادي اصلاحات رانشي. زه د ملي یوالي حکومت اووه رهبرانو ته وایم کله چې دوه اشپزان وي دیګ یا تروش راځي یا بې مالګې، باید چې سره یوشي.

د ولسي جرګې په وړاندې د خپلې پریکړې بېرته اخیستل د مشرانو جرګې د عمومي غونډې بله مهمه برخه ده.

vlcsnap-2015-06-30-15h55m03s252

د مشرانو جرګې رییس فضل الهادي مسلمیار:

باید د تاکنو نیټه مشخصه شي او باید د خپلې هغې پریکړې په اړه هم تصمیم ونیسو چې د ټاکنو د نیټې د مشخص کېدو لپاره تر یوې میاشتې خپل کار ته دوام ورکوي.

د قانون له مخې د ولسي جرګې کاري موده د همدې میاشتې له لومړۍ نیټې وروسته پای ته ورسېده؛ خو دا چې ټاکنې نه دي شوي ولسمشرۍ ماڼۍ د وکیلانو کاري موده د ټاکنو تر تر سره کېدو وغځوله.

خبریال: عبدالعزیز کریمی

Continue Reading
Advertisement

تازه خبرونه

افغانستان او ترکمنستان د اقتصادي همکاریو تړونونه لاسلیک کړل

Ariana News

خپور شوی

په

توسط

(Last Updated On: تله ۹, ۱۳۹۹)

افغانستان او ترکمنستان د چارشنبې پر ورځ ( د تلې ۹) په کابل کې د برښنا او نوري فایبر په اړه د تفاهم درې هوکړه لیکونه او د اقتصادي همکاریو یو تړون لاسلیک کړ.

د دغو هوکړه لیکونو د لاسلیک په مراسمو کې د افغانستان ولسمشر اشرف غني له بیات ګروپ او د ترکمنستان له چالک شرکت څخه هېواد ته د  ۵۰۰ میګاوات برښنا لیږد او نوري فایبر نښلولو تړونونو لاسلیک مننه کړې ده.

احسان الله بیات او د چالک شرکت مشر حکمت سیزار؛ د افغان ولسمشر اشرف غني، د ترکمنستان د بهرنیو چارو وزیر رشید میردوف، د ترکمنستان سفیر اویزوف خواجه سفرګیدویچ، د کانونو او پترولیم وزارت چارسمبالي محمد هارون چخانسوري په حضور کې د ۵۰۰ میګاوات برښنا او نوري فایبر نښلولو تړونونه لاسلیک کړل.

د ولسمشرۍ د څرګندونو له مخې؛ د دغه هوکړه لیک د لاسلیک په مراسمو کې ولسمشر غني ویلي: نن مونږ خپل  پخوانی ښه تاریخ ژوندی کوو او د وروستیو کلونو بد تاریخ جبرانوو.

هغه زیاته کړې؛ د بیات ګروپ او چالک خصوصي شرکت له حضور څخه مننه او دا د دې څرګندوی دي، چې د افغانستان او نړیوالو خصوصي شرکتونو یو بل ته لاس ورکړی او ۵۰۰ میګاواته برښنا تامینوي. ترکمنستان نه یوازې افغانستان، بلکې خپلو ټولو ګاونډ هېوادونو ته ښه ګاونډ دی او مونږ بېرته خپلو لرغونو رېښو ته ورګرځو.

تاپ پروژه ( د ترکمنستان څخه افغانستان او پاکستان ته د برښنا لیږد) یوه له مهمو پروژو څخه ده، چې د دې پروژې د لومړي پړاو د جوړیدو تړون دوه اوونۍ وړاندې د افغانستان برښنا شرکت له چالک شرکت سره لاسلیک کړی دی.

د ترکمنستان د بهرنیو چارو وزیر د افغانستان او ترکمنستان دوه اړخیزو همکاریو ته په انغوته او شاره کې ویلي، هېواد یې غواړي، چې د دې لویو پروژو له تطبیق سره د انرژۍ د تامین ترڅنګ د دواړو هېوادونو ولسونو ته یې ګټه ورسېږي او زموږ اقتصادي همکارۍ به د ټولو لپاره موثرې وي.

هغه زیاته کړه چې په دې برخه کې د همکارۍ لپاره زیات فرصتونه شته او ددې اوږدمهالې پروژې ګټې ټولو ته رسیږي.

په پام کې ده چې د دې پروژې د لومړي پړاو په بشپړیدو سره په لومړي قدم کې ۳۰۰ میګاواټه برښنا د هرات او فراه ولایتونو اوسیدونکو ته ووېشل شي.

د افغانستان برښنا شرکت او چالک شرکت ترمنځ د شوې هوکړي پر بنسټ به د دې پروژې لومړی پړاو د یو کال په لړ کې بشپړ شي.

