Connect with us

تازه خبرونه

مایک پمپیو او ملابرادر د سولې راوستو پر بهیر خبرې کړي

Ariana News

خپور شوی

 په

(Last Updated On: چنګاښ ۱۰, ۱۳۹۹)

د امریکا د بهرنیو چارو وزیر مایک پمپیو او طالب استازي ملا عبدالغني برادر د افغانانو د خپلمنځي خبرو د پیل، اورکم، له افغانستان څخه د بهرنیو ځواکونو د وتو او د بندیانو د خلاصون په اړه خبرې اترې کړې دي.

په قطر کې د طالبانو سیاسي دفتر له ملا غني برادر سره د امریکا د بهرنیو چارو د وزیر مایک پمپیو له ویدیوي خبرو وروسته څرګنده کړې؛ دواړو لوریو د افغانانو د خپلمنځي خبرو د پیل، اورکم، د بندیانو پر خلاصون او د نړیوالو ځواکونو پر وتو بحث وکړ.

د طالبانو د سیاسي دفتر ویاند سهیل شاهین ویلي؛ په دې خبرو کې مایک پومپیو له طالبانو او افغان حکومت غوښتي، چې تاوتریخوالی کم کړي؛ خو طالبانو څرګنده کړې، چې د نښتو او جګړو دلیل د دوی تر واک لاندې سیمو کې د حکومتي ځواکونو ګرزیدل اود پوستو جوړول دي.

نوموړي زیاته کړې؛ دواړو لوریو په دې ویډیویي خبرو کې د افغانانو د خپل منځي خبرو د پیل په وړاندې د بندیانو د خوشې کیدو د خندونو پر لیرې کېدو خبرې وکړې او مایک پمپیو له طالبانو او حکومت وغوښتل ، چې تاوتریخوالی کم کړي.

د حکومت مرکچي پلاوي مشر معصوم ستانکزي د افغانستان د سولې بهیر پېچلی نومولی او وایي؛ د خپلمنځي خبرو د پیل لپاره لومړی بیاد اورکم وشي؛ خو د سیمې هېوادونو تضاد د افغانستان د سولې بهیر بېچلی کړی دی.

د طالبانو سیاسي دفتر دا هم ویلي، چې ملا غني برادر د افغانستان لپاره د ایران له ځانګړي استازي ابراهیم طاهریان سره خبرې کړي دي. ایراني رسنيو ویلي چې دې لیدنه کې  د افغانانو په خپلمنځي خبرو کې د امریکا په نه لاس وهنې او د دواړو هېوادونو د ګډو ګټو په تړاو د مسایلو په اړه خبرې شوې دي.

د جنبش ملي ګوند مرستیال عبدالله قرلق څرګنده کړې؛ په خواشینۍ، چې هیڅ راز د ټینګار وړ پر مختګ نه تر سترګو کیږي.

دا خبرې په داسې حال کې راڅرګندې شوي، چې زلمی خلیلزاد او د امریکا د نړیوالې پرمختیایي ادارې د عامل پلاوي مدیر قطر، پاکستان او ازبکستان ته د سفر په لړ کې هڅه کوي، چې د افغانانو خپلمنځي خبرو ته زمینه برابره شي.

پوځي کارپوه مقدم امین ویلي؛ تر هغې، چې امریکا د سیمې له هېوادونو لکه روسیې سره هوکړې ته ونه رسیږي؛ د سولې راوستلو بهیر به په افغانستان کې همداسې ماتیدونکی وي.

د سولې په چارو کې د دولت وزارت ویاند ناجیه انوري وایي: د طالبانو لخوا د تاوتریخوالي زیاتیدل د سولې خنډ دی.

تمه ده، چې د افغانانو خپلمنځي خبرې په راتلونکې میاشت کې تر سره شي؛ خو د طالبانو او حکومت تر منځ د بندیانو خلاصون او د تاوتریخوالی زیاتوالی اوس هم  اختلافي ټکي دي.

