Connect with us

پرمختګ او بشپړتیا

مرستندويان د پوهنې مطبعې تجهيز او بيارغونې ته ليوالتيا نه لري- صالحي

خپور شوی

د

(Last Updated On: لړم ۳, ۱۴۰۱)

د پوهنې وزارت مطبعې چارواكي وايي، چې:

دې مطبعې ته د دولت او په خاص ډول د پوهنې وزارت نه پاملرنه د دې لامل شوى، چې د درسې كتابونو د چاپولو په موخه ميليونونه ډالر له هېواد  بهر ولگول شي.

د دغې مطبعې رييس انجينير محمد صابر صالحي وايي:

كه دوى ته پاملرنه وشي؛ نو دغه مطبعه  په لوړ كيفيت د درسي كتابونو او نورو درسي توكو د چاپ په برخه كې د پوهنې وزارت اړتيا پوره كولى شي .

نوموړى وايي، چې:

له هېواد بهرد درسي كتابونو چاپ نه يوازې اقتصادي زيان دى، بلكې املايي او انشايي تېروتنې هم لري .

د يوهنۍ وزارت وياند امان الله ايمان وايي، چې:

د پوهنې وزرات د مطبعې له تجهيزولو وړاندې نورې ډېرې چارې په لومړيتوب كې دى، چې بايد د پوهنې وزارت يې تر سره كړي .

د پوهنې وزارت د مطبعې وداني  شپېته كاله وړاندې د پوهنې وزارت د درسي كتابونو او نورو اړينو توكو د چاپ په موخه جوړه شوې وه .

د پوهنې وزارت مطبعې رييس انجنير محمد صابر صالحي وايي، چې:

دې مطبعې له اتياوو ډېرد چاپ ماشنونو درلودل، چې د مجاهدينو د حكومت تر راتلو يې هم كار كاوه، خو اوس په دغه مطبعه كې يوازې يوولس د چاپ ماشينونه پاته دي.

نوموړى وايي، چې:

مرستندويه بنسټونه د نوموړې مطبعې تجهيز او بيارغونې ته هيڅ ليوالتيا نه لري، چې له لامله  يې د درسي كتابونو د چاپ لپاره ميليونونه ډالر له هېواد بهرځي .

نوموړى زياتوي، چې:

د پوهنې وزارت يوازې اتلس قلمه محرم اسناد د چاپ لپاره دغې مطبعې ته ورليږي او بس .

صالحي وويل، چې:

له هېواد بهرد درسي كتابونو او په تېره بيا د دينې كتابونو چاپ په دغو كتابونو كې د لاسوهنو او تېروتنو اندېښنې هم له ځان سره لري او د دغو كتابونو د چاپ د قراردادونو په به برخه كې د پوهنې وزارت د كاركوونكيو او د  قراداد كوونكيو له خوا روڼ حساب وركول هم موجود نه دى.

نوموړى وايي، چې:

دوى د ځاى له كبله هم ستونزې لري. ان يو پرمختللى ماشين، چې تېر كال يې د ۲۶۰ زرو ډالرو په ازرښت اخستې؛ تر اوسه نه دى فعاله شوى .

د نوموړې مطبعې رييس وايي:

په داسې حال كې، چې دوى اوس هم د افغانستان د ښوونځيو د اړتيا وړتوكې لكه حاضرۍ ، شهادت نامې ، ترقي تعليم او نور په واك كې لري، خو بيا هم د هېواد يو شمېرښوونځي د دغو توكو د نه شتون له ستونزو سره مخ دي .

د پوهنې وزارت وياند امان الله ايمان وايي، چې:

پوهنې وزارت ته د يادې مطبعې له تجهزولو څخه د نصاب را منځته كول او د مسلكي ښوونكيو پيدا كول په لومړيتوب كې دي .

نوموړى وايي، چې:

اوسمهال د پوهنې وزارت مطبعه د دوى ستونزې نه شي حلولى او دغه وزارت به په راتلونكيو څلور كلونو كې د ايران په مرسته دغه مطبعه په پرمختلليو وسايلو سمبال او ورغوي.

په داسې حال كې، چې د پوهنې وزارت له هېواد څخه بهر د باكيفيته درسي كتابونو د چاپ خبر وركړى، خو د روان كال په پيل كې د بې كيفته درسي كتابونو د چاپ په باب د هېواد په رسنيو كې تاوده بحثونه او ناندرې رامنځته شوې دي .

Advertisement
Click to comment

Leave a Reply

Your email address will not be published. Required fields are marked *

پرمختګ او بشپړتیا

افغانستان او ترکمنستان د ټاپي پروژې پر عملي پیل خبرې وکړې

Published

on

(Last Updated On: لړم ۶, ۱۴۰۰)

د کانونو او پټرولیم وزارت مسوولینو په دې روستیو کې د ترکمنستان هېواد له مسوولینو سره په افغانستان کې د ټاپي پروژې د پیل پر عملي بهیر خبرې کړې دي.

