Connect with us

سیمه ییز خبرونه

له امريكا سره پرسترتيژيك تړون خبرې كړكېچنې شوې

Avatar

خپور شوی

 په

(Last Updated On: وږی ۲۲, ۱۳۹۰)

په داسې حال كې، چې طمع كيږي د افغانستان او امريكا د ستراتيژيكو همكاريو طرحه د روان كال له دسمبر مخكې د دواړو هېوادونو له خوا لاسليك شي، خو تراوسه هم  په دې اړه بحثونه دوام لري، چې داهمكاري د يوه تړون په بڼه وي او كه د اعلاميې په توگه .

كه څه هم د افغانستان حكومت د دواړو هېوادونو ترمنځ پرستراتيژيك تړون ټينگاركوي، خو امريكايي چارواكي بيا وايي، چې دا همكارۍ به د اعلاميې په بڼه  تنظيم  شي.

يو شمېرسياسي كارپوهان له حقوقي پلوه د واشنگټن او كابل ترمنځ د ستراتيژيك تړون اجرائيوي ضمانت د اعلاميې په پرتله اغېزناك گڼي .

د افغانستان او امريكا ترمنځ د ستراتيژيكو اړيكو د تړون لاسليك په رسنيو كې يوه توده موضوع گرځيدلې ده.

داسې ښكاري، چې د افغانستان او امريكا ترمنځ په دې اړه بحث حساس پړاو ته  رسيدلى دى .

د افغانستان د بهرنيو چارو وزارت وياند جانان موسى زي د يكشنبې په ورځ(د وږي ۲۰) اعلام وكړ، چې د افغانستان او امريكا ترمنځ د ستراتيژيكو همكاريو تړون به له دسمبر مخكې لاسليك شي .

كه څه هم، چې تر اوسه د دې تړون جزيات نه دي روښانه شوي، خو په اقتصادي برخه، د بېخبناوو په جوړولو او د افغان امنيتي ځواكونو د تمويل او سمبالتيا په برخه كې همكاري، افغانستان حكومت ته د زندانونو سپارل او د شپې پرمهال د امريكايي ځواكونو د عملياتو درول د دې تړون مهم ټكي گڼل كيږي.

په داسې حال كې تراوسه هم په دې برخه كې دواړه هېوادونه په دې بحث كوي، چې ستراتيژيكې همكارۍ د يوه تړون په بڼه لاسليك شي او كه د اعلاميې .

سياسي كارپوه ملك ستيز له ډنماركه د گرځند پر ليكه څرگنده كړې، چې:

امريكا هم موافقې ته د رسيدو په موخه مشخص شرطونه لري .

ملك ستيز ټينگاركوي، چې د افغانستان د اوسني نظام برخليك تر ۲۰۱۴ع كال وروسته د امريكا له رول سره تړلى او حكومت له هغوى سره له  هوكړې پرته بله لاره نه لري.

دا څرگندونې په داسې حال كې كيږي، چې گاونډ هېوادونو په ځانگړي توگه ايران، پاكستان او روسيې په ښكاره له امريكا سره د ستراتيژيك تړون د لاسليك په اړه د افغانستان د تصميم په اړه اندېښنه ښودلې ده.

كه څه هم د افغانستان دولت ډېرځله ويلي، چې له امريكا سره د دغه هېواد اړيكې به د هيڅ هېواد په زيان نه وي، خو ايران او پاكستان د بېلابېلو لاملونو پرلامل په سيمه كې د امريكا په اوږد مهال موجوديت اندېښمن دي

Continue Reading
Advertisement
Click to comment

Leave a Reply

Your email address will not be published.

تازه خبرونه

د پکتيا د سیدکرام ولسوالۍ امنيه قومندان ووژل شو

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د پکتیا سیمه ییزو چارواکو منلې، چې د دې ولایت د سید کرم ولسوالۍ امنیه قومندان له خپلو درې پولیسو سره وژل شوی دی.

د سیدکرم ولسوالۍ ولسوال شریف کلیوال آریانا نیوز ته ویلي، چې تېره شپه د دې ولسوالۍ د امنیه قومندان همایون همت پر موټر د سړک غاړې ماین چاودنه رامڼخته شوې ده.

ښاغلي کلیوال زیاته کړې؛ پېښه هغه مهال رامینځته شوه، چې د پولیسو قومندان تر برید لاندې پوستې مرستې ته روان شو.

سیمه ییزو چارواکو منلې، چې د سید کرم ولسوالۍ امنیه قومندان او درې پولیس وژل شوي او څلور نور سرتېري ټپیان دي.

ښاغلي کالوال دا هم ویلي، چې طالبانو ته ځاني زیان اوښتی؛ خو د جزئیاتو له وړاندې کولو یې ډډه کړې ده.

طالبانو تر دې دمه په دې اړه څه ندي ویلي.

پکتيا د هېواد په جنوب ختيځ کې يو له ناامنو ولايتونو څخه دی، چې په يو شمېر ولسواليو کې يې طالبان پراخې هڅې تر سره کوي.

 

Continue Reading

تازه خبرونه

طالبانو په بدخشان کې څلور عام وګړي وژلي – چارواکي‎

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د بدخشان ولایت سیمه ییز چارواکو ویلي، چې وسلوالو طالبانو په دې ولایت کې پر ۴ ملکي وګړیو ډزې کړې او هغه یې وژلي دي.

د بدخشان والي ویاند نیک محمد نظري ویلي، چې وسلوالو طالبانو د دوشنبې پر ورځ ماښام مهال د دې ولایت د ارغنجخوا په اړوند سیمه کې څلور ملکي وګړي پر ډزو وژلي دي.

نظري زیاته کړې، چې د پېښې قربانیان دوه سړي او د دوی دوه زامن دي.

هغه دا هم ویلي، چې تر دې دمه د پېښې لامل په ډاګه شوی ندی؛ خو پېښه هم د طالبانو تر څار لاندې سیمه کې رامنځته شوې ده.

طالبانو تر دې دمه پدې اړه څه ندي ویلي.

بدخشان یو له ناامنو ولایتونو څخه دی، چې له پاکستان، چین او تاجکستان سره ګډه لري، چې په یو شمېر ولسوالیو کې یې د طالبانو په ګډون القاعده او داعش ډلې پراخې هڅې تر سره کوي.

Continue Reading

تازه خبرونه

د کاپیسا ولایت د ترافیکو آمر ترور شو

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د کاپیسا ولایت امنیتي چارواکو ویلي، چې د دې ولایت د ترافیکو آمر د ناڅرګندو وسلوالو پر ډزو ووژل شو.

د کاپیسا پولیسو ویاند شایق شورش څرګنده کړې، چې د ترافیکو آمر سید منیر نن دوشنبه د غبرګولي ۱۲ د سهار پر اته بجو د دې ولایت د مرکز سید خان کلا  په اړوند سیمه کې د ناڅرګندو وسلوالو لخوا ووژل شو.

شورش دغه پېښه ترورستي ګڼلې او څرګندوي، چې په دې اړه پلټنې روانې دي.

تر دې دمه هیچا د پېښې پړه پر غاړه نده اخیستې.

Continue Reading

Trending