Connect with us

تازه خبرونه

مشرانو جرګه: په هېواد کې دې پرمختيا متوازنه شي

Avatar

خپور شوی

 په

(Last Updated On: چنګاښ ۱۳, ۱۳۹۵)

vlcsnap-2016-07-03-17h28m06s71

مشرانو جرګه د متوازنې پرمختیا په لاره کې د پیسو حیف او میل لویه ستونزه ګڼي او وايي چې باید د دغه کار مخینوی وشي.

د کلیو د پراختیا وزیر وايي چې په زیاترو سیمو کې د نا امنیو له کبله متوازنه پرمختیا ناشونې ده او دغه بهیر یې له پوښتنو سره مخامخ کړی دی.

مشرانو جرګه وايي چې په هېواد کې متوازنې پرمختیا ته باید جدي پاملرنه وشي او باید په پرمختیايي پروژو کې د پیسو د حیف او میل مخه باید ونیول شي.

د مشرانو جرګې غړی: رحمت الله اڅکزی وايي:”په ډېرو ولايتونو کې د پروژو پيسې د خلکو جېبونو ته لوېږي، بايد چې مخه يې ونيول شي، څو خلک ډاډه شي چې دوی ته هم خدمتونه کېږي.”

سناتور صفی‌الله هاشمي وايي: “د پروژو څارنه ډېره مهمه ده هر وخت چې سمه څارنه وشي، پروژې هم په سمه او معياري توګه بشپړې کېدای شي چې بايد په نظر کې ونيول شي.”

سناتور محمد علم ایزدیار وايي: “د ملي پيوستون په پروګرام کې لاسته راوړنې شته دي، خو د ولايتونو له پاره د پروژو په برخه کې د توازن نشتوالی د اندېښنې وړ دی چې بايد توازن په نظر کې ونيول شي.”

د کلیو پراختیا وزیر چې مشرانو جرګې ته د کاري پلان د وړاندې کولو له پاره راغلی و، وايي چې له اداري فساد سره د مبارزې له پاره يې هڅې ګړندۍ کړې دي او په هغو پروژو یې څارنه زیاته کړې چې همدا اوس یې کارونه دوام لري.

د کلیو پراختیا وزیر نصیر احمد درانی وايي: “په ولايتونو کې د پروژو د عملي کولو له پاره په جدي توګه هڅې کوو، خو د امنيت او مناسبې رهبرۍ د نشتوالي له کبله او بله دا چې د بوديجه يې هم د ډونر په واک کې وي نو په ټولو ولايتونو کې يو ډول پراختيا سخت کار دی.”

د کلیو د پراختیا وزیر وايي چې د هېواد په ولایتونو کې همدا اوس د پنځو زرو او دوو سوو لویو او وړو پروژو چارې روانې دي چې ټول لګښت یې یو سل او څلوېښت میلیون ډالرو ته رسېږي.

Continue Reading
Advertisement

تازه خبرونه

د ډاکټر ایاز نیازي وژنې، پوښتنې راپورته کړي

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د دکتور ایاز نیازي د وژنې قضیې یو لړ پوښتنې او اندېښنې را ولاړې کړي دي.

ډاکټر ایاز نیازی پرون ماښام د وزیر محمد خان په جومات کې د ځای پر ځای شوي ماین د چاودنې هغه مهال ښکار شو کله چې هغه د ماښام لمانځه لپاره چمتووالی نیول.

هغه په مرګوني ټپونو روغتون کې مړ شو.

د پوځي چارو یو شمیر کارپوهان دغه پیښه یوه سیاسي ترهګریز برید بولي او په امنیتي ادارو یې پړه اچولې چې په کابل کې د ورته بریدونو مخه نه نیسي.

د استخباراتو کارپوهان بیا په استخباراتي ادارو کې ضعف ګڼي چې د دا ډول وحشي بریدونو لامل کیږي.

ولسمشر غني د ایاز نیازي د مړي درناوي ته ورغی، او د دې پېښې د څېړلو امر یې وکړ خو خلک حکومت د  خلکو په ساتنه او د دغه راز بریدونو په مخنیوي کې ناکام بولي.

همداراز د کورنیو چارو وزارت یو هیئت چمتو کړې چې دغې پېښې اړوند څېړنې وکړي او عاملان په سزا ورسوي.

د ډاکټر ایاز د ژوند لنډه کيسه؛

دکتور محمد ایاز نیازی ۵۶ کلن و، د بدخشان یمګان ولسوالۍ کې زیږیدلی. دوولس کلن و چې د قرآن کریم حافظ شو او د ښوونځي دورې له بشپړولو وروسته د مصر الازهر پوهنتون کې شامل شو، د لسانس او ماستري په کچه زدکړې یې د اسلامي اقتصاد په برخه کې وکړې. د اسلامي فقې له نظره یې د نړیوالو اړیکو په برخه کې د الازهر پوهنتون کې تر دکتورا زدکړې وکړې. نوموړی د کابل پوهنتون شرعیاتو پوهنځي کې استاد و، او دا راز یې د وزیر محمد اکبرخان جومات امامت هم پر غاړه درلود.

