Connect with us

تازه خبرونه

له غني او کرزي سره مې د همغږۍ هوکړه بې پاملرنې پاتې ده – حکمتیار

Ariana News

خپور شوی

 په

(Last Updated On: May 31, 2021)

د حزب اسلامي مشر ګلبدین حکمتیار ویلي؛ حکومت بریالی شوی ندی، چې د سولې د همغږۍ او پرېکړې یو بنسټ رامنځته کړي.

د حزب اسلامي مشر ګلبدین حکمتیار ویلي؛ که څه هم ولسمشر غني د سولې په تړاو د هغه ټول وړاندیزونه او طرحې ومنلې؛ خو پلې شوې ندي.

د حزب اسلامي مشر یوې خبرې ناستې ته څرګنده کړې، چې له ولسمشر غني او حامد کرزي سره یې په یوه درې اړخیزه ناسته کې د لنډمهاله حکومت، د استانبول غونډې ته د یوې واحدې طرحې، د پرېکړه نیوونکې عالي شورا جوړښت، د طالبانو او حزب اسلامي د زندانیانو پر خوشي کېدو او دارنګه پر ټاکنو او اوربند هوکړه کړې ده.

د حزب اسلامي رهبر خبرداری ورکوي، چې که دغه هوکړې عملي بڼه غوره نکړي؛ د هغه ګوند به په خپله د سولې او د افغانستان د راتلونکې په تړاو لاس په کار شي.

ولسمشرۍ ماڼۍ د دې هوکړې په تړاو تر دې مهاله څه ندي ویلي.

حکمتیار وایي: زه له دې ناستې تش لاس نه یم راوتلی. که څه هم په لومړیو کې ولسمشر د استانبول ناستې په اړه مثبت نظر نه درلود او غوښتل یې، چې دا ناسته باید په کابل کې ترسره شي.

د حزب اسلامي مشر د دولت عالي شورا ته په نغوته او اشاره ویلي؛ د دې شورا جوړښت باید داسې وي، چې د افغانستان په سوله او جګړه کې ښکېلې خواوې ترې برخمنې  شي او له ټولو صلاحیتونو برخمن وي.

د حزب اسلامي مشر چلبدین حکمتیار وایي: عالی شورا په تشکیل کې باید د اووه اړخونو مشران، چې د افغانستان د سولې او جنګ بنسټیز اړخونه پاتې دي؛ د سولې په اړه باید پرېکړه کوونکې ومنل شي.

د هغه په خبره، ولسمشر باید په دې شورا کې د حکومت د استازي په توګه برخه ولري.

له دې مخکې د حزب جمعیت اسلامي او جنبش اسلامي په ګډون نورو سیاسي څېرو د دولت عالي شورا پر جوړښت نیوکه کړې وه او څرګنده کړې یې وه، چې دا شورا د پرېکړې صلاحیت نلري.

ولسمشرۍ ماڼۍ د دې هوکړو په تړاو څه ندي ویلي؛ خو ټینګار یې کړی، چې ولسمشر غني د سولې په تړاو د کورنۍ اجماع د پیاوړتیا لپاره له حکمتیار او حامد کرزي سره کتلي دي.

د حزب اسلامي رهبر په دې وروستیو کې د یوشمېر ولسوالیو او پوستو سقوط هم توطیه وګڼله او زیاته يې کړه، چې د دې کار موخه د طالبانو او حزب اسلامي د غړیو ترمنځ د جګړې رامنځته کول دي.

د یادونې ده، چې د افغانستان دفاع وزارت د حکمتیار دا څرګندونه رد کړی او هغه یو تور بولي.

تازه خبرونه

امریکا په افغانستان کې حالات بشپړ ګډوډ کړي – عمران خان

Ariana News

خپور شوی

په

توسط

(Last Updated On: July 28, 2021)

د پاکستان لومړي وزیر عمران خان د افغانستان په اړه د امریکا پر پالیسۍ نیوکه کړې او څرګندوي، چې واشنګټن “په افغانستان کې وضعیت ګډوډ کړی دی.

د پاکستان لومړي وزیر له یوې لویدیځې رسنۍ سره په مرکه کې د افغان حکومت او امریکا پام دې ته رااړولی، چې اوس؛ نو له طالبانو سره د روغې جوړې لپاره د خبرو اترو وخت تېر شوی دی.

