Connect with us

تازه خبرونه

له ۸ میلیون ډېر افغان ماشومان بشري مرستو ته اړ دي

خپور شوی

 په

(Last Updated On: غبرګولى ۲۴, ۱۳۹۹)

له ماشومانو ملاتړ نړیوال بنسټ ویلي؛ د کرونا له خوریدا مخکې په افغانستان کې د اړو ماشومانو شمېر۵ میلیون و. په داسې حال کې، چې د ۲۰۲۰ کال له پیله تر دې دمه په دې شمېر کې درې میلیون ډېروالی راغلی دی.

کرونا د هغو ماشومانو لپاره ځانګړی ګواښ دی، چې کار کوي او له خځلو اړین توکي راټولوي؛ دوه میلیون ماشومان له سهاره تر ماښامه په واټونو کې د ډوډۍ د تر لاسه کولو پسې اړم دي.

د کرونا ناروغۍ ګواښ د ښار په واټونو کې ماشومان لږ نکړل، بلکې شمېر یې نور هم ډېر شو.

ماشومانو ویلي: بېوزلۍ اړ کړي او واټونو ته را وتي دي!

له ماشومانو ملاتړې نړیوالې ادارې ویلي؛ له کرونا وړاندې ۵،۲۶ میلیون افغان ماشومان بشري مرستو ته اړ ول او اوس دا شمېر ۸،۱۲ میلیون شوی. له دې ښکاري، چې کرونا د افغان ماشومانو پر زوندانه نېغ اغېز کړی دی.

د ماشومانو ملاتړ بنسټ ویانده مریم عطایي وایي: د کوویډ ـ ۱۹ له خوریدو سره له هرو ۱۰ ماشومانو ۵ بشري مرستو ته اړ شوي. سربېره پر دې د ۲۰۲۰ کال په بهیر کې له ۵ میلیون ډېر ماشومان بشري مرستو ته اړول؛ خو د کرونا ویروس له رامنځته کیدو سره دا شمېر۸،۱۲  ته پورته شو.

له ماشومانو نړیوال ملاتړ بنسټ د افغانستان له حکومت او نړیوالې ټولنې غواړي، چې ژر تر ژره په دې اړه خپلې هڅې پیل کړي.       

د کار او ټولنیزو چارو وزارت د اړوند بنسټ بر څرګندونو نیوکه کوي او د دغو ماشومانو شمېر له دوه میلیون لږ ښیي او وایي، د واټ پر سر کارکوونکیو ماشومانو لپاره جدي پروګرامونه په پام کې لرو.

د کار او ټولنیزو چارو وزارت مرستیال غلام حیدر جیلاني وایي، په افغانستان کې نږدې شپږ میلیون  زیانمنونکي ماشومان شته او د کرونا په روان فصل کې یې هم د واټونو پرسر د ماشومانو راټولو ته ځانګړي تدابیر نیولي دي.

د کار او ټولنیزو چارو وزارت او په افغانستان کې د ملګرو ملتونو سازمان د څرګندونو له مخې؛ په هېواد کې له شپږ میلیون ډېر ماشومان موجود دي، چې ۳،۷ میلیون له زدکړو لیرې، له دوه میلیون ډېر کارګر ماشومان دي، چې ۱، ۲ میلیون یې درانده کارونه کوي، له سل زره ډېر ماشومان معلول دي او له سل زره ډېر ماشومان یتیمان او بی سرپرسته ثبت شوي دي.

د دې ترڅنګ د ایران د پلازمېنې تهران ښاروالۍ د روان کال په پیل کې ویلي وه؛ د هغو کارګرو ماشومانو نوملړ یې چمتو کړی، چې په پام کې ده افغانستان ته ولیږل شي. دوی د دې لامل د کرونا ویروس د خپریدو له ډېروالي وېره ښودلې وه.

تازه خبرونه

 پاکستان د بهرنیو چارو وزیر د یوه لوړ پوړي پلاوي په مشرۍ کابل ته راغلی

خپور شوی

په

توسط

(Last Updated On: تله ۲۹, ۱۴۰۰)

د پاکستان د بهرنیو چارو وزیر شاه محمود قریشي نن (پنجشنبه د تلې ۲۹) له افغان چارواکو سره د خبرو لپاره د یوه لوړ پوړي دولتي پلاوي په مشرۍ کابل ته راورسید.

د پاکستان د بهرنیو چارو وزارت په څرګندونه کې راغلي، چې قریشي به د افغانستان د بهرنیو چارو وزارت له چارسمبالي وزیر امیر خان متقي او نورو افغان چارواکو سره وویني.

د یادې سرچینې په خبرپاڼه کې راغلي، چې د ناستې پر مهال به پر دوه اړخیزو اړیکو سربېره د بېلابېلو برخو د همکاریو پر پراختیا خبرې وشي.

دغه راز څرګنده شوې: د بهرنیو چارو وزیر به له دې رامنځته فرصت څخه په سیمه کې د سولې او ثبات په اړوند مسلو کې د پاکستان د اندونو د شریکولو لپاره ګټه پورته کوي. پاکستان، د یوه ورور ګاونډ په توګه تل د افغانستان تر څنګ ولاړ دی.

د پاکستان د بهرنیو چارو وزارت زیاته کړې، چې د کرونا ویروس تر پروتوکول لاندې د دواړو هېوادونو ترمنځ سوداګرۍ او ټرانزیټ لپاره لارې خلاصې دي.

دغه وزارت وايي، چې د افغانانو او سوداګریزو چارو د تګ او راتګ لپاره ترتیبات نیول شوي دي.

پاکستان څرګنده کړې: په وروستیو میاشتو کې پاکستان د خواړو او درملو بشري او نورې مرستې کړې دي.