د یادونې وړ ده چې افغانستان به د دې پروژې له ترانزیټي لارې څخه د کال ۵۰ میلیون دالر د ترانزیت حق ترلاسه کړي.

Continue Reading

تازه خبرونه

په افغانستان کې سوله د پاکستان په ګټه ده – عارف علوي

Ariana News

خپور شوی

په

توسط

(Last Updated On: تله ۹, ۱۳۹۹)

د ملي پخلاینې عالي شورا مشر داکتر عبدالله عبدالله نن (چهارشنبه د تلې ۹) د پاکستان له ولسمشر عارف علوي سره په دوحه کې د روانو خپلمنځي خبرو اترو په اړه ولیدل.

د پاکستان ولسمشر عارف علوي په دې لیدنه کې ویلي؛ د پاکستان حکومت او مشرتابه په افغانستان کې د سولې له هڅو بشپړ ملاتړ کوي. مونږ په افغانستان کې جګړې پای او له سولې او ثبات ته ملاتړ کوو.

هغه ویلي: پاکستان د افغانستان په جګړه کې ځپل کیږي؛ خو له سولې ګټه پورته کوي.

ښاغلي علوي زیاته کړې، چې پاکستان غواړي له افغانستان سره د ښوونې او روزنې، لوړو زدکړو، معلوماتي تکنالوژۍ او عامې روغتیا په برخو کې همکاري زیاته کړي.

دغه راز هغه د دواړو لوریو تر منځ د سوداګرۍ پر پراختیا ټینګار کړی او وایي، چې د سولې له راتګ سره مونږ غواړو سویلي آسیا له مرکزي آسیا سره ونشلوو.

هغه دا هم ویلي، چې د سولې راتګ به د درنو مهاجرو ستنېدو ته هم زمینه برابره کړي.

د ملي پخلاینې عالی شورا مشر عبدالله ویلي؛ په دې پړاو کې د سولې لاسته راوړنه د افغانستان د خلکو او حکومت یو له لومړیتوبونو څخه ده او د دې بهیر په بریا کې د پاکستان او نورو هیوادونو همکاریو اړتیا ده.

عبدالله عبدالله زیاته کړې؛ افغانستان له خپلو ټولو ګاونډ هېوادونو په ځانګړي توګه له پاکستان سره ښې اړیکې غواړي او په افغانستان کې سوله او ثبات به د دواړو هېوادونو او سیمې تر منځ د همکارۍ، سوداګریزې ودې او پرمختګ لپاره لار اواره کړي.

عبدالله  دغه راز ټینګار کړی، چې مونږ له ستونزو څخه لرې او د جګړې پای ته رسولو لپاره یو استثنایي او رښتینی فرصت لرو او هیله لرو، چې دا ځل به له کورني، سیمه ییز او نړیوال ملاتړ سره د تلپاتې سولې او ثبات لرونکي شو.

Continue Reading

تازه خبرونه

فرانسې په نګورنو قره باغ کې د ترکیې پر لاسوهنه نیوکه کړې

Ariana News

خپور شوی

په

توسط

(Last Updated On: تله ۹, ۱۳۹۹)

فرانسې د آرمنستان او آذربایجان په شخړه کې له آذربایجان څخه د ترکیې پر ملاتړ کلکه نیوکه کړې او هغه یې جنګ غوښتنه ګنلې ده.

د آذربایجان او آرمنیا تر منځ د یکشنبې پر ورځ په نګورنو قره باغ سیمه کې نښتو زور واخیست، چې په کې د دواړو خواو کې سلګونه کسان وژل شوي او ژوبل دي.

د دواړو هېوادونو نښتو د سویلي قفقاز د بې ثباتۍ په اړه اندېښنې راپورته کړي، چې له دې لارې د تېلو پایپ لاینونه د نړۍ بازار ته تېریږي او دا وېره یې رامنځته کړې، چې سیمه ییز قدرتونه لکه روسیه او ترکیه به په کې راښکېل شي.

په ناتو کې د ترکیې ځینو متحدینو د انقرې له دریځه ملاتړ کړی، چې د آذربایجان په خاوره نګورنو قره باغ کې ارمني لږکي واکمني چلوي.

د ترکيې د بهرنيو چارو وزير مولود چاووش اوغلو د چارشنبې پر ورځ ویلي، چې ترکیه هر هغه څه ته، چې اړتیا وي؛ کوي.

اوغلو زیاته کړې، چې له آرمنستان سره د فرانسې پيوستون د آذربایجان جمهوریت له نیولو ښکاره ملاتړ دی.

لتویا ته د سفر پر مهال د فرانسې ولسمشر امانویل ماکرون ویلي، چې په نګورنو قره باغ کې د شخړې په اړه د ترکیې څرګندونې خطرناکې او جنګ غوښتنه ده، چې مونږ ته د منلو وړ ندي.

Continue Reading
Advertisement

Trending