تازه خبرونه

په هند کې د یوې ودانۍ د ړنګیدو په پېښه کې ۱۰ کسان مړه شوي

Ariana News

خپور شوی

په

توسط

(Last Updated On: وږی ۳۱, ۱۳۹۹)

هندي چارواکو د دوشنبې پر ماښام منلې، د دغه هېواد په ممبیي ښار کې د یوې ودانۍ د ړنګیدو په پېښه کې لږ تر لږه ۱۰ کسان مړه شوي دي.

د ممبۍ ښار په څنډه کې د دوشنبې پر سهار هغه مهال یوه څلور پوړیزه ودانۍ ړنګه او رانسکوره شوه، چې خلک په کې پر درانده خوب ویده ول.

د لټون او ژغورنې ډلې هڅه کوي، چې تر خاورو لاندې ژوندي پاتې شوي کسان ومومي.

ویل کیږي، چې له جون څخه تر سپتمبر پورې درندو بارانونو د نامعیاري ودانیو بنسټونه، چې ناسم جوړ شوي یا زاړه دي؛ ړنګیږي او ودانۍ رانسکوریږي.  

Continue Reading

تازه خبرونه

د سولې له خبرو سره همهاله په بېلابېلو ولایتونو کې تاوتریخوالی ډېر شوی

Ariana News

خپور شوی

په

توسط

(Last Updated On: وږی ۳۱, ۱۳۹۹)

امنیتي چارواکو ویلي؛ په تېرو ۱۰ ورځو کې امنیتي ځواکونو او طالبانو  په ۱۴ ولایتونو او ۳۳ ولسوالیو کې جګړه ډېره شوې او دواړو لوریو ته درنده مرګ و ژوبله اوښتې ده.

په افغانستان کې له نږدې دوه لسیزو خونړیو سختو جګړو وروسته امریکا، افغان حکومت او طالبانو د سیاسي حل لارې د موندلو په موخه ګډې هڅې پیل کړې؛ خو ورسره جګړه اوس هم خلکو ته ځاني او مالي زیانونه اړوي.

د معلوماتو له مخې؛ د سولې خپلمنځي خبرو له پیله تراوسه د هېواد په ۳۳ ولسوالیو او ۱۴ ولایتونوکې جګړه روانه ده، چې په  کې ۴۰۱ طالب وسلوال وژول شوي او ۱۱۳ نور ټپیان دي. همدارنګه ۸۱ امنیتي ځواکونه وژل شوي  او ۱۲۶ نور ټپیان دي.

دغه راز، د امنیتي ځواکونو او طالبانو تر څنګ عام وکړي د ښځو او ماشومانو په ګډون هم زیانمن شوي دي.

دغه څرګندونې ښیي؛ د سولې له خپلمنځي خبرو یوه ورځ مخکې د امنیتي ځواکونو په هوایي برید کې د ۶ ماشومانو په ګډون ۲۴ ملکي وګړي وژل شوي دي. که څه هم ملي اردو دغه ادعاوې ردوي.

د دغو څرګندونو له مخې؛ له تېرو ۲۴ ګړیو راپدیخوا د روزګان ولایت په ګیزاب ولسوالۍ کې طالبانو ۲۵ پولیس وژلي، ۱۹ نور پوځیان د میدان وردګ په اوږدې نښته کې، ۱۵ پولیس د د کندهار په معروف ولسوالۍ کې پر پوستې له چاودنې وژل شوي، ۶ پولیس د کاپیسا ولایت په تګاب کې، ۹ په کندوز کې وژل شوي او نږدې ۴۰ نور سرتېري ژوندي نیول شوي دي.

د افغان سولې لپاره د امریکا ځانګړي استازي زلمي خلیلزاد د جګړې له ټولو ښکېلو لوریو بیا د تاوتریخوالي کمول غوښتي دي.

هغه ویلي؛ په تېرو څو ورځو کې تاوتریخوالی په څرګند ډول ډېر شوی دی. دغه نښتې د خپګان وړ دي؛ ځکه د ګڼو ملکي خلکو په ګډون، د افغانانو ژوند اخلي.