دغه راز ویل شوي، چې د بهرنیو چارو د وزیر سفر د ورور افغانستان له خلکو څخه د پاکستان د ثابت سیاست او ملاتړ ښکارندوي، دوه اړخیزې سوداګرۍ او اقتصادي اړیکو پیاوړي کولو او د خلکو ترمنځ نږدې اړیکو آسانولو لپاره تر سره کیږي.

خپاره شوي انځورونه ښيي، چې د افغانستان د بهرنیو چارو وزارت چارسمبالی د قریشي پر مشرۍ راغلي پلاوي ته ښه راغلاست وایي او دغه راز له پاکستان څخه په راغلي پلاوي کې د استخباراتو پخوانی مشر جنرال فیض حمید هم لیدل کیږي.

Continue Reading

تازه خبرونه

د مسکو ناستې ګډونوالو له افغانستان سره خپلې ژمنې بیا تایید کړې

خپور شوی

په

توسط

(Last Updated On: تله ۲۹, ۱۴۰۰)

د افغانستان په اړه د مسکو مشورتي غونډې ګډونوالو د پنجشنبې پر ورځ په یوه اعلامیه کې په ډاګه کړې، چې دوی د افغانستان حاکمیت، خپلواکۍ او ځمکنۍ بشپړتیا ته پوره درناوی لري او له دې هېواد سره پر ډېرو نورو عملي همکاریو ټینګار کوي.

د روسیې، چین، پاکستان، ایران، هند، قزاقستان، قرغزستان، تاجکستان، ترکمنستان او ازبکستان د ځانګړیو استازیو لخوا په یوه ګډه اعلامیه کې ویل شوي، چې ټولو خواوو له افغانستان سره د یوه سوله ییز، نه وېشل کېدونکي، خپلواک او له اقتصادي پلوه مخ پر ودې حکومت په توګه ټینګار ټینګار څرګند کړ او غواړي، چې دا هېواد باید له ترهګرۍ او مخدره توکو پاک او د بشري حقونو درناوي ته په کې زمینه برابره شي.

دا غونډه د چارشنبې پر ورځ  د تلي پر ۲۸ په مسکو کې جوړه شوه د افغانستان د اسلامي امارت د لومړي وزیر د مرستیال عبدالسلام حنفي او ورسره د مل پلاوي په ګډون د ۱۰ نورو هېوادونو استازیو ونډه لرله.

په خبرپاڼه کې راغلي، چې په روان نوي څپرکي کې له افغانستان سره عملي همکارۍ ته اړتیا ده.

د غونډې ګډون کوونکیو هېوادونو د اسلامي امارت له مشرانو وغوښتل، چې د حکومت ښه کولو لپاره نور ګامونه هم پورته او یو رښتینی ټولمنلی حکومت رامنځته کړي، چې په هېواد کې د ټولو سترو قومي-سیاسي ځواکونو ګټې په مناسبه بڼه وځلوي.

په اعلامیه کې راغلي: دا کار به په افغانستان کې د ملي پخلاینې د بشپړیدو لپاره یو بنسټیز شرط وي.

د مسکو د غونډې ګډونوالو د افغانستان له اسلامي امارته غوښتي، چې معتدل، سالم داخلي او بهرني سیاستونه پلي او د ګاونډ هېوادونو پر وړاندې دوستانه پالیسي غوره کړي، د تلپاتې سولې، امنیت، خوندیتوب او اوږدمهاله سوکالۍ ګډ اهداف ترلاسه کړي او د قومي ډلو، ښځو او ماشومانو حقونو ته درناوی وکړي.

دغه راز څرګنده شوې، چې په افغانستان کې د ترهګرو سازمانونو د فعالیتونو په اړه د رامنځته شویو  اندېښنو د مخنیوي لپاره باید په افغانستان کې د امنیت او ثبات د ودې لپاره لیوالتیا او ژمنې یو ځل بیا ډاډمنې شي.

په اعلامیه کې راغلي: د غونډې برخوال خوښ دي، چې د افغانستان د سرپرست حکومت لخوا نورو هېوادونو ته د ګواښ نه پېښودو ډاډ رامنځته شوی دی.

په افغانستان کې له تېر حکومته پاتې اقتصادي او بشري ناورین اوسني حکومت ته اداري ستونزې رامنځته کړي، چې نړیواله ټولنه باید له افغان ولس سره بیړنیو بشري او اقتصادي مرستو ته زمینه برابره او هراړخیزې عملي هڅې ګړندۍ کړي.

Continue Reading

تازه خبرونه

په هرات کې يو ډاکټر د انسان تښتوونکیو له منګولو آزاد شو

خپور شوی

په

توسط

(Last Updated On: تله ۲۹, ۱۴۰۰)

د افغانستان اسلامي امارت وايي، چې په هرات ولایت کې استخباراتي ادارو یو ډاکټر د تښتوونکیو له منګولو آزاد کړی دی.

د هرات والي عبدالقیوم روحاني ویلي، چې دغه ډاکټر شرف الدینه یوه اوونۍ مخکې د هرات له ښاره تښتول شوی و او د دغه ولایت په ګوزره ولسوالۍ کې د سړي تښتوونکیو له خوا ساتل کېده.

د نوموړي د څرګندونو له مخې؛ د دې پېښې په تړاو څلور کسان نيول شوي، چې تر پلټنو لاندې دي.

د هرات والي ټینګار کوي، چې د اسلامي امارت ځواکونه د دغه راز پېښو د له منځه وړلو لپاره کار کوي.

Continue Reading

Trending

آریانا نیوز: ټول حقونه خوندي دي