Connect with us

تازه خبرونه

لویدیځ دې له اسلامي امارت سره همکاري وکړي – قطر

خپور شوی

د

قطري چارواکو په ډاګه کړې؛ د قطر حکومت له غربي چارواکو غوښتي، چې له اسلامي امارت سره اړیکې زیاتې کړي او که نه په افغانستان کې به افراطیت وده وکړي.

فایننشل ټایمز نن (یکشنبه د غبرګولي ۸) د قطر د بهرنیو چارو د وزیر محمد بن عبدالرحمن آل ثاني له قوله څرګنده کړې: په داسې حال کې، چې لویدیځ پر اسلامي امارت بندیزونه لګولي؛ د افغانستان وضعیت یوازې د ټولنو له لارې نشي څارلی.

هغه ویلي؛ مونږ به د افراطیت ډېرېدل او یو اقتصادي بحران وګورو، چې لا دمخه پیل شوی او دا کار به به خلک نور هم افراطي په جګړو کې ښکېل کړي.

شیخ محمد زیاته کړې: که نړیواله ټولنه له افغانستان څخه د امریکا له وتلو وروسته له اسلامي امارت سره زیاته همکاري کړې وای؛ ښايي د نورو سخت دریځو اسلامپالو کړنو مخنوی شوی و.

قطر یو له هغو هېوادونو څخه دی، چې له اسلامي امارت سره اړیکې لري او له اسلامي امارت سره د امریکا او د هغې د اروپايي متحدینو ترمنځ د خبرو اترو منځګړی یادیږي.

د راپور د څرګندونو له مخې؛ شیخ محمد د اسلامي امارت له لوري د نجونو د لوړو ټولګیو د ښوونځیو پر ځنډولو هم نیوکه کړې ده.

هغه ويلي: مونږ باور لرو، چې د تعامل او همکارۍ له ډېرېدو سره به دا کار نه وای شوی. اوس دا ډېره مهمه ده، چې د وضعيت د خرابېدو مخه ونیسو او که نه په افغانستان کې به له ډېر ګډوډ حالت سره مخ شو.

شیخ محمد زیاته کړې؛ په دوحه کې د اسلامي امارت او لویدیځ تر منځ خبرې شوي، خو تر اوسه څرګنده نده، چې د افغانستان په اړه د دوی نظر څه دی؟!

هغه وایي: دا هغه څه دي، چې مونږ يې نلرو. که مونږ د يوې روښانه لارې نقشه ولرو، لږ تر لږه به هر اړخ خپل مسووليت وپېژني. دا به د پرمختګ يوازنۍ لار وي.

هغه وویل، چې نړیواله ټولنه باید په "اقتصادي جبهه" کې برخه واخلي، چې په حکومت کې وړتیا او ظرفیت رامنځته، کارونه پیدا او په وده او پرمختګ کې ورسره  مرسته وشي او په افغانستان کې د تلپاتې سولې ډاډ رامنځته او د "ټولو اړخونو" سره اړیکې وده وکړي.

له اسلامي امارت سره د مالي مرستو د برابرولو په اړه، هغه وویل، چې «متقابل تدبیرونه» او «د څارنې یو دقیق میکانیزم باید موجود وي، چې له حکومت سره مالي مرستې وشي.

د نوموړي د څرګندونو له مخې که له اسلامي امارت سره مرستو او همکارۍ ته زمینه برابره نشي؛ دا کار به تاوتریخوالی او ډله ییزه کډوالي رامنځته کړي.

تازه خبرونه

اسلامي امارت له هیچا سره دښمني او جګړه نه غواړي- مولوي عبدالکبیر

مولوي عبدالکبير زياته کړې، چې هيڅوک نشي کولى په افغانستان کې د فشار له لارې خپلې موخې ترلاسه کړي.

Published

on

د ریاست الوزراء سیاسي مرستیال ويلي؛ د خاورې او خلکو ساتنه او دفاع د نظام دنده ده او اسلامي امارت له هیچا سره دښمني او جګړه نه غواړي؛ د افغانستان ثبات د سیمې او نړۍ ثبات دی.

مولوي عبدالکبير زياته کړې، چې هيڅوک نشي کولى په افغانستان کې د فشار له لارې خپلې موخې ترلاسه کړي.

مولوی عبدالکبیر وایي: اوسمهال اسلامي امارت د جګړې او سیاست په ډګر کې ښه پرمخ روان دی. مونږ له هیچا سره جګړه او دښمني نه غواړو، بلکې د خپلو خلکو او خاورې د ساتنې او دفاع مسوولیت لرو.

هغه ویلي، چې اسلامي امارت په سیمه او نړۍ کې سوله غواړي او هیوادونه باید اسلامي امارت په کورني سیاست کې پرناکامۍ او په سیمه کې د نظم خرابولو تورن نکړي.

نوموړي همدا راز ویلي، چې اسلامي امارت د آبادۍ او ځان‌بسیاینې په لاره کې هیڅ ډول خنډ نه مني او په دې برخه کې خپلو هڅو ته دوام ورکوي. که څه هم ځینې هېوادونه د افغانستان پرمختګ او پرمختیا نشي زغملای.

د بهرنيو چارو وزارت سياسي مرستيال څرګنده کړې، چې اسلامي امارت غواړي د سترو سيمه‌ييزو پروژو له پلي کولو سره په سيمه کې ثبات رامنځته کړي.

