Connect with us

تازه خبرونه

لویه څارنوالۍ ۳ تنو غلو ته د شديدو مجازاتو غوښتونکې ده

Ariana News

خپور شوی

 په

(Last Updated On: وږی ۱۰, ۱۳۹۳)

vlcsnap-2014-09-01-21h39m03s74

لویه څارنوالۍ وایی، چي هغه دری تنه، چی د پغمان په ولسوالی کی یی له یوه کورنی څخه غلا او پر ښځویی جنسی تېری کړی دوسی یی لوی څارنوالی ته را رسېدلی او تر جدی څېړنو وروسته به تر دوه اوونیو پوری به خپل څېړنی بشپړ او محاکمو ته وړاندی کړی.
د کابل یو شمېر اوسېدونکي د شپی لخوا د غلا سړي تښتونې او نا امنیو د پراخېدو له امله سر ټکوي دوی وایی، چی په ډېر ډار سره خپل ژوند مخ ته بیایی او هېچ د مصئونیت احساس نکوي.
دا خلک له دولت څخه غوښتنه کوي، چی اړوند کسان، چی په دې تور نیول کېږی باید شدید مجازات شي تر څو نورو خلکو ته د عبرت وړ وګرځی.
د کابل ښار په ورستئ پېښه کی د یوۍ کورنیو څخه د غلا تر څنګ د ښځو سره د زوریاتی او جنسی تېری هم شوی دی.
لوی څارنوالۍ ویاند عبدالبصیر عزیزي وایی، چی د دغه تورنو کسانو دوسیه دوی ته را لېږل شوې او تر دوه اوونیو پوری به خپله څیړنه بشپړه او محاکمو ته وړاندې کړي.
همداراز د لویی څارنوالۍ ویاند زیاتوي، چی تر ۵ زره تورن کسان د دوی تر تعقیب لاندې دي، خو پولیس تر اوسه ندی توانیدلی چی دا کسان ونیسی.
دا په داسی حال کی دی، چی د ولسمشری ټاکنی ځند او جنجالي بهیر د دې لامل شوی، چی امنیتی حالات ورځ تر بلې خراب او خلک یی له راز راز ستونزو سره لاس او ګریوان کړي د ي.

Continue Reading
Advertisement

تازه خبرونه

ولسمشر غني په بامیان ولایت کې د حکومت د رهبرۍ ځانګړې امنیتي ناسته ترسره کړه

Ariana News

خپور شوی

په

توسط

(Last Updated On: وږی ۳۰, ۱۳۹۹)

ولسمشر اشرف غني نن سهار د یو لوړپوړي حکومتي پلاوي په مشرۍ د بامیان ولایت د عمومي وضعیت د ارزولو په موخه یاد ولایت ته سفر وکړ. 

په دغه سفر کې د ولسمشر لومړي مرستیال امرالله صالح، د جمهوري ریاست دوه یم مرستیال استاد سرور دانش، د ملي امنیت سلاکار داکتر حمدالله محب او یو شمېر نور لوړپوړي امنیتي چارواکي د ولسمشر متلیا کړې ده.

ولسمشر اشرف غني او ورسره مل پلاوي ته په شهید مزاري هوایي ډګر کې د بامیان والي، ټولو سیمه ییزو مسوولینو او د ولایتي شورا غړیو هرکلی کړی دی.

وروسته د حکومت د رهبرۍ ځانګړې امنیتي ناسته، چې په کې د ملي امنیت سلاکار او د امنیتي سکتور مسوولینو حضور درلود، جوړه شوه.

په دې غونډه کې د هېواد عمومي امنیتي وضعیت وارزول شو او پر امنیتي پلانونو، عملیاتو، د دښمن د ګواښونو د دفع کولو، د امنیتي او دفاعي ارګانونو پر شته ننګونو او وړتیاوو بحث او خبرې وشوې.

د امنیتي او دفاعي ارګانونو مسوولینو د ځواکونو د ځای پرځای کولو په اړه خپل راپورونه وړاندې کړل او د ولسوالیو په سطحه یې د حکومتولۍ د پراختیا او د لازیاتو خدمتونو وړاندې کولو غوښتنه وکړه.

ولسمشر اشرف غني پر امنیتي او دفاعي لومړیتوبونو د ټینګار تر څنګ ویلي، چې د خلکو ساتنې او د انکشافي پروژو امنیت ته دې جدي پاملرنه وشي او د امنیتي او دفاعي ارګانونو انکشافي او اصلاحي برنامې دې پلې شي.

 نوموړي همدا راز د لویو لارو د امنیت پر خوندي کولو، د دښمن د اخاذیو پر مخنیوي او په امنیه قومندانیو کې د وړتیا او معیار پر بنسټ پر بدلونونو له ټینګار سره – سره څرګنده کړې: هغه امنیتي او دفاعي منسوبین دې تقدیر شي، چې په خپلو هڅو کې یې له ځانه وړتیا ښودلې ده.

