Connect with us

کوید۱۹

له تېرو ۲۴ ګړیو راپدیخوا د کرونا ویروس ۲۰۶ مثبتې پېښې ثبت شوي

خپور شوی

 په

(Last Updated On: غویی ۸, ۱۴۰۰)

د عامې روغتیا وزارت نن (چهارشنبه د غویی ۸) څرګنده کړې، چې له تېرو۲۴ ګړیو راپدیخوا په ټول هېواد کې د کروناویروس ۱۸۷۷ پېښې کتل شوي، چې ۲۰۶ یې مثبتې دي.

د روغتیا وزارت د څرګندونو له مخې؛ په همدومره وخت کې پر ویروس اخته اووه کسان مړه شوي او ۱۸۰ نور رغېدلي دي.

یاد وزارت په ډاګه کړې؛ له ۲۰۶ مثبتو پېښو څخه په ننګرهار کې ۷۸، په کندهار کې ۳۴، په کابل کې ۲۰، په خوست کې ۱۵، په بلخ کې ۶، په تخار کې۲، په پکتیا کې ۶، په پروان کې ۹، په میدان وردګ کې ۱۳، په کې کونړ کې یوه، په لغمان کې ۹، په پنجشېر ۲، دوه په زابل کې ۲ او په نورستان کې ۶ مثبتې پېښې ثبت شوي دي.

روغتیا وزارت دا هم ویلي، چې د دغو پېښو له ثبت سره د مثبتو هغو شمېر ۵۹۵۷۶ ته رسیدلی او د مړینې  شمېر ۲۶۱۸ ته رسیدلی دی.

د عامې روغتیا وزارت چارسمبالي وحید مجروح ویلي، چې دمګړۍ د کرونا ویروس د خپریدو د مخنیوي پر محدودیتونو لګولو کار روان دی.

مجروح ویلي، چې دا مسله د حکومت او امنیت شورا له مشرتابه سره تر بحث لاندې نیول شوې؛ خو تر دې دمه پدې اړه پرېکړه نده شوې.

کوید۱۹

د کورونا له کبله د چین په شمال ختیځ کې یو ښار نیم قرنطین شو

خپور شوی

په

توسط

(Last Updated On: تله ۱, ۱۴۰۰)

چینایي چارواکو د تېر یوه کال راپدیخوا د چین په هاربین ښار کې د کرونا ویروس د یوې پېښې له ثبت وروسته؛ دا ښار نیم قرنطین کړی دی.

د چین د روغتیا ملي کمیسیون نن (چارشنبه د وږي ۳۱ / د سپتمبر ۲۲) ویلي، چې د هیلونګ جیانګ ولایت په هاربین ښار کې د کرونا ویروس له هرو ۱۶ پېښو څخه د درې مثبتو راپور ورکړ شوی دی.

د دغه ۱۰ میلایوني ښار چارواکو اعلان کړی، چې دوی به په ښار کې د کرونا ویروس د کتنې او آزمونې لومړی پړاو بشپړ کړی او له خلکو یې غوښتي، چې د آزموینې او کتنې د پایلو تر په ډاګه کېدو پورې دې له کور وتلو څخه دې ډډه وکړي.

دې ښار مخکې هم خپلو وګړیو ته ویلي، چې له نااړینو سفرونو څخه دې ډډه وکړي او هغه کسان، چې له ښاره وځي؛ باید له وتلو ۴۸ ګړۍ مخکې دې خپله کرونا ټسټ کړي.

دولتي تلویزیون د سې شنبې پر ورځ راپور ورکړ، چې سینماګانې، د بدني روزنې مرکزونه او بېلابېل تالارونه هم تړل شوي او سیاحتي برخو ته هم امر شوی، چې د لیدونکیو د شمېر کچه راټیټه کړي.

Continue Reading

کوید۱۹

د م.م په عمومي ناسته کې د برازیلي روغتیا وزیر کرونا کتنه مثبته اعلام شوه

خپور شوی

په

توسط

(Last Updated On: وږی ۳۱, ۱۴۰۰)

د رویټرز د څرګندونو له مخې؛ د سې شنبې پر ورځ د ملګرو ملتونو په عمومي غونډه کې د برازیل د روغتیا وزیر مارسلو کوئیروګا کرونا کتنه مثبته اعلام شوه.

رویټرز راپور ورکړی، چې نوموړی په نیویارک کې قرنطین شوی دی.

دغه راز څرګنده شوې، چې: کوئیروګا د کرونا ویروس دوه پړاوه واکسین هم تر لاسه کړي  او دا دوه یم برازیلي دی، چې په نیویارک کې یې د کرونا ویروس کتنه مثبته اعلام شوې ده.

د راپور له مخې؛ کوئیروګا ویلي، چې هغه د ملګرو ملتونو په ودانۍ کې هر وخت ماسک اغوستی و؛ خو دا وېره هم شته، چې د یادې ورځې د غونډې ګډونوال به هم له نوموړي پر کرونا ویروس اخته شوې وي.

د برازیل حکومت اعلام کړی، چې د کوئیروګا روغتیایي حالت ښه دی او د قرنطین پړاو به په نیویارک کې پای ته رسوي.

نوموړي د کرونا واکسین لومړی خوراک په جنورۍ میاشت کې تر لاسه کړی و.

ویل کیږي ، چې نیویارک ته تلي د ټولو برازیلیانو کتنه مفي اعلام شوې ده.

Continue Reading

کوید۱۹

په برازیل کې د کرونا ویروس مثبتې پېښې ډېرې شوي

خپور شوی

په

توسط

(Last Updated On: وږی ۲۹, ۱۴۰۰)

د برازیل روغتیا وزارت څرګنده کړې، چې تېره شنبه (د وږي ۲۷ / د سپټمبر ۱۸) په دې هېواد کې پر کرونا ویروس اخته ۹۳۵ کسان مړه شوي دي.

دغه راز د یاد وزارت د څرګندونو له مخې؛ د کرونا ویروس ۱۵۰ زره ۱۰۶ مثبتې پېښې ثبت شوې دي.

سرچینې ویلي، له تېرې یوې میاشتې راپدیخوا د دې هېواد په ریو دي جینیروي ښار کې د کرونا ویروس نوې ۹۲۶۱۴ مثبتې پېښې ثبت شوې دي.

د برازیل روغتیا وزارت ټینګار کړی، چې دا پېښې په تېرو څلیریشت ګړیو کې ثبت شوې ندي، بلکې دا هغه پېښې دي، چې په فډرالي سیسټم کې د بدلونونو له کبله یادې شوې ندي.

د برازیل رسنیو څرګنده کړې؛ د دې هېواد په دوه نورو ایالتونو کې هم د کرونا ویروس خپرېدل ډېر شوي دي.

د یادونې ده، چې په ټول برازیل کې له کروناویروس څخه ۵۹۰ زره او ۵۰۸ کسان مړه شوي او د مثبتو پېښو شمېر یې ۲۱.۲ میلیون کسانو ته رسیدلی دی.

Continue Reading

Trending

آریانا نیوز: ټول حقونه خوندي دي