Connect with us

سوداگري

مالیې وزارت حکومتي کارکوونکیو ته پاتې درې میاشتنی معاش اجرا کوي

خپور شوی

 په

(Last Updated On: لړم ۳۰, ۱۴۰۰)

د مالیې وزارت ویلي، چې د دولتي کارکوونکیو درې میاشتنۍ معاش په یو ځل اجرا کوي.

د دولتي مامورینو لپاره دا ښه خبر دی، چې د مالیې وزارت یې درې میاشتنی معاش په یو ځل اجرا کیږي.

د دغه وزارت د ویاند احمد ولي حقمل د څرګندونو له مخې، د معاشونو د ورکړې بهیر سر له یکشنې( د لړم ۳۰) پیلیږي او د تخنیکي ستونزې له حل وروسته به د دولت د متقاعدو کارکوونکيو د معاشونو د ورکړې بهیرهم له سره پیل شي.

د مالیې وزارت ویاند احمد ولي حقمل ویلي، دا بهیر د یکشنبې له ورځې پیلیږي او دولتي بنسټونه به د معاشونو نوملړ ترتیبوي.

د مالیې وزارت دعوایدو مشر معراج محمد معراج  ویلي، چې د هرې ورځې پر تېرېدو د حکومت عواید د ډېرېدو په حال کې دي او د دولت د کارکوونکیو د معاشونو په اجرا کې د بودجې له کمي سره مخ ندي.

هغه زیاته کړې، چې د متقاعدو کارکوونکیو معاشونه هم اجرا کیږي.

د اسلامي امارت له بیا واکمنېدو او د پخواني نظام له پاشل کېدو وروسته د هېواد اقتصادي نظام له ستونزو سره مخ شو او د دولتي بنسټونو ډېري کارکوونکیو نه یوازې معاش ندی اخیستی، بلکې له هېواده وتلي هم دي.

سوداگري

د افغانستان د کنګل شویو پیسو لېږل به یوه اوونۍ وروسته پیل شي

خپور شوی

په

توسط

(Last Updated On: ليندۍ ۱۳, ۱۴۰۰)
نړیوال بانک تېره ورځ رویټرز ته څرګنده کړې؛ د افغانستان د بیارغونې صندوق تمویل کوونکیو ویلي؛ د ډسمبر تر ۱۰ پورې به د بشري مرستو رسولو ادارو ته د دغه هېواد د بندو اړوند پیسو د لېږد په اړه پرېکړه وشي.

که څه هم د نړیوال بانک ویاندې په دې اړه نور څه ندي ویلي؛ خو څرګندوي، چې د نړیوال بانک بورډ روانه اوونۍ د افغانستان د بیارغونې له صندوق څخه د خواړو نړیوال پروګرام او یونیسف ته د ۲۸۰ میلیونه ډالرو له لېږد ملاتړ کړی. دا د هغو یو نیم میلیارډ ډالرو یوه برخه ده، چې د اګست په میاشت کې د افغانستان اسلامي امارت له بیا واکمنېدو وروسته کنګل شوې وې.

د امریکا د خزانې وزارت پدې اړه کومه تبصره نده کړې.

د تېر حکومت له نسکورېدو سره امریکا ۲۰ کلنه جګړې پای ته ورسوله، خپل سرتېري، ملکي وګړي او افغان همکاران یې ووېستل او ډیپلوماټیکې اړیکې یې ودرولې؛ خو د افغانستان بهرنۍ شتمنۍ یې کنګل او د نړیوالو موسسو نغدي مرستې وځنډېدې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.

Continue Reading

تازه خبرونه

نړیوال بانک د افغانستان ۵۰۰ میلیون کنګل شوې پیسې نړیوالې ټولنې ته ورکوي

خپور شوی

په

توسط

(Last Updated On: ليندۍ ۹, ۱۴۰۰)

رویټرز خبري آژانس د باخبرو سرچینو د څرګندونو له مخې ویلي، چې نړیوال بانک پر داسې پلان کار کوي، چې په امریکا کې به د افغانستان بانک د کنګل شویو شتمنیو ۵۰۰ میلیون ډالر له نړیوالو بشري ټولنو سره مرسته وکړي، چې خلکو ته بېړنۍ طبي مرستې ورسوي.

رویټرز په دې وروستیو کې د ځینو سرچینو په حواله ویلي، چې دا مرستې یوازې د افغانستان خلکو ته د بشردوستانه مرستو لپاره دي.

د راپور له مخې، ټاکل شوې، چې په دې اړه د نړیوال بانک د مدیره پلاوي غړي په نارسمي بڼه له امریکايي چارواکو او ملګرو ملتونو سره ناسته ترسره کړي.

دا وړاندیز د افغانستان د بیارغونې له وجهي صندوق څخه د یو اعشاریه پېنځه میلیارد ډالرو پر ارزښت د پیسو انعطاف دی.