عمران خان پدې باور دی، چې له افغانستان څخه د نړیوالو ځواکونو د وتو لپاره د نېټې ټاکلو؛ طالبان پخپل بریالیتوب باوري کړي او دا ډله د خبرو له لارې روغه نکوي.

دی ټینګار کوي، چې امریکا او ناټو نور په افغانستان کې سلا مشورې له لاسه ورکړي دي.

د پاکستان لومړی وزیر عمران خان وایي: هغه وخت، چې امریکایانو د وتلو نېټه وټاکله؛ طالبانو فکر وکړ، چې هغوي بریالي شوي، نو اوس له هغوی سره روغه سخته شوې ده. یوې سیاسي حل لارې ته د هغوی اړ ایستل ډېر ستونزمن شوي؛ ځکه طالبان  فکر کوي، چې د جګړې د ډګر ګټونکي دي.

عمران خان ویلي؛ د افغانستان لپاره ښه پایله دا ده، چې له سیاسي لارې یو نظام جوړ شي. ښکاره ده، چې طالبان د هغه دولت یوه برخه ده. که یوه کورنۍ او اوږد مهاله جګړه شتون ولري؛ د پاکستان له نظره دا به په افغانستان کې بد حالت وي.

د پاکستان د لومړي وزیر دا خبرې افغاستان ته جنجالي شوي. په داسې حال کې، چې کابل له طالبانو غواړي، چې د یوې سیاسي حل لارې د پیدا کېدو لپاره باید دا ډله شین څراغ ښکاره کړي.

اسلام آباد باور لري، چې له طالبانو سره ګډ نظام د اوسنۍ ستونزې حل لار ده؛ خو بیا هم پاکستان وایي چې طالبان روغه نکوي.

په افغانستان کې د سولې او جګړې د جنجالونو په اوج کې د طالبانو یو نهه کسیز پلاوی د طالبانو د سیاسي مرستیال او د  قطر دفتر د مشر ملا عبدالغني برادر په مشرۍ چین ته تللی، چې د هغه هېواد له چارواکو سره د افغانستان پر حالاتو خبرې وکړي.

طالبانو د سیاسي دفتر ویاند محمد نعیم ویلي، چې د طالبانو نهه کسيز پلاوی د سیاسي مرستیال ملا عبدالغني برادر په مشرۍ چین ته په دوه ورځني سفر تللی او په افغانستان کې یې د روانو حالاتو او سولې بهیر په اړه خبرې کړې دي.

د نعیم د څرګندونو له مخې؛ چین ته د خپل سفر پرمهال ډاډ ورکړ شوی، چې د افغانستان خاوره به د هیڅ یو هېواد د امنیت پر ضد ونه کارول شي.

چین هم ژمنه کړې، چې د افغانستان له خلکو سره به خپلې همکارۍ روانې ساتي او د افغانستان په چارو کې به لاسوهنه نکوي، بلکې د ستونزو د حل او د سولې په راوستو کې به مرسته کوي.

دغه راز د پاکستان د بهرنیو چارو وزیر د سعودي عربستان د بهرنیو چارو له وزیر سره په لیدنه کې د افغانستان پر حالاتو بحث کړی.

نوموړي ویلي، چې په افغانستان کې حالات د بدلون په حال کې دي او دوی د دې هېواد مسئله له نږدې څاري.

د پاکستان د بهرنیو چارو وزیر شاه محمود قریشي وایي: مونږ پر وروستیو تحولاتو او په افغانستان کې پر روان حالت بحث درلود. په افغانستان کې د جګړې د شدت له کبله حالت د بدلون په حال کې دی؛ ننګونې مو په سم ډول درک کړې او پیدا مو کړه، چې فرصتونه مخکې لرو او دا په خپلو کې شریکوو.

دا خبرې په داسې حال کې مطرح کیږي، چې د افغانستان او پاکستان تر منځ کړکېچ په کم ساري ډول ډېر شوی؛ افغان حکومت اسلام آباد له ترهګرو څخه پر ملاتړ تورنوي؛ خو اسلام آباد وایي، چې دوی په افغانستان پر روان حالت ملامت ندي.

Continue Reading

تازه خبرونه

د سولې له هوکړې پرته به طالبان ګټور ونډوال نه وي –یوناما

Ariana News

خپور شوی

په

توسط

(Last Updated On: July 28, 2021)

په افغانستان کې د ملګرو ملتونو ځانګړې استازې ویلي، چې د سولې په خبرو کې له پرمختګ او د بشري حقونو د سرغړونو له مخنیوي پرته به طالبان ګټور ملګري او ونډوال نه وي.