د کانونو او پټرولیم وزارت چارسمبالي د ټاپي اړینې پروژې د چارو د پیل په اړه د ترکمنستان له سفیر سره خبرې وکړې. په دې  کتنه  کې  دواړه لوریو ویلي، چې دواړه هېوادونه د ټاپي پروژې د کار بهیر پیلول غواړي.

د اسلامي امارت مسوولینو د دې  پروژې د عملي  کار د پیل لپاره  چمتووالی ښود لی.

د خصوصي سکتور غړي هم  د دې  پروژې د کار د عملي  چارو پیل د افغانستان اقتصاد لپاره مهم بولي او څرګندوي؛ که د پروژې د پلي کولو پر وړاندې مالي ستونزې نه وي؛ نو اوس د دې و خت رارسیدلی،  چې دا پروژه پلې شي.

د سوداګرۍ او پانګونې خونې غړی خان جان الکوزی وایي؛ د ټاپي پروژه، چې د افغانستان لپاره خورا اړین اقتصادي ارزښت لري. که مالي ملاتړي همکاري وکړي؛ نو د دې پروژې د عملي کیدو لپاره ترټولو مناسب وخت رامنځته شوی، چې له اقتصادي پلوه د سیمي په هېوادونو کې ژور بدلونونه رامنځته کولی شي.

دا پروژه، چې  له  ترکمنستان پیل او بیا تر هندوستان پورې غزیږي؛ ۱۸۱۴ کیلومټره اوږد والي لري  چې ۸۱۶ کیلومټره د افغانستان له خاوري تېریږي.

د دې  پروژې د پلي کېدو لګښت ۲۲ اعشاریه ۵ میلیارډ ډالر کیږي.

له دې نللیکي په کلني توګه ۳۳ میلیارډ مټرمکعب ګاز لېږدول کیږي.

په دې پروژه کې به په زرګونه هېوادوالو ته د کار زمینه برابره شي او افغانستان ته به د کال ۴۰۰ میلیون ډالر عواید ترلاسه کیږي.

په دې  پروژه کې افغانستان په لومړیو لس کلونو کې ۵۰۰ میلیون مټره، په دوه یمه لسیزه کې یومیلیارډ او په درېیمه لسیزه کې یو نیم میلیارډ مټرمکعب ګاز ترلاسه کړي.

د اقتصادي  چارو کارپوهانو هم د ټاپي  پروژې عملي کیدل د افغانستان او د دې  پروژې د شریکانو لپاره له اقتصادي پلوه خورا مهمه بولي.

دوی  زیاتوي، چې د ټاپي پروژه کولی شي هېواد له اقتصادي ستونزو وژغوري.

اقتصادي کارپوه تاج محمد تلاش وایي: په عملي کیدو سره به په میلیونونه ډالر د هېواد په عوایدو کې زیات شي او په زرګونه هېوادوال به مو کار پیدا کړې. د هېواد په صنعتي کیدو کې مو هم اړین رول ولري.

د هېواد اوسیدونکي هم له اسلامي امارته غوښتنه کوي، چې په هېواد کې د پروژو د پلي کولو بهیر پراخ کړي، چې خلک له بی کارۍ وژغورل شي.

د کابل ښار اوسیدونکی صنیع الله رامین وایي: مونږ له اسلامي مارته غوښتنه کوو، چې هېوادوالو ته د کار د برابرولو په برخه کې نه ستړې کېدونکې هڅې وکړي، چې د شته اقتصادي ستونزو د پراخېد مخه پرې ونیول شي.

د ټاپي پروژه، چې د کار عملي چاري يي په ۲۰۱۶ زېږدیز کال کې د افغانستان، پاکستان، ترکمنستان او هندوستان د مشرانو له خوا پرانستل شوې او ټا کل شوې وه،  چې په ۲۰۱۹ کال کې ګټی اخستني ته سپارل شوې وه؛ خو د بېلا بېلو ستونزه له کبله دا پروژه په افغانستان کې له خنډ او ځنډ سره مخ وه. اوس، چې اسلامي امارت له واک و ځواک لرخمن شوی؛ وخت به یې د عملي چارو بهیر په ډاګه کړي.

ویل کیږي، چې د دې سترې سیمه ییزې اقتصادي پروژې د عملي پیل لپاره به دروانې میاشتې په اوږ دو کې د ترکمنستان یو پلاوی هم افغانستان ته راشي.

Continue Reading

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Published

on

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Published

on

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

Trending

Copyright © 2022 Ariana News. All rights reserved!