تر دې دمه، چې د دغو مرستو د رالېدولو پر څرنګوالو څه ویل شوي ندي؛ ځکه داسې وېره هم شته، چې په کې ښکېلې مالي ادارې به د امریکا له بندیزونو سره مخ شي.

دغو سرچینې رویټرز ته ویلي، چې دا پیسې به په افغانستان کې د بېړنیو روغتیایي پاملرنې د اړتیاوو پر پوره کولو، چې له اووه سلنې لږ وګړي د کروناویرس پر وړاندې واکسین شوي؛ ولګول شي.

دغه راز یوې باخبرې سرچینې ویلي، چې افغانستان ته د دې پیسو له لېږد وروسته به نړیوال بانک د دغو پیسو پر لګولو څارنه ونلري.

سرچينې زياته کړې، چې نړيوال بانک غواړي دغه پيسې له هر ډول څارنې او راپور ورکولو پرته ملګرو ملتونو او نورو بشري ادارو ته ولېږدوي.

سرچینې ویلي؛ په داسې حال کې، چې د امریکا خزانې وزارت د ښه راغلاست لیکونه خپاره کړي او بانکونو ته یې ډاډ ورکړی، چې دوی کولی شي بشري راکړې ورکړې پروسس کړي؛ خو د بندیزونو په اړه اندېښنې به پخپل حال پاتې وي او ان د خواړو او درملو په ګډون د ټولو خامو توکو د تېرېدو مخنیوی کوي.

له بلې خوا باخبرو سرچینو ویلي؛ نړیوال بانک په دې لټه کې دی، چې د اسلامي امارت لپاره یوه لنډه منځنۍ لار پرانیزي.

راپور زیاتوي، چې افغانستان ته د مرستو د رسولو لپاره افغانانو ته د امریکايي ډالرو د احتمالي تبادلې په اړه لومړني کارونه شوي دي؛ خو یوې بلې سرچینې ویلي؛ دغه پلانونه هغو پلانونو ته ورته دي، چې یوازې وړاندیز شوي او تر اوسه عملي شوي ندي.

Continue Reading

تازه خبرونه

د افغانستان د شوکاڼي صادرات بیا پیل شول

خپور شوی

په

توسط

(Last Updated On: ليندۍ ۹, ۱۴۰۰)

د افغانستان د صنعتکارانو ټولني غړيو ويلي، چې په دې وروستیو کې نه یوازې د سیمې یو شمبر هېوادونو ته زرګونه ټنه شوکاڼی یا تالک ډبرې صادرې شوي، بلکې هسپانیا او بریټانیا ته هم پېنځه سوه ټنه صادرات لرو.

د خصوصي سکتور غړي وايي که د اسلامي امارت لخوا د هېواد په کاني  سکتور کې د پانګونې آسانتیاوې  رامنځته شي؛ خصوصي  سکتور چمتو دی،  چې په دې برخه کې زیاته پانګونه وکړي.

د صنعتکارانو ټولنې  مشرعبد الجبار ساپی وایي: په دې وروستیو کې د افغانستان د شوړکاڼو صادارت، پاکستان، ترکیې، هندوستان، چین،هسپانیې او بریټانیا ته پیل شوي او هیله لرو، چې صادرات مو نور هم پراخ شي.

د کانونو او صنایعو خونې غړي وايي، چې  په افغانستان کې  د کانونو د ناقانونه کېندنې او استخراج  مخنیوي شوی؛ خو  که د کان کېندنې لپاره نوې او آسانه پالیسۍ جوړې شي،  په دې سکتور کې به ډېره پانګه جذب شي.

نوموړي ویلي: په کابل کې د اسلامي امارت له بیا واکمنېدو سره په ډېرو برخو کې د کانونو پر ناقانونه استخراج او قاچاق بندیز رامنځ ته شوی؛ خو باید قانوني کارونو ته يي هڅې چټکې شي.

د اقتصادي  چارو کارپوهان هم له اسلامي امارته غواړي، چې د کانونو په برخه کې د خصوصي سکتور د پانګونې د جذب بهیر پراخه کړي.

د اقتصادي چارو کارپوه تاج محمد تلاش وایي: د هېوادنیو کانونو استخراج کولی شي په هېواد کې تر یوه بریده اقتصاډي ثبات رامنځته کړي. هیله ده، چې اسلامي امارت دې سکتور ته خپله پاملرنه پراخه کړي؛ ځکه دا سکتور په هېواد کې د کار په رامنځته کولو کې ډېر اړین دی.

د امریکا د پراختیايي اداري لخوا د شوې سروې له مخې په افغانستان کې د درې ټریلیون ډالرو پر ارزښت کانونه شته، چې استحراج به یې د افغانستان اقتصادي بحران پای ته ورسوي او افغانستان به د صنعتي هېوادونو د سیالۍ ډګر ته ودروي.

Continue Reading

Trending

آریانا نیوز: ټول حقونه خوندي دي