Continue Reading

تازه خبرونه

جنوبي کوریا په افغانستان کې له اړمنو کورنیو سره ۵ میلیون ډالر مرسته وکړه

دا مرسته به د  نړیوال پروګرام ته دا وس ورکړي، چې زیانمنونکیو کورنیو ته بېړنۍ خوراکي مرستې چمتو کړي؛ د میندو له تغذیې ملاتړ وکړي، په ښوونځیو کې ماشومانو ته ورځني اړین خواړه ووېشي او په کلیوالو ټولنو کې د معیشت او انعطاف رامنځته کولو فعالیتونه پیاوړي کړي.

Published

on

په افغانستان کې د ملګرو ملتونو د خوړو نړیوال پروګرام ویلي، چې جنوبي کوریا په دې هېواد کې له اړمنو کورنیو سره ۵ میلیون ډالر مرسته کړې ده.

دا مرسته به د  نړیوال پروګرام ته دا وس ورکړي، چې زیانمنونکیو کورنیو ته بېړنۍ خوراکي مرستې چمتو کړي؛ د میندو له تغذیې ملاتړ وکړي، په ښوونځیو کې ماشومانو ته ورځني اړین خواړه ووېشي او په کلیوالو ټولنو کې د معیشت او انعطاف رامنځته کولو فعالیتونه پیاوړي کړي.

د دغه راپور له مخې؛ دا مرستې په داسې وخت کې کېږي، چې په افغانستان کې د نفوسو یو پر درېیمه برخه یا شاوخوا ۱۵ میلیون وګړي، چې د خوړو د خوندیتوب له سخت بحران سره مخ دي.

په راپور کې راغلي: « په افغانستان کې ژمی وحشیانه دی. د کار او خواړو پرته، کورنۍ د یو ناممکن انتخاب سره مخ دي،چې کورونه تاوده کړي که ماشومان له لوږې وژغوري."

د افغانستان لپاره د سویلي کوریا د سفارت چارسمبالی مون سونګ‌هوان ویلي: " اوسمهال د افغانستان د نفوس یو پر درېیمه برخه - نږدې ۱۵ ملیون وګړي - وږي دي او د ژوندي پاتې کیدو لپاره خوراکي توکو ته اړتیا لري. جنوبي کوریا د افغانستان له خلکو سره ولاړه او له اړمنو کورنیو سره مرستې ته ژمنه ده."

باید وویل شي، چې جنوبي کوریا په تېرو ۵ کلونو کې افغانستان ته د خوړو له نړیوال پروګرام سره ۳۶ میلیون ډالره مرسته کړې ده.

Continue Reading

تازه خبرونه

په کابل کې د شاه او عروس د اوبو بند ګټې اخیستنې ته وسپارل شو

له اقتصادي مرستیالۍ څخه په خپره شوې خبرپاڼه کې راغلي: ملا عبدالغني برادر په دې مراسمو کې د اوبو د ارزښت په اړه د خبرو پر مهال ویلي دي: نن ورځ په نړیوال سیاست او اړیکو کې پر اوبو د یو مهم اقتصادي عنصر په توګه بحث کېږي او په یوشمېر هېوادونو کې یې ارزښت له تېلو او ګران بیه کاني زېرمو هم لوړ دی.

Published

on

د هېوادوالو د هوساینې لپاره نن( د مرغومي یوولسمه ) د کابل ولایت په شکردره ولسوالۍ کې د څښاک پاکو او د کرنې لپاره د اړتیا وړ اوبو د برابرولو لپاره د شاه او عروس د اوبو بند  ګټې اخیستنې ته وسپارل شو، چې د برښنا پر تولید سربېره به د فردي اقتصاد او په ټوله کې د هېواد له ملي اقتصاد سره د پام وړ مرسته وکړي.

له اقتصادي مرستیالۍ څخه په خپره شوې خبرپاڼه کې راغلي: ملا عبدالغني برادر په دې مراسمو کې د اوبو د ارزښت په اړه د خبرو پر مهال ویلي دي: نن ورځ په نړیوال سیاست او اړیکو کې پر اوبو د یو مهم اقتصادي عنصر په توګه بحث کېږي او په یوشمېر هېوادونو کې یې ارزښت له تېلو او ګران بیه کاني زېرمو هم لوړ دی.

نوموړي زیاته کړې؛ له بده مرغه پر افغانستان د تپل شویو جګړو او یوشمېر کورنیو او بهرنیو عواملو له کبله په هېواد کې د دغه مهم اقتصادي عنصر د مدیریت لپاره اساسي پانګونه نده شوې او له همدې کبله د موسمي بارانونو او اقلیمي بدلونونو له وجې د زیاتو سېلابونو راوتلو پر مهال یوشمېر هېوادوالو ته د سر او مال زیان رسېږي.

د اوبو او انرژۍ وزارت چارسمبالي عبداللطیف منصور ویلي، چې د شاه او عروس بند د څه باندې ۵۳ میلیون امریکايي ډالرو پر ارزښت د دغه وزارت لخوا د اوبو د مدیریت او ښاریانو ته د څښاک د پاکو اوبو د برابرولو لپاره جوړ شوی دی.

ویل کیږي، چې شاه او عروس بند  ۷۸مټره لوړوالي لري؛ د ۹.۴میلیون مټرمکعب اوبو د زیرمه کولو وړتیا لري او شاوخوا ۳۵۰۰ هکټاره ځمکه به خړوبه او  ۱.۲میګاواټه برښنا تولید کړي.

 

Continue Reading
Advertisement

Trending

Copyright © 2024 Ariana News. All rights reserved!