Continue Reading

تازه خبرونه

په افغانستان کې د صادراتو لړۍ په ټپه ولاړه ده – د سوداګرۍ او پانګونې خونه

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د افغانستان سوداګرۍ او پانګونې خونې مسوولینو ویلي، چې په هېواد کې د صادراتو لړۍ اوس هم په ټپه ولاړه ده او په دې اړه د صنعت او سوداګرۍ وزارت د اړوند ستونزو په اوارولو کې پاتې راغلی دی.

د افغانستان د خصوصي سکتور غړيو څرګنده کړې؛ که د صنعت او سوداګرۍ وزارت د هېواد صادرتو ته  د نړۍ او سیمې هېوادونو په کچه بازار موندنه ونکړي؛  افغان  کروندګر او سوداګر به سلګونه میلیون ډالر زیانمن شي.

د سوداګرۍ او پانګونې خونې غړی خانجان الکوزی وایي؛ له سیمې او نړۍ سره مو صادارت بند شوي او د سوداګرۍ وزارت هم  خپل مسوولیت ندی ادا کړی.

د نوموړي د څرګندونو له مخې؛ د پاکستان په ګډون باید د ټولو ځمکنيو او هوایي دهلیزونو له لارې  صادرات تر سره شي؛ خو په خبره یې دا لړۍ اوس په ټپه دریدلې ده.

د سوداګرۍ او پانګونې خونې بل غړي رحم الدین آغا څرګنده کړې؛ که څه هم د صنعت او سوداګرۍ وزارت ژمنه کړې وه، چې له اختر وروسته به د پاکستان له لارې صادرات تر سره کړي؛ خو پاکستان اوس هم افغان صادراتو ته اجازه نه ورکوي.

هغه زیاته کړې؛ که صادراتو ته پاملرنه ونشي ښایي خصوصي سکتور ته سلګونه میلیون ډالر تاوان ورسیږي.

د اقتصادي چارو کارپوه کمال الدین کاکړ په دې باور دی، چې په صنعت او سوداګرۍ وزارت کې د وړتیا او پلان نشتوالی د دې ستونزې علت دی.

دی وایي، کلونه اوړي؛ خو وزارت مو صادراتو او سوداګرۍ  ته له بنسټیز پلان او تګلارې بې برخې پاتې دی.

د یادونې ده، چې د صنعت او سوداګرۍ وزارت په دې اړه تر دې دمه چوپتیا غوره ګڼلې ده.

Continue Reading

تازه خبرونه

د فوټبال لوبغاړیو د جورج فلایډ په یاد د درناوي مراسم ترسره کړل

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د لیورپول ۲۹ لوبغاړیو په آنفیلډ لوبغالي کې د خپلې روزنیزې ناستې پر مهال د درناوي په پار پر ځمکه خپلې ګونډې ولګولې.

الجزیرې په ډاګه کړې؛ په امریکا کې د جورج فلایډ له مړینې او په دې هېواد کې له پراخو څو ورځنیو لاریونونو سره همهاله لیورپول فوټبال لوبغاړیو د دوشنبې پر ورځ په آنفیلډ لوبغالي کې د جورج فلایډ یادونه وکړه او د هغه په ویاړ یې پر ځمکه خپلې ګونډې ولګولې.

لوبغاړیو په خپلو ټولنیزو رسنیو کې د خپلې دغې هڅې انځورونه د یووالي ځواک دی او د تورپوټکو ژوند ارزښت لري؛ خپاره کړل.

دا هڅه د جورج فلایډ پر مرګ د لیورپول لوبغاړو د پیوستون ښکارندویي کوي، چې د پولیسو په بند کې یې سا وختله.

د مانچسټر یونایټډ منډه وهونکي بریدګر مارکس رایشفورډ هم د جورج فلایډ پر مړینه غبرګون ښودلی او وایي: د تور پوټکي ژوند یوه اړتیا ده. تور فرهنګ درناوی غواړي. تورې ټولنې اهمیت لري. مونږ مهم یو.

پر انګلیسي پریمیر لیګ سربېره، د آلمان بونډس لیګا، بوروسیا ډورټمونډ لوبغاړي، جاډون سانچو او اشرف حکیمي په یوه لوبه کې  د ” جورج فلایډ لپاره عدالت ” له پیغام لرونکيو کمیسونو سره ډګر ته راودانګل.

باید یادونه وشي، چې تورپوټکی جورج فلایډ د می پر ۲۵ د امریکا په مینیاپولیس کې سا ورکړه،  چې یو سپین پوټکي پولیس یې پر اورمېږ د څو دقیقو لپاره خپل زنګون ته زور ورکړ.

د هغه مړینې د امریکا په څو ښارونو کې پراخه لاریونونه راوپارول.

 

Continue Reading

Trending