خلک هم په هېواد کې د جګړې درول غواړي.

طالب ویاند نعیم وردګ ویلي، چې د تاوتریخوالي پر کمښت پرېکړه به په بین الافغاني خبرو کې رامنځته شي.

نږدې لس ورځې مخکې په دوحه کې د سولې خبرې پیل شوې او له هغه راپدیخوا تراوسه دواړه لوري د خبرو د اجندا، چوکات او اصولو پر سر هوکړې ته ندي رسیدلي.

دا په داسې حال کې ده، چې د ملګرو ملتونو د سپتمبر ۲۱ ، چې د وږي له ۳۱ سره برابره ده د سولې نړیواله ورځ او په ټوله نړۍ کې یې د څلیریشت ګړیو لپاره عدم تشدد او اوربند اعلان کړی دی.

Continue Reading

تازه خبرونه

د ناتو ملکي استازي په افغانستان کې د اوربند غوښتنه وکړه

Ariana News

خپور شوی

په

توسط

(Last Updated On: وږی ۳۱, ۱۳۹۹)

د ناتو ملکي استازي ستیفانو پونتیکورو د سولې نړیوالې ورځې په اړه په خپلو خبرو کې وویل، چې په دوحه کې د افغانانو خپلمنځي روانې خبرې اترې به افغانستان ته سولې زیری وړاندې کړي.

نوموړي د سولې د نړیوالې ورځې په مناسبت څرګنده کړې، چې د سولې خبرو پیل یو ارزښتمن ټکی دی او د افغانستان د سولې په بهیر کې یې نوی پړاو رامنځته کړ.

هغه ویلي: نن ډېرو افغانانو سوله نده تجربه کړې؛ خو سره له دې هو ورته هیله من دي.

د ناتو د ملکي استازي د څرګندونو له مخې؛ افغانان د یوې داسې تلپاتې سولې په تمه دي، چې تاوتریخوالی پای ته ورسوي او د ټولو خلکو بشري حقونه ورسره خوندي شي.

هغه زیاته کړې؛ د ښځو، ماشومانو او قومي لږکیو حقونه، چې په تېرو ۲۰ کلونو کې ترلاسه شوي، باید د قانون له مخې خوندي شي. نه دا، چې افغانستان تروریستانو ته پر خوندي جنت واړول شي.

هغه دا هم ویلي، چې په افغانستان کې د ناتو موخه له دې هېواده ملاتړ او تلپاتې سولې او امنیت ترلاسه کول دي.

د افغانستان د بهرنیو چارو وزارت د افغانستان له حکومت سره د سولې د لاسته راوړلو په برخه کې د نړیوالو ملګرو له نږدې همکاریو څخه مننه کړې ده.

دغه وزارت په یوه تویت کې څرګنده کړې: راځئ، چې د ټولو افغانانو لپاره د تل پاتې سولې د خوندي کولو لپاره په ګډه کار وکړو او له طالبانو غواړو، چې د اوربند اړه د خلکو ارادې ته درناوی وکړي.

دغه راز د ملي پخلاینې عالي شورا هم له ښکېلو خواوو غوښتي، چې له جګړې لاس واخلي او د سوله ییز حل او دایمي اوربند لپاره هوکړه وکړي.

د یاد بنسټ په خبرپاڼه کې راغلي: حکومتي پلاوی د سولې په نیت د سولې خبرو اترو ته حاضر شوی. له طالبانو هم تمه ده، چې په هېواد کې د عدم تشدد او اوربند غوښتنې ته پر ورین تندي ځواب ورکړي او د یوه سوله ییز راتلونکي لپاره د ملګرتیا لاس راوړاندې کړي.

د دوی د ټینګار له مخې، ټول خلک په هېواد کې له روانې جګړې او جګړو ډېر په تنګ او ستړي شوي دي.

Continue Reading
Advertisement

Trending