د سپوتنیک د څرګندونو له مخې؛ د چارشنبې پر ورځ د زمري ۶ د جولای ۲۸ د افغانستان په ولسمشرۍ ماڼۍ کې د څارنې او همغږۍ ګډ بورډ ناستې ته د ملګرو ملتونو ځانګړې استازې ډیبرا لاینز ویلي، چې د سولې خبرې باید د افغانستان د پراخې ستونزې د حل لپاره رښتینې او ډاډمنې پیل شي.

ملګرو ملتونو ویلي، چې د څارنې او همغږۍ بورډ د ځانګړې ناستې موخه د نړیوالو مرستندویانو لپاره په افغانستان کې د روان بحران پېژندنه او د دې بحران د مدیریت لپاره د افغان حکومت پر ستراتیژیک لیدلوري ډاډمن کېدل؛ نومولې. لاینز په ګوته کړې، چې د افغانستان د مسلې یوازنی حل پر ډاډمنو خبرو د سولې رښتیني چټک بهیر دی.

نوموړې څرګنده کړې، چې د طالبانو لخوا د تاوتریخوالي او جګړو زیاتوالي دوی تر مسوولیت لاندې راوستي؛ ځکه، چې نړۍ د طالبانو هڅې له نږدې څاري.

هغې ویلي: نړیوال مرستندویان پر ښځو ظلم، د لږکیو پر وړاندې تبعیض، د نجونو د زدکړو نه منل او د یو مستبد حکومت له حکمونو ملاتړ نکوي.

ډیبرا لاینز په دې ناسته کې ویلي، چې ۱۸ میلیون افغانان بشري مرستو ته سخته اړتیا لري او اړتیاوو ته یې باید لومړیتوب ورکړ شي.

دې ټولنې له حکومت او نړیوالو ملاتړ کوونکیو هم غوښتي، چې د دې خلکو د اړتیاوو پوره کولو ته پوه پاملرنه وکړي.

هغې زیاته کړې: ملګري ملتونه د یو بې پرې بنسټ په توګه غواړي د افغانستان د خلکو تر څنګ ولاړ دی او له دې هېواد سره خپلې بشردوستانه مرستې روانې ساتي.

هغې ویلي، چې دغه ناسته په خورا بحراني حالت کې د بنسټیزو لاسته راوړنو د ساتنې لپاره ترسره شوې ده.

Continue Reading

تازه خبرونه

ایټالیا ته له ۲۰۰ د ډېرو افغان کډوالو لېږدوونکې کښتۍ ودرول شوه – ترکیه

Ariana News

خپور شوی

په

توسط

(Last Updated On: July 28, 2021)

د ترکیې ساحلي ساتونکیو د سې شنبې پر ورځ د زمري ۵ د جولای ۲۷ د یونان د لیسبوس جزیرې په لویدیځ کې د عملیاتو پروخت ایټالیا ته د ۲۳۱ افغانن کډوالو لېږدوونکې کښتۍ ودرول شوه.

د ترکیې ساحلي ساتونکيو او د مهاجرت نړیوالې ټولنې د چارشنبې پر ورځ د زمري ۶ د جولای ۲۸ رویټرز ته څرګنده کړې، چې ۲۰۸ افغان کډوال له اسنادو پرته ایټالیا ته پر لاره نیول شوي دي.

دغه راز د ترکیې ساحلي ساتونکيو ویلي، چې په کښتۍ کې سپاره دوه ترکي وګړې یې نیولي او افغان کډوال یې خپل هېواد ته د بېرته ستنولو لپاره د ترکیې د لویدیځ ایوواچیک ښارته ولېږدول.

په افغانستان کې مخ پر ډېرېدونکي تاوتریخوالي یو شمېر افغانان اړ کړي، چې له ایران سره د ترکیې پر سویل ختیځې پولې واوړي او د ترکیې له لارې ځانونه نورو هېوادونو ته ورسوي؛ خو په ترکیه کې زندان ته د تلو په ګډون له دردوونکیو پېښو سره مخ او بیا بېرته خپل هېواد ته رااستول کیږي.

Continue Reading

Trending

آریانا نیوز: ټول حقونه خوندي دي