Continue Reading

تازه خبرونه

په هند کې پر کرونا د اخته کسانو شمېر ۵.۴ میلیون څخه پورته شو

Ariana News

خپور شوی

په

توسط

(Last Updated On: وږی ۳۰, ۱۳۹۹)

په هند کې د کرونا ویروس ۹۲۶۰۵ نوې مثبتې پېښې ثبت شوي، چې ورسره پر دې ناروغۍ د اخته کسانو ټول شمېر له ۵.۴ میلیون ډېر شوی دی.

هندوستان د روان کال له اګست راپدیخوا هره ورځ د دغې ناروغۍ د مثبتو پېښو له ډېریدو خبر ورکړی دی.

د هند روغتیا وزارت د څرګندونو له مخې؛ په تېرو څلیریشت ګړیو کې ۱۱۱۳ کسان له کرونا ویروسه مړه شوي دي، چې له دې سره د مړو ټول شمېر ۸۶۷۵۲ کسانو ته رسیدلی دی.

د هند یو حکومتي ساینس پوه بي بي سي ته ویلي، چې په ټول هېواد کې د کرونا ناروغي مخ په ډېریدو ده.

له ۱۷۰ ورځو راپدیخوا په هند کې پر کرونا ویروس د اخته کسانو شمېر یو میلیون ته لوړ شوی؛ خو په وروستیو ۱۱ ورځو کې یو میلیون مثبتې پېښې ثبت شوې دي.

بي بي سي راپور ورکړی، چې تر دې دمه په هندوستان کې له ۵۰ میلیون د ډېرو خلکو د کرونا ویروس پېښې کتل شوي او هره ورځ له یو میلیون ډېرې بېلګې په دغه هېواد کې کتل کیږي؛ خو اوس هم په نړۍ کې دا ټیټ ثبت شوی شمېر ګڼل کیږي.

د راپورونو له مخې؛ اپیدمیولوژیسټانو ویلي، چې په هند کې پر کرونا ویروس د اخته کسانو شمېر له دې ډېر لوړ دی.

Continue Reading

تازه خبرونه

د حکومت او طالبانو د سولې خپلمنځی خبرې به آسانه نه وي – یاماموتو

Ariana News

خپور شوی

په

توسط

(Last Updated On: وږی ۳۰, ۱۳۹۹)

د یوناما پخواني استازي تادامیچي یاماموتو ویلي، چې د حکومت او طالبانو ترمنځ د مهمو مسلو په اړه اختلافاتو ته په کتو؛ په قطر کې د سولې روانې خبرې به آسانه نه وي.

یاماموتو ټینګار کړی، چې که دې خبرو اترو وخت هم ونیو؛ دواړه خواوې باید یوې هوکړې ته د رسیدو لپاره خبرې روانې وساتي.

یاماموتو، چې د روان کال تر مارچ پورې په افغانستان کې د ملګرو ملتونو د مرستې د ماموریت استازیتوب کاوه؛ مینې چي ورځپاڼې ته ویلي، چې دا لومړی ګام دی؛ ځکه له ۱۹۷۹کال څخه، چې د افغان ـ شوروي جګړه راپیل شوې تر دې دمه روانې جګړې وضعیت دېر پېچلې کړی دی.

هغه ویلي، چې د سولې پر لوري دا خبرې یو تاریخي ګام دی؛ ځکه، چې طالبانو تل له افغان حکومت سره مخامخ خبرې رد کړې وې.

هغه وایي، چې دغه شېبه د ملګرو ملتونو په ځانګړي توګه د امریکا، پاکستان او قطر په ګډون د نړیوالې ټولنې د هڅو په برکت رامنځته شوې ده.

یاماموتو د خبرو پرمهال ویلي، چې په خبرو کې ګډ ټکي موندل په ځانګړي توګه په مهمو مسلو کې لکه د واک شریکولو، د حکومتدارۍ سیستم او بشري حقونو لکه د ښځو حقونه له ننګونو سره مخ دی.

هغه زیاته کړې: که څه هم په ۲۰۰۱ کال کې طالبانو خپل واک له لاسه ورکړ؛ خو بیا هم دوی ځان د افغانستان اسلامي امارت بولي او باور لري، چې په هېواد کې له حکومتي مشروعیته برخمن دي.

نوموړي ویلي؛ کیدی شي طالبان د اماراتي نظام غوښتنه ولري او حکومت پر جمهوري نظام ټینګار وکړي.

یاماموتو دا هم په ډاګه کړې، چې که څه هم طالبانو ویلي؛ دوی د اسلام له نظام سره د ښځو حقونو ته درناوی لري، خو اوس هم څرګنده ند او مونږ نه پوهیږو، چې دوی یې څومره مني.

د یاماموتو د څرګندونو له مخې؛ په ځینو مهمو مسلو د دواړو خواوو تر منځ ډېر اختلاف موجود دی، خو د خبرو د بریالیتوب لپاره زغم ته اړتیا ده.

د نوموړي ویلي؛ هغه مهال، چې دی په افغنستان کې د یوناما استازی و د طالبانو سیاسي پلاوي په دوحه کې له ور سره په  ۰برو کې ویلي وه، چې طالبان له تېرو وختونو زدکړه لري او بدل شوی دي.

Continue